ທີມນັກຄົ້ນຄວ້າຈາກ Martin Luther University Halle-Wittenberg ໃນປະເທດເຢຍລະມັນ ໄດ້ເປີດຕົວເທັກໂນໂລຊີພະລັງງານແສງອາທິດໃໝ່ ເຊິ່ງສາມາດເພີ່ມການຜະລິດກະແສໄຟຟ້າຈາກແສງໄດ້ສູງຂຶ້ນເຖິງ 1,000 ເທົ່າ

ນະວັດຕະກຳນີ້ອາດຈະເຮັດໃຫ້ແຜງໂຊລາເຊວໃນອະນາຄົດມີປະສິດທິພາບສູງຂຶ້ນ ແລະມີຂະໜາດເລັກລົງແບບທີ່ບໍ່ເຄີຍມີມາກ່ອນ

ນະວັດຕະກຳວັດສະດຸໂຊລາເຊວຍຸກໃໝ່
ການຄົ້ນພົບນີ້ເກີດຈາກການນຳຜະລຶກຄຣິສຕັນຕ່າງຊະນິດມາຊ້ອນກັນເປັນຊ້ັນບາງພິເສດ ໂດຍມີວັດສະດຸຫຼັກຄື ແບເຣຍມໄທຕາເນັດ (BaTiO3) ເຊິ່ງເປັນວັດສະດຸທີ່ປ່ຽນແສງເປັນໄຟຟ້າໄດ້ ແຕ່ນັກຄົ້ນຄວ້າພົບວ່າເມື່ອນຳມາສ້າງເປັນໂຄງສ້າງສະຫຼັບຊ້ັນກັບວັດສະດຸອື່ນອີກ 2 ຊະນິດ ຈະເກີດປະກົດການທີ່ເຮັດໃຫ້ປະສິດທິພາບພຸ່ງສູງຂຶ້ນຢ່າງໃຫຍ່ຫຼວງ

ດຣ. Akash Bhatnagar ຜູ້ນຳທີມຄົ້ນຄວ້າອະທິບາຍວ່າ ການສະຫຼັບຊ້ັນຂອງວັດສະດຸທີ່ມີຄຸນສົມບັດຕ່າງກັນ ເຮັດໃຫ້ໂຄງສ້າງໂດຍຮວມສາມາດດູດຊຶບແສງ ແລະປລ່ອຍໃຫ້ອີເລັກໂຕຣນໄຫຼຜ່ານໄດ້ງ່າຍຂຶ້ນຢ່າງໃຫຍ່ຫຼວງ

ຈາກການທົດລອງສ່ອງແສງເລເຊີໄປຫາວັດສະດຸໃໝ່ນີ້ ພົບວ່າສາມາດສ້າງກະແສໄຟຟ້າໄດ້ແຮງກວ່າການໃຊ້ແບເຣຍມໄທຕາເນັດບໍລິສຸດໃນຄວາມໜາເທົ່າກັນເຖິງ 1,000 ເທົ່າ ທັງທີ່ໃຊ້ວັດສະດຸຫຼັກນ້ອຍລົງເຖິງສອງໃນສາມ ແລະຍັງມີຄວາມຄົງທົນຍາວນານເກືອບ 6 ເດືອນ

ຄວາມສຳເລັດຄັ້ງນີ້ມີນັຍສຳຄັນຕໍ່ອຸດສາຫະກຳພະລັງງານສະອາດຢ່າງຍິ່ງ ເພາະຈະນຳໄປສູ່:

ແຜງໂຊລາເຊວປະສິດທິພາບສູງ ຜະລິດໄຟໄດ້ຫຼາຍຂຶ້ນໃນພື້ນທີ່ເທົ່າເດີມ
ຂະໜາດກະທັດຮັດ ປະຫຍັດພື້ນທີ່ ເໝາະສົມຢ່າງຍິ່ງກັບການຕິດຕັ້ງໃນເມືອງ ຫຼືເທິງອຸປະກອນຂະໜາດນ້ອຍ
ຄວາມທົນທານ ແລະຕົ້ນທຶນການຜະລິດ ໂດຍວັດສະດຸມີຄວາມທົນທານສູງ ແລະຜະລິດງ່າຍກວ່າເຊວແສງອາທິດແບບຊິລິຄອນໃນປັດຈຸບັນ

ເຖິງແມ່ນຈະຕ້ອງມີການຄົ້ນຄວ້າເພີ່ມເຕີມເພື່ອເຂົ້າໃຈກົນໄກຢ່າງສົມບູນ ແຕ່ການຄົ້ນພົບເທັກໂນໂລຊີໂຊລາເຊວໃໝ່ນີ້ ໄດ້ເປີດປະຕູສູ່ອະນາຄົດທີ່ມະນຸດຈະສາມາດໃຊ້ປະໂຫຍດຈາກພະລັງງານແສງອາທິດໄດ້ຢ່າງເຕັມປະສິດທິພາບ ແລະຍືນຍົງຍິ່ງຂຶ້ນ

ຂ່າວຈາກ: New

ສະແດງຄຳຄິດເຫັນ