ຜ່າຕັດແກ່ນຕາຂຸ້ນໂດຍບໍ່ເສຍຄ່າ ວັນທີ 7 ສິງຫາ ຫາ 15 ກັນຍາ 2023.ອີງຕາມຂໍ້ມູນຈາກສູນຂ່າວສານການແພດ ກະຊວງສາທາລະນະສຸກ ໃຫ້ຮູ້ວ່າ, ທີມແພດຊ່ຽວຊານຈີນ ຮ່ວມກັບໂຮງໝໍສູນກາງ 103 ກອງທັບ, ສືບຕໍ່ໂຄງການຜ່າຕັດແກ່ນຕາຂຸ້ນໂດຍບໍ່ເສຍຄ່າ, ຢູ່ທີ່ ໂຮງໝໍສູນກາງ 103 ກອງທັບ, ນະຄອນຫຼວງວຽງຈັນ ເຊິ່ງຈະເລີ່ມຕັ້ງແຕ່ 7 ສິງຫາ ຫາ 15 ກັນຍາ 2023 ເວລາ 8:30 ໂມງ

ຈາກຂໍ້ມູນຫົວຫນ້າສູນປິ່ນປົວ ແລະ ສຸຂະພາບຕາທົ່ງປົ່ງໃຫ້ຮູ້ວ່າ: ພະຍາດແກ່ນຕາຂຸ້ນເປັນສາເຫດພາໃຫ້ຕາບອດ ກິດຈະກຳຄັ້ງນີ້ ເພື່ອຊ່ວຍ​ ສປປ ລາວ ລົບລ້າງພະຍາດແກ່ນຕາຂຸ້ນໃຫ້ຫມົດໄປ. ຂັ້ນຕອນການຜ່າຕັດໃຊ້ເວລາ 20 ນາທີ, ໄວ ແລະ ປອດໄພ, ເພື່ອຟື້ນຟູສາຍຕາ ແລະ ປັບປຸງຄຸນນະພາບຊີວິດໃຫ້ແກ່ປະຊາຊົນລາວ.

ສອບຖາມຂໍ້ມູນ ໂທ: ພະນັກງານໂຄງການ 020 22113328 ທ່ານ ດຣ ສະແຫວງໄຊ ດາລາສາດ 020 91015953 ທ່ານ ດຣ ພອນສະຫວັນ ຈ່າສານ 020 55415170 ທ່ານ ດຣ ພູສະຫວັນ ອິນໄຊ 020 55979797

ສະແດງຄຳຄິດເຫັນ