Copy of site cover (13)
ອາເຊນອລ 2-2 ຄຣິສຕັລ ພາເລສ: ຊາລິບາເຮັດຜິດພາດ! ອາເຊນໍເສຍ 3 ຄະແນນສຳຄັນ ໃນຂະນະທີ່ລິເວີພູລມີໂອກາດຄອງແຊມພຣີເມຍລີກ
ຮຽບຮຽງໂດຍ:kaling
ເຜີຍແຜ່: 24 April, 2025
ໝວດ: ກິລາ

ໃນການແຂ່ງຂັນພຣີເມຍລີກ, ອາເຊນອລ ສະເໝີກັບ ຄຣິສຕັລ ພາເລສ 2-2. ເຖິງແມ່ນວ່າພວກເຂົາຈະນຳໜ້າສອງຄັ້ງ, ແຕ່ກໍຖືກຕີເສມີໃນຊ່ວງທ້າຍເກມ ຍ້ອນຄວາມຜິດພາດຂອງ ວີລຽມ ຊາລິບາ. ຜົນການແຂ່ງຂັນນີ້ສົ່ງຜົນໃຫ້ ລິເວີພູລ ໃກ້ຈະໄດ້ເປັນແຊມລີກ ຖ້າຫາກບໍ່ແພ້ຕໍ່ສະເປີສໃນເກມຕໍ່ໄປ.

ການແຂ່ງຂັນພຣີເມຍລີກ 2024/25 ລະຫວ່າງ ອາເຊນອລ ແລະ ຄຣິສຕັລ ພາເລສ ທີ່ສະໜາມ ເອມີເຣດ ສະຕາດຽມ, ລອນດອນ, ປະເທດອັງກິດ, ວັນພຸດທີ 23 ເມສາ 2025.

ພຽງແຕ່ນາທີທີ 3, ອາເຊນອລ ໄດ້ປະຕູນຳ 1-0 ຈາກຈັງຫວະໄດ້ລູກຟຣີຄິກ, ເຊິ່ງ ມາຕິນ ໂອເດກາດ ເປີດບອນເຂົ້າໃນເຂດໂທດ, ແລະເປັນ ຢາຄູບ ຄີວິອໍ ຂຶ້ນໂຂກບອນເຂົ້າປະຕູຢ່າງສວຍງາມ.

ໃນນາທີທີ 23, ເຈົ້າຂອງບ້ານເກືອບໄດ້ປະຕູເພີ່ມ ຈາກລູກຍິງຂອງ ເດແຄລນ ໄຣສ໌ ທີ່ບອນຫຼຸດກອບໄປພຽງເລັກນ້ອຍ.

ໃນນາທີທີ 27, ພາເລສ ຕີເສມີ 1-1 ຈາກຈັງຫວະໄດ້ລູກເຕະມຸມ, ເຊິ່ງ ອາດາມ ວໍຕັນ ເປີດບອນຍ້ອນມາຕາມເສັ້ນເຂດໂທດ, ແລະເປັນ ເອເບເຣຊີ ເອເຊ ແລ່ນເຂົ້າມາວອລເລ, ບອນກະດອນພື້ນເຊັດເສົາເຂົ້າໄປ.

ແຕ່ໃນນາທີທີ 42, “ໄອ້ປືນໃຫຍ່” ຂຶ້ນນຳອີກຄັ້ງເປັນ 2-1 ຈາກ ເລອັນໂດຣ ທຣອສຊາ ທີ່ຍິງດ້ວຍຊ້າຍ, ບອນແສບ ແມັກຊັອງ ລາຄຣົວສ໌ ບຽດເສົາເຂົ້າໄປ.

ຈົບເຄິ່ງແລກ, ອາເຊນອລ ນຳ ຄຣິສຕັລ ພາເລສ 2-1.

ໃນນາທີທີ 66, ພາເລສ ເກືອບໄດ້ປະຕູຕີເສມີຈາກຈັງຫວະທີ່ ມາກ ເກຮີ ໂໝ່ງບອນຢ້ອຍໆ, ເຊິ່ງ ດາບິດ ຣາຢາ ຜູ້ຮັກສາປະຕູ ອາເຊນອລ ປັດບອນອອກຫຼັງໄປໄດ້.

ອາເຊນອລ ໃກ້ໄດ້ປະຕູທີສາມຫຼາຍ, ຈາກຈັງຫວະທີ່ ກາເບຣຽລ ມາຕີເນລີ ພາບອນໄປເຖິງເສັ້ນຫຼັງ, ກ່ອນເປີດເຂົ້າມາໜ້າປະຕູ, ເຊິ່ງ ບູຄາໂຢ ຊາກາ ຕົວສຳຮອງ ຍິງດ້ວຍຊ້າຍ, ແຕ່ ດີນ ເຮນເດີສັນ ຜູ້ຮັກສາປະຕູ ພາເລສ ເຊັບໄດ້ຢ່າງຍອດຢ້ຽມ.

ໃນນາທີທີ 83, ພາເລສ ຕີເສມີ 2-2 ຈາກຄວາມຜິດພາດຂອງ ວີລຽມ ຊາລິບາ ກອງຫຼັງ ອາເຊນອລ ທີ່ສົ່ງບອນໃຫ້ເພື່ອນບໍ່ດີ, ແລະເປັນ ຊັອງ-ຟີລິບປ໌ ມາເຕຕາ ຫົວຫອກສຳຮອງທີມຢ້ຽມ ແຍ່ງບອນມາຄອງໄດ້, ແລະສາມາດຍິງໄກໄດ້ທັນທີ, ບອນລອຍເຊັດໃຕ້ຄານເຂົ້າໄປຢ່າງງົດງາມ.

ຊ່ວງເວລາທີ່ເຫຼືອບໍ່ມີປະຕູເພີ່ມ. ຈົບເກມ, ອາເຊນອລ ເຮັດໄດ້ພຽງແຕ່ເປີດບ້ານສະເໝີ ຄຣິສຕັລ ພາເລສ 2-2, ເກັບເພີ່ມເປັນ 67 ຄະແນນ ຈາກການລົງແຂ່ງ 34 ນັດ, ຕາມ ລິເວີພູລ ຈ່າຝູງ ທີ່ລົງແຂ່ງໜ້ອຍກວ່າໜຶ່ງນັດ 12 ຄະແນນ. ນັ້ນໝາຍຄວາມວ່າ “ໝາກນົກແດງ” ຈະການັນຕີແຊມທັນທີ ຂໍພຽງແຕ່ບໍ່ແພ້ໃນເກມເປີດບ້ານພົບ ທັອດແນມ ຮັອດສະເປີ ວັນອາທິດທີ 27 ເມສານີ້.

ລາຍຊື່ຜູ້ຫຼິ້ນຕົວຈິງທັງສອງທີມ:

ອາເຊນອລ (4-3-3) – ດາບິດ ຣາຢາ; ເຢີເຣຍນ ທິມເບີ, ວີລຽມ ຊາລິບາ, ຢາຄູບ ຄີວິອໍ, ໄມລ໌ ລູອິສ-ສະເຄລີ; ມາຕິນ ໂອເດກາດ, ໂທມັສ ປາເຕ, ເດແຄລນ ໄຣສ໌; ຣາຮີມ ສະເຕີລິງ, ກາເບຣຽລ ມາຕີເນລີ, ເລອັນໂດຣ ທຣອສຊາ

ຄຣິສຕັລ ພາເລສ (3-4-2-1) – ດີນ ເຮນເດີສັນ; ເຢັຟເຟີຊອນ ເລີມາ, ແມັກຊັອງ ລາຄຣົວສ໌, ມາກ ເກຮີ; ດາເນຍລ ມູນຍອສ, ອາດາມ ວໍຕັນ, ໄດອິຈິ ຄາມາດະ, ໄທຣິກ ມິດເຊລ; ຈັສຕິນ ເດເວນນີ, ເອເບເຣຊີ ເອເຊ; ເອັດດີ ເອັນເຄເຕຍ

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Friday, 29 August, 2025
ສະກຸນເງິນ
ຊື້
ຂາຍ
united-states
USD
21,511
21,788
thailand (1)
THB
662.01
672.20
european-union
EUR
24,097
24,579
china
CNY
2,926
2,984
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-08-29T160627.447
ແຈ້ງເຕືອນໄພ ພາຍຸດີເປຼຊັນ (TD) ສະບັບທີ 1 ໃນລະຫວ່າງວັນທີ 29 – 31 ສິງຫາ 2025
site cover1 (100)
ຮູ້ຈັກ Cambricon ບໍລິສັດຊິບຈີນມ້າມືດ ຄູ່ແຂ່ງ Nvidia ລາຍໄດ້ພຸ່ງ 4,000%
pele - 2025-08-29T142514.669
ສໍາເລັດການຍົກລະດັບຄວາມຮູ້ ວຽກງານວິຊາສະເພາະ ໂຄສະນາອົບຮົມ
site cover1 (99)
"ແມນຢູ" ຕ້ອງຈ່າຍສູງເຖິງ 521 ລ້ານບາດ ຖ້າປົດ "ອະໂມຣິມ"ຫຼັງຊີຊັ່ນໃໝ່ຍັງບໍ່ຊະນະໃຜເລີຍ
_cover - 2025-08-29T134631.840
ເຈົ້າເມືອງໆຍົມມະລາດ ລົງຢ້ຽມຢາມປະຊາຊົນ ແລະ ຕິດຕາມສະພາບນ້ຳຖ້ວມພາຍໃນເມືອງ
pele - 2025-08-29T133942.291
ປະທານສະພາແຫ່ງຊາດ ຫວຽດນາມ ພົບປະເຈລະຈາກັບ ປະທານສະພາແຫ່ງຊາດນູແວນເຊລັງ
site cover1 (98)
OpenAI ກະກຽມເພີ່ມຟີເຈີ 'ການຄວບຄຸມໂດຍຜູ້ປົກຄອງ' ຫຼັງເດັກ 16 ປີເສຍຊີວິດເພາະສົນທະນາກັບ ChatGPT
_cover - 2025-08-29T103421.083
ຍີ່ປຸ່ນໃຊ້ AI ຈຳລອງພູເຂົາໄຟຟູຈິລະເບີດ ເຕືອນຄົນໂຕກຽວໃຫ້ຮັບມືກັບໄພພິບັດ
pele - 2025-08-29T103707.528
ບໍລິສັດ ສະຫະບໍລິສັດ ລາວບໍລິການ ຈຳກັດ ມອບ 2 ຕື້ກີບ ຊຸກຍູ້ກອງປະຊຸມໃຫຍ່ອົງຄະນະພັກແຂວງ ຄັ້ງທີ XII
site cover1 (97)
ການວິໄຈພົບ 'ຢາສີດມະເຮັງສະເພາະຈຸດ' ສີດແລ້ວຫາຍທົ່ວຮ່າງກາຍ
ຢ່າລື່ມກົດຕິດຕາມ