ພະແນກສືບສວນ-ສອບສວນ ເເລະ ປາບປາມການລັກລອບໜີພາສີ ຫຼື ພສປ ປັນພະແນກໜຶ່ງຂຶ້ນກັບກົມພາສີ ກະຊວງການເງິນ, ເຊິ່ງປະກອບດ້ວຍ 3 ຂະແໜງ (ຂະແໜງວິໄຈຂໍ້ມູນແຫຼ່ງຂ່າວ; ຂະແໜງກວດກາ ແລະ ສືບສວນ-ສອບສວນ; ຂະແໜງແກ້ໄຂຄະດີທາງພາສີ) ແລະ 14 ຈຸດປະສານງານໃນຂອບເຂດທົ່ວປະເທດ, ໂດຍເຄື່ອນໄຫວວຽກງານວິຊາສະເພາະຕາມພາລະບົດບາດ, ສິດ, ໜ້າທີ່ຢ່າງເຂັ້ມງວດ.

ສະນັ້ນ, ໃນວັນທີ 18 ມິຖຸນາ 2023 ຜ່ານມານີ້, ເຈົ້າໜ້າທີ່ພາສີພະແນກສືບ-ສອບສວນ ແລະ ປາບປາມການລັກລອບໜີພາສີ (ພສປ) ປະຈໍາຈຸດປະສານງານນາເຕີຍ ແຂວງຫຼວງນໍ້າທາ, ໄດ້ຮັບແຫຼ່ງຂ່າວຈາກພົນລະເມືອງດີວ່າ: ມີລົດກະບະຍີ່ຫໍ້ TOYOTA Revo smart cab ສວມປ້າຍທະບຽນ ກກ 5754 (ເອກະຊົນລາວ, ຫຼວງນ້ຳທາ) ຊິ່ງເຈົ້າໜ້າທີ່ພາສີຈຶ່ງໄດ້ເຄື່ອນໄຫວຕິດຕາມພົບເຫັນເປົ້າໝາຍດັ່ງກ່າວ.

ໂດຍຜ່ານການກວດກາເບື້ອງຕົ້ນເຫັນວ່າ: ເປັນລົດລັກລອບນຳເຂົ້າ, ສວມປ້າຍທະບຽນລົດຄັນອື່ນ, ບໍ່ມີເອ ກະອະນຸຍາດນຳເຂົ້າເສຍພາສີ-ອາກອນ ແລະ ພັນທະອື່ນໆ. ດັ່ງນັ້ນ, ຈຶ່ງໄດ້ນຳລົດຄັນດັ່ງກ່າວມອບໃຫ້ພາສີປະຈຳແຂວງຫຼວງນໍ້າທາ, ເພື່ອດຳເນີນການຕາມຂັ້ນຕອນຂອງກົດໝາຍ ແລະ ລະບຽບການຕໍ່ໄປ.

ທີ່ມາ ກະຊວງການເງິນ

ສະແດງຄຳຄິດເຫັນ