2
6 ພະຍາດຈາກການກິນປີ້ງ – ດາດ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 27 ເດືອນທັນວາ, 2023
ໝວດ: ຂ່າວ

ໜຶ່ງໃນອາຫານຍອດນິຍົມບໍ່ວ່າແຕ່ຍາມໜາວ ຫຼື ຍາມໃດທີ່ເຮົາມັກຊວນກັນໄປກິນ ຄົງແມ່ນອາຫານປະເພດ ບຸບເຟ່, ຊີ້ນດາດ, ປີ້ງ… ເປັນຕົ້ນ ອາຫານເຫຼົ່ານີ້ ຖ້າດົນໆກິນເທື່ອໜຶ່ງຄົງບໍ່ເປັນຫຍັງ ແຕ່ຖ້າກິນດຸເກີນໄປ ເຊັ່ນອາທິດລະຫຼາຍໆເທື່ອ ສຸຂະພາບເຮົາຈະຄ່ອຍໆເສື່ອມໂຊມໂດຍບໍ່ຮູ້ຕົວ ອັນຕະລາຍທີ່ແຝງຢູ່ນຳອາຫານປີ້ງດາດ ມີດັ່ງນີ້:

1. ສ່ຽງມະເຮັງຕັບ

ຈາກສານໄນໂຕຣຊາມີນ ທີ່ຢູ່ໃນປາມຶກປີ້ງ, ປາທະເລປີ້ງ ແລະ ຊີ້ນແປຮູບທີ່ມີການໃສ່ສານກັນບູດ ເຊັ່ນ: ສົ້ມ, ໄສ້ກອກ, ເບຄອນ, ແຮມ ເປັນຕົ້ນ.

2. ສ່ຽງມະເຮັງກະເພາະ

ໃນຂະບວນການປີ້ງ – ດາດ ເຮັດໃຫ້ເກີດສານ PAHs ເຊິ່ງຈະຢູ່ໃນອາຫານສ່ວນທີ່ໄໝ້ແຫ້ມ ຖ້າສະສົມຫຼາຍໆຈະເປັນໂຕກໍ່ມະເຮັງ.

3. ເກີດເປັນພະຍາດຕຸ້ຍ

ແນ່ນອນ ໄປກິນຊີ້ນດາດ ຫຼື ບຸບເຟ່ທັງທີ່ເຮົາກໍຕ້ອງກິນໃຫ້ຄຸ້ມ ກິນຫຼາຍເຂົ້າ ກໍໄດ້ຮັບໄຂມັນສ່ວນເກີນໄປສະສົມຢູ່ໜ້າທ້ອງ ເຮັດໃຫ້ນ້ຳໜັກຂຶ້ນມີພາວະຕຸ້ຍລົງພຸງ.

4. ສ່ຽງພະຍາດຫົວໃຈ

ຊີ້ນງົວ, ຊີ້ນໝູ ມີໄຂມັນອີ່ມໂຕ ແລະ ຄໍເລສເຕີຣໍ່ສູງ ໂດຍສະເພາະຊີ້ນຕິດມັນກິນຫຼາຍໆສ່ຽງໄຂມັນອັດຕັນໃນເສັ້ນເລືອດ ມີໂອກາດເປັນພະຍາດຫົວໃຈ ແລະ ເສັ້ນເລືອດໄດ້.

5. ສ່ຽງຖອກທ້ອງ

ເວລາກິນຕ້ອງລະວັງເລື່ອງນ້ຳແຈ່ວ ເພາະຫຼາຍຮ້ານມັກຈະເຮັດໄວ້ເທື່ອລະຫຼາຍໆ ເຮົາອາດໄດ້ກິນນ້ຳແຈ່ວປະໄວ້ຄ້າງຄືນ ສ່ຽງປົນເປື້ອນເຊື້ອພະຍາດເຮັດໃຫ້ຖອກທ້ອງໄດ້.

6. ປາກແຫ້ງ ຄໍແຫ້ງ ລີ້ນຊາ

ຫຼາຍຮ້ານໃສ່ແປ້ງນົວປະລິມານຫຼາຍໃນນ້ຳຊຸບ ນ້ຳແຈ່ວ ເພື່ອຄວາມແຊບ ເມື່ອກິນໄປຈະເຮັດໃຫ້ລີ້ນຊາ ປາກແຫ້ງ, ຄໍແຫ້ງ, ຫິວນ້ຳ, ວິນຫົວ ຫຼື ຮາກໄດ້ ຫາກໄດ້ຮັບຫຼາຍເກີນໄປ ເຮັດໃຫ້ຮັບໂຊດຽມຫຼາຍເກີນ ສ່ຽງຄວາມດັນເລືອດສຸູງ, ພະຍາດຫົວໃຈ, ພະຍາດໄຂ່ຫຼັງ.

ເຮົາຄວນຫຼຸດຄວາມສ່ຽງໃນການກິນບຸບເຟ່ປີ້ງ – ດາດ ໂດຍການເລືອກຮ້ານທີ່ສະອາດ ຖືກຫຼັກອະນາໄມ ແລະ ບໍ່ຄວນກິນຕິດຕໍ່ກັນກາຍເດືອນລະ 1 – 2 ເທື່ອ.

ສະແດງຄຳຄິດເຫັນ

ຂ່າວມາໃໝ່ 
2_20250204_173143_0001.png
ທຳລາຍສວນຝິ່ນ 27 ເຮັດຕາ ຢູ່ເມືອງປາກທາ
2
ສ.ອາເມລິກາ ປະກາດວັນເວລາຖອນຕົວອອກຈາກ ຂໍ້ຕົກລົງ ປາຣີ
2
ພະທາດໂຜ່ນ ຈະໄດ້ຮັບການຍົກລະດັບເປັນມໍລະດົກແຫ່ງຊາດລະດັບທ້ອງຖິ່ນໃນທ້າຍປີນີ້
2
ແຈ້ງຫາເຈົ້າຂອງລົດຈັກ 74 ຄັນ ທີ່ຢຶດໄດ້ຈາກໂຈນ
2
ປກສ ແຂວງບໍລິຄຳໄຊ ມ້າງຄະດີຢາເສບຕິດລາຍໃຫຍ່ ຜູ້ຖືກຫາເປັນຄົນໄທ 8 ຄົນລາວ 1 ຢຶດຢາບ້າ ແລະ ໄອສ໌ ໄດ້ຈຳນວນຫຼາຍ
2_20250129_202330_0001.png
ແຈ້ງປັບຫລຸດລາຄານ້ຳມັນວັນທີ 30/01/2025
2
ເຫດລົດໃຫຍ່ເສຍຫຼັກປິ້ນ ເສຍຊີວິດຄາທີ່ 1 ຄົນ ໜ້າສານປະຊາຊົນ ເມືອງສີສັດຕະນາກ
2
ຈົກທຶນ 2 ຕື້ກີບ ປູກຜັກປອດສານຜິດ ສະໜອງພາຍໃນ
2
ກຽມຈັດງານມະຫະກໍາບຸນຊ້າງ ທີ່ແຂວງໄຊຍະບູລີ ປະຈໍາປີ 2025
2
ບໍລິສັດເບຍລາວປັບຂຶ້ນລາຄາສິນຄ້າບາງຜະລິດຕະພັນ ເລີ່ມ 28 ມັງກອນ 2025 ເປັນຕົ້ນໄປ.
ຢ່າລື່ມກົດຕິດຕາມ