ອັດຕະປື ເຕືອນ 5 ເມືອງ ເຝົ້າລະວັງນໍ້າຖ້ວມ ເນື່ອງຈາກມີການປ່ອຍນໍ້າຈາກເຂື່ອນອາເລື່ອຍ ຫວຽດນາມ ວັນທີ 28 ຕຸລາ 2025 ນີ້ ພະແນກອຸດສະຫະກຳ ແລະ ການຄ້າ ແຈ້ງການວ່າ: ໃນນາມເປັນຜູ້ປະສານງານ ຂັ້ນທ້ອງຖິ່ນ ຕາມສິດພາລະບົດບາດ ໃນການຕິດຕາມບັນດາໂຄງການເຂື່ອນໄຟຟ້າ ໃນຂອບເຂດແຂວງອັດຕະປື, ຂໍຖືເປັນກຽດແຈ້ງມາຍັງ ທ່ານ ປະທານ ຄະນະ ກຳມະການປົກຄອງ 5 ຕົວເມືອງ, ຫົວໜ້າຫ້ອງການອຸດສາຫະກຳ ແລະ ການຄ້າ 5 ເມືອງ, ພະນັກງານທະຫານ, ຕຳ ຫລວດ ຕະຫລອດຮອດພໍ່ແມ່ປະຊາຊົນບັນດາເຜົ່າ (ໂດຍສະເພາະເຂດ ເມືອງ ຊານໄຊ, ໄຊເສດຖາ ແລະ ເມືອງສະໜາມໄຊ)

ໃນວັນທີ 28 ຕຸລາ 2025 ເຂື່ອນໄຟຟ້າເຊກະໝານ1 ໄດ້ປ່ອຍນໍ້າເພີ່ມຂຶ້ນໃນປະລິມານ 1,472 m³/s ເວລາ 8 : 00 ໂມງ ຈົນຮອດເວລາ 16:30 ໂມງ ຂອງວັນທີ 28 ຕຸລາ 2025 ແລະ ຈະຫລຸດປະລິມານປ່ອຍ ລົງອ່າງໂຕ່ງເຊກະໝານ ໃນປະລິມານ 1,250 m³/s. ສົມທົບ ກັບເຂື່ອນ ອາເລື່ອຍໄດ້ປ່ອຍນໍ້າ ລົດລົງຍັງເຫລືອ 800 m³/s, ຄາດຄະເນໃນລະດັບນໍ້າເຊກອງຈະເພີ່ມຂື້ນຢູ່ທີ່ລະດັບ 14,50 – 15,00 ແມັດ ເວລາ 10:00-16:30 ໂມງ ຂອງວັນທີ 28 ຕຸລາ 2025ok

ສະແດງຄຳຄິດເຫັນ