2
ຊາຍຊາວຈີນຂັບຂີ່ລົດກະບະຕໍາລົດຈັກ ແລະ ລົດໃຫຍ່ລວມ 10 ຄັນ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 14 ເດືອນທັນວາ, 2023
ໝວດ: ຂ່າວ

ໃນວັນທີ 14 ທັນວາ 2023, ພັທ ສຸນີ ໄຊຍະວົງ ຮອງຫົວໜ້າພະແນກຕໍາຫຼວດ ຊີ້ນໍາວຽກງານຕໍາຫຼວດຈະລາຈອນ ເມືອງໄຊທານີ ນະຄອນຫຼວງວຽງຈັນ ໄດ້ຊີ້ແຈງຕໍ່ສື່ມວນຊົນ ປກສ ວ່າ: ເຫດການຊາຍຊາວຈີນຂັບຂີ່ ລົດກະບະຟອດ ສີຂາວ ບໍ່ມີປ້າຍທະບຽນ ໄດ້ຂັບຂີ່ດາດເອົາລົດຈັກ ຈຳນວນ 6 ຄັນ ແລະ ລົດກະບະວີໂກ້ ຈໍານວນ 4 ຄັນ ແລ້ວບໍ່ຢຸດຈອດ ເກີດຈາກຜູ້ຂັບຂີ່ລົດຢູ່ໃນສະພາບມຶນເມົາ ພາຍຫຼັງເກີດອຸບັດຕິເຫດແລ້ວການສື່ສານກັບຄູ່ກໍລະນີບໍ່ເຂົ້າໃຈກັນຈຶ່ງເຮັດໃຫ້ປະຊາຊົນຈໍານວນໜຶ່ງໄລ່ຕາມ ຈົນເຈົ້າໜ້າທີ່ຕໍາຫຼວດຈະລາຈອນສາມາດຈັບຕົວໄດ້ຢູ່ບໍລິເວນໄຟອໍານາດດອນໜູນ.

ກ່ອນເກີດເຫດ, ເວລາປະມານ 7:00 ໂມງຂອງວັນທີ 6 ທັນວາ 2023, ໄດ້ມີພົນລະ ເມືອງດີ ໂທລະສັບແຈ້ງຫາເຈົ້າໜ້າທີ່ຕໍາຫຼວດຈະລາຈອນເມືອງໄຊທານີ ວ່າ: ມີລົດກະບະ ຍີ່ຫໍ້ ຟອດ ສີຂາວ ບໍ່ມີປ້າຍທະບຽນ ໄດ້ຂັບຂີ່ດາດເອົາລົດຈັກແລ້ວບໍ່ຢຸດຈອດ ຢູ່ເສັ້ນທາງເລກ 10 ເຂດບ້ານທົ່ງມັ່ງ ເມືອງໄຊທານີ ຈຸດປະສົງມຸ້ງໜ້າເຂົ້າມາຕົວເມືອງໂດຍໃຊ້ເສັ້ນທາງເລກ 10; ດັ່ງນັ້ນ, ຈຶ່ງໄດ້ສັ່ງໃຫ້ເຈົ້າໜ້າທີ່ຕໍາຫຼວດຈະລາຈອນທີ່ປະຈໍາຢູ່ຈຸດ 3 ແຍກ 4 ແຍກສະກັດລົດຄັນດັ່ງກ່າວ, ບໍ່ພໍເທົ່າໄດ້ເຈົ້າໜ້າທີ່ປະຈໍາຢູ່ ຈຸດໄຟອໍານາດໂນນສະອາດ ເມືອງໄຊທານີ ໄດ້ພົບເຫັນລົດຄັນດັ່ງກ່າວຂັບຂີ່ຜ່ານມາ ຈຶ່ງສັ່ງໃຫ້ຢຸດຈອດ ເພື່ອທໍາການກວດກາ ແລະ ສອບຖາມ ແຕ່ລົດຄັນດັ່ງກ່າວບໍ່ຢຸດຈອດ ແລະ ເຈົ້າໜ້າທີ່ໄດ້ລັດອີກຈຸດໜຶ່ງຢູ່ເສັ້ນທາງຖະໜົນໄກສອນ ເຂດວົງວຽນ ຈຶ່ງພົບເຫັນວ່າຜູ້ຂັບຢູ່ໃນສະພາບມຶນເມົາ ຂັບລົດເຈີດຊາຍເຈີດຂວາ ແລະ ດາດເອົາລົດໃຫຍ່ອີກຫຼາຍຄັນ; ຈາກນັ້ນ, ພວກເຮົາຈຶ່ງໄດ້ສັ່ງເຈົ້າໜ້າທີ່ ປະຈໍາຢູ່ໄຟອໍານາດດອນໜູນ ເພື່ອລັດສະກັດລົດຄັນດັ່ງກ່າວຈົນສາມາດສະກັດໄດ້ແລ້ວເຂົ້າຈັບກຸມຜູ້ຂັບຂີ່.

ພາຍຫຼັງເຈົ້າໜ້າທີ່ກັກຕົວໄດ້ແລ້ວ ຈຶ່ງນໍາຕົວມາສອບສວນຈຶ່ງຮູ້ວ່າ: ຜູ້ຂັບຂີ່ລົດ ຊື່ທ້າວ ວາງຢຸນຫຼົງ ອາຍຸ 33 ປີ ສັນຊາດຈີນ, ກຳມະກອນ ແລະ ຜູ້ໂດຍສານທີ່ນັ່ງມານຳ ທ້າວ ຊຽງຫຼາ ອາຍຸ 36 ປີ, ສັນຊາດຈີນ, ກຳມະກອນ ທັງສອງພັກເຊົ່າຢູ່ບ້ານນາຄຳ ເມືອງ ສີໂຄດຕະບອງ ນະຄອນຫຼວງວຽງຈັນ; ກ່ອນເກີດເຫດໃນ ວັນທີ 5 ທັນວາ 2023 ທັງສອງ ໄດ້ພາກັນໄປຫຼິ້ນຢູ່ທີ່ ຮ້ານບັນ ເທີງຄາລາໂອເກາະ ແຫ່ງໜຶ່ງ ຢູ່ເຂດສະໜາມບິນວັດໄຕ ຈົນແຈ້ງ ຈົນຮອດເວລາປະມານ 6 ໂມງ ເຊົ້າ ຂອງວັນທີ 6 ທັນວາ 2023 ພວກກ່ຽວທັງສອງຈຶ່ງໄດ້ຊວນກັນໄປຊອກຫາບ່ອນຫຼິ້ນຕໍ່ ໂດຍຂັບຂີ່ລົດໄປຕາມ ຈີພີເອັດ ເມື່ອຂັບຂີ່ລົດຮອດເຂດບ້ານ ທົ່ງມັ່ງ ເມືອງໄຊທານີ ຄິດວ່າຕົນເອງຂັບຂີ່ຫຼົງທາງຈຶ່ງໄດ້ພາກັນລ້ຽວລົດກັບ ຈຸດປະສົງຈະກັບເຂົ້າໃນຕົວເມືອງນະຄອນຫຼວງວຽງຈັນ ໃນໄລຍະພວມຂັບຂີ່ລົດກັບເຂົ້າມາຕົວເມືອງນັ້ນແມ່ນໄດ້ ເກີດອຸບັດຕິເຫດດາດເອົາລົດຈັກ 6 ຄັນ ແລະ ກະບະວີໂກ້ 4 ຄັນ.

ທ້າວ ວາງຢຸນຫຼົງ ກ່າວວ່າ: “ຕໍ່ກັບເຫດການດັ່ງກ່າວທີ່ເກີດຂຶ້ນໃນຄັ້ງນີ້ມັນໄດ້ສ້າງຄວາມເສຍຫາຍທາງດ້ານພາຫະນະ, ສຸຂະພາບ ແລະ ເຮັດໃຫ້ສັງຄົມມີຄວາມແຕກຕື່ນ; ສະນັ້ນ, ພວກຂ້າພະເຈົ້າທັງສອງຄົນຈຶ່ງອອກມາຂໍໂທດຕໍ່ການນໍາພັກລັດ, ພໍ່-ແມ່, ປະຊາຊົນລາວບັນດາເຜົ່າ ແລະ ຂໍໂທດມາຍັງປະຊາຊົນຈີນທີ່ດຳລົງຊີວິດຢູ່ ສປປ ລາວ ທີ່ສ້າງຄວາມເຊືອມເສຍໄປໃນທາງທີ່ບໍ່ດີ ແລະ ຫວັ່ງວ່າທຸກຄົນຈະໃຫ້ອະໄພ ຕໍ່ການກະທໍາຂອງພວກຂ້າພະເຈົ້າໃນຄັ້ງນີ້. ຕໍ່ກັບເຫດການດັ່ງກ່າວທີ່ເກີດຂຶ້ນ, ພວກກ່ຽວແມ່ນໄດ້ຮັບຜິດຊອບຕໍ່ຜົນເສຍຫາຍທັງໝົດ.

ພ້ອມນີ້, ພັທ ສຸນີ ໄຊຍະວົງ ຍັງໄດ້ຮຽກຮ້ອງເຖິງຜູ້ໃຊ້ລົດ-ໃຊ້ຖະໜົນທຸກຄົນໃນສັງ ຄົມລາວ ແລະ ຊາວຕ່າງປະເທດ ແມ່ນບໍ່ໃຫ້ເອົາເປັນແບບຢ່າງ ແລະ ບໍ່ໃຫ້ເກີດມີເຫດການແບບນີ້ເກີດຂຶ້ນອີກ, ຂໍໃຫ້ທຸກຄົນຂັບຂີ່ລົດດ້ວຍຄວາມປອດໄພ ແລະ ມີສະຕິຢູ່ຕະຫຼອດ.

ຂໍຂອບໃຈ: ຄວາມສະຫງົບ Lao Security News

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ ວັນອັງຄານ, 18 ເດືອນມີນາ, 2025
ສະກຸນເງິນ
ຊື້
ຂາຍ
united-states
USD
21,492
21,702
thailand (1)
THB
633.70
645.74
european-union
EUR
22,851
23,305
china
CNY
2,887
2,942
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ ວັນສຸກ, 14 ເດືອນມີນາ, 2025
ຊະນິດນ້ຳມັນ
ລາຄາ
29,850
23,450
19,610
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ ວັນອັງຄານ, 18 ເດືອນມີນາ, 2025
ປະເພດ
ລາຄາຊື້
ລາຄາຂາຍ
30,650,000
31,180,000
30,380,000
31,289,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
ແຈ້ງການມອດໄຟ ວັນທີ 20/03/2025 ແລະ 22/03/2025
site cover (34)
ນັກບິນອາວະກາດທີ່ຕິດຢູ່ໃນອາວະກາດ ກຽມເດີນທາງກັບໂລກຫຼັງຈາກຢູ່ໃນອາວະກາດດົນເຖິງ 9ເດືອນ
site cover (33)
ດູດວງລາຍວັນປະຈຳວັນທີ່ 18/3/2025
1742186546_519284-tnamcot-e1742186693598
ສະພາບອາກາດຮ້າຍແຮງໃນສະຫະລັດເສຍຊີວິດແລ້ວ 40 ຄົນ
site cover (32)
"ທຣໍາ" ຈະເຂົ້າພົບ "ປູຕິນ" ມື້ອື່ນ 18 ມີນາ ເພື່ອຢຸດສົງຄາມໃນຢູເຄຣນ
site cover (31)
ກອງປະຊຸມສະໄໜວິສາມັນ ເທື່ອທີ 2 ຂອງ ສະພາແຫ່ງຊາດ ຊຸດທີ IX ໄຂຂຶ້ນຢ່າງເປັນທາງການ
2025-03-12T214532Z_773484130_RC2XBDACUJ54_RTRMADP_3_UKRAINE-CRISIS-RUSSIA-KURSK-PUTIN-1741947580
ຣັດເຊຍຕ້ອງການຫຼັກປະກັນຄວາມໝັ້ນຄົງໃນຂໍ້ຕົກລົງສັນຕິພາບຢູເຄຣນ
site cover (30)
ສະຫະລັດຕັດງົບປະມານເກັບກູ້ລະເບີດ ກັບອາວຸດອີກຫຼາຍລ້ານໜ່ວຍທີ່ຖືກຖິ້ມໄວ້ໃນລາວ
Copy of Copy of VP-Square (1200 x 628 px) (1)
VOA ສົ່ງຕົງຈາກສະຫະລັດ: "ທຣຳ" ຟື້ນຟູອຸດສາຫະກຳການຕໍ່ເຮືອຂອງສະຫະລັດ
1741941852_063958-tnamcot-e1741941868320
ນັກວິໄຈຈີນເລັງສ້າງ 'ໄຕດິຈິຕ້ອນ' ຍົກລະດັບການວິນິດໄສພະຍາດໄຕ
ຢ່າລື່ມກົດຕິດຕາມ