ສຳນັກຂ່າວStraits Times,ລາຍງານວ່າ: ອັດຕາ ເງິນເຟີ້ ພື້ນຖານ(Core inflation)ຂອງສິງກະໂປ ໃນເດືອນພຶດສະພາ ຍັງຮັກສາ ຢູ່ລະດັບ 3,1% ຕໍ່ເນື່ອງເປັນເດືອນ ທີ3 ແລ້ວ ເນື່ອງຈາກ ລາຄາ ສິນຄ້າ ອຸປະໂພກ ບໍລິໂພກ ໃນປະເທດ ຍັງຄົງປັບຕົວ ເພີ່ມຂຶ້ນ ເຮັດໃຫ້ ຊາວສິງກະໂປ ຕ້ອງຈ່າຍເງິນ ເພີ່ມຫລາຍຂຶ້ນ ສຳລັບ ການເດີນທາງ ທ່ອງທ່ຽວ.ຂະນະທີ່, ອັດຕາເງິນເຟີ້ ພາກບໍລິການ ໃນເດືອນພຶດສະພາ ຢູ່ໃນລະດັບ 3.6% ເນື່ອງຈາກ ປະຊາຊົນ ໃຊ້ຈ່າຍ ໃນການທ່ອງທ່ຽວ ຫລາຍຂຶ້ນ.

 

ລາຄາ​ປີ້​ຍົນ ​ໄດ້​ຫລຸດ​ລົງ ​ໜ້ອຍ​ໜຶ່ງ.ຂະນະດຽວກັນການເພີ່ມຂຶ້ນ ຂອງ ອັດຕາ​ ເງິນ​ເຟີ້ ​ພາກ​ບໍລິການ ຖືກຊົດເຊີຍ ດ້ວຍອັດຕາເງິນເຟີ້ ທີ່ຫລຸດລົງ ໃນສ່ວນ ຄ່າໄຟຟ້າ ແລະ ອາຍແກັສ ລວມໄປເຖິງ ສິນຄ້າ ໃນກຸ່ມຄ້າຍ່ອຍ ແລະ ສິນຄ້າອື່ນໆ. ສ່ວນອັດຕາເງິນເຟີ້ ດ້ານອາຫານ ຍັງຄົງບໍ່ປ່ຽນແປງ ທີ່ລະດັບ 2,8%.ດ້ານອັດຕາ ເງິນເຟີ້ ທົ່ວໄປ(Headline inflation) ໃນເດືອນພຶດສະພາ ລະດັບ 3,1% ເມື່ອທຽບໃສ່ ປີຕໍ່ປີ ເພີ່ມຈາກ2,7%ໃນເດືອນເມສາ ໂດຍໄດ້ຮັບ ແຮງໜູນຈາກ ລາຄາລົດຍົນ ແລະ ນ້ຳມັນ ທີ່ເພີ່ມສູງຂຶ້ນ./.

KPL

ສະແດງຄຳຄິດເຫັນ