site-cover (61)
ສະຫະລັດ-ອັງກິດຍົກຍ່ອງຂໍ້ຕົກລົງການຄ້າທີ່ບັນລຸເປັນຊາດທຳອິດ
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 9 May, 2025

ວໍຊິງຕັນ 9 ພຶດສະພາ – ປະທານາທິບໍດີໂດນັລ ທຣຳຂອງສະຫະລັດແລະນາຍົກລັດຖະມົນຕີ ເຄຍ ສຕາເມີຂອງອັງກິດຍົກຍ່ອງຂໍ້ຕົກລົງການຄ້າທະວິພາຄີຢ່າງຈຳກັດວ່າ ເປັນຄວາມກ້າວໜ້າຄັ້ງສຳຄັນ ຫຼັງຈາກອັງກິດບັນລຸຂໍ້ຕົກລົງການຄ້າກັບສະຫະລັດໄດ້ເປັນປະເທດທຳອິດ ນັບຈາກສະຫະລັດປະກາດໃຊ້ມາດຕະການພາສີໃໝ່ເປັນລາຍປະເທດເມື່ອເດືອນກ່ອນ

 

ປະທານາທິບໍດີທຣຳສົນທະນາທາງໂທລະສັບກັບນາຍົກລັດຖະມົນຕີສຕາເມີທີ່ຫ້ອງເຮັດວຽກຮູບໄຂ່ໃນທຳນຽບຂາວ ໂດຍເປີດລຳໂພງສຽງສົນທະນາໃຫ້ຜູ້ສື່ຂ່າວຟັງນຳເມື່ອວານນີ້. ເພິ່ນກ່າວວ່າ ເປັນຂໍ້ຕົກລົງທີ່ເປີດຕະຫຼາດທີ່ຍິ່ງໃຫຍ່ໃຫ້ແກ່ສະຫະລັດ.

 

ຂະນະທີ່ທ່ານສຕາເມີກ່າວວ່າ ເປັນວັນປະຫວັດສາດທີ່ໜ້າມະຫັດສະຈັນ ເພາະເປັນການປະກາດຂໍ້ຕົກລົງທີ່ເກືອບຈະຕົງກັບຊ່ວງເວລາທີ່ສົງຄາມໂລກຄັ້ງທີ 2 ບົນພາກພື້ນຢູໂຣບຍຸຕິລົງເມື່ອ 80 ປີກ່ອນ. ຂໍ້ຕົກລົງນີ້ຈະສົ່ງເສີມການຄ້າລະຫວ່າງ 2 ປະເທດ ນອກຈາກຈະປົກປ້ອງການຈ້າງງານແລ້ວ ຍັງຈະເຮັດໃຫ້ເກີດການຈ້າງງານ ແລະ ການເຂົ້າເຖິງຕະຫຼາດຫຼາຍຂຶ້ນ.

 

ປທນ.ທຣຳສົນທະນາກັບນາຍົກຯ ສຕາເມີຜ່ານທາງໂທລະສັບ 
ຜູ້ນຳທັງ 2 ຄົນຍົກຍ່ອງຂໍ້ຕົກລົງນີ້ວ່າ ເປັນຄວາມກ້າວໜ້າຄັ້ງສຳຄັນ.

 

ອັງກິດຈະຫຼຸດພາສີສະເລ່ຍທີ່ເກັບຈາກສິນຄ້ານຳເຂົ້າຈາກສະຫະລັດລົງຈາກຮ້ອຍລະ 5.1 ເຫຼືອຮ້ອຍລະ 1.8 ຂະນະທີ່ສະຫະລັດຈະເກັບພາສີສິນຄ້ານຳເຂົ້າຈາກອັງກິດທີ່ຮ້ອຍລະ 10 ຕາມທີ່ປະກາດເມື່ອວັນທີ 2 ເມສາ ຄອບຄຸມເຖິງຍານຍົນທີ່ສະຫະລັດຮຽກເກັບຖ້ວນໜ້າກັບທຸກປະເທດໃນອັດຕາຮ້ອຍລະ 25 ໂດຍໃຫ້ໂກຕ້າພາສີດັ່ງກ່າວແກ່ອັງກິດປີລະ 100,000 ຄັນເກືອບເທົ່າກັບຈຳນວນຍານຍົນທີ່ອັງກິດສົ່ງອອກໄປສະຫະລັດເມື່ອປີກ່ອນ.

 

ສ່ວນພາສີເຫຼັກແລະອາລູມິນຽມທີ່ສະຫະລັດເກັບຖ້ວນໜ້າໃນອັດຕາຮ້ອຍລະ 25 ຈະຫຼຸດລົງເຫຼືອຮ້ອຍລະ 0 ໃຫ້ແກ່ອັງກິດ ແລກກັບການທີ່ອັງກິດຈະຫຼຸດພາສີເອທານອນນຳເຂົ້າຈາກສະຫະລັດລົງຈາກຮ້ອຍລະ 19 ເຫຼືອຮ້ອຍລະ 0 ໂດຍໃຫ້ໂກຕ້າປີລະ 370 ລ້ານແກລລອນ ຫຼາຍກວ່າທີ່ສະຫະລັດສົ່ງອອກໄປອັງກິດຢ່າງຫຼວງຫຼາຍ.

ນາຍົກຯ ສຕາເມີສົນທະນາກັບ ປທນ.ທຣຳຜ່ານທາງໂທລະສັບ 
ນອກຈາກນີ້ທັງ 2 ຝ່າຍຍັງຕົກລົງເປີດຕະຫຼາດຊີ້ນງົວໃຫ້ແກ່ກັນ ດ້ວຍການສົ່ງອອກໄດ້ສູງສຸດຝ່າຍລະ 13,000 ໂຕນໂດຍບໍ່ເສຍພາສີ ຈາກເດີມທີ່ອັງກິດຕ້ອງເສຍພາສີຮ້ອຍລະ 20 ແລະ ສົ່ງອອກໄດ້ພຽງ 1,000 ໂຕນ. ເຈົ້າໜ້າທີ່ສະຫະລັດລະບຸວ່າ ຂໍ້ຕົກລົງນີ້ຈະສ້າງໂອກາດໃຫ້ແກ່ສິນຄ້າສົ່ງອອກຂອງສະຫະລັດມູນຄ່າລວມ 5,000 ລ້ານໂດລາສະຫະລັດ.

 

ເຖິງຢ່າງໃດກໍ່ດີ ຜູ້ນຳສະຫະລັດບອກປັດວ່າ ຂໍ້ຕົກລົງກັບອັງກິດຈະບໍ່ແມ່ນຕົ້ນແບບສຳລັບການເຈລະຈາຂໍ້ຕົກລົງກັບຄູ່ຄ້າອື່ນໆ ທັງໝົດ 57 ຄູ່ຄ້າທີ່ເພິ່ນປະກາດເກັບຕັ້ງແຕ່ຮ້ອຍລະ 10 ໄປຈົນເຖິງຮ້ອຍລະ 50 ເພາະຄູ່ຄ້າອື່ນໆເກີນດຸນການຄ້າກັບສະຫະລັດເປັນຈຳນວນຫຼາຍ.

 

ເຈົ້າໜ້າທີ່ອັງກິດລາຍໜຶ່ງເປີດເຜີຍວ່າ ທັງ 2 ຝ່າຍມີສິ່ງທີ່ຕ້ອງຫາລືໃນລາຍລະອຽດຢ່າງຈິງຈັງ ໂດຍຕັ້ງຂໍ້ສັງເກດວ່າ ຂໍ້ຕົກລົງນີ້ບໍ່ໄດ້ຄອບຄຸມເລື່ອງທີ່ສະຫະລັດຕ້ອງການໃຫ້ອັງກິດປັບປ່ຽນການເກັບພາສີບໍລິການດິຈິຕອນກັບແພລດຟອມຊື້ຂາຍໃນໂລກອອນລາຍໃນອັດຕາຮ້ອຍລະ 2 ຂອງລາຍໄດ້ທີ່ເກີດຂຶ້ນໃນອັງກິດ.

 

ຂະນະທີ່ນັກວິເຄາະຫຼາຍລາຍຊີ້ວ່າ ຂໍ້ຕົກລົງນີ້ບໍ່ໄດ້ແກ້ໄຂເລື່ອງດຸນການຄ້າຂອງ 2 ປະເທດແຕ່ຢ່າງໃດ ແລະ ຍັງບໍ່ມີການລົງນາມຢ່າງເປັນທາງການ.

ສະແດງຄຳຄິດເຫັນ

ອັດຕາແລກປ່ຽນ 
ປະຈຳວັນທີ Wednesday, 2 July, 2025
ສະກຸນເງິນ
ຊື້
ຂາຍ
united-states
USD
21,392
21,667
thailand (1)
THB
659.01
670.87
european-union
EUR
24,252
24,736
china
CNY
2,906
2,964
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ 
ປະຈຳວັນທີ Thursday, 27 March, 2025
ຊະນິດນ້ຳມັນ
ລາຄາ
28,230
22,560
18,370
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ 
ປະຈຳວັນທີ Wednesday, 11 June, 2025
ປະເພດ
ລາຄາຊື້
ລາຄາຂາຍ
34,990,000
35,520,000
34,640,000
35,629,000
ຂໍ້ມູນຈາກ: ຮ້ານຄຳພູວົງ
ຂ່າວມາໃໝ່ 
_cover - 2025-07-03T161732.503
ຍີ່ປຸ່ນກຽມພ້ອມຮັບມື "Megaquake" ເປີດເຜີຍແຜນໃຊ້ AI ຫຼຸດຜູ້ເສຍຊີວິດສູງສຸດ 300,000 ຄົນ
_cover - 2025-07-03T152835.513
ຈະເກີດຫຍັງຂຶ້ນ ເມື່ອງົດດື່ມແອລກໍຮໍ ນອນງ່າຍ ໜ້າທ້ອງຫາຍ ຜິວດີ ແທ້ຫຼືບໍ່?
_cover - 2025-07-03T144001.784
ແຜ່ນດິນໄຫວກວ່າ 900 ຄັ້ງ ສັ່ນສະເທືອນໝູ່ເກາະໂທຄາຣະຂອງຍີ່ປຸ່ນໃນເວລາພຽງ 2 ອາທິດ
_cover - 2025-07-03T135925.491
ສະຫະລັດລົງນາມຂໍ້ຕົກລົງການຄ້າກັບຫວຽດນາມ ຕົກລົງຫຼຸດພາສີຈາກ 46% ເຫຼືອ 20%
_cover - 2025-07-03T115136.160
ເຮືອເຟີຣີ່ຫຼົ້ມໃກ້ເກາະບາຫລີ ສູນຫາຍກວ່າ 30 ຄົນ ຄາດວ່າເປັນບັນຫາເຄື່ອງຈັກ
_cover - 2025-07-03T111331.155
ບໍລິສັດ "Neta" ກຽມກັບມາດຳເນີນສາຍການຜະລິດອີກຄັ້ງ ຫຼັງປະກາດລົ້ມລະລາຍເພື່ອປັບໂຄງສ້າງອົງກອນ
_cover - 2025-07-03T103006.031
ເຕືອນ!!! ປະຈຸບັນ ມີກຸ່ມຄົນບໍ່ຫວັງດີ ໄດ້ປອມແປງທະນະບັດ ສະກຸນເງິນກີບ ປະເພດໃບ 100,000 ກີບ ລຸ້ນປີ 2020 ອອກມາໃຊ້ຈ່າຍໃນສັງຄົມ
_cover - 2025-07-03T093700.780
ແຈ້ງປັບລາຄານ້ຳມັນ ເລີ່ມປະຕິບັດ 06:00 ໂມງຂອງວັນທີ 03 ກໍລະກົດ 2025
pele - 2025-07-02T105100.856
ຈະມີຝົນຕົກໃນລະດັບຄ່ອຍ ຫາ ປານກາງ ແລະ ຕົກໜັກ ຫາ ໜັກຫຼາຍຢູ່ບາງທ້ອງຖິ່ນ
pele - 2025-07-02T095249.830
ບໍລິສັດ ໄບຣຊອຍສ ມອບເຄື່ອງຊ່ວຍເຫຼືອໃຫ້ນັກຮຽນເຂດຫ່າງໄກສອກຫຼີກ
ຢ່າລື່ມກົດຕິດຕາມ