Microsoft ກຳລັງທົດສອບຄຸນສົມບັດໃໝ່ຢູ່ Windows 11 ທີ່ຈະໃຫ້ຜູ້ໃຊ້ສາມາດສືບຕໍ່ໃຊ້ງານແອັບ Android ຈາກອຸປະກອນອື່ນຢູ່ເທິງ PC ໄດ້ໂດຍກົງ ໂດຍປ່ອຍໃຫ້ໃຊ້ງານສຳຫລັບ Windows Insider ທັງໃນ Dev Channel ແລະ Beta Channel ແລ້ວ ແຕ່ຍັງຮອງຮັບພຽງແຕ່ Spotify ເທົ່ານັ້ນ

ໂດຍຫາກເປັນຜູ້ທີ່ມີສິດໃຊ້ງານ ຫຼືເປັນສະມາຊິກ Windows Insider ສາມາດໄປລອງໃຊ້ຄຸນສົມບັດນີ້ໄດ້ໂດຍການເຊື່ອມຕໍ່ອຸປະກອນ Android ເຂົ້າກັບ PC ຫຼັງຈາກນັ້ນເປີດເພງໃນ Spotify ໃນອຸປະກອນ Android

ເມື່ອນັ້ນຢູ່ Windows 11 ຈະມີຂໍ້ຄວາມ “Resume from your phone” (ເລີ່ມຕໍ່ຈາກໂທລະສັບ) ປາກົດຢູ່ Taskbar ແລະດ້ານລຸ່ມຈະມີຂໍ້ຄວາມ “Continue on this PC” (ສືບຕໍ່ຢູ່ PC ນີ້) ໃຫ້ເລືອກ ເພື່ອເລີ່ມເພງຕໍ່ຢູ່ PC ໄດ້ທັນທີ

ເມື່ອກົດໄປທີ່ຂໍ້ຄວາມທີ່ປາກົດຂຶ້ນແລ້ວ Windows ຈະເປີດແອັບ Spotify ຢູ່ເດັສທ໌ທັອບ ຫຼືຈະມີຂໍ້ຄວາມຂໍໃຫ້ຕິດຕັ້ງ Spotify ຫາກວ່າບໍ່ໄດ້ມີຢູ່ໃນເຄື່ອງ ແລະຈະເລີ່ມເພງຕໍ່ຈາກທີ່ຄ້າງໄວ້ເລີຍ

ສະແດງຄຳຄິດເຫັນ