ປະຊາຊົນ ໄດ້ບຸກເບີກດິນ ຫຼື ດຸດສວນເພື່ອປູກມັນຕົ້ນ ເມື່ອວັນທີ 11 ມີນາ 2024 ທີ່ຜ່ານມາ ຢູ່ເຂດບ້ານອຸດົມສຸກ ເມືອງສະໜາມໄຊ ແຂວງອັດຕະປື ແລະ ໄດ້ພົບລະເບີດຈໍານວນຫຼາຍທີ່ຕົກຄ້າງສະໄໝສົງຄາມ ຊຶ່ງປັດຈຸບັນຊ່ຽວຊານສະເພາະດ້ານໄດ້ລົງເກັບກູ້ໄວ້ໝົດແລ້ວເພື່ອກຽມທໍາລາຍໃນໄລຍະຕໍ່ໄປ.

ປະເທດລາວເກືອບທົ່ວທຸກແຂວງໄດ້ມີລະເບີດຕົກຄ້າງໃນສະໄໝສົງຄາມ, ໃນສະໄໝສົງຄາມລະຫວ່າງປີ 1964-1973, ສັດຕູໄດ້ຂົນລະເບີດຖິ້ມໃສ່ແຜ່ນດິນປະເທດລາວປະມານ 580.000 ຖ້ຽວ ບັນຈຸລູກລະເບີດເກືອບ 3 ລ້ານໂຕນ ແລະ ຄາດຄະເນວ່າມີລະເບີດລູກຫວ່ານຢູ່ 270 ລ້ານໜ່ວຍຊຶ່ງປະກອບມີຫຼາຍຊະນິດ. ໃນນັ້ນ, ຍັງມີລູກລະເບີດປະມານ 30% ບໍ່ທັນແຕກ, ໃນນັ້ນມີລະເບີດລູກຫວ່ານປະມານ 80 ລ້ານໜ່ວຍ ເຊິ່ງແຂວງທີ່ມີລູກລະເບີດຫຼາຍກວ່າໝູ່ແມ່ນແຂວງ ຊຽງຂວາງ ແລະ ສະຫວັນນະເຂດ, ສາລະວັນ ຕາມລໍາດັບ.

ຂໍ້ມູນ: ຫຄຊກລ

ສະແດງຄຳຄິດເຫັນ