ດວງ-Tou-Vientianepost - 2023-08-10T204338.104
ອົງການກາແດງລາວ ໄດ້ຮັບ ການຊ່ວຍເຫລືອຈາກ 2 ສະມາຄົມ
ຮຽບຮຽງໂດຍ:Staff
ເຜີຍແຜ່: 10 ເດືອນສິງຫາ, 2023
ໝວດ: ຂ່າວ

ໃນວັນທີ 9 ສີງຫາ 2023 ທີ່ອົງການກາແດງແຫ່ງຊາດລາວ ໄດ້ຈັດພິທີມອບ-ຮັບເຄື່ອງຊ່ວຍ ເຫລືອຈາກ 2 ພາກສ່ວນ ຄື: ສະມາຄົມຄຳເຄື່ອງປະດັບ ແລະ ອັນຍະມະນີລາວ ແລະ ມູນນິທິຮ່ວມໃຈພັດທະນາລາວ ເພື່ອນຳໄປບັນເທົາທຸກແກ່ຜູ້ປະສົບໄພນ້ຳຖ້ວມ 3 ແຂວງຄື: ແຂວງບໍລິຄຳໄຊ ແຂວງຄຳມ່ວນ ແລະ ແຂວງສະຫວັນນະເຂດ. ຕາງໜ້າມອບໂດຍທ່ານ ພູວົງ ພະມີສິດ ປະທານສະມາຄົມຄຳເຄື່ອງປະດັບ ແລະ ອັນ ຍະມະນີລາວ ແລະ ຕາງໜ້າຮັບໂດຍທ່ານ ພູທອນ ເມືອງປາກ ປະທານອົງ ການກາແດງ ແຫ່ງຊາດລາວ ພ້ອມດ້ວຍທ່ານ ຮອງປະທານອົງການກາແດງແຫ່ງຊາດລາວ ແລະ ພາກ ສ່ວນກ່ຽວຂ້ອງທັງສອງຝ່າຍ ເຂົ້າຮ່ວມ.

ໂອກາດນີ້, ທ່ານ ພູວົງ ພະມີສິດ ໄດ້ກ່າວວ່າ: ຊ່ວຍເຫລືອທີ່ມາຊ່ວຍເຫລືອຄັ້ງນີ້ ແມ່ນການຮິບໂຮມ ນ້ຳໃຈ ສະມາຊິກພາຍໃນຄອບຄົວ ແລະ ສະມາຊິກຂອງສະມາຄົມ ແລະ ມູນນິທິ ປະກອບມີເຄື່ອງບໍລິ ໂພກ ທີ່ຈຳເປັນຈຳນວນໜຶ່ງ ພ້ອມເງິນສົດ ລວມມູນຄ່າທັງໝົດ 52.390.000 ກີບ ໂດຍມອບໃຫ້ແກ່ອົງການກາແດງແຫ່ງຊາດລາວ ເພື່ອນຳໃຊ້ເຂົ້າໃນວຽກງານທາງດ້ານມະນຸດສະທຳ. ໃນໄລຍະຜ່ານຜ່ານມາທາງສະມາຄົມ ແລະ ມູນນິທິ ກໍຄືໃນນາມສ່ວນຕົວຄອບຄົວ ກໍໄດ້ໃຫ້ການປະກອບສ່ວນ ຊ່ວຍເຫລືອສັງຄົມມາໂດຍຕະຫລອດ ໂດຍສະເພາະກິດຈະກຳບໍລິຈາກເລືອດ ແລະ ໃນໂອກາດອັນໃກ້ ນີ້ຍັງມີແຜນ ຈະຈັດກິດຈະກຳບໍລິຈາກເລືອດ ເພື່ອຊ່ວຍເຫລືອສັງຄົມຕຶ່ມອີກ, ພ້ອມຈະສືບຕໍ່ໃຫ້ການປະກອບ ສ່ວນ ຊ່ວຍເຫລືອສັງຄົມ ເພື່ອຕອບແທນກັບສັງຄົມ ທີ່ໃຫ້ການຊຸກຍູ້ສົ່ງເສີມຕະຫລອດມາ.

ທ່ານ ພູທອນ ເມືອງປາກ ກໍໄດ້ກ່າວສະແດງຄວາມຂອບໃຈ ຕໍ່ສະມາຄົມຄຳເຄື່ອງປະດັບ ແລະ ອັນຍະມະນີລາວ ແລະ ມູນນິທິຮ່ວມໃຈ ພັດທະນາລາວ ໂດຍສະເພາະແມ່ນທ່ານ ພູວົງ ພະມີສິດ ທີ່ໄດ້ມອບເຄື່ອງຊ່ວຍເຫລືອ ທາງດ້ານມະນຸດສະທຳຕະຫລອດມາ, ທັງສັນຍາວ່າ ເຄື່ອງຊ່ວຍເຫລືອ ແລະ ເງິນຈຳນວນດັ່ງກ່າວ ຈະນຳໃຊ້ເຂົ້າໃນວຽກງານມະນຸດສະທຳ ຂອງອົງການກາແດງແຫ່ງຊາດລາວ ໃຫ້ເກີດປະໂຫຍດສູງສຸດ ແລະ ຈະນຳເອົາການຊ່ວຍເຫລືອຄັ້ງນີ້ ໄປເຖິງມືປະຊາຊົນຜູ້ໄດ້ຮັບຜົນກະທົບ ແລະ ຫວັງຢ່າງຍິ່ງວ່າ ຈະໄດ້ຮັບການຊ່ວຍເຫລືອອຸປະຖຳຄ້ຳຊູ ຈາກທ່ານໃນໂອກາດຕໍ່ໄປ.

ທີ່ມາ ປະເທດລາວ Pathedlao

ສະແດງຄຳຄິດເຫັນ

ຂ່າວມາໃໝ່ 
2
ການປູກພືດຜັກປອດສານພິດຂາຍ ສາມາດສ້າງລາຍຮັບໄດ້ຫລາຍລ້ານກີບຕໍ່ປີ
2
ລະວັງ! ຝົນ ຍັງສືບຕໍ່ຕົກເປັນວົງກວ້າງ ອາດຈະເກີດນ້ຳຖ້ວມຊຸ ແລະ ດິນເຈື່ອນ 
2
ຍາມຝົນ ຮ່ວມກັນອະນາໄມຫົນທາງ ຫລີກເວັ້ນບັນຫານໍ້າຖ້ວມຂັງ
2
ລົດດາມ ຂົນຫິນຕົກບັກຫງາຍທ້ອງລົງນຳ້ຄານ ນະຄອນຫລວງພະບາງ ຄົນຂັບລອດວຸດວິດ
2
ເຊກອງ ຕ້ອງການທຶນເພື່ອພັດທະນາຫຼາຍກວ່າ 1 ພັນຕື້ກີບ
2
ກົກໂພໃຫຍ່ຫັກ ຢູ່ວັດສະພັງເມິກ ເມືອງໄຊທານີ ເສຍຫາຍ 100 ກວ່າລ້ານກີບ
2
ເຈົ້າໜ້າທີ່ຈັບໄວ້ລຸ້ນ ຮ່ວມກັນປຸ້ນເອົາລົດຈັກ
2
ຈົ່ງພ້ອມກັນເພີ່ມທະວີເຂັ້ມງວດໃນການຄຸ້ມຄອງ ແລະ ປົກປັກຮັກສາຊັບພະຍາກອນທໍາມະຊາດ ແລະ ສິ່ງແວດລ້ອມ
2
ສວນພຶກສາຈະຈັດກິດຈະກໍາວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ
2
ທາສີຂອບທາງເຂດບ້ານໂພນສີນວນ ຈາກຂາວແດງ ເປັນຂາວດຳ
ຢ່າລື່ມກົດຕິດຕາມ