Bitcoin ສະກຸນເງິນຄຣິບໂຕທີ່ມີມູນຄ່າຕະຫຼາດສູງທີ່ສຸດໃນໂລກໄດ້ສ້າງສະຖິຕິມູນຄ່າສູງເປັນປະຫວັດສາດເມື່ອຊ່ວງ 12.00 ໂມງ (ຕາມເວລາໄທ) ຂອງວັນທີ 5 ຕຸລາທີ່ຜ່ານມາ ໂດຍໄປແຕະຢູ່ທີ່ 125,245.57 ໂດລາສະຫະລັດ (ຫຼືປະມານ 4 ລ້ານບາດ)

ມູນຄ່າສູງສຸດຂອງ Bitcoin ໃນຊ່ວງກ່ອນໜ້ານີ້ແມ່ນ 124,480 ໂດລາສະຫະລັດໃນຊ່ວງກາງເດືອນສິງຫາທີ່ຜ່ານມາ ເຊິ່ງເປັນຊ່ວງທີ່ລັດຖະບານສະຫະລັດອາເມລິກາອອກມາດຕະການທີ່ເປັນມິດກັບຜູ້ຖື Bitcoin ຫຼາຍຂຶ້ນ ແລະຄວາມຕ້ອງການຂອງນັກລົງທຶນສະຖາບັນທີ່ເພີ່ມຂຶ້ນດ້ວຍ

ເມື່ອທຽບກັບຊ່ວງເວລາເປີດຕະຫຼາດຫຼັກຊັບແລ້ວ ຖືໄດ້ວ່າ Bitcoin ສ້າງມູນຄ່າສູງຕໍ່ເນື່ອງ 8 ຊ່ວງການຊື້ຂາຍ ເປັນຜົນມາຈາກມູນຄ່າຊັບສິນສະຫະລັດທີ່ເພີ່ມຂຶ້ນ ແລະປະລິມານເງິນທີ່ໄຫຼເຂົ້າໄປຍັງກອງທຶນຄຣິບໂຕທີ່ເພີ່ມຂຶ້ນດ້ວຍ

ໃນທາງກັບກັນ ມູນຄ່າຂອງໂດລາສະຫະລັດປັບຕົວຫຼຸດລົງເມື່ອວັນສຸກທີ 3 ຕຸລາທີ່ຜ່ານມາ ເຊິ່ງຖືວ່າເປັນການປັບຕົວຫຼຸດລົງຕໍ່ເນື່ອງເປັນເວລາຫຼາຍອາທິດ ໂດຍສຳນັກຂ່າວ Reuters ຊີ້ວ່າເປັນຜົນມາຈາກຄວາມບໍ່ແນ່ນອນຫຼັງເຫດການລະງັບການຈ່າຍເງິນງົບປະມານຈາກລັດຖະສະພາ ເນື່ອງຈາກຄວາມບໍ່ລົງກັນໃນດ້ານນະໂຍບາຍລະຫວ່າງສອງພັກໃຫຍ່

ທີ່ມາ: Reuters

ສະແດງຄຳຄິດເຫັນ