ວິທະຍຸ-ໂທລະພາບສູນກາງຈີນ, ອົງ​ການ​ພະ​ລັງງານ ​ແຫ່ງ​ຊາດ​ຈີນ​ ໄດ້​ປະ​ກາດ​ ຕົວ​ເລກ​ຂໍ້​ມູນ​ ປະ​ລິ​ມານ​ການ​ນຳ​ໃຊ້​ໄຟ​ຟ້າ​ ໃນ​ເດືອນ​ກໍ​ລະ​ກົດ ແລະ ເດືອນ​ສິງ​ຫາ ຂອງ​ ສປ ຈີນ​ ໃນ​ປີ​ນີ້ ຄື: ເດືອນ​ກໍ​ລະ​ກົດ, ປະ​ລິ​ມານ​ ການ​ນຳ​ໃຊ້​ໄຟ​ຟ້າ ​ໃນ​ທົ່ວ​ສັງ​ຄົມ​ຈີນ ​ມີ​ເຖິງ 1.022 ຕື້ກວ່າ​ກິ​ໂລ​ວັດ​ໂມງ, ເພີ່ມ​ຂຶ້ນ 8,6% ເມື່ອ​ທຽບ​ໃສ່ ​ໄລ​ຍະ​ດຽວ​ກັນ ​ຂອງ​ປີ​ 2024. ນີ້​ແມ່ນ​ເທື່ອ​ທຳ​ອິດ ​ທີ່​ປະ​ລິ​ມານ​ການ​ນຳ​ໃຊ້​ໄຟ​ຟ້າ​ ປະ​ຈຳ​ເດືອນ​ ລື່ນກາຍ 1.000 ​ຕື້ກິ​ໂລ​ວັດ​ໂມງ ແລະ ກໍ​ແມ່ນ​ຄັ້ງ​ທຳ​ອິດ​ ໃນ​ທົ່ວ​ໂລກ. ​ສ່ວນເດືອນ​ສິງ​ຫາ, ມີ​ເຖິງ 1.015 ຕື້ກວ່າ​ກິ​ໂລ​ວັດ​ໂມງ, ເພີ່ມ​ຂຶ້ນ 5% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ 2024, ເປັນ​ຕົວ​ເລກ ​ທີ່​ລື່ນກາຍ 1.000 ​ຕື້ກິ​ໂລ​ວັດ​ໂມງ​ ອີກ​ຄັ້ງ​ໜຶ່ງ. ປະ​ລິ​ມານ ​ການ​ນຳ​ໃຊ້​ ໄຟ​ຟ້າ​ແມ່ນ​ຕົວ​ເລກ​ດັດ​ຊະ​ນີ ​ທີ່​ຊີ້ບອກ​ເຖິງ​ ສະ​ພາບການ​ເຄື່ອນ​ໄຫວ ​ຂອງ​ເສດ​ຖະ​ກິດ-​ສັງ​ຄົມ. ໂດຍ​ຜ່ານ ການ​ປ່ຽນ​ແປງ ​ຂອງ​ຕົວ​ເລກ​ດັ່ງ​ກ່າວ​ ຈະ​ສາ​ມາດ​ສັງ​ເກດ ​ທ່າ​ອ່ຽງ​ ການ​ພັ​ດ​ທະ​ນາ​ ຂອງ​ເສດ​ຖະ​ກິດ-​​ສັງ​ຄົມໂດຍກົງ. ການ​ທີ່​ປະ​ລິ​ມານ ​ການ​ນຳ​ໃຊ້​ໄຟ​ຟ້າ ​ພຽງ​ເດືອນ​ດຽວ​ກາຍ 1.000 ​ຕື້ກິ​ໂລ​ວັດ​ໂມງ ໄດ້​​ສະ​ແດງ​ໃຫ້​ເຫັນ ​ເຖິງ​ຄວາມ​ມີ​ຊີ​ວິດ​ຊີ​ວາ ​ຫລາຍຂອງ​ການ​ພັດ​ທະ​ນາ​ ເສດ​ຖະ​ກິດ​-ສັງ​ຄົມ.

(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ

ສະແດງຄຳຄິດເຫັນ