ວັນທີ 5 ກັນຍາ 2023, ອົງການກາແດງສະວິດ ມອບລົດຕູ້ 3 ຄັນ ໃຫ້ອົງການກາແດງແຫ່ງຊາດລາວ ກ່າວມອບໂດຍທ່ານນາງ ບີນີຕ່າ ໂປ່ເດ໋ວ ຜູ້ຕາງໜ້າອົງການກາແດງສະວິດ ປະຈໍາ ສປປ ລາວ ແລະ ກ່າວຮັບໂດຍ ທ່ານ ພູທອນ ເມືອງປາກ ປະທານອົງການກາແດງແຫ່ງຊາດລາວ.

ເຊິ່ງລົດຕູ້ຈໍານວນ 3 ຄັນນີ້ ລວມເປັນມູນຄ່າທັງໝົດ  95.100 ໂດລາ ເພື່ອມອບໃຫ້ແກ່ສະຖາບັນເລືອດແຫ່ງຊາດ, ສູນເລືອດແຂວງສາລະວັນ ແລະ ສູນເລືອດແຂວງຫລວງພະບາງ ເພື່ອນໍາໃຊ້ເຂົ້າໃນວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ ພາຍໃຕ້ໂຄງການສະໜັບສະໜູນການພັດທະນາວຽກງານປຸກລະດົມບໍລິຈາກເລືອດ ແລະ ສະໜອງເລືອດປອດໄພ, ສະໜັບສະໜູນທຶນຈາກອົງການກາແດງສະວິດ.

ໂອກາດດັ່ງກ່າວ, ທ່ານປະທານອົງການກາແດງແຫ່ງຊາດລາວ ໄດ້ສະແດງຄວາມຍ້ອງຍໍຊົມເຊີຍ ແລະ ຂອບໃຈຢ່າງສູງຕໍ່ທ່ານ ນາງ ບີນີຕ່າ ໂປ່ເດ໋ວ ກໍຄືອົງການກາແດງສະວິດ ທີ່ໃຫ້ການຮ່ວມມືສະໜັບສະໜູນທຶນຊ່ວຍເຫລືອວຽກງານເລືອດ ຊຶ່ງຈະເຮັດໃຫ້ວຽກງານເລືອດມີຄວາມສະດວກ, ມີປະສິດທິພາບຂຶ້ນ ແລະ ຈັດຕັ້ງປະຕິບັດຕົວຊີ້ວັດໂຄງການໃຫ້ສໍາເລັດຕາມແຜນທີ່ວາງໄວ້.

ສະແດງຄຳຄິດເຫັນ