ເຈົ້າໜ້າທີ່ກວດກາການຄ້າ ແຂວງບໍ່ແກ້ວ ຈັດພິທີທໍາລາຍສິນຄ້າປອມແປງ, ສິນຄ້າຫຼອກຮຽນແບບ, ສິນຄ້າເສືອມຄຸນ ແລະ ສິນຄ້າຫ້າມຈໍາໜ່າຍ ຢູ່ພາຍໃນ ສປປ ລາວ.ໃນຕອນບ່າຍ ຂອງວັນທີ 30 ມິຖຸນາ 2023 ພະແນກອຸດສາຫະກໍາ ແລະ ການຄ້າ ແຂວງບໍ່ແກ້ວ ສົມທົບຂະແໜງການທີ່ກ່ຽວຂ້ອງຂອງແຂວງ ແລະ ເມືອງ ຈັດພິທີທໍາລາຍສິນຄ້າປອມແປງ, ສິນຄ້າຫຼອກຮຽນແບບ, ສິນຄ້າເສືອມຄຸນ ແລະ ສິນຄ້າຫ້າມຈໍາໜ່າຍ ຢູ່ພາຍໃນ ສປປ ລາວ ຈໍານວນ 102 ລາຍການ ຕົ້ນຕໍແມ່ນສິນຄ້າໝວດສະບຽງອາຫານ, ເຄື່ອງສໍາອາງ ແລະ ຜະລິດຕະພັນຢາສູບນອກລະບົບ ລວມເປັນມູນຄ່າ 41.011.000 ກີບ.

ກໍລະນີພົບເຫັນມີການຈໍາໜ່າຍສິນຄ້າປອມແປງ, ສິນຄ້າເສືອມຄຸນ ແລະ ຜະລິດຕະພັນຢາສູບນອກລະບົບ ແຈ້ງເຈົ້າໜ້າທີ່ກວດກາການຄ້າ ໄດ້ທີ່ເບີ 1510 ຫຼຶ 02059127300, 54554210

ພາບ,ຂ່າວ: ຂະແໜງການຄ້າພາຍໃນ

ທີ່ມາ ພະແນກອຸດສາຫະກໍາ ແລະ ການຄ້າແຂວງບໍ່ແກ້ວ

ສະແດງຄຳຄິດເຫັນ