ໃນວັນທີ 23 ມິຖຸນາ 2023, ທີ່ສະໜາມທໍາລາຍສິນຄ້າດ່ານຊາຍແດນສາກົນນໍ້າພາວ ເມືອງຄຳເກີດ ແຂວງບໍລິຄຳໄຊ ໄດ້ທໍາລາຍໝາກເຜັດສົດຈຳນວນ 4 ໂຕນ ທີ່ນໍ້າເຂົ້າຈາກຫວຽດນາມ ໂດຍບໍ່ຖືກຕ້ອງຕາມລະບຽບການຂອງ ສປປ ລາວ.

ໂດຍວັນທີ 21-22 ມິຖຸນາ 2023 ຜ່ານມາ ເຈົ້າໜ້າທີ່ດ່ານຊາຍແດນສາກົນນໍ້າພາວໄດ້ຢຶດສິນຄ້າກະສິກໍາທີ່ນໍາເຂົ້າບໍ່ຖືກຕ້ອງຕາມລະບຽບການ (ປະເພດໝາກເຜັດສົດ) ຈໍານວນ 4.000 ກິໂລກຣາມ ລວມມູນຄ່າ 68 ລ້ານກີບ ທີ່ຊຸກເຊື່ອງມານໍາລົດເມ ນໍາເຂົ້າໂດຍທ້າວ ເສົາ ອາຍຸ 38 ປີ ແລະ ທ້າວ ດ່າຍ ອາຍຸ 35 ປີ ທັງສອງສັນຊາດຫວຽດນາມ.ການຢຶດ ແລະ ທຳລາຍຄັ້ງນີ້ແມ່ນດ້ວຍການຝັງດິນ ເຊິ່ງປະຕິບັດຕາມກົດລະບຽບສປປ ລາວ ເປັນການຫລຸດຜ່ອນການນໍາເຂົ້າທີ່ຄົນລາວສາມາດຜະລິດໄດ້.

ຂ່າວ: ຖວທ ເມືອງຄຳເກີດ

ສະແດງຄຳຄິດເຫັນ