ອີງຕາມ ແຈ້ງການຂອງພະແນກສຶກສາທິການ ແລະ ກິລາແຂວງບໍລິຄໍາໄຊ ສະບັບເລກທີ 506/ສກຂ, ລົງວັນທີ 25 ພຶດສະພາ 2023 ວ່າດ້ວຍການສອບເສັງຈົບຊັ້ນສາມັນສຶກສາ ມ.4 ແລະ ມ.7 ສົກຮຽນ 2022-2023; ອີງຕາມ ຫນັງສືສະເຫນີຂອງຫ້ອງການສຶກສາທິການ ແລະ ກິລາເມືອງ ສະບັບເລກທີ 280/ສກມ, ລົງວັນທີ 07 ມິຖຸນາ 2023.
ຫ້ອງວ່າການເມືອງ ຂໍຖືເປັນກຽດ ອອກແຈ້ງການ ດັ່ງນີ້:

1. ໃຫ້ບັນດາຜູ້ປະກອບການ, ຮ້ານບັນເທີງ, ຮ້ານກິນດື່ມ, ຮ້ານຄາລາໂອເກະ, ຮ້ານເກມ ແລະ ໂຕະສະນຸກເກີ ທົ່ວເມືອງປາກຊັນ ຢຸດຕິການບໍລິການຊົ່ວຄາວ ໃນຊ່ວງສອບເສັງຈົບຊັ້ນມັດທະຍົມຕອນຕົ້ນ ( ມ.4 ) ວັນທີ 14-16 ມິຖຸນາ 2023 ແລະ ຕອນປາຍ ( ມ.7 ) ວັນທີ 21-23 ມິຖຸນາ 2023 ເພື່ອຫຼີກລຽງນັກສອບເສັງມີການສະຫຼຸບ- ສະຫຼອງ, ການຫຼິ້ນກີນຟຸມເຟືອຍແບບຄືກຄະນອງ ແລະ ພາໃຫ້ເກີດອຸປະຕິເຫດ, ກໍ່ຄວາມບໍ່ສະຫງົບຂື້ນໃນໄລຍະການ ສອບເສັງ;

2. ຫ້າມບໍ່ໃຫ້ນັກຮຽນຕັ້ງກຸ່ມເພື່ອຊຸມແຊວ, ສ້າງສັນກິນເຫຼົ້າ-ກິນເບຍ ຕາມສະຖານທີ່ຕ່າງໆ ບໍ່ວ່າຈະເປັນພາຍໃນ ເຮືອນ ແລະ ສະຖານທີ່ອື່ນໆ;

3. ມອບໃຫ້ຄະນະສະເພາະກິດຂັ້ນເມືອງ, ເຈົ້າຫນ້າທີ່ ປກສ ແລະ ຫ້ອງການຖະແຫຼງຂ່າວ-ວັດທະນະທໍາ ແລະ ທ່ອງທ່ຽວ ເປັນເຈົ້າການໃນການຕິດຕາມກວດກາຢ່າງເຂັ້ມງວດ;

4. ຫາກພົບເຫັນພາກສ່ວນກ່ຽວຂ້ອງ ຫຼື ນັກຮຽນລ່ວງລະເມີດຕໍ່ມາດຕະການທີ່ລະບຸໄວ້ແມ່ນມອບໃຫ້ຄະນະຮັບ ຜິດຊອບພາກສ່ວນທີ່ກ່ຽວຂ້ອງດໍານີນມາດຕະການຕໍ່ຜູ້ລະເມີດຕາມລະບຽບກົດຫມາຍຢ່າງເຂັ້ມງວດ;

ສະແດງຄຳຄິດເຫັນ