ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະ ຈະເດີນທາງເຂົ້າຮ່ວມກອງປະຊຸມເວທີປຶກສາຫາລື ອະນາຄົດອາຊຽນ (ASEAN Future Forum) ພາຍໃຕ້ຄໍາຂວັນ: “ກ້າວໄປສູ່ການຂະຫຍາຍໂຕທີ່ວ່ອງໄວ ແລະ ຍືນຍົງ ຂອງປະຊາຄົມອາຊຽນ ທີ່ມີປະຊາຊົນເປັນໃຈກາງ” ໃນວັນ ທີ 23 ເມສາ 2024 ທີ່ ນະຄອນຫຼວງ ຮ່າໂນ້ຍ ສສ ຫວຽດນາມ, ໂດຍຕອບສະໜອງຕາມຄໍາເຊີນຂອງ ທ່ານ ຟາມ ມິງ ຈິງ ນາຍົກລັດຖະມົນຕີ ແຫ່ງ ສສ ຫວຽດນາມ.

ການເຂົ້າຮ່ວມກອງປະຊຸມ ເວທີປຶກສາຫາລື ອະນາຄົດອາຊຽນຂອງທ່ານ ນາຍົກລັດຖະມົນຕີ ແຫ່ງ ສປປ ລາວ ຈະເປັນປະທານຮ່ວມການປຶກສາຫາລືກ່ຽວກັບ “ການກ້າວໄປສູ່ປະຊາຄົມທຸລະກິດອາຊຽນທີ່ມີຄວາມກົມກຽວ, ເຂັ້ມແຂງ ແລະ ຍືນຍົງ: ຈັບເອົາກາລະໂອກາດ ຍຸກຂອງດີຈີຕອນ” ກັບພາກທຸລະ ກິດ ແລະ ສະຖາບັນຄົ້ນຄວ້າຕ່າງໆ ແລະ ຈະພົບປະກັບ ທ່ານ ນາຍົກລັດຖະມົນຕີ ຟາມ ມິງ ຈິງ ແຫ່ງ ສສ ຫວຽດນາມ ເພື່ອປຶກສາຫາລືການພົວພັນ ແລະ ຮ່ວມມື 2 ຝ່າຍ ລາວ- ຫວຽດນາມ.

ທີ່ມາ VientianeTimes

ສະແດງຄຳຄິດເຫັນ