Claude ເປີດໂຕ 2 ຄຸນສົມບັດໃໝ່ ທັງລະບົບຄົ້ນຫາຂໍ້ມູນ Research ແລະ ການເຊື່ອມຕໍ່ກັບ Google Workspace ຮອງຮັບວຽກຫຼາກຫຼາຍຕັ້ງແຕ່ການຄົ້ນຄວ້າຈົນເຖິງການວາງແຜນຊີວິດປະຈຳວັນ

Claude ອີກໂມເດລ AI ທີ່ມີຊື່ສຽງໄດ້ປະກາດອັບເດດ 2 ຄຸນສົມບັດໃໝ່ຄື Research ລະບົບຄົ້ນຫາຂໍ້ມູນຈາກແຫຼ່ງອື່ນໃນໂລກອອນລາຍເພື່ອເພີ່ມຄຸນນະພາບຄຳຕອບ ແລະ ການເຊື່ອມຕໍ່ກັບ Google ທີ່ເລິກເຊິ່ງຍິ່ງຂຶ້ນ ໂດຍສາມາດນຳ Claude ເຊື່ອມຕໍ່ແລະໃຊ້ງານຮ່ວມກັບຜະລິດຕະພັນທັງຫຼາຍຂອງ Google ເປັນທີ່ຮຽບຮ້ອຍ

ສຳລັບ Research ໂດຍພື້ນຖານຄ້າຍຄືກັບລະບົບຄົ້ນຫາຂໍ້ມູນໃນໂມເດລຕົວອື່ນ ຊ່ວຍໃຫ້ Claude ສາມາດຄົ້ນຫາ, ລວບລວມຂໍ້ມູນ ແລະ ສະຫຼຸບຜົນໄດ້ກວ້າງ, ຄອບຄຸມ ແລະ ຕອບໂຈດຕໍ່ການໃຊ້ງານຫຼາຍຍິ່ງຂຶ້ນ ແລະ ສາມາດມອບຄຳຕອບຄຸນນະພາບສູງໃຫ້ແກ່ຜູ້ໃຊ້ງານໄດ້ພາຍໃນເວລາບໍ່ເທົ່າໃດວິນາທີ

ດ້ວຍເຫດນີ້ Claude ຈຶ່ງສາມາດຮອງຮັບແລະສາມາດນຳໄປໃຊ້ງານໃນຫຼາຍສາຂາວິຊາ ຕັ້ງແຕ່ໃຊ້ງານເພື່ອລວບລວມແລະສະຫຼຸບຂໍ້ມູນພາຍໃນອົງກອນ, ຈັດທຳແຜນການຕະຫຼາດ, ສະຫຼຸບຂໍ້ມູນການນຳສະເໜີ, ວິເຄາະໂຄງສ້າງຄວາມປອດໄພອາຄານ, ຄົ້ນຫາຂໍ້ມູນບົດຮຽນແລະການຄົ້ນຄວ້າສຳລັບການສຶກສາ ຫຼື ແມ່ນແຕ່ການເຂົ້າເຖິງແລະວາງແຜນຕາຕະລາງຊີວິດ

ອີກຄຸນສົມບັດໜຶ່ງທີ່ຊ່ວຍໃຫ້ການເຮັດວຽກສະດວກຂຶ້ນຄື ການເຊື່ອມຕໍ່ຂໍ້ມູນກັບ Google ຕອນນີ້ Claude ສາມາດເຂົ້າເຖິງ Google Docs, Gmail ແລະ Google Calendar ເຂົ້າເຖິງແລະເຊື່ອມຕໍ່ເຂົ້າກັບ Google Workspace ໄດ້ໂດຍກົງ ຊ່ວຍໃຫ້ຜູ້ໃຊ້ງານບໍ່ຕ້ອງເສຍເວລາອັບໂຫຼດໄຟລ໌ເພີ່ມເຕີມ

ດ້ວຍເຫດນີ້ Claude ຈຶ່ງຊ່ວຍສະໜັບສະໜູນຕາຕະລາງວຽກໄດ້ກວ້າງຂວາງຂຶ້ນ ທັງສະຫຼຸບໃຈຄວາມສຳຄັນຈາກອີເມລ, ກວດສອບເນື້ອໃນທີ່ຕ້ອງການໃນໄຟລ໌ເອກະສານ, ຮຽບຮຽງເນື້ອໃນແລະຈັດທຳດັດຊະນີສະເພາະຂອງເນື້ອໃນ ໄປຈົນການເຂົ້າເຖິງແລະຈັດຕາຕະລາງເວລາສຳລັບການນັດໝາຍ

ການເຂົ້າມາຂອງທັງສອງຄຸນສົມບັດຊ່ວຍໃຫ້ Claude ສະດວກແລະມີປະສິດທິພາບຫຼາຍຂຶ້ນ ເພື່ອມຸ່ງສູ່ Agentic AI ຢ່າງເຕັມຮູບແບບ

ປັດຈຸບັນທັງສອງຄຸນສົມບັດເປີດໃຫ້ບໍລິການໃນ Claude ເປັນທີ່ຮຽບຮ້ອຍໃນກຸ່ມລູກຄ້າ Max, Team ແລະ Enterprise ໂດຍໃນຊ່ວງແລກ Research ຈະເປີດໃຫ້ໃຊ້ໃນສະຫະລັດອາເມລິກາ, ຍີ່ປຸ່ນ ແລະ ບຣາຊິນກ່ອນ ແລ້ວຄ່ອຍຂະຫຍາຍໄປຍັງປະເທດອື່ນຕໍ່ໄປ

ສະແດງຄຳຄິດເຫັນ