2
ຈັບຊາຍອາຍຸ 19 ປີແອບອ້າງເອົາເງິນບໍລິຈາກຊ່ວຍເຫຼືອຈາກປະຊາຊົນ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 24 ເດືອນກຸມພາ, 2024

ເຈົ້າໜ້າທີ່ ປກສ ເມືອງໄຊເສດຖາ ນະຄອນຫຼວງວຽງຈັນ ສົມທົບກັບ ປກສ ກຸ່ມ 6 ບ້ານນາຄວາຍ ໄດ້ນໍາກໍາລັງເຂົ້າຈັບຊາຍອາຍຸ 19 ປີ ໃນຂໍ້ກ່າວຫາການສໍ້ໂກງຊັບ ໄປດໍາເນີນຄະດີ ຍ້ອນກໍ່ເຫດສ້າງເຟສບຸກປອມເປັນສະມາຄົມຊ່ວຍເຫຼືອຜູ້ທຸກຍາກແອບອ້າງເອົາເງິນປະຊາຊົນ.

ຜ່ານການສອບສວນ, ທ້າວ ລັດຕະນະໄຊ ຫຼື ເນັ່ງ ອາຍຸ 19 ປີ ຢູ່ບ້ານແກ້ງປາຢ້າງ ເມືອງຫາດຊາຍຟອງ ນະຄອນ ຫຼວງວຽງຈັນ ໃຫ້ການສາລະພາບໃນເບື້ອງຕົ້ນວ່າ: ໄດ້ເຄື່ອນໄຫວເສບຢາເສບຕິດມາແຕ່ປີ 2019, ເຊິ່ງເສບຄັ້ງລະ 2-3 ເມັດ ສ່ວນຢາບ້າທີ່ຊື້ມາເສບ; ແມ່ນຊື້ນໍາພວກໄວລຸ້ນບໍ່ຮູ້ຊື່ຕາມຮ້ານເກມຢູ່ເຂດເມືອງຫາດຊາຍ ແລະ ນອກຈາກເສບຢາບ້າແລ້ວ, ຜູ້ກ່ຽວຍັງເຄື່ອນໄຫວໂກງຊັບຈຳນວນຫຼາຍຄັ້ງຄື: ຜ່ານມາ, ທ້າວ ລັດຕະນະໄຊ ໄດ້ໄປເປີດບັນຊີຢູ່ທະນາຄານການຄ້າຕ່າງປະເທດລາວ ມະຫາ ຊົນຢູ່ສໍານັກງານໃຫຍ່ ຕັ້ງຢູ່ບ້ານຊຽງຍືນ ເມືອງຈັນທະບູລີ ເຊິ່ງອອກຊື່ທ້າວ ລັດຕະນະໄຊ ພາຍຫຼັງທີ່ເປີດບັນຊີ ກໍນໍາໃຊ້ເປັນປົກກະຕິໄດ້ປະມານ 1 ປີ, ຕໍ່ມາຜູ້ກ່ຽວໄດ້ເຫັນເຟສບຸກໂພສລົງວ່າ: ຮັບຊື້ເລກບັນຊີ ຈຶ່ງໄດ້ຕິດຕໍ່ຫາເຟສບຸກດັ່ງກ່າວ ເພື່ອຂາຍເລກບັນຊີຂອງຜູ້ກ່ຽວ ໂດຍນັດກັບຜູ້ຊື້ເລກບັນຊີຢູ່ແຖວແຄມຂອງ ເຊິ່ງໄດ້ຂາຍໃຫ້ທ້າວ ຫຼ້າ ຢູ່ບ້ານທາດຂາວ ເມືອງສີສັດຕະນາກ ໄດ້ເງິນຈຳນວນ 1.800.000 ກີບ; ພາຍຫຼັງທີ່ຂາຍບັນຊີແລ້ວ ທ້າວ ຫຼ້າ ໄດ້ແນະນໍາຜູ້ກ່ຽວວ່າ: ຖ້າມີຜູ້ຢາກຂາຍບັນຊີແມ່ນໃຫ້ໄປຂາຍໃຫ້ຜູ້ກ່ຽວ.

ປີ 2020, ທ້າວ ລັດຕະນະໄຊ ໄດ້ເລີ່ມຮູ້ຈັກກັບທ້າວ ໂກສົນ ຢູ່ບ້ານແກ້ງປາຍາງ ຮູ້ຈັກກັບຜູ້ກ່ຽວແບບໝູ່ຕໍ່ໝູ່ ແລະ ຕົນກໍນັບຖືທ້າວ ໂກສົນ ເປັນອ້າຍຮັກ ຈົນຮອດປະຈຸບັນ ແລະ ມາຮອດປີ 2022 ທ້າວ ລັດຕະນະໄຊ ໄດ້ຈ້າງທ້າວ ໂກສົນ ຈໍານວນ 1.300.000 ກີບ ເພື່ອໄປເປີດບັນຊີໃຫ້ຜູ້ກ່ຽວໂດຍອອກຊື່ ທ້າວ ໂກສົນ ພາຍຫຼັງທີ່ໄດ້ບັນຊີແລ້ວ ທ້າວ ລັດຕະນະໄຊ ກໍຄິດຢາກໄດ້ເງິນ ຈຶ່ງສ້າງເຟສປອມຂຶ້ນມາໂດຍແອບອ້າງຊື່: ສະມາຄົມຊ່ວຍເຫຼືອຄົນທຸກຍາກ ແລະ ພາຍຫຼັງທີ່ສ້າງເຟສປອມຂຶ້ນແລ້ວ ທ້າວ ລັດຕະນະໄຊ ແມ່ນໄດ້ຄັດລອກເອົາຮູບຄົນເຈັບຂອງໜ່ວຍກູ້ໄພ 1624 ທີ່ບໍ່ມີເງິນປິ່ນປົວ, ເດັກນ້ອຍ, ຄົນອານາຖາ, ຄອບຄົວຂາດເຂີນ, ຄົນຕາຍທີ່ເປັນສົບອານາຖາ ແລ້ວໂພສລົງເຟສບຸກເພື່ອຂໍຮັບບໍລິຈາກພ້ອມເລກບັນຊີ 0951213899311 ອອກຊື່ KOSON LEEVONGSA MR ພ້ອມດ້ວຍເບີໂທລະສັບເຊິ່ງເປັນເບີໂທຂອງທຳທ້າວ ລັດຕະນະໄຊເອງ. ຫຼັງຈາກທີ່ໂພສລົງເຟສບຸກໄປແລ້ວກໍມີຄົນຫຼົງເຊື່ອຈຳນວນຫຼາຍຄົນ ທັງໄດ້ໂອນເງິນເຂົ້າເລກບັນຊີທີ່ຜູ້ກ່ຽວໂພສລົງຈໍານວນຫຼາຍຄັ້ງ ໂດຍໄດ້ຮັບເງິນຄັ້ງລະ 3.000.000ກີບ ຫາ 4.000.000 ກີບຕໍ່ຄັ້ງ ແລະ ເມື່ອໄດ້ເງິນມາແຕ່ລະຄັ້ງກໍເອົາເງິນຈໍານວນດັ່ງກ່າວໄປຊື້ຢາບ້າມາເສບ ແລະ ຫຼິ້ນເກມຈົນໝົດ.

ເວລາປະມານ 18:00 ໂມງຂອງວັນທີ 17 ມັງກອນ 2024 ຈຶ່ງຖືກເຈົ້າໜ້າ ປກສ ກຸ່ມ 6 ນາຄວາຍ ເມືອງໄຊເສດຖາ ເຂົ້າໄປຈັບຕົວ ທ້າວ ລັດຕະນະໄຊ ຢູ່ເຮືອນຂອງຜູ້ສາວຜູ້ກ່ຽວ ຊື່ ນາງ ຄໍາແພງ ຢູ່ບ້ານນາໄຫ ເມືອງຫາດຊາຍຟອງ ນະຄອນຫຼວງວຽງຈັນ ແລ້ວນໍາສົ່ງຕົວໃຫ້ເຈົ້າໜ້າທີ່ກອງຄະດີອາຍາ ປກສ ເມືອງໄຊເສດຖາ ດໍາເນີນຄະດີຕາມລະບຽບກົດໝາຍ.

ແຫຼ່ງຂ່າວ: ຄວາມສະຫງົບ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ ວັນສຸກ, 14 ເດືອນມີນາ, 2025
ສະກຸນເງິນ
ຊື້
ຂາຍ
united-states
USD
21,500
21,710
thailand (1)
THB
633.57
645.61
european-union
EUR
22,751
23,205
china
CNY
2,876
2,931
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ ວັນສຸກ, 14 ເດືອນມີນາ, 2025
ຊະນິດນ້ຳມັນ
ລາຄາ
29,850
23,450
19,610
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ ວັນສຸກ, 14 ເດືອນມີນາ, 2025
ປະເພດ
ລາຄາຊື້
ລາຄາຂາຍ
30,350,000
30,880,000
30,080,000
30,989,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
1742012634_480904-tnamcot-e1742012665660
ອະດີດຜູ້ນຳຟິລິບປິນຂຶ້ນສານ ICC ນັດທຳອິດ
5d985ab5-67f1-4fad-b97a-15f3ee043df0
ນະຄອນຫລວງພະບາງ ກຽມຈັດງານບຸນປີໃໝ່ລາວ ລະຫວ່າງ ວັນທີ 11-20 ເມສາ 2025
site cover (29)
ນະຄອນຫລວງພະບາງ ກຽມຈັດງານບຸນປີໃໝ່ລາວໄລຍະເວລາ 10ມື້, ລະຫວ່າງວັນທີ່ 11-20 ເມສາ 2025
site cover (28)
ພົນ.ທ. ທ່ານ.ພານຸຣັດ ຫຼັກບຸນ ຊູກຍູ້ຄວາມຮ່ວມມື ສປ.ຈີນ-ສປປ.ລາວ-ເກົາຫຼີໃຕ້ ທຳລາຍເຄືອຂ່າຍການຄ້າ ສະກັດກັ້ນຢາເສບຕິດພື້ນທີ່ສາມຫຼ່ຽມຄຳ
site cover (26)
ກະຊວງການພັດທະນາສັງຄົມ ແລະ ຄວາມໝັ້ນຄົງຂອງມະນຸດ ພ້ອມຄະນະ ຮ່ວມປະຊຸມທະວິພາຄີ ໄທ - ສປປ.ລາວ ເພີ່ມປະສິດທິພາບ ຄຸ້ມຄອງ-ຊ່ວຍເຫຼືອຜູ້ເສຍຫາຍຈາກການຄ້າມະນຸດ
site cover (25)
ມະຕິ ວ່າດ້ວຍການປັບປຸງກົງຈັກການຈັດຕັ້ງ ສະບັບເລກທີ 03/ຄບສພ ນະຄອນຫຼວງວຽງຈັນ ວັນທີ 12 ມີນາ 2025
site cover (24)
ດູດວງປະຈຳວັນທີ່ 14/3/2025
site cover (23)
ເປີດຕົວເຕັກໂນໂລຢີ AI ຕົວໃໝ່ທີ່ມີຊື່ວ່າ "Manus" ສາມາດເຮັດວຽກແທນມະນຸດໄດ້ແທ້
site cover (22)
ຈີນພົບແຫຼ່ງທໍເຣຍມມະຫາສານ ໃຊ້ຜະລິດພະລັງງານໄປໄດ້ອີກ 60,000 ປີ
Copy of Copy of VP-Square (1200 x 628 px)
ພູເຂົາໄຟກົວເຕມາລາລະເບີດ
ຢ່າລື່ມກົດຕິດຕາມ