ກອງທັບເກົາຫຼີໃຕ້ໄດ້ເຜີຍແຜ່ວ່າ ເກົາຫຼີເໜືອໄດ້ຍິງຂີປະນາວຸດທີ່ບໍ່ຮູ້ຊະນິດຢ່າງນ້ອຍ 1 ລູກ ລົງສູ່ທະເລຕາເວັນອອກ ຫຼືທີ່ຮູ້ຈັກກັນໃນຊື່ “ທະເລຍີ່ປຸ່ນ” ໃນມື້ນີ້ (7 ພະຈິກ) ໃນເວລາປະມານ 1 ອາທິດ ຫຼັງຈາກປະທານາທິບໍດີໂດນັນ ທຣັມປ໌ ຂອງສະຫະລັດ ໄດ້ອະນຸມັດແຜນການຂອງເກົາຫຼີໃຕ້ໃນການສ້າງເຮືອດໍຳນ້ຳທີ່ໃຊ້ພະລັງງານນິວເຄຍ.

ນັກວິເຄາະໄດ້ລະບຸວ່າ ແຜນການຂອງເກົາຫຼີໃຕ້ໃນການສ້າງເຮືອດໍຳນ້ຳທີ່ໃຊ້ພະລັງງານນິວເຄຍ ມີແນວໂນ້ມທີ່ຈະໄດ້ຮັບການຕອບສະໜອງຢ່າງຮຸນແຮງຈາກເກົາຫຼີເໜືອ. ຄະນະເສນາທິການຮ່ວມຂອງເກາຫຼີໃຕ້ໄດ້ແຖງວ່າ ເກົາຫຼີເໜືອໄດ້ຍິງຂີປະນາວຸດທີ່ບໍ່ຮູ້ຊະນິດໄປສູ່ທະເລຕາເວັນອອກ ຫຼືທະເລຍີ່ປຸ່ນ.

ທ່ານນາຍົກລັດຖະມົນຕີຊານາເອະ ທາຄາອິຈິ ຂອງຍີ່ປຸ່ນ ກ່າວວ່າ ຂີປະນາວຸດດັ່ງກ່າວຕົກໃນທະເລນອກເຂດເສດຖະກິດຈຳພາະຂອງຍີ່ປຸ່ນ ໂດຍບໍ່ມີລາຍງານຄວາມເສຍຫາຍ ຫຼືຜູ້ໄດ້ຮັບບາດເຈັບ.

ເກົາຫຼີເໜືອໄດ້ເພີ່ມການທົດສອບຂີປະນາວຸດຢ່າງມີນັຍສຳຄັນໃນຊ່ວງບໍ່ກີ່ປີທີ່ຜ່ານມາ ນັກວິເຄາະກ່າວວ່າ ມີເປົ້າໝາຍໃນການພັດທະນາຄວາມສາມາດໃນການໂຈມຕີຢ່າງແມ່ນຍຳ ທ້າທາຍທັງສະຫະລັດ ແລະເກົາຫຼີໃຕ້ ລວມທັງທົດສອບອາວຸດກ່ອນທີ່ອາດຈະສົ່ງອອກໄປຫາລັດເຊຍ.

ອັນ ຊານ-ອິນ ຜູ້ແປພັກທີ່ຜັນຕົວມາເປັນນັກວິຈັຍ ກ່າວວ່າ “ໃນມຸມມອງຂອງເກາຫຼີເໜືອ ຄວາມເປັນໄປໄດ້ຂອງການໂຈມຕີຢ່າງກະທັນຫັນຈາກທະເລຕາເວັນອອກ ອາດຈະເກີດຈາກຄວາມກັງວົນ” “ຖ້າເກາຫຼີໃຕ້ໄດ້ຮັບເຮືອດໍນ້ຳພະລັງງານນິວເຄຣຍ ພວກເຂົາຈະສາມາດເຂົ້າໄປໃນນ້ຳເຂດເກາຫຼີເໜືອ ແລະສັງເກດການ ຫຼືຂັດຂວາງອາວຸດຕ່າງໆ ເຊັ່ນ ຂີປະນາວຸດນຳວິຖີຈາກເຮືອດໍນ້ຳ (SLBMs) ໄດ້ລ່ວງໜ້າ.”

ເຮືອດໍນ້ຳພະລັງງານນິວເຄຣຍແຕກຕ່າງຈາກເຮືອດໍນ້ຳດີເຊວ ຕົ້ນຕໍ່ທີ່ບໍ່ຈຳເປັນຕ້ອງຂຶ້ນຜິວນ້ຳເພື່ອຊາດແບດເຕີຣີບ່ອຍໆ ນັກວິເຄາະກ່າວວ່າ ການພັດທະນາເຮືອດໍນ້ຳປະເພດນີ້ຈະເປັນກ້າວກະໂດດທີ່ສຳຄັນໃນອຸດສາຫະກຳການປ້ອງກັນປະເທດ ແລະກອງທັບເຮືອຂອງເກົາຫຼີໃຕ້ ໂດຍທີ່ມີພຽງບໍ່ກີ່ປະເທດໃນໂລກທີ່ມີເຮືອປະເພດນີ້.

ນັບຕັ້ງແຕ່ການປະຊຸມສຸດຍອດລະຫວ່າງຄິມ ຈອງ ອຶນ ຜູ້ນຳເກາຫຼີເໜືອ ກັບປະທານາທິບໍດີທຣັມປ໌ ໃນປີ 2019 ທີ່ລົ້ມເຫລວ ເກົາຫຼີເໜືອໄດ້ປະກາດຫຼາຍຄັ້ງວ່າເປັນລັດນິວເຄຍທີ່ “ບໍ່ສາມາດຍ້ອນກັບໄດ້” ແລະຄິມ ຈອງ ອຶນ ກໍ່ມີຄວາມກ້າຫານຫຼາຍຂຶ້ນຈາກສົງຄາມໃນຢູເຄຣນ ໂດຍໄດ້ຮັບການສະໜັບສະໜູນຈາກລັດເຊຍ.

ເກາຫຼີເໜືອບໍ່ໄດ້ຕອບຮັບຂໍ້ເສນຂອງທຣັມປ໌ໃນການພົບກັບຄິມໃນອາທິດທີ່ແລ້ວ ແຕ່ໂຊ ຊອນ ຮຸຍ ລັດຖະມົນຕີການຕ່າງປະເທດຂອງເກາຫຼີເໜືອ ກັບໄດ້ເດີນທາງໄປຢ້ຽມຢາມລັດເຊຍ ໂດຍເຘົາແລະປະທານາທິບໍດີວລາດິເມຍ ປູຕິນ ໄດ້ຕົກລົງທີ່ຈະເສີມສ້າງຄວາມສຳພັນທວິພາຄີ.

ແຕ່ຢ່າງໃດກໍຕາມ ອີ ຊອງ-ຄເວິນ ສະມາຊິກລັດຖະສະພາເກາຫຼີໃຕ້ ກ່າວໃນຕົ້ນອາທິດນີ້ວ່າ ຫນ່ວຍງານສາຍລັບຂອງເກາຫຼີໃຕ້ເຊື່ອວ່າ ຄິມ ຈອງ ອຶນ ຍັງຄົງເປີດຮັບການເຈົ້າຈາກັບສະຫະລັດ ແລະຈະດ

ສະແດງຄຳຄິດເຫັນ