2
ລາວ-ອົດສະຕຣາລີ ລົງນາມເຊັນສັນຍາ ຂຶ້ນເປັນຄູ່ຮ່ວມມືຮອບດ້ານ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 11 ເດືອນມີນາ, 2024

ທ່ານ ສອນໄຊ ສິພັນດອນ ນາຍົກລັດຖະມົນຕີ ແຫ່ງ ສປປ ລາວ ແລະ ທ່ານ ທ່ານ ແອນໂທນີ ອານບານີຊີ (Anthony Albanese) ນາຍົກລັດຖະມົນຕີ ແຫ່ງ ອົດສະຕຣາລີ ໄດ້ລົງນາມເຊັນສັນຍາ ຍົກລະດັບສາຍພົວພັນ ລະຫວ່າງ ອົດສະຕຣາລີ ແລະ ລາວ ໃຫ້ເປັນ ຄູ່ຮ່ວມມືຮອບດ້ານ.

ການລົງນາມດັ່ງກ່າວ ມີຂຶ້ນ ໃນໂອກາດ ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ໄດ້ເດີນທາງຢ້ຽມຢາມ ອົດສະຕຣາລີ ຢ່າງເປັນທາງການ, ໃນລະຫວ່າງວັນທີ 4-7 ມີນາ 2024.

ທ່ານນາຍົກລັດຖະມົນຕີ ແອນໂທນີ ອານບານີຊີ ກ່າວ​ວ່າ: “ການ​ພົວພັນ​ຄູ່​ຮ່ວມ​ມື​ຮອບດ້ານ​ອັນ​ສຳຄັນ​ນີ້​ສະ​ແດງ​ໃຫ້​ເຫັນ​ເຖິງ​ຄຳ​ໝັ້ນ​ສັນຍາ​ຂອງ​ພວກ​ເຮົາ​ທີ່​ຈະ​ນຳ​ເອົາ​ອົດ​ສະ​ຕຣາ​ລີ ​ແລະ ສປປ ລາວ ​ເຂົ້າ​ໃກ້​ກັນໃຫ້​ຫຼາຍຂຶ້ນ​ກວ່າ​ເກົ່າ”.

ທ່ານ ແອນໂທນີ ອານບາຊີນີ ກ່າວຕື່ມວ່າ: ອົດ​ສະ​ຕຣາ​ລີ ພູມໃຈ​ທີ່​ໄດ້​ເປັນ​ໜຶ່ງ​ໃນ​ບັນດາ​ຄູ່​ຮ່ວມ​ມື​ທີ່​ມີ​ມາ​ແຕ່​ດົນ​ນານ​ກັບ ສປປ ​​ລາວ, ​ເປັນ​ສາຍ​ພົວພັນ​ທີ່​ໄດ້​ຮັບ​ການ​ເຄົາລົບ, ຄວາມ​ເຂົ້າ​ໃຈ ​ແລະ ການ​ຮ່ວມ​ມື​ອັນ​ໃກ້​ຊິດ​ເຊິ່ງກັນ ​ແລະ ກັນ.

ຕາມ​ຂ່າວ​ຈາກ​ກະຊວງ​ການ​ຕ່າງປະ​ເທດ​ອົດ​ສະຕຣາລີ, ການ​ພົວພັນ​ຄູ່​ຮ່ວມ​ມື​ຮອບດ້ານ​ອົດ​ສະ​ຕຣາ​ລີ – ລາວ ຈະ​ຊຸກຍູ້​ການ​ຮ່ວມ​ມື​ສອງ​ຝ່າຍ​ໃນ 4 ​ເສົາ​ຄ້ຳ​ທີ່​ສະ​ແດງ​ໃຫ້​ເຫັນ​ບັນດາ​ບຸລິມະສິດ​ຮ່ວມ​ໃນ​ອະນາຄົດ​ຄື: ປະຊາຊົນ-ການ​ສຶກສາ ​-ການພັດທະນາ​ຊັບພະຍາກອນ​ມະນຸດ; ເສດຖະກິດ-ການຄ້າ ແລະ ການລົງທຶນ; ສະພາບອາກາດ, ສິ່ງແວດລ້ອມ ແລະ ພະລັງງານ ແລະ ​ການ​ປ້ອງ​ກັນ​ປະ​ເທດ​-​ການ​ບັງ​ຄັບ​ໃຊ້​ກົດ​ໝາຍ​.

ສອງຝ່າຍ ເຫັນດີເພີ່ມທະວີຊຸກຍູ້ການຮ່ວມມືດ້ານເສດຖະກິດ-ການຄ້າ, ການລົງທຶນ ໃຫ້ຫຼາຍຂຶ້ນ ໂດຍສະເພາະການຮ່ວມມືໃນຂະແໜງການທີ່ລາວມີທ່າແຮງ ເຊັ່ນ: ກະສິກຳປຸງແຕ່ງ, ພະລັງງານສະອາດ ແລະ ການບໍລິການທ່ອງທ່ຽວ. ຝ່າຍອົດສະຕຣາລີ ຍິນດີສືບຕໍ່ໃຫ້ການຊ່ວຍເຫຼືອ ສປປ ລາວ ໃນການພັດທະນາຊັບພະຍາກອນມະນຸດ ໂດຍສະເພາະການສະໜອງທຶນການສຶກສາໄລຍະສັ້ນ ແລະ ໄລຍະຍາວ.

ນອກນັ້ນ, ລັດຖະບານ ອົດສະຕຣາລີ ຈະສືບຕໍ່ໃຫ້ການຊ່ວຍເຫຼືອໃນຂະແໜງສາທາລະນະສຸກ ໂດຍສະເພາະແມ່ນການຊ່ວຍຍົກລະດັບຄວາມຮູ້ – ຄວາມສາມາດຂອງພະນັກງານຂອງລາວ ຊຶ່ງໃນມໍ່ໆນີ້ ກໍຈະມີໂຄງການຮ່ວມມື ສປປ ລາວ ແລະ ອົດສະຕຣາລີ ໃນວຽກງານຄວບຄຸມພະຍາດໄຂ້ຍຸງ-ໄຂ້ມາຣາເລຍ ຢູ່ ສປປ ລາວ ໂດຍຈະໄດ້ນຳໃຊ້ນະວັດຕະກຳ ແລະ ເຕັກໂນໂລຊີຂອງ ມະຫາວິທະຍາໄລ Monash ຂອງອົດສະຕຣາລີ. ພ້ອມດຽວກັນນີ້, ສອງຝ່າຍ ເຫັນດີສືບຕໍ່ການຮ່ວມມືດ້ານການເຊື່ອມໂຍງເຊື່ອມຈອດໃຫ້ກວ້າງຂວາງຍິ່ງຂຶ້ນ ຊຶ່ງໃນປີ 2024 ນີ້ ສອງຝ່າຍ ຈະໄດ້ຮ່ວມກັນສະເຫຼີມສະຫຼອງ ຄົບຮອບ 30 ປີ ການນຳໃຊ້ຂົວມິດຕະພາບ ລາວ-ໄທ ແຫ່ງທີ 1.

ສອງຝ່າຍ ຍັງໄດ້ສະແດງຄວາມຊົມເຊີຍຕໍ່ການສ້າງຕັ້ງສະມາຄົມມິດຕະພາບ ລາວ-ອົດສະຕຣາລີ (Laos – Australia Friendship Association) ລະຫວ່າງ ຄະນະພົວພັນຕ່າງປະເທດສູນກາງພັກ ແລະ ລັດຖະບານ ອົດສະຕຣາລີ ຊຶ່ງເຫັນວ່າຈະເປັນຂົວຕໍ່ສຳຄັນໃນການສົ່ງເສີມການພົວພັນລະຫວ່າງປະຊາຊົນຂອງສອງຊາດ ກໍຄື ການຊຸກຍູ້ຂະແໜງການທ່ອງທ່ຽວຂອງສອງປະເທດ. ພ້ອມກັນນີ້, ສອງຝ່າຍ ກໍເຫັນດີຈະສືບຕໍ່ໃຫ້ການຮ່ວມມື ແລະ ສະໜັບສະໜູນຊຶ່ງກັນ ແລະ ກັນ ໃນເວທີພາກພື້ນ ແລະ ສາກົນ ເປັນຕົ້ນ ອາຊຽນ, ສປຊ, ໂດຍສະເພາະແນໃສ່ຮັດແໜ້ນການເປັນຄູ່ຮ່ວມຍຸດທະສາດຮອບດ້ານ ອາຊຽນ-ອົດສະຕຣາລີ.

ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ຕາງໜ້າໃຫ້ລັດຖະບານ ແລະ ປະຊາຊົນລາວ ສະແດງຄວາມຂອບໃຈຢ່າງຈິງໃຈ ມາຍັງລັດຖະບານ ກໍຄື ປະຊາຊົນ ອົດສະຕຣາລີ ທີ່ໄດ້ໃຫ້ການຮ່ວມມື ແລະ ຊ່ວຍເຫຼືອ ສປປ ລາວ ຕະຫຼອດໄລຍະຜ່ານມາ ຢ່າງມີປະສິດທິພາບ ແລະ ປະສິດທິຜົນສູງ, ໂດຍສະເພາະການຊ່ວຍເຫຼືອ ສປປ ລາວ ໃນການເປັນປະທານອາຊຽນ ປີ 2024 ນີ້, ສະແດງຄວາມຫວັງວ່າ ສປປ ລາວ ຈະສືບຕໍ່ໄດ້ຮັບການຊ່ວຍເຫຼືອຕື່ມອີກໃນຕໍ່ໜ້າ, ອວຍພອນໃຫ້ສາຍພົວພັນມິດຕະພາບ ແລະ ການຮ່ວມມືອັນດີງາມຂອງ ສປປ ລາວ – ອົດສະຕຣາລີ ຈົ່ງໄດ້ຮັບການເພີ່ມພູນຄູນສ້າງ ແລະ ຈະເລີນງອກງາມຍິ່ງຂຶ້ນ.

ທີ່ມາ VientianeTimes

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ ວັນສຸກ, 14 ເດືອນມີນາ, 2025
ສະກຸນເງິນ
ຊື້
ຂາຍ
united-states
USD
21,500
21,710
thailand (1)
THB
633.57
645.61
european-union
EUR
22,751
23,205
china
CNY
2,876
2,931
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ ວັນສຸກ, 14 ເດືອນມີນາ, 2025
ຊະນິດນ້ຳມັນ
ລາຄາ
29,850
23,450
19,610
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ ວັນສຸກ, 14 ເດືອນມີນາ, 2025
ປະເພດ
ລາຄາຊື້
ລາຄາຂາຍ
30,350,000
30,880,000
30,080,000
30,989,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
5d985ab5-67f1-4fad-b97a-15f3ee043df0
ນະຄອນຫລວງພະບາງ ກຽມຈັດງານບຸນປີໃໝ່ລາວ ລະຫວ່າງ ວັນທີ 11-20 ເມສາ 2025
site cover (29)
ນະຄອນຫລວງພະບາງ ກຽມຈັດງານບຸນປີໃໝ່ລາວໄລຍະເວລາ 10ມື້, ລະຫວ່າງວັນທີ່ 11-20 ເມສາ 2025
site cover (28)
ພົນ.ທ. ທ່ານ.ພານຸຣັດ ຫຼັກບຸນ ຊູກຍູ້ຄວາມຮ່ວມມື ສປ.ຈີນ-ສປປ.ລາວ-ເກົາຫຼີໃຕ້ ທຳລາຍເຄືອຂ່າຍການຄ້າ ສະກັດກັ້ນຢາເສບຕິດພື້ນທີ່ສາມຫຼ່ຽມຄຳ
site cover (26)
ກະຊວງການພັດທະນາສັງຄົມ ແລະ ຄວາມໝັ້ນຄົງຂອງມະນຸດ ພ້ອມຄະນະ ຮ່ວມປະຊຸມທະວິພາຄີ ໄທ - ສປປ.ລາວ ເພີ່ມປະສິດທິພາບ ຄຸ້ມຄອງ-ຊ່ວຍເຫຼືອຜູ້ເສຍຫາຍຈາກການຄ້າມະນຸດ
site cover (25)
ມະຕິ ວ່າດ້ວຍການປັບປຸງກົງຈັກການຈັດຕັ້ງ ສະບັບເລກທີ 03/ຄບສພ ນະຄອນຫຼວງວຽງຈັນ ວັນທີ 12 ມີນາ 2025
site cover (24)
ດູດວງປະຈຳວັນທີ່ 14/3/2025
site cover (23)
ເປີດຕົວເຕັກໂນໂລຢີ AI ຕົວໃໝ່ທີ່ມີຊື່ວ່າ "Manus" ສາມາດເຮັດວຽກແທນມະນຸດໄດ້ແທ້
site cover (22)
ຈີນພົບແຫຼ່ງທໍເຣຍມມະຫາສານ ໃຊ້ຜະລິດພະລັງງານໄປໄດ້ອີກ 60,000 ປີ
Copy of Copy of VP-Square (1200 x 628 px)
ພູເຂົາໄຟກົວເຕມາລາລະເບີດ
site cover (21)
ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 13/03/2025
ຢ່າລື່ມກົດຕິດຕາມ