ສໍານັກຂ່າວ ຊິນຮວາ ຂອງ ສປຈີນ,  ເມື່ອບໍ່ດົນມານີ້ ການໄຟຟ້າ ແຫ່ງກໍາປູເຈຍ (EAC) ເປີດເຜີຍວ່າ ຜູ້ຕິດຕັ້ງ ລະບົບ ຜະລິດ ພະລັງງານ ແສງຕາເວັນ ເທິງຫລັງຄາ ທີ່ມີ ກຳລັງ ການຜະລິດ ຫລາຍກວ່າ 10 ກິໂລວັດ ຈະຕ້ອງຊໍາລະ ຄ່າພະລັງງານ ໄຟຟ້າ.

ເຈົ້າໜ້າທີ່ ການໄຟຟ້າ ລະບຸວ່າ: ຜູ້ໃຊ້ລະບົບ ພະລັງງານ ແສງຕາເວັນ ດັ່ງກ່າວ ທີ່ ໃຊ້ໄຟຟ້າ ຈາກ ເຄືອຂ່າຍ ການໄຟຟ້າ ຕ້ອງຂຶ້ນ ທະບຽນ ການຕິດຕັ້ງ ລະບົບ ພະລັງງານ ແສງຕາເວັນ ກັບ ທາງການ,  ບໍ່ດັ່ງນັ້ນ ຈະຖືກ ປັບ  ໃໝ. ນັບແຕ່ ເດືອນທັນວາ ປີ 2023 ຈົນເຖິງ ປັດຈຸບັນ ມີຜູ້ໃຊ້ ລະບົບ ພະລັງງານ ແສງຕາເວັນ ດັ່ງກ່າວ ທີ່ໄປ ຂຶ້ນທະບຽນ ການຕິດຕັ້ງ ມີພຽງແຕ່ 94 ຄົນ.  ໃນຂະນະດຽວກັນ, ເຈົ້າໜ້າທີ່ ການໄຟຟ້າ ຍັງລະບຸວ່າ: ການເກັບຄ່າ ພະລັງງານໄຟຟ້າ ຈະເນັ້ນໃສ່ ຜູ້ໃຊ້ຂະໜາດໃຫຍ່ ເຊັ່ນ: ໂຮງງານ ອຸດສາຫະກຳ, ສະຖານປະກອບ ທຸລະກິດ , ໂຮງແຮມ ຫລື ອາຄານ ຂະໜາດໃຫຍ່ ຊຶ່ງ ຕ້ອງການ ຕິດຕັ້ງ ລະບົບ ພະລັງງານ ແສງຕາເວັນ ຂະໜາດກາງ ແລະ ຂະໜາດໃຫຍ່.  ສ່ວນເຮືອນ ທີ່ ຕິດຕັ້ງ ລະບົບ ພະລັງງານ ແສງຕາເວັນ ເທິງຫລັງຄາ ທີ່ມີ ກຳລັງ ການຜະລິດ ບໍ່ເກີນ 10 ກິໂລວັດ ຫລື ທຽບເທົ່າ ແຜ່ນໂຊລາເຊລ ຂະໜາດກາງ 20 ແຜ່ນ ຫລື ຂະໜາດໃຫຍ່ 16 ແຜ່ນ ຂະ ໜາດ 120-200 ກິໂລຕາແມັດ ບໍ່ຈຳເປັນຕ້ອງ ຊຳລະ ຄ່າໄຟຟ້າ. ດັ່ງນັ້ນ ປະຊາຊົນ ທີ່ໃຊ້ໄຟຟ້າ ໃນເຮືອນ ແລະ ສະຖານ ປະກອບທຸລະກິດ ຫລາຍກວ່າ 95% ຈະບໍ່ໄດ້ຮັບ ຜົນກະທົບ ຈາກ ມາດຕະການ ໃໝ່ນີ້.

KPL

ສະແດງຄຳຄິດເຫັນ