ບໍ່ຄືກັບສິ່ງທີ່ໄດ້ຄຸຍກັນໄວ້ “ພາລເມີ” ເປີດໃຈປົມ “ທຣຳ” ຍືນແຈມ “ເຊລຊີ” ສະຫລອງແຊມສະໂມສນໂລກ

ໂຄລ ພາລເມີ ເປີດໃຈປົມ “ທຣຳ” ບໍ່ຍອມລົງຈາກເວທີຍືນແຈມ “ເຊລຊີ” ສະຫລອງແຊມສະໂມສນໂລກ

ວັນທີ 14 ກໍລະກົດ 2568 ໂຄລ ພາລເມີ ນັກຫຼິ້ນເຄິ່ງກາງທີ່ມີຟອມແຮງຂອງເຊລຊີ ຖືກຕົກໃຈສັບສົນ ຫຼັງຈາກ ໂດນັລ ທຣຳ ປະທານາທິບໍດີສະຫະລັດ ຂຶ້ນເວທີເພື່ອມອບຖ້ວຍແຊມໃຫ້ກັບຕັນທີມ ຣີສ ເຈມສ໌ ແລ້ວບໍ່ຍອມລົງ ໃນຂະນະທີ່ນັກຫຼິ້ນກຳລັງເຕຣຽມສະຫລອງແຊມຟີຟາ ຄລັບ ເວີລ ຄັບ 2025 ທີ່ຫາກໍຊະນະປາຣີ ແຊງ-ແຊມັງ ແບບຂາດລອຍ 3-0

ຈັງຫວະດັ່ງກ່າວກາຍເປັນໄວຣັລທັນທີເມື່ອກ້ອງຈັບພາບພາລເມີຂະນະທໍາໜ້າສົງໄສ ພ້ອມເວົ້າເບົາໆວ່າ “ລາວເຮັດຫຍັງຢູ່?” ສ່ວນຣີສ ເຈມສ໌ ກໍຖຶງກັບຖາມທຣຳກົງໆວ່າ “ທ່ານຈະລົງເວທີບໍ?” ແມ່ນແຕ່ປະທານຟີຟາ ຈານນີ ອິນຟານຕີໂນ ກໍພະຍາຍາມເຊີນທຣຳໃຫ້ລົງຈາກເວທີ ແຕ່ບໍ່ສຳເລັດ

ພາລເມີເປີດໃຈຫຼັງເກມວ່າ “ຂ້ອຍຮູ້ມາກ່ອນວ່າລາວຈະຂຶ້ນເວທີ ແຕ່ບໍ່ໄດ້ຄິດວ່າລາວຈະຢູ່ຕໍ່ເຖິງຕອນເຮົາຊູຖ້ວຍດ້ວຍ ເລີຍງົງໜ້ອຍໜຶ່ງ”

“ຂ້ອຍຮູ້ຢູ່ແລ້ວວ່າລາວຈະຂຶ້ນເວທີ ແຕ່ຂ້ອຍບໍ່ຮູ້ວ່າລາວຈະຢູ່ຕອນເຮົາຊູຖ້ວຍດ້ວຍ ຂ້ອຍເລີຍງົງໜ້ອຍໜຶ່ງ”

ດ້ານຣີສ ເຈມສ໌ ກ່າວເສີມວ່າ “ຂ້ອຍໄດ້ຮັບແຈ້ງວ່າລາວຈະມອບຖ້ວຍແລ້ວລົງຈາກເວທີ ແຕ່ລາວບໍ່ຍອມລົງ ລາວແຄ່ມາສະແດງຄວາມຍິນດີ ແລະບອກໃຫ້ພວກເຮົາມີຄວາມສຸກກັບຊ່ວງເວລານີ້”

ສະແດງຄຳຄິດເຫັນ