ຜູ້​ໂດຍ​ສານ ຈະ​ສາ​ມາດ​ ຈອງ​ປີ້​ລົດ​ໄຟລ່ວງ​ໜ້າ 7 ວັນ​ ໄດ້ແລ້ວ ນັບ​ແຕ່​ວັນ​ທີ 1 ກໍ​ລະ​ກົດ 2025 ນີ້ເປັນ​ຕົ້ນ​ໄປ.

ທາງລົດໄຟລາວ-ຈີນ ຈະຂະຫຍາຍ ການ​ບໍ​ລິ​ການ ຈອງປີ້ລົດໄຟລ່ວງໜ້າ ຈາກ​ປົກ​ກະ​ຕິ 4 ວັນ ເປັນ 7 ວັນ.

ການ​ຂະ​ຫຍາຍການບໍລິການ ດັ່ງ​ກ່າວ ເພື່ອອໍານວຍຄວາມສະດວກ ໃຫ້ຜູ້ໂດຍສານ ສາມາດວາງແຜນການເດີນທາງໄດ້ລ່ວງໜ້າ.

ທ່ານຜູ້ໂດຍສານ ສາມາດຈອງ ຫຼື ຊື້ປີ້ລົດໄຟໄດ້ຜ່ານແອັບຂາຍປີ້ອອນໄລ LCR Tickets ແລະ ຫ້ອງຂາຍປີ້ປະຈຳແຕ່ລະສະຖານີ ຫຼື ຈຸດຂາຍປີ້ທົ່ວໄປ. ເວ​ລາຜູ້ໂດຍ​ສານ​​ຈະຈອງ​ປີ້ ຕ້ອງ​ໄດ້​ກະ​ກຽມ ບັດປະຈຳຕົວ, ໜັງສືເດີນທາງ ແລະ ສຳມະໂນຄົວ.

ສະແດງຄຳຄິດເຫັນ