ເດັກນ້ອຍ​ປີນ​ເອົາ​ນ້ຳ​ ຕູ້​ລົ້ມທັບ ເຈົ້າຂອງຮ້ານຟ້າວຍົກຕູ້ອອກ ເຫຼືອເຊື່ອລອດຊີວິດໂດຍບໍ່ມີບາດແຜ

ເດັກນ້ອຍປີນເອົານ້ຳ ຕູ້ລົ້ມທັບ ເຈົ້າຂອງຮ້ານຟ້າວຍົກຕູ້ອອກ ເຫຼືອເຊື່ອລອດຊີວິດໂດຍບໍ່ມີບາດແຜ

ຮຽບຮຽງໂດຍ:Staff

ເຜີຍແຜ່: 23 May, 2023

ເດັກນ້ອຍຈີນຢິບນ້ຳບໍ່ເຖິງ ປີນຂຶ້ນຕູ້ຈົນຕູ້ທັບໝົດທັງໂຕ. ເຈົ້າຂອງຮ້ານຮີບຟ້າວມາຊ່ວຍຍົກອອກ. ຄວາມລອດຕາຍປະຕິຫານ ບໍ່ມີຮອດຮອຍແປ້ວ

ພາບຈາກກ້ອງວົງຈອນປິດບັນທຶກສຸດເປັນຕາຢ້ານ ເຫດການດັ່ງກ່າວເກີດຂຶ້ນໃນຮ້ານສະດວກຊື້ແຫ່ງໜຶ່ງໃນເມືອງ Huizhou, ແຂວງກວາງຕຸ້ງ, ປະເທດຈີນ, ເຮັດໃຫ້ຫົວໃຈຂອງຫຼາຍຄົນຢຸດເຕັ້ນ. ໂດຍເດັກນ້ອຍກຸ່ມໜຶ່ງຢືນຢູ່ອ້ອມຕູ້ເຢັນຂະໜາດໃຫຍ່ທີ່ເຕັມໄປດ້ວຍເຄື່ອງດື່ມ. ເດັກຊາຍຄົນໜຶ່ງເປີດຕູ້ເຢັນແລະຢາກຊື້ນ້ຳ. ແຕ່ເນື່ອງຈາກຂະຫນາດຂອງຕູ້ແມ່ນໃຫ່ຍ, ແລະບໍ່ສາມາດຢື້ໄປຫານ້ຳຢູ່ຊັ້ນເທິງໄດ້ ສະນັ້ນລາວຈຶ່ງປີນຂຶ້ນໄປຕູ້ເຢັນເພື່ອເອົານໍ້າຂວດທີ່ລາວຕ້ອງການ.

ທັນໃດນັ້ນ, ຕູ້ເຢັນຂະໜາດໃຫຍ່ໄດ້ລົ້ມລົງມາທັບເອົາໂຕເດັກນ້ອຍຈົນບໍ່ເຫັນໂຕຂອງລາວແລະ ໃນຂະນະທີ່ຂວດນ້ໍາກໍ່ຕົກກະຈາຍໄປທົ່ວພື້ນ. ເຈົ້າຂອງຮ້ານຮູ້ເຫດການຈຶ່ງຟ້າວໄປຊ່ວຍຍົກຕູ້ເຢັນອອກຈາກຮ່າງກາຍຂອງເດັກ ໂດຍໃຊ້ກໍາລັງທັງຫມົດທີມາເພື່ອຊ່ວຍບໍ່ໃຫ້ເດັກຖືກທັບດ້ວຍນ້ໍາຫນັກຂອງຕູ້ເຢັນ. ຫຼັງຈາກນັ້ນ, ເຈົ້າຂອງຮ້ານກໍ່ໄດ້ນຳຕູ້ເຢັນດັ່ງກ່າວກັບສູ່ຕໍາແຫນ່ງເດີມ. ສ່ວນເດັກຊາຍໂຊກດີທີ່ລອດຊີວິດຢ່າງປະຕິຫານ. ໂດຍບໍ່ມີບາດແຜໃດໆ