ເກີດເຫດໃຊ້ປືນຍິງກັນ ໃນເວລາ 21:00 ນາທີ ຂອງວັນທີ 6 ເມສາ 2024 ທີ່ຜ່ານມາ ຢູ່ບ້ານດົງຊຽງດີ ເມືອງນາຊາຍທອງ ນະຄອນຫຼວງວຽງຈັນ ມີຜູ້ບາດເຈັບສາຫັດ 2 ຄົນ ແລະ ເສຍຊິວິດ 1 ຄົນ ສາເຫດຍ້ອນຜິດຖຽງກັນ.

ຜູ້ໄດ້ຮັບບາດເຈັບ 2 ຄົນ ເປັນເພດຊາຍ 1 ຄົນ ຖືກຍິງບາດແຜເປີດໃຫຍ່ຂາຊ້າຍ ແລະ ເພດຍິງ 1 ຄົນ ຖືກຍິງເຂົ້າໜ້າທ້ອງ 2 ນັດ, ສ່ວນຜູ້ເສຍຊີວິດເປັນເພດຊາຍ ເສຍຊີວິດຄາທີ່ ຖືກຍິງເຂົ້າທີ່ທ້ອງ ແລະ ລຳຕົວ.

ລາຍລະອຽດຕ່າງໆຍັງຢູ່ໃນຂັ້ນຕອນການສືບສວນສອບສວນຂອງເຈົ້າໜ້າທີ່ ແລະ ຈະລາຍງານຕາມພາຍຫຼັງ.

ທີ່ມາ: ໜ່ວຍກູ້ຊີບກູ້ໄພນະຄອນຫຼວງ

ສະແດງຄຳຄິດເຫັນ