ແຈ້ງການ

ເລື່ອງ: ການປິດນ້ຳປະປາຊົ່ວຄາວ ເພື່ອຕັດທໍ່ຂະໜາດ DIP DN 450mm ສຳໃສ່ໝໍ້ແທກນ້ຳ ຂະໜາດ DN 80mm

ສະຖານທີ່: ກົມໃຫຍ່ເສນາທິການ ກະຊວງປ້ອງກັນປະເທດ, ບ້ານ ໂພນເຄັງ ເມືອງ ໄຊເສດຖາ ນະຄອນຫຼວງວຽງຈັນ

ລັດວິສາຫະກິດນ້ຳປະປານະຄອນຫຼວງວຽງຈັນ ຂໍຖືເປັນກຽດຢ່າງສູງແຈ້ງມາຍັງ ບັນດາລູກຄ້າຜູ້ຊົມໃຊ້ນ້ຳປະປາ ໃນເຂດເມືອງ ໄຊເສດຖາ ນະຄອນຫຼວງວຽງຈັນ ຊາບວ່າ: ໃນວັນທີ 21 ມິຖຸນາ 2025 ກົງກັບ ວັນເສົາ ເລີ່ມແຕ່ເວລາ: 9:00ໂມງ ຫາ 16:00 ໂມງ ຈະໄດ້ປິດນ້ຳປະປາຊົ່ວຄາວ ເພື່ອດຳເນີນການຕັດທໍ່ຂະໜາດ DIP DN 450mm ສຳໃສ່ໝໍ້ແທກນ້ຳ ຂະໜາດ DN 80mm ສະຖານທີ່: ກົມໃຫຍ່ເສນາທິການ ກະຊວງປ້ອງກັນປະເທດ, ບ້ານ ໂພນເຄັງ ເມືອງ ໄຊເສດຖາ ນະຄອນຫຼວງວຽງຈັນ, ໃນລະຫວ່າງການດຳເນີນງານ ຈະສົ່ງຜົນກະທົບເຮັດໃຫ້ ນ້ຳປະປາໄຫຼອອກຄ່ອຍ ຫາ ບໍ່ມີນ້ຳໃນຂອບເຂດພື້ນທີ່ ດັ່ງຕໍ່ໄປນີ້: ບາງບ້ານທີ່ຢູ່ໃນເຂດ ເມືອງ ໄຊເສດຖາ ແລະ ເມືອງ ຈັນທະບູລີ ນະຄອນຫຼວງວຽງຈັນ.

ດັ່ງນັ່ນ, ຈຶ່ງແຈ້ງມາຍັງທ່ານເພື່ອຊາບ ແລະ ກະກຽມໂຕ່ງນ້ຳ, ເພື່ອຊົມໃຊ້ຊົ່ວຄາວຈົນກວ່າແຮງດັນນ້ຳມາເປັນປົກກະຕິ ແລະ ຂໍອະໄພໃນຄວາມບໍ່ສະດວກຕໍ່ການຊົມໃຊ້ນ້ຳປະປາ ໃນຄັ້ງນີ້ດ້ວຍ.

ສະແດງຄຳຄິດເຫັນ