2
ສະຫວັນນະເຂດ ເກັບລາຍຮັບໄດ້ລື່ນແຜນ 1.479,9 ຕື້ກວ່າກີບ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 23 January, 2024

ປີ 2023 ພາສີປະຈຳແຂວງ ສະຫວັນນະເຂດ ເກັບລາຍຮັບເຂົ້າງົບປະມານໄດ້1.479,9ຕື້ກວ່າກີບ ລື່ນແຜນ 34,54% ທຽບໃສ່ສົກປີ 2022 ຜ່ານມາ ເພີ່ມຂຶ້ນ 27,45%. ສ່ວນແຜນການປີ2024 ແມ່ນ1.517ຕື້ກວ່າກີບ.
ພາສີປະຈຳແຂວງສະຫວັນນະເຂດ ໄດ້ຈັດກອງປະຊຸມສະຫຼຸບຕີລາຄາການຈັດຕັ້ງປະຕິບັດວຽກງານວິຊາສະເພາະປະຈຳປີ 2023 ແລະກຳນົດທິດທາງແຜນການປີ 2024 ຂຶ້ນໃນວັນທີ 17 ມັງກອນ 2024 ໂດຍການເປັນປະທານຂອງທ່ານ ພົມມະຈັກ ສີພັນດອນ ຫົວໜ້າພາສີປະຈຳແຂວງ ແລະທ່ານ ສົມຫວັງ ສົມຈິນດາ ຮອງຫົວໜ້າພາສີປະຈຳແຂວງ; ມີຄະນະນຳ ແລະພະນັກງານພາສີດ່ານພາສີສາກົນຂົວມິດຕະພາບ 2, ດ່ານພາສີສາກົນແດນສະຫວັນ, ດ່ານພາສີຊາຍແດນ, ຫ້ອງການພາສີປະຈຳເຂດເສດຖະກິດພິເສດ ແລະພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.


ທ່ານ ພົມມະຈັກ ສີພັນດອນ ກ່າວວ່າ: ການຈັດຕັ້ງປະຕິບັດແຜນການຈັດເກັບລາຍຮັບເຂົ້າງົບປະມານໃນປີ 2023 ຂອງຂະແໜງພາສີ ແມ່ນເປັນປີທີ່ພົບຄວາມຍຸ້ງຍາກຫຼາຍປະການ ໃນເງື່ອນໄຂສະພາບການຂອງພາກພື້ນ ແລະ ສາກົນທີ່ມີການຜັນແປໄປຢ່າງສັບສົນ ແລະຄາດເດົາໄດ້ຍາກ, ບັນຫາໄພເງິນເຟີ້, ສິນຄ້າລາຄາແພງ, ຄົນຫວ່າງງານ, ໄພທຳມະຊາດ ແລະບັນຫາອື່ນໆ ເຊິ່ງໄດ້ສົ່ງຜົນກະທົບໂດຍກົງຕໍ່ຜູ້ປະກອບການເປັນຕົ້ນ: ການລົງທຶນ, ການນຳເຂົ້າ, ການສົ່ງອອກສິນຄ້າ ແລະການຜ່ານແດນ. ນອກນັ້ນ, ບັນຫາການລັກລອບຫຼົບຫຼີກໜີພາສີທັງພາຍໃນດ່ານ ແລະນອກດ່ານ ຍັງມີປະກົດການຕໍ່ເນື່ອງ.

ເຖິງແມ່ນວ່າຈະມີຄວາມຫຍຸງຍາກປານໃດກໍຕາມ, ແຕ່ບົນຈິດໃຈຄວາມຮັບຜິດຊອບຂອງຄະນະນຳລັດຖະການພາສີແຕ່ລະຂັ້ນພວກເຮົາ ກໍສາມາດຍາດໄດ້ຜົນງານຫຼາຍດ້ານ. ໃນນັ້ນ ວຽກງານທີ່ພົ້ນເດັ່ນແມ່ນການຈັດເກັບລາຍຮັບເຂົ້າງົບປະມານ ຊຶ່ງໃນປີ 2023 ພາສີປະຈຳແຂວງພວກເຮົາ ສາມາດເກັບລາຍຮັບເຂົ້າງົບປະມານໄດ້ທັງໝົດ 1.479,9ຕື້ກວ່າກີບ ເທົ່າກັບ 134,54% ຂອງແຜນການປີ, ທຽບໃສ່ປີ 2022 ຜ່ານມາ ເພີ່ມຂຶ້ນ 27,45% ຫຼື ເທົ່າກັບ318,7 ຕື້ກວ່າກີບ.


ຈາກນັ້ນ, ທ່ານ ສົມຫວັງ ສົມຈິນດາ ກໍໄດ້ຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກງານວິຊາສະເພາະປະຈຳປີ 2023 ແລະກຳນົດທິດທາງແຜນການໃນປີ 2024 ໂດຍສັງເຂບວ່າ: ພາສີປະຈຳແຂວງສະຫວັນນະເຂດ ປະກອບມີດ່ານພາສີຊາຍແດນ 10 ແຫ່ງ; ໃນນັ້ນມີ ດ່ານພາສີສາກົນ 2 ແຫ່ງ, ດ່ານພາສີປະຈຳທ້ອງຖິ່ນ 1 ແຫ່ງ ແລະດ່ານພາສີປະເພນີ 7 ແຫ່ງ(ຕິດກັບປະເທດໄທ 6 ແຫ່ງ ແລະຕິດກັບ ສສ ຫວຽດນາມ 1 ແຫ່ງ), ນອກນັ້ນ ຍັງມີຫ້ອງການພາສີປະຈຳເຂດເສດຖະກິດພິເສດ ແລະ2 ຂະແໜງວິຊາການຂຶ້ນກັບ, ມີພະນັກງານທັງໝົດ 99 ຄົນ, ຍິງ 29 ຄົນ, ດ້ານວິຊາສະເພາະ ກໍ່ຄືການຈັດເກັບລາຍຮັບເຂົ້າງົບປະມານ.

ໃນປີ 2023 ພາສີປະຈຳແຂວງພວກເຮົາ ໄດ້ຮັບມອບໝາຍຕົວເລກແຜນລາຍຮັບຈາກກົມພາສີ ກະຊວງການເງິນຈຳນວນ 1.100 ຕື້ກີບ, ຜ່ານການຈັດຕັ້ງປະຕິບັດຕົວຈິງໃນໄລຍະ 12 ເດືອນຜ່ານມາ ສາມາດປະຕິບັດໄດ້ຈຳນວນ 1.479,9 ຕື້ກວ່າກີບເທົ່າກັບ 134,54%ຂອງແຜນການ. ໃນນັັ້ນໄດ້ຈາກພາສີ-ອາກອນຂາເຂົ້າ ປະຕິບັດໄດ້ 993 ຕື້ກີບ ກວມເອົາ 67,10%, ຄ່າຊັກພິເສດສົ່ງອອກ 27,1 ຕື້ກີບ ກວມເອົາ 1,83%, ສິນຄ້ານຳເຂົ້າ-ສົ່ງອອກຕໍ່ ຈຳນວນ 202,4 ຕື້ກີບ ກວມເອົາ 13,68%, ປັບໃໝ-ຂາຍເຄື່ອງຮິບ ໄດ້ 7,3 ຕື້ກີບ ກວມເອົາ 0,50% ແລະຄ່າທຳນຽມຕ່າງໆ ປະຕິບັດໄດ້ 250 ຕື້ກີບ ກວມເອົາ 16,89% ຂອງລາຍຮັບ.


ສຳລັບປີ 2024ນີ້ ພາສີປະຈຳແຂວງ ຈະສູ້ຊົນເກັບລາຍຮັບເຂົ້າງົບປະມານໃຫ້ໄດ້ຕ່ຳສຸດຈຳນວນ 1.517,43ຕື້ກີບ.
ກອງປະຊຸມ ຍັງໄດ້ຮັບຟັງການປະກອບຄຳເຫັນ ແລະລາຍງານກ່ຽວກັບການຈັດຕັ້ງປະຕິບັດວຽກງານວິຊາສະເພາະໃນ 1 ປີຜ່ານມາ ແລະແຜນການໃນຕໍ່ໜ້າຂອງບັນດາດ່ານຊາຍແດນ ແລະຂະແໜງວິຊາການທີ່ກ່ຽວຂ້ອງນຳອີກ.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Tuesday, 14 October, 2025
ສະກຸນເງິນ
ຊື້
ຂາຍ
united-states
USD
21,535
21,812
thailand (1)
THB
660.13
672.01
european-union
EUR
23,996
24,476
china
CNY
2,931
2,989
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Wednesday, 8 October, 2025
ຊະນິດນ້ຳມັນ
ລາຄາ
28,650
23,990
19,320
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 8 October, 2025
ປະເພດ
ລາຄາຊື້
ລາຄາຂາຍ
42,720,000
43,250,000
42,370,000
43,359,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
jane - 2025-10-14T154524.753
3 ກອງທັບຊ້ອມກອບກູ້ໄພພິບັດກອງທັບກຳປູເຈຍ-ລາວ-ຫວຽດນາມຝຶກຊ້ອມກອບກູ້ໄພພິບັດຮ່ວມປະສານທຸກ
pele - 2025-10-14T152722.978
ກອງປະຊຸມສໍາມະນາກ່ຽວກັບລະບົບປັນຍາປະດິດລາວ
jane - 2025-10-14T145253.821
ສິ່ງທີ່ຄວນຮູ້ໃຊ້ໄດ້ຈິງໃນຊ່ວງທີ່ຝົນຕົກ ແລະ ພາຍຸເຂົ້າແບບນີ້ ມາເບິ່ງວິທີລອດຊີວິດເມື່ອເກີດພະຍຸຝົນຟ້າຄະນອງ ມີຟ້າຜ່າ
jane - 2025-10-14T144602.971
ເພີ່ມທະວີປຸກຈິດສຳນຶກ ຊາວໜຸ່ມ-ເຍົາວະຊົນ ເຫັນໄດ້ ເຖິງພິດໄພ-ຜົນຮ້າຍຂອງສິ່ງເສບຕິດ ດ້ວຍຫລາຍຮູບການ
pele - 2025-10-14T115952.620
ພະຍາດຄໍຕີບ ເປັນອັນຕະລາຍຕໍ່ເດັກນ້ອຍ
jane - 2025-10-14T104257.431
ແຂວງວຽງຈັນມີແຈ້ງການ ໃຫ້ໂຈະບໍລິການຊົ່ວຄາວ ຮ້ານບັນເທີງ, ຮ້ານກິນດື່ມ ແລະ ຮ້ານຄາຣາໂອເກະ ວັນທີ 14-17 ຕຸລາ 2025
pele - 2025-10-14T101955.044
ແຈ້ງການມອດໄຟ ວັນທີ15/10/2025
jane - 2025-10-14T101748.494
ລາຍງານເຫດການເກີດແຜ່ນດິນໄຫວພາຍໃນປະເທດ ແລະ ບັນດາປະເທດໃກ້ຄຽງປະຈໍາວັນທີ 13 -14 ຕຸລາ 2025
jane - 2025-10-14T094131.337
ສະແດງທົດລອງ ຄັ້ງທີ 2 ການເດີນຂະບວນສວນສະໜາມ ສະຫຼອງວັນຊາດຄົບຮອບ 50 ປີ.
jane - 2025-10-14T091820.873
ສະພາບອາກາດປະຈໍາເຊົ້າວັນທີ 14 ຕຸລາ 2025
ຢ່າລື່ມກົດຕິດຕາມ