ເຈົ້າໜ້າທີ່ຕໍາຫລວດພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງວຽງຈັນ ໄດ້ລົງເຄື່ອນໄຫວວຽກງານວິຊາສະເພາະ ຢູ່ຂອບເຂດບ້ານຖິ່ນຍຸງ ເມືອງວຽງຄຳ ແຂວງວຽງຈັນ ສາມາດກັກເປົ້າໝາຍຄ້າ-ຂາຍຢາເສບຕິດໄດ້ 2 ຄົນ ຄື: ທ້າວ ແຫລ້ ອາຍຸ 26 ປີ ອາຊີບເຮັດນາ ຢູ່ບ້ານຖິ່ນຍຸງ ເມືອງວຽງຄຳ ແຂວງວຽງຈັນ, ພ້ອມຂອງກາງຢາບ້າ 83 ເມັດ ມາທໍາການສອບສວນ. ຈາກນັ້ນ, ຜູ້ກ່ຽວຍັງໄດ້ໃຫ້ການຊັກທອດຫາຜູ້ຮ່ວມຂະບວນການ ຊື່ ທ້າວ ໝາຍ ອາຍຸ 42 ປີ ອາຊີບກໍາມະກອນ ຢູ່ບ້ານ ຖິ່ນຍຸງ ເມືອງວຽງຄຳ ແຂວງວຽງຈັນ ຖືກກັກຕົວວັນທີ 1 ສິງຫາ 2023 ພ້ອມດ້ວຍຂອງກາງຢາບ້າ 2.592 ເມັດ ມາທໍາການສືບສວນ-ສອບສວນ.

ປັດຈຸບັນ, ເຈົ້າໜ້າທີ່ວິຊາສະເພາະ ໄດ້ເລັ່ງສືບສວນ-ສອບສວນພວກກ່ຽວທັງສອງຄົນ ເພື່ອຂະຫຍາຍຜົນຫາກຸ່ມເແກ້ງ, ເຄືອຂ່າຍ ແລະ ຜູ້ຮ່ວມຂະບວນການມາລົງໂທດຕາມລະບຽບກົດໝາຍ.

ສະແດງຄຳຄິດເຫັນ