ອິດສະຣາແອນ ເລັ່ງຍົກເລິກ ການໃຊ້ເຊື້ອໄຟຟໍສຊິລ ໃນປີ 2050
ສຳນັກຂ່າວ ຊິນຮວາ ຂອງ ສປຈີນ, ເມື່ອບໍ່ດົນມານີ້, ກະຊວງ ພະລັງງານ ແລະ ພື້ນຖານ ໂຄງລ່າງຂອງ ອິດສະຣາແອນ ໄດ້ປະກາດ ແຜນຍຸດທະສາດ ເພື່ອການປ່ຽນ ຜ່ານ ພະລັງງານ ເຊື້ອໄຟ ຟໍສຊິລ ແບບດັ່ງເດີມ ເປັນເຊື້ອໄຟ ຊີວະພາບ , ເຊື້ອໄຟ ສັງເຄາະ ແລະ ເຊື້ອໄຟ ໄຮໂດຣເຈນ ໃນປີ 2050.
ໂດຍເປົ້າໝາຍ ຕົ້ນຕໍ ເພື່ອປັບປຸງ ການຈະເລີນ ເຕີບໂຕ ທາງເສດຖະກິດ ຂອງປະເທດ ໃຫ້ສອດຄ່ອງ ກັບຂໍ້ກຳນົດ ດ້ານສະພາບ ພູມອາກາດໂລກ ແລະ ການສ້າງ ຄວາມທັນສະໄໝ .ໂດຍ ອິດສະຣາແອນ ຈະຈັດຫາ ຊື້ອໄຟ ທີ່ ເຊື່ອຖືໄດ້ ໃຫ້ແກ່ ທຸກພາກສ່ວນ ຂອງ ເສດຖະກິດ , ຍົກລະດັບ ຄວາມພ້ອມ ໃນການ ຮັບມື ຂອງ ເຫດການ ສຸກເສີນ ດ້ານການ ຈັດຫາເຊື້ອໄຟ ແລະ ສົ່ງເສີມ ການຜະລິດ ໃຊ້ງານ ເຊື້ອໄຟ ອັນເປັນມິດ ຕໍ່ສິ່ງແວດລ້ອມ ຫລາຍຂຶ້ນ ເພື່ອແນໃສ່ ຫລຸດຜ່ອນ ກາກບອນ ຂອງ ລັດະບານ ອິດສະຣາແອນ ແລະ ສ້າງຄວາມປ່ຽນແປງ ໃນອັດຕາສ່ວນ ທາງ ພະລັງງານ ຂອງປະເທດ ແລະ ອື່ນໆ.
