ດວງ-Tou-Vientianepost (16)
ຮອງນາຍົກລັດຖະມົນຕີ ເຄື່ອນໄຫວເຮັດວຽກຢູ່ແຂວງບໍລິຄຳໄຊ ແລະ ຢ້ຽມຢາມສູນຟື້ນຟູຜູ້ຕິດຢາເສບຕິດ
ຮຽບຮຽງໂດຍ:Staff
ເຜີຍແຜ່: 8 September, 2023
ໝວດ: ຂ່າວ

ວັນທີ 6 ກັນຍາ 2023, ທ່ານ ພົນເອກ ວິໄລ ຫລ້າຄໍາຟອງ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ໄດ້ເຄື່ອນໄຫວພົບປະຢ້ຽມຢາມ ແລະ ເຮັດວຽກຢູ່ແຂວງບໍລິຄຳໄຊ, ໂດຍມີ ທ່ານ ກອງແກ້ວ ໄຊສົງຄາມ ເຈົ້າແຂວງບໍລິຄຳໄຊ ຕ້ອນຮັບ ແລະ ລາຍງານຫຍໍ້ກ່ຽວກັບສະພາບການພັດທະນາເສດຖະກິດ-ສັງຄົມຂອງແຂວງ ເຊິ່ງໄດ້ສຸມໃສ່ຜັນຂະຫຍາຍນະໂຍບາຍ ແລະ ວຽກງານຈຸດສຸມ ເພື່ອແກ້ໄຂຄວາມບໍ່ສະຫງົບພາຍໃນແຂວງ ເປັນຕົ້ນ ແມ່ນການແກ້ໄຂ 4 ເຖື່ອນເຊັ່ນ: ຄົນເຖື່ອນ, ລົດເຖື່ອນ, ອາວຸດເຖື່ອນ ແລະ ສິນຄ້າເຖື່ອນ ແລະ 9 ຫົວຂໍ້ສໍາມະນາວິທະຍາສາດ, ໂດຍລວມແລ້ວໃນໄລຍະຜ່ານມາ ແຂວງບໍລິຄໍາໄຊ ຍັງສືບຕໍ່ມີສະຖຽນລະພາບທາງດ້ານການເມືອງ, ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພື້ນຖານ, ເສດຖະກິດຍັງສືບຕໍ່ຂະຫຍາຍຕົວຢ່າງຕໍ່ເນື່ອງ.

ໂອກາດນີ້, ທ່ານ ພົນເອກ ວິໄລ ຫລ້າຄໍາຟອງ  ໄດ້ນຳເອົາຄວາມເປັນຫ່ວງເປັນໃຍຈາກລັດຖະບານມາສູ່ຄະນະພັກ, ອົງການປົກຄອງແຂວງ ກໍຄື ພະນັກງານ, ທະຫານ, ຕ່ຳຫລວດ ຕະຫລອດຮອດປະຊາຊົນບັນດາເຜົ່າພາຍໃນແຂວງບໍລິຄຳໄຊ, ພ້ອມທັງໄດ້ມອບເງິນສົດ 200 ລ້ານກີບ ໃຫ້ອໍານາດການປົກຄອງແຂວງ ເພື່ອນໍາໄປປະກອບສ່ວນເຂົ້າໃນການແກ້ໄຂຜົນກະທົບໄພພິບັດ ຢູ່ແຂວງບໍລິຄຳໄຊ ຕື່ມອີກ.

ພ້ອມນີ້, ກໍໄດ້ລົງໄປຢ້ຽມຢາມ ແລະ ພົບປະການນໍາຢູ່ສູນຟື້ນຟູຜູ້ຕິດຢາເສບຕິດ ໜອງດົງ ເມືອງປາກກະດິງ ແລະ ໄດ້ຮັບຟັງການລາຍງານຈາກຫົວໜ້າຄ້າຍຄຸມຂັງ-ດັດສ້າງ ປກສ ແຂວງ ກ່ຽວກັບການຈັດຕັ້ງປະຕິບັດວຽກງານຢູ່ຄ້າຍຄຸມຂັງ-ດັດສ້າງ ເຊິ່ງຍົກໃຫ້ເຫັນດ້ານດີ, ດ້ານອ່ອນ, ຂໍ້ສະດວກ ແລະ ຂໍ້ຫຍຸ້ງຍາກ ເຊິ່ງໄລຍະຜ່ານມາຄ້າຍຄຸມຂັງ-ດັດສ້າງ ໄດ້ເຮັດໜ້າທີ່ສຶກສາອົບຮົມຜູ້ກະທໍາຜິດ, ເຮັດໜ້າທີ່ເບິ່ງແຍງປິ່ນປົວເວລານັກໂທດດັດສ້າງເຈັບເປັນ, ອຳນວຍຄວາມສະດວກດ້ານອາຫານການກິນ, ຊຸກຍູ້ສົ່ງເສີມໃຫ້ເຂົາເຈົ້າອອກແຮງງານການຜະລິດປູກຝັງ, ລ້ຽງສັດ, ແກະສະຫລັກໄມ້, ຖັກແສ່ວ, ສານແຫ ແລະ ອື່ນໆ ເພື່ອເປັນສິນຄ້າວາງຂາຍຕາມທ້ອງຕະຫລາດ, ທັງເປັນລາຍໄດ້ສ່ວນໜຶ່ງໃນການຊື້ອາຫານການກິນ ແລະ ຊື້ເຄື່ອງນຸ່ງຫົ່ມຂອງເຂົາເຈົ້າ.

ຂ່າວ: ແຂວງບໍລິຄຳໄຊ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 4 July, 2025
ສະກຸນເງິນ
ຊື້
ຂາຍ
united-states
USD
21,398
21,673
thailand (1)
THB
659.07
670.93
european-union
EUR
24,168
24,652
china
CNY
2,906
2,964
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-07-07T135934.114
ພາຍຸ "ດານັສ" ຖະລົ່ມໄຕ້ຫວັນ ເສຍຊີວິດ 2 ຄົນ ບາດເຈັບເກີນ 300 ຄົນ
_cover - 2025-07-07T130311.646
ງານວິໄຈເປີດເຜີຍ ສີປະສົມອາຫານສົ່ງຜົນໃຫ້ເດັກນ້ອຍສະມາທິສັ້ນ - ໂລກມະເຮັງ ໂດຍສະເພາະສີແດງ
_cover - 2025-07-07T105647.518
ນາງ ສົມສະນຸກ ຫຼື (ບີ່) ອາຍຸ 35 ປີ ກໍ່ເຫດຄາດຕະກຳ ແມ່ເຖົ້າ ອາຍຸ 87 ປີ ເອົາຊັບໄປໃຊ້ໜີ້
_cover - 2025-07-07T103429.434
ຍີ່ປຸ່ນກຽມຂາຍ 'ເຮືອພິຄາດມືສອງ' ໃຊ້ງານມາ 30 ປີໃຫ້ຟີລິບປິນໃຊ້ຕ້ານອິດທິພົນ 'ຈີນ'
_cover - 2025-07-07T100053.816
ເຢຍລະມັນຄົ້ນພົບ "ໂຮງງານໄຂມັນ" ໂບຮານ ໂດຍມະນຸດນີແອນເດີທານ ຍຸກກ່ອນປະຫວັດສາດເມື່ອປະມານ 125,000 ປີກ່ອນ
_cover - 2025-07-07T092345.589
ນ້ຳຖ້ວມລັດເທັກຊັສ ຜູ້ເສຍຊີວິດເພີ່ມຂຶ້ນບໍ່ຢຸດ ຫຼ້າສຸດພົບຜູ້ເສຍຊີວິດລວມ 78 ຄົນ
pele - 2025-07-04T152520.452
ກອງປະຊຸມໃຫຍ່ຜູ້ເເທນສະຫະພັນກຳມະບານສະພາແຫ່ງຊາດຄັ້ງທີ 6
pele - 2025-07-04T134851.944
ແຈ້ງການອັບເດດຕາຕະລາງແລ່ນລົດໄຟຫລ້າສຸດຂອງ ບໍລິສັດ ທາງລົດໄຟລາວ-ຈີນ ຈຳກັດ.
_cover - 2025-07-04T130459.773
ນັກວິໄຈຕົກໃຈ!! ChatGPT "ຂັບຍານອະວະກາດ" ໄດ້ດີກວ່າທີ່ຄາດ!
_cover - 2025-07-04T120352.655
"ປູຕິນ" ກ່າວວ່າ ຣັດເຊຍຈະບໍ່ຍອມຖອຍຈາກເປົ້າໝາຍສົງຄາມໃນຢູເຄຣນ
ຢ່າລື່ມກົດຕິດຕາມ