ດວງ-Tou-Vientianepost - 2023-08-19T102237.258
ເຈົ້າໜ້າທີ່ ຢຶດຢາໄອສ໌ 840 ກວ່າກິໂລກຼາມທີ່ແຂວງບໍ່ແກ້ວ
ຮຽບຮຽງໂດຍ:Staff
ເຜີຍແຜ່: 19 August, 2023
ໝວດ: ຂ່າວ

ໃນວັນທີ 8-9 ສິງຫາ 2023 ຜ່ານມາ, ເຈົ້າໜ້າທີ່ວິຊາສະເພາະ ປກສ ແຂວງບໍ່ແກ້ວ ສົມທົບກັບກອງກໍ່ສ້າງຮາກຖານການເມືອງ 918 ໄດ້ກວດກາລາດຕະເວນຕາມຄວາມຮັບ ຜິດຊອບລະຫວ່າງບ້ານພຽງງາມ ຫາ ບ້ານດອນສະຫວັນ ເມືອງຕົ້ນເຜິ້ງ ແລະ ບ້ານສີດອນມີ ພົບເຫັນຢາເສບຕິດ ປະເພດຢາໄອສ໌ 840 ກວ່າກິໂລກຼາມ ແລະ ລົດກະບະ 2 ຄັນ ສ່ວນຜູ້ຖືກຫາແມ່ນເອົາຕົວຫຼົບໜີ.

ເຈົ້າໜ້າທີ່ໃຫ້ຮູ້ວ່າ: ໃນວັນທີ 8 ສິງຫາ 2023, ເຈົ້າໜ້າທີ່ຕຳຫຼວດ ປກສ ເມືອງຕົ້ນເຜິ້ງ ແຂວງບໍ່ແກ້ວ ໄດ້ລົງກວດກາລາດຕະເວນຂອບເຂດບ້ານພຽງງາມ ຫາ ບ້ານດອນສະຫວັນ ເມືອງຕົ້ນເຜິ້ງ ພົບເຫັນຖົງສີດຳ ຈຳນວນ 4 ຖົງຢູ່ແຄມຝັ່ງແມ່ນໍ້າຂອງ ຫ່າງຈາກບ້ານດອນສະຫວັນ ປະມານ 300 ແມັດ ຈຶ່ງໄດ້ກວດກາຊັນລະສູດສະຖານທີ່ ແລະ ຖົງດຳຈຳນວນດັ່ງກ່າວ ຈຶ່ງສາມາດລະບຸໄດ້ວ່າຢາເສບຕິດທີ່ຢູ່ໃນຖົງນັ້ນແມ່ນປະເພດຢາໄອສ໌ ຈຳນວນ 120 ຫໍ່ ເທົ່າກັບ 120 ກິໂລກຼາມ.

ສ່ວນວັນທີ 9 ສິງຫາ 2023, ເວລາ 1:45 ໂມງ ພະນັກງານກໍ່ສ້າງຮາກຖານການເມືອງ ປະຈຳຢູ່ບ້ານສີດອນມີ ໄດ້ຮັບແຫຼ່ງຂ່າວຈາກພົນລະເມືອງດີວ່າ ຈະມີກຸ່ມຄົນບໍ່ດີຂົນສົ່ງຢາເສບຕິດ ຈຶ່ງໄດ້ອອກກວດກາລາດຕະເວນພົບເຫັນກຸ່ມຄົນຈໍານວນໜຶ່ງກຳລັງຂົນຢາເສບຕິດຂຶ້ນລົດຢູ່ທ່ານໍ້າຫົວ ບ້ານສີດອນມີ ເມື່ອພວກເຂົາເຫັນເຈົ້າ ໜ້າທີ່ແລ້ວ ກໍໄດ້ເອົາຕົວຫຼົບໜີ ລົງໄປທາງແຄມນໍ້າຂອງ. ຫຼັງຈາກນັ້ນ, ກໍໄດ້ຍິນສຽງປືນດັງຂຶ້ນປະມານ 5 ຫາ10 ນັດ ແຕ່ບໍ່ຮູ້ວ່າແມ່ນພາກສ່ວນໃດເປັນຜູ້ຍິງ ແລະ ເຈົ້າ ໜ້າທີ່ໄດ້ເຂົ້າໄປກວດກາພົບເຫັນລົດ 2 ຄັນ ຄື: ລົດວີໂກ້ 1 ຄັນ ມີຢາໄອສ໌ບັນຈຸຢູ່ 18 ເປົາ ແລະ ເປົາບັນ ຈຸຖົງຢາງ 1 ເປົາ; ສ່ວນລົດຣີໂວ້ 1 ຄັນ ໝາຍເລກທະບຽນ ກກ 4844 ບໍ່ແກ້ວ ມີຈຳນວນ 7 ເປົາ.

ຫຼັງຈາກນັ້ນ, ໄດ້ປະສານຫາກອງກໍ່ສ້າງຮາກຖານ 918 ແລະ ກອງຮ້ອຍທະຫານຊາຍ ແດນ ຄ 122 ເພື່ອມາເຄື່ອນຍ້າຍຢາເສບຕິດຈຳນວນດັ່ງກ່າວ. ສໍາລັບລົດທັງ 2 ຄັນແມ່ນເຈົ້າໜ້າທີ່ຮາກຖານ ແລະ ທະຫານຊາຍແດນ ໄດ້ຍາມໄວ້ຢູ່ຈຸດເກີດເຫດ ເພາະວ່າບໍ່ມີກະແຈລົດ; ໃນນັ້ນ, ຜ່ານກວດກາລົດທັງ 2 ຄັນ ເຫັນວ່າ ມີຢາເສບຕິດ ປະເພດຢາໄອສ໌ ຈໍານວນ ທັງໝົດມີ 25 ເປົາ ແລະ ເປົາຖົງຢາງບັນຈຸຢາເສບຕິດ ຈໍານວນ 1 ເປົາ, ມີຢາເສບຕິດປະເພດຢາໄອສ໌ ຈຳນວນ 720 ຫໍ່ ນໍ້າ ໜັກ 720 ກິໂລກຼາມ ແລະ ປຶ້ມທະບຽນລົດ, ໃບທະບຽນລົດ ແລະ ໃບຂັບຂີ່ອອກ ຊື່ ທ້າວ ອາກອງ ຢູ່ເມືອງຕົ້ນເຜິ້ງ ແລະ ເອກະສານເຊົ່າສິນເຊື່ອຂອງ ນາງ ຈັນຟອງ ຢູ່ບ້ານນໍ້າເກີງໃໝ່ ເມືອງຕົ້ນເຜິ້ງ.

ປັດຈຸບັນ, ຄະດີດັ່ງກ່າວເຈົ້າໜ້າທີ່ ຂອງ ປກສ ແຂວງບໍ່ແກ້ວ ພວມດຳເນີນການສືບສວນ-ສອບສວນຫາເຈົ້າຂອງຢາມາດຳເນີນຄະດີຕາມລະບຽບກົດໝາຍ.

ທີ່ມາ: ຄວາມສະຫງົບ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Thursday, 10 July, 2025
ສະກຸນເງິນ
ຊື້
ຂາຍ
united-states
USD
21,403
21,678
thailand (1)
THB
657.29
669.12
european-union
EUR
24,169
24,653
china
CNY
2,912
2,970
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
pele - 2025-07-10T160617.198
ເລຂາທິການໃຫຍ່, ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຂອງ ຮອງນາຍົກລັດຖະມົນຕີ ແຫ່ງ ສສ. ຫວຽດນາມ.
site cover1 (38)
ພົບຂໍ້ບົກພ່ອງໃນ WinRAR ເຮັດໃຫ້ມັນແວຮ໌ລໍ່ລວງໃຫ້ໂປຮແກຮມສາມາດຄາຍໄຟລ໌ໄປຍັງໂຟນເດີທີ່ຕ້ອງການໄດ້
pele - 2025-07-10T144940.132
ເປີດງານສະຫຼອງວັນສ້າງຕັ້ງສະຫະພັນແມ່ຍິງລາວ ຄົບຮອບ 70 ປີ
site cover1 (37)
Zoom ເປີດໂຕຄວາມສາມາດ Agentic AI ໃໝ່ ຊ່ວຍເພີ່ມປະສິດທິຜົນການເຮັດວຽກຂ້າມແພລດຟອມ
pele - 2025-07-10T140247.415
ລັດຖະມົນຕີກະຊວງການຕ່າງປະເທດ ເເຫ່ງ ສປປ ລາວ ເຂົ້າຮ່ວມກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 (ເເບບຄົບຄະນະ) ແລະ ກອງປະຊຸມລັດຖະມົນຕີຕ່າງປະເທດອາຊຽນ ຄັ້ງທີ 58 (ເເບບວົງເເຄບ)
site cover1 (36)
Nvidia ສ້າງປະຫວັດສາດ! ບໍລິສັດທຳອິດທີ່ມີມູນຄ່າເກີນ 4 ລ້ານລ້ານໂດລາ ຮັ່ງມີທີ່ສຸດໃນໂລກ
site cover1 (35)
ຜົນບານ ປາຣີ ແຊັງແຊກແມັງ 4-0 ເຣອັລ ມາດຣິດ ເຂົ້າຊິງພົບກັບເຊລຊີ ຊິງແຊ້ມສະໂມສອນໂລກ 2025
pele - 2025-07-10T101051.920
ລັດຖະມົນຕີກະຊວງການຕ່າງປະເທດ ລາວ ແລະ ຫວຽດນາມ ປຶກສາຫາລືເພື່ອເສີມຂະຫຍາຍການພົວພັນຮ່ວມມື
_cover - 2025-07-10T094430.930
2 ປີນັກສັດ ດວງເງິນເດັ່ນ ເງິນມາແບບບໍ່ຮູ້ຕົວ ແຖມລຸ້ນໂຊກບໍ່ຄາດຝັນ
pele - 2025-07-09T160026.070
ເປີດນຳໃຊ້ອາຄານສຳນັກງານ ທະນາຄານພັດທະນາລາວ ເມືອງຕະໂອ້ຍ
ຢ່າລື່ມກົດຕິດຕາມ