ທ່ານ ລໍາຄູນ ວໍລະວົງ, ຫົວໜ້າພະແນກຖະແຫລງຂ່າວ, ວັດ ທະນະທຳ ແລະທ່ອງທ່ຽວແຂວງ ສະຫວັນນະເຂດ ໃຫ້ສໍາພາດຕໍ່ສື່ມວນຊົນ ລາວ-ໄທ ທີ່ໄປຮ່ວມກິດຈະກໍາຢູ່ແຂວງສະຫວັນນະ ເຂດ ເມື່ອບໍ່ດົນມານີ້ວ່າ: ແຂວງສະຫວັນນະເຂດ ກໍາລັງກະກຽມເອກະສານຕາມຂັ້ນຕອນຕ່າງໆ ເພື່ອສະເໜີຕໍ່ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ຮັບຮອງເອົາພະທາດໂຜ່ນ, ຕັ້ງຢູ່ບ້ານໂພນທາດ, ເມືອງໄຊພູທອງ ເປັນມໍລະດົກແຫ່ງຊາດໃນທ້າຍປີ 2025 ນີ້.
ທັ້ງນີ້, ເນື່ອງຈາກພະທາດແຫ່ງນີ້ ມີຄວາມສໍາຄັນ ແລະ ສ້າງຂື້ນພ້ອມໆ ກັບພະທາດອີງຮັງ, ເຊິ່ງນອກຈາກມີຕຳ ນານທີ່ເລົ່າຂານມາແຕ່ບູຮານນະການວ່າເປັນອົງພຣະທາດສັກສິດ ຍັງເປັນແຫຼ່ງທ່ອງທ່ຽວທີ່ສຳຄັນຂອງຊາວເມືອງໄຊພູທອງ ກໍຄືຂອງຊາວແຂວງສະຫວັນນະເຂດ ສາມາດດຶງດູດນັກທ່ອງທ່ຽວທັງພາຍໃນ ແລະ ຕ່າງປະເທດໄດ້ເຂົ້າມາທ່ຽວເປັນຈໍານວນຫລາຍ ແລະ ສ້າງລາຍຮັບໄດ້ 200 ລ້ານກີບຕໍ່ເດືອນ.
ໄລຍະຜ່ານມາ, ທ່ານເຈົ້າແຂວງສະຫວັນນະເຂດ ໄດ້ອອກຂໍ້ຕົກລົງສະບັບເລກທີ 2914/ຈຂ, ລົງວັນທີ 9 ສິງຫາ 2024 ວ່າດ້ວຍການແຕ່ງຕັ້ງຄະນະກໍາມະການເກັບກໍາຂໍ້ມູນ ເພື່ອຮັບຮອງເອົາພຣະທາດໂຜ່ນ ແລະ ຜາສາດເຮືອນຫີນ ເປັນມໍລະດົກລະດັບທ້ອງຖິ່ນ ເຊິ່ງຄະນະດັ່ງກ່າວໄດ້ປະຊຸມກັນແລ້ວຫລາຍຄັ້ງເພື່ອເຮັດໃຫ້ບັນດາຂໍ້ມູນຖືກຕ້ອງຄົບຖ້ວນ ໂດຍອ້າງອີງຈາກຕໍານານ ແລະ ປະຫວັດສາດ, ຮີດຄອງປະ ເພນີທີ່ປະຕິບັດກັນມາແຕ່ລະປີ ແລະ ການກໍານົດຂອບເຂດດິນ ແລະ ຂອບເຂດອະ ນຸລັກ (ປັດຈຸ ບັນ ແລະ ອະນາຄົດ, ສໍາຫຼວດ ແລະ ກໍານົດຂອບເຂດພື້ນທີ່ຄຸ້ມ ຄອງ (ເຂດອະນຸລັກ, ເຂດອ້ອມຮອບ, ເຂດກັນຊົນ ແລະ ເຂດພັດທະນາ).
ລວມເຖີງການແຕ້ມແຜນທີ່ຂອບເຂດພື້ນທີ່ທັງໝົດຂອງພຣະທາດໂຜ່ນ-ເຮືອນຫີນ ແລະ ຄິດໄລ່ເນື້ອທີ່ທັງໝົດ, ກໍານົດຂອບເຂດອະນຸ ລັກຂອງປູສະນີຍະສະຖານ ແລະ ສິ່ງກໍ່ສ້າງພາຍ ໃນບໍລິເວນ, ແຕ້ມແບບຊັດສ່ວນຂອງອົງພະທາດ, ເຕັກນິກຂອງການປະກອບສ້າງ (ກໍາມະວິທີການກໍ່ສ້າງ, ວັດຖຸທີ່ນໍາໃຊ້ ແລະ ຂັ້ນຕອນຂອງການບູລະນະປະຕິສັງຂອນ).
ທີ່ມາ LNR
ສະກຸນເງິນ | ຊື້ | ຂາຍ |
---|---|---|
![]() USD | 21,507 | 21,717 |
![]() THB | 633.38 | 645.41 |
![]() EUR | 22,130 | 22,571 |
![]() CNY | 2,888 | 2,943 |
ຊະນິດນ້ຳມັນ | ລາຄາ |
---|---|
![]() | 29,850 |
![]() | 23,450 |
![]() | 19,610 |
ປະເພດ | ລາຄາຊື້ | ລາຄາຂາຍ |
---|---|---|
![]() | 29,940,000 | 30,470,000 |
![]() | 29,670,000 | 30,579,000 |