ປກສ ແຂວງຫົວພັນລາຍງານວ່າ: ວັນທີ 5 ມິຖຸນາ 2023 ຜ່ານມານີ້ ປກສ ເມືອງຊຳໃຕ້ ແຂວງຫົວພັນ ໄດ້ກວດຄົ້ນເຮືອນທ້າວ ຄົວຫວ່າງ ອາຍຸ 68 ປີ ຊົນເຜົ່າມົ້ງ ຢູ່ບ້ານຊຳໃຕ້ ເມືອງຊຳໃຕ້ ແຂວງຫົວພັນ ເນື່ອງຈາກເປັນເປົ້າໝາຍ ທີ່ເຈົ້າໜ້າທີ່ຕິດຕາມຄ້າຂາຍຢາເສບຕິດ.

ຜົນການກວດຄົ້ນພົບວ່າຜູ້ກ່ຽວມີຢາເສບຕິດໄວ້ໃນຄອບຄອງປະເພດຢາຝິ່ນ 1,8 ກິໂລກຣາມ, ລູກປືນກິລາ 15 ນັດ, ລູກປືນເຊເປ 7 ນັດ, ລູກປືນ AK44 3 ນັດ, ລູກປືນກາລັງ 15 ນັດ, ປືນແກັບ 1 ກະບອກ ຈຶ່ງໄດ້ກັກຕົວຜູ້ກ່ຽວ ແລະ ເອົາຜູ້ກ່ຽວມາດຳເນີນການສືບສວນ ຫາທີ່ໄປທີ່ມາຂອງຢາເສບຕິດ ແລະ ລູກປືນຈຳນວນດັ່ງກ່າວ ເພື່ອຂະຫຍາຍຜົນ ແລະ ຈະໄດ້ຕິດຕາມຜູ້ຮ່ວມຂະບວນການນຳກັນມາດຳເນີນຄະດີຕາມລະບຽບກົດໝາຍ.

ສະແດງຄຳຄິດເຫັນ