ວິທະຍຸ ກະຈາຍ ສຽງແຫ່ງຊາດ ຫວຽດນາມ,ເມື່ອບໍ່ດົນມານີ້, ສະຫະພາບ ເອີຣົບ (ອີຢູ) ໄດ້ຕໍ່ກຳນົດສິດ ຂອງຊາວລີ້ໄພ ອູແກຣນ ໃຫ້ໄດ້ອາໄສໃນກຸ່ມນີ້ ຕື່ມອີກ 1 ປີ ໄປຈົນຮອດ ເດືອນ ມີນາ 2026.ປະຈຸບັນ, ມີຊາວລີ້ໄພ ອູແກຣນ ປະມານ 4,2 ລ້ານຄົນ ຈົດທະບຽນ ຂໍລີ້ໄພ ຢູ່ທົ່ວ ອີຢູ.ໃນນັ້ນ ລວມມີ: ເຢຍລະມັນ, ໂປໂລຍ ແລະ ສ.ເຊັກໂກ ແມ່ນບັນດາ ປະເທດ ມີຈຳນວນ ຊາວລີ້ໄພ ຫລາຍທີ່ສຸດ.

ທ່ານ Nicole de Moor, ລັດຖະມົນຕີ ຜູ້ຮັບຜິດຊອບ ການລີ້ໄພ ແລະ ອົບພະຍົບຂອງ ແບນຊິກ, ປະເທດ ພວມດຳລົງຕຳແໜ່ງ ປະທານ ໝູນວຽນ ສະພາ ເອຣົບ (ຮອດເດືອນ ມິຖຸນາ), ຢັ້ງຢືນວ່າ, ບັນດາ ຜູ້ຢາກ ຍົກຍ້າຍ ອອກຈາກ ເຂດເກີດ ການປະທະກັນ ຢູ່ ອູແກຣນ ສາມາດ ສືບຕໍ່ ເຊື່ອໝັ້ນ ຕໍ່ຄວາມສາມັກຄີ ຂອງ ອີຢູ.ບັນດາຊາວລີ້ໄພ ໄດ້ຮັບສິດປົກປ້ອງ ຊົ່ວຄາວ, ກໍຄື ມີສິດຄ້າຍຄືກັນກັບ ພົນລະເມືອງ ຂອງ ອີຢູ ລວມມີ: ໃບອະນຸຍາດ ພັກເຊົາ, ສຳຜັດກັບ ຕະຫລາດແຮງງານ ແລະ ເຮືອນຢູ່, ໜູນຊ່ວຍດ້ານການແພດ, ສະຫວັດດີການ-ສັງຄົມ ແລະ ເຂົ້າເຖິງ ການສຶກສາ.

KPL

ສະແດງຄຳຄິດເຫັນ