Microsoft ເປີດໃຫ້ທົດສອບ Windows 365 Reserve ບໍລິການ Cloud PC ສໍາລັບກໍລະນີສຸກເສີນ
Microsoft ໄດ້ເປີດຕົວການທົດສອບບໍລິການ Windows 365 Reserve ໃນຮູບແບບ Limited Public Preview ເຊິ່ງໃຫ້ຜູ້ໃຊ້ງານເຂົ້າເຖິງ Cloud PC ຊົ່ວຄາວເມື່ອຄອມພິວເຕີຫຼັກໃຊ້ງານບໍ່ໄດ້ຈາກການໂຈມຕີທາງໄຊເບີ, ບັນຫາຮາດແວ, ຫຼືຊອບແວຂັດຂ້ອງ.
Windows 365 Reserve ເປັນບໍລິການທີ່ຊ່ວຍໃຫ້ອົງກອນຮັບມືກັບບັນຫາການຢຸດເຮັດວຽກຂອງອຸປະກອນໂດຍບໍ່ຕ້ອງຈັດຫາເຄື່ອງທົດແທນແບບ physical. ບໍລິການນີ້ໃຫ້ສິດຜູ້ໃຊ້ງານເຂົ້າເຖິງ Cloud PC ໄດ້ສູງສຸດ 10 ວັນຕໍ່ປີ, ເຊິ່ງສາມາດໃຊ້ງານແບບຕໍ່ເນື່ອງຫຼືແບ່ງໃຊ້ໃນຫຼາຍເຫດການກໍ່ໄດ້. ປັດຈຸບັນເປີດໃຫ້ທົດສອບແບບ Limited Public Preview ແລ້ວ, ເຊິ່ງລູກຄ້າຈະຕ້ອງໄດ້ຮັບການອະນຸມັດກ່ອນເຂົ້າຮ່ວມ. Microsoft ວາງແຜນຈະເປີດໃຫ້ບໍລິການໃນວົງກວ້າງຫຼັງຈາກຊ່ວງທົດສອບສໍາເລັດ.
ບໍລິການນີ້ເຮັດວຽກເປັນ standalone Windows 365 offering ທີ່ຜູ້ດູແລລະບົບສາມາດ deploy ຜ່ານ Microsoft Intune. Cloud PC ຈະຖືກຕັ້ງຄ່າລ່ວງໜ້າພ້ອມແອັບພລິເຄຊັນຂອງອົງກອນ, ນະໂຍບາຍຄວາມປອດໄພ, ແລະການເຂົ້າເຖິງ Microsoft 365. ຜູ້ໃຊ້ງານສາມາດເຂົ້າເຖິງ desktop ຊົ່ວຄາວຈາກອຸປະກອນໃດກໍ່ໄດ້ຜ່ານ web browser ຫຼື Windows App ດ້ວຍການເຊື່ອມຕໍ່ທີ່ປອດໄພ, ຂະນະທີ່ຄອມພິວເຕີຫຼັກກໍາລັງຊ່ອມແຊມຫຼືປ່ຽນໃໝ່.
Windows 365 Reserve ຍັງນໍາເຂົ້າ security posture ຂອງອົງກອນໂດຍອັດຕະໂນມັດ, ປະຕິບັດຕາມຫຼັກການ Zero Trust ເພື່ອເພີ່ມຄວາມປອດໄພໃນຊ່ວງ downtime. ຜູ້ດູແລລະບົບຈະໄດ້ຮັບການແຈ້ງເຕືອນອັດຕະໂນມັດເມື່ອສິດການໃຊ້ງານໃກ້ໝົດອາຍຸ, ເພື່ອຫຼີກເວັ້ນການຢຸດຊະງັກຫຼືຍົກເລີກການໃຊ້ Cloud PC ເພື່ອເກັບເວລາທີ່ເຫຼືອໄວ້ໃຊ້ໃນອະນາຄົດ.
Microsoft ລະບຸວ່າ Windows 365 Reserve ຍັງມີຂໍ້ຈໍາກັດດ້ານຂະໜາດການໃຊ້ງານ, ເຊັ່ນ ຄວາມຈຸຂອງ Azure ແລະຕ້ອງການການເຊື່ອມຕໍ່ເຄືອຂ່າຍເພື່ອໃຊ້ງານ Cloud PC.
ນອກຈາກນີ້, ໃນເດືອນມິຖຸນາທີ່ຜ່ານມາ Microsoft ໄດ້ປະກາດ security defaults ໃໝ່ສໍາລັບ Windows 365 ທີ່ຈະມີຜົນໃນຊ່ວງຄຶ່ງຫຼັງຂອງປີນີ້, ໂດຍຈະປິດການໃຊ້ງານ clipboard, drive, USB ແລະ printer redirection ເທິງ Cloud PC ທີ່ສ້າງໃໝ່ເພື່ອຫຼຸດຄວາມສ່ຽງຈາກການລັກເອົາຂໍ້ມູນແລະການໂຈມຕີດ້ວຍມັລແວ.
ໃນເດືອນພຶດສະພາ, ບໍລິສັດຍັງໄດ້ເປີດໃຊ້ງານ virtualization-based security, Credential Guard ແລະ hypervisor-protected code integrity (HVCI) ເປັນຄ່າເລີ່ມຕົ້ນເທິງ Windows 365 Cloud PC ທີ່ໃຊ້ Windows 11 gallery images ເພື່ອສ້າງ secure memory enclaves ແລະປ້ອງກັນການ run code ທີ່ເປັນອັນຕະລາຍໃນລະດັບ kernel.
ສະແດງຄຳຄິດເຫັນ
ອັດຕາແລກປ່ຽນ
ປະຈຳວັນທີ Friday, 17 October, 2025
ສະກຸນເງິນ | ຊື້ | ຂາຍ |
|---|---|---|
 USD | 21,526 | 21,803 |
 THB | 662.81 | 673.41 |
 EUR | 24,425 | 24,914 |
 CNY | 2,956 | 3,015 |
ຂໍ້ມູນຈາກ: ທະນາຄານຮ່ວມພັດທະນາ
ລາຄານ້ຳມັນ
ປະຈຳວັນທີ Wednesday, 8 October, 2025
ຊະນິດນ້ຳມັນ | ລາຄາ |
|---|---|
 | 28,650 |
 | 23,990 |
 | 19,320 |
ຂໍ້ມູນຈາກ: ລັດວິສາຫະກິດ ນ້ຳມັນເຊື້ອໄຟລາວ
ລາຄາຄຳ
ປະຈຳວັນທີ Wednesday, 8 October, 2025
ປະເພດ | ລາຄາຊື້ | ລາຄາຂາຍ |
|---|---|---|
 | 42,720,000 | 43,250,000 |
 | 42,370,000 | 43,359,000 |
ຂໍ້ມູນຈາກ: ຮ້ານຄຳພູວົງ
