ຢ່າຫລົງເຊື່ອ! ຄຳຊັກຊວນ “ວຽກດີ ເງິນຫຼາຍ” ໃນມຽນມາ
ຊຽງໄຮ້ 4 ມີນາ – ຊາຍຊາວຈີນທີ່ຫາກໍ່ລອດຊີວິດຈາກຂຸມນະລົກ ສູນແກ່ງສະແກມອອນລາຍໃນມຽນມາ ຕາບອກເລົ່າເສັ້ນທາງທີ່ນຳໄປສູ່ການເຮັດວຽກຫຼອກລວງອອນລາຍ ແລະ ພາບຄວາມໂຫດຮ້າຍທີ່ເກີດຂຶ້ນຕໍ່ໜ້າຕໍ່ “ທີ່ນັ້ນ.. ຂ້ອຍເຫັນຄົນຖືກຂາຍ ຖືກຕົບຕີ ລວມທັງເຫັນຄົນຕາຍທຸກມື້” ນີ້ຄືຄຳບອກເລົ່າສ່ວນໜຶ່ງຂອງ ຈູ່ ໂປຊຸນ ຊາຍຈີນອາຍູ 39 ປີ ທີ່ເປີດເຜີຍກັບໜັງສືພິມເຊົາທ໌ໄຊນາມໍນິງ ໂພສທ໌ຂອງຮ່ອງກົງ, ຫຼັງຈາກທີ່ຫາກໍ່ລອດພົ້ນຈາກຂຸມນະລົກສູນສະແກມອອນລາຍໃນເມືອງເລົ່າກ໌ກ່າຍ ເມືອງເອກຂອງເຂດປົກຄອງພິເສດໂກກ້າງ ມຽນມາ ແລະ ໄດ້ກັບຄືນບ້ານເກີດໃນຊຽງໄຮ້ ສາທາລະນະລັດປະຊາຊົນຈີນ ເມື່ອບໍ່ດົນມານີ້. ຊາວຈີນຖືກສົ່ງກັບຈາກໄທກຸ່ມທີສອງ 21 ກຸມພາ 2568ຈູ່ເຜີຍວ່າ ກາງປີ 2566 ລາວຖືກຕວົະຍວົະໃຫ້ເຂົ້າໄປພົວພັນກັບແກ໊ງສະແກມອອນລາຍ ຫຼື ແກ໊ງຫຼອກຊັບຊິນຂອງຄົນຜ່ານທາງອິນເຕີເນັດ, ດ້ວຍຄວາມຢາກໄດ້ວຽກເຮັດຈຶ່ງເຂົ້າໄປຊອກຂໍ້ມູນຕາມກຸ່ມແຊັດຕ່າງໆ ຈາກນັ້ນມີຊາຍຄົນໜຶ່ງຕິດຕໍ່ມາທາງ WeChat ສ່ວນຕົວພ້ອມກັບສະເໜີວຽກໃຫ້ພ້ອມລາຍໄດ້ງາມຢ່າງທີ່ບໍ່ເຄີຍພົບມາກ່ອນ ຄື ເດືອນລະ 10,000 ຢວນ ຫຼື ປະມານ 50,000 ບາດ ໂດຍມີເງື່ອນໄຂໃຫ້ເຮັດວຽກງ່າຍໆ ພຽງລັກລອບນຳຂອງຜ່ານດ່ານສຸນລະກາກອນໄທ ຫຼັງຈາກຕົກລົງກັນເປັນທີ່ຮຽບຮ້ອຍ ຈູ່ກໍໄດ້ຮັບປີ້ລົດໄຟໃຫ້ເດີນທາງໄປທີ່ສິບສອງປັນນາ […]
ສື່ມວນຊົນຈີນກະຕຸ້ນ “ການປະຊຸມສອງສະພາ” ຂອງຈີນ
ປັກກິ່ງ 3 ມີນາ – ສື່ມວນຊົນທາງການຈີນໃຫ້ຂໍ້ມູນກ່ຽວກັບການປະຊຸມສອງສະພາ (Two Sessions) ທີ່ຈະເລີ່ມຂຶ້ນໃນວັນທີ 4 ມີນາ ແລະ ວັນທີ 5 ມີນາ ສຳນັກຂ່າວຊິນຫົວຂອງທາງການຈີນລາຍງານວ່າ ຊ່ວງຕົ້ນເດືອນມີນາເປັນສັນຍານການເລີ່ມຕົ້ນລະດູການທາງການເມືອງຂອງ “ການປະຊຸມ ສອງສະພາ” ເປັນການປະຊຸມປະຈຳປີຂອງສະພາຜູ້ແທນປະຊາຊົນແຫ່ງຊາດ ຫຼື ເອັນພີຊີ (NPC) ຊຶ່ງເປັນສະພານິຕິບັນຍັດລະດັບສູງສຸດ ແລະ ການປະຊຸມປະຈຳປີຂອງຄະນະກຳມະການແຫ່ງຊາດປະຈຳສະພາທີ່ປຶກສາທາງການເມືອງແຫ່ງປະຊາຊົນຈີນ ຫຼື ຊີພີພີຊີຊີ (CPPCC) ຊຶ່ງເປັນໜ່ວຍງານທີ່ປຶກສາທາງການເມືອງລະດັບສູງສຸດຂອງຈີນ ທັງສອງສະພາມີວາລະດຳລົງຕຳແໜ່ງ 5 ປີ ແລະ ຈັດການປະຊຸມເຕັມຄະນະທຸກປີ NPC ຊຸດທີ 14 ມີສະມາຊິກເກືອບ 3,000 ຄົນ ສ່ວນ CPPCC ມີສະມາຊິກຫຼາຍກວ່າ 2,000 ຄົນ. NPC ເປັນໜ່ວຍງານລັດທີ່ມີອຳນາດສູງສຸດ ນອກຈາກເຮັດໜ້າທີ່ໃນຖານະສະພານິຕິບັນຍັດລະດັບສູງສຸດແລ້ວ ຍັງມີອຳນາດເລືອກຕັ້ງຄະນະຜູ້ນຳປະເທດ […]
ຈີນຊອກຫາວິທີຢັບຢັ້ງພື້ນທີ່ປ່ຽນເປັນທະເລຊາຍໃນຊິນຈຽງ-ມົງໂກເລຍໃນ
ສື່ທາງການຈີນລາຍງານຂ່າວທາງການໄດ້ດຳເນີນໂຄງການຄວບຄຸມພື້ນທີ່ບໍ່ໃຫ້ເຊື່ອມໂຊມແລະປ່ຽນສະພາບກາຍເປັນທະເລຊາຍໃນເຂດປົກຄອງຕົນເອງ 2 ແຫ່ງ ຄື: ມົງໂກເລຍໃນ ທີ່ຕັ້ງຢູ່ພາກເໜືອ ແລະ ຊິນຈຽງອຸຍກູ ທີ່ຕັ້ງຢູ່ພາກຕາເວັນຕົກສ່ຽງເໜືອ. CCTV+ ເຊິ່ງເປັນສຳນັກຂ່າວວິດີໂອໃນສັງກັດຂອງສະຖານີວິທະຍຸໂທລະພາບກາງແຫ່ງປະເທດຈີນ ຫຼື CCTV ລາຍງານວ່າ ໂຄງການຄວບຄຸມພື້ນທີ່ບໍ່ໃຫ້ປ່ຽນສະພາບເປັນທະເລຊາຍໃນມົງໂກເລຍໃນໄດ້ເປີດຕົວເມື່ອວັນສຸກທີ່ຜ່ານມາ ເພື່ອຢັບຢັ້ງການຂະຫຍາຍຕົວຂອງທະເລຊາຍປາຕັນຈຶ໋ຫລິນ (Badain Jaran Desert), ທະເລຊາຍເຖິງເກ໋ຫລີ່ (Tengger Desert) ແລະ ທະເລຊາຍອູຫລານປູ້ເຫີ (Ulan Buh Desert) ໂດຍຕັ້ງເປົ້າຈະສ້າງແນວປ້ອງກັນຊາຍສ່ວນສຸດທ້າຍໄລຍະທາງ 430 ກິໂລແມັດໃຫ້ແລ້ວສຳເລັດພາຍໃນ 6 ເດືອນ ຫລັງຈາກສ້າງໄປແລ້ວ 1,425 ກິໂລແມັດ ເປັນແນວປ້ອງກັນທີ່ປະກອບດ້ວຍການໃຊ້ແຜງພະລັງງານແສງຕາເວັນຄວບຄຸມຊາຍ, ການປູກຕົ້ນໄມ້ ແລະ ການຟື້ນຟູພືດພັນ. ປູກດອກກຸຫລາບໃນຊິນຈຽງອຸຍກູ ສ່ວນທີ່ຊິນຈຽງອຸຍກູ ທາງການດຳເນີນການປູກຕົ້ນກຸຫລາບເພື່ອຢຸດຢັ້ງການຂະຫຍາຍຕົວຂອງທະເລຊາຍທາກລິມາກັນ (Taklimakan Desert) ດອກກຸຫລາບມີລະບົບຮາກທີ່ແຂງແຮງ, ຂະຫຍາຍແລະເຕີບໂຕໄດ້ໄວ, ສາມາດເຕີບໂຕເປັນກຳແພງດອກໄມ້ສູງ 2-3 ແມັດໄດ້ພາຍໃນເວລາ 2-3 ປີ, ຊ່ວຍຫລຸດອັນຕະລາຍຈາກພາຍຸຊາຍແລະຫລຸດການເຮັດໃຫ້ດິນເຊື່ອມໂຊມຈົນປ່ຽນສະພາບເປັນທະເລຊາຍ
ຜູ້ນຳເອີຣົບ ຄານາດາ ແລະ ອົສເຕຣເລຍສະແດງທ່າທີສະໜັບສະໜູນ “ເຊເລນສະກີ”
ຜູ້ນຳຫລາຍປະເທດທົ່ວໂລກຫລາຍຄົນຕ່າງສະແດງທ່າທີສະໜັບສະໜູນຢູເຄຣນຫລັງຈາກເກີດການປະທະຄາຣົມກັນຢ່າງດຸເດືອດລະຫວ່າງປະທານາທິບໍດີວລາດິມີ ເຊເລນສະກີ ຂອງຢູເຄຣນກັບປະທານາທິບໍດີໂດນັລ ທຣຳ ຂອງສະຫະລັດໃນລະຫວ່າງທີ່ທັງສອງພົບກັນທີ່ທຳນຽບຂາວໃນວັນສຸກ ນາຍົກລັດຖະມົນຕີແອນໂທນີ ອັລບາເນຊີ ຂອງອົສເຕຣເລຍ ໃຫ້ສຳພາດຜູ້ສື່ຂ່າວທີ່ນະຄອນຊິດນີວັນນີ້ວ່າ ອົສເຕຣເລຍຍັງຄົງຢືນຄຽງຂ້າງຢູເຄຣນ ເນື່ອງຈາກມອງວ່າ ການຕໍ່ສູ້ຂອງຢູເຄຣນເປັນໄປເພື່ອຮັກສາກົດໝາຍລະຫວ່າງປະເທດເອົາໄວ້ ແລະ ລັດຖະບານອົສເຕຣເລຍຈະສະໜັບສະໜູນຢູເຄຣນຕໍ່ໄປ ປະທານາທິບໍດີເອມມານູເອລ ມາຄຣົງ ຂອງຝຣັ່ງ ໂພສຂໍ້ຄວາມຜ່ານທາງແອັບພລິເຄຊັນເອັກຊ໌ ຫຼື ທວິດເຕີ ເດີມວ່າ ພວກເຮົາເຂົ້າຊ່ວຍເຫຼືອຢູເຄຣນໃນທັນທີແລະຄວ່ຳບາດລັດເຊຍຕັ້ງແຕ່ເມື່ອ 3 ປີກ່ອນແລະຍັງຄົງດຳເນີນນະໂຍບາຍນີ້ຢ່າງຕໍ່ເນື່ອງ ຊຶ່ງຄຳວ່າພວກເຮົາໝາຍເຖິງຊາວອະເມລິກັນ, ຢູໂຣບ, ຄານາດາ, ຍີ່ປຸ່ນ ແລະ ປະເທດອື່ນໆອີກຫຼາຍຫຼາຍ. ສ່ວນຜູ້ນຳຂອງປະເທດອື່ນໆເຊັ່ນ ຄານາດາ, ລັດເວຍ ແລະ ເດນມາກ ຕ່າງກໍໂພສຂໍ້ຄວາມທາງແພລດຟອມສື່ສັງຄົມອອນລາຍຂອງຕົນເອງລະບຸວ່າ ຢືນຢູ່ຄຽງຂ້າງຢູເຄຣນ ທາງດ້ານທ່ານເຊເລນສະກີ ໄດ້ຂຽນຄຳວ່າ “ຂອບໃຈ” ຫຼາຍສິບຄັ້ງ ຕອບຂໍ້ຄວາມໃນແອັບພລິເຄຊັນເອັກຊ໌ຂອງເພິ່ນທີ່ມີຄົນໂພສຂໍ້ຄວາມສະໜັບສະໜູນເພິ່ນຫຼັງຈາກທີ່ທ່ານເຊເລນສະກີ ຖືກຮອງປະທານາທິບໍດີເຈດີ ແວນຊ໌ ຂອງສະຫະລັດກ່າວຫາວ່າ ບໍ່ເຄີຍກ່າວຂອບໃຈສະຫະລັດທີ່ໃຫ້ຄວາມຊ່ວຍເຫຼືອ ໃນລະຫວ່າງການພົບກັນທີ່ທຳນຽບຂາວ ໂດຍການພົບກັນລະຫວ່າງທ່ານເຊເລນສະກີ ກັບທ່ານທຣຳ ແລະ ທ່ານແວນຊ໌ ຈົບລົງຢ່າງລົ້ມເຫຼວ ທັງສອງຝ່າຍປະທະຄາຣົມກັນຕໍ່ໜ້າສື່ທົ່ວໂລກທີ່ຕິດຕາມເຮັດຂ່າວນີ້ […]
ປະເທດຊີລີ ໄຟຟ້າດັບທົ່ວປະເທດ
ຊານຕີອາໂກ, 26 ກຸມພາ – ປະຊາຊນຊິລີໄດ້ຮັບຜົນກະທົບຢ່າງໜັກຈາກສະພາວະໄຟຟ້າດັບທົ່ວປະເທດ ຕັ້ງແຕ່ພາກເໜືອຈົນເຖິງພາກໃຕ້ ລວມທັງນະຄອນຫຼວງຊານຕີອາໂກ. ສຳນັກງານບໍລິການຕອບສະໜອງ ແລະ ປ້ອງກັນໄພພິບັດແຫ່ງຊາດຊິລີໄດ້ແຈ້ງວ່າ: ໄຟຟ້າດັບຄວາມເປັນຈິງແມ່ນເກີດຂຶ້ນຕັ້ງແຕ່ແຄວ້ນອາຣິກາ ແລະ ປາຣິນາກົຕາ (ພາກເໜືອສຸດ) ຈົນເຖິງແຄວ້ນໂລສ ລາໂກສ (ພາກໃຕ້ສຸດ). ແຕ່ຍັງບໍ່ມີການປະກາດສະພາວະຉັດຄັກໃດໆ. ສຳນັກຂ່າວເຣຕເຕີລາຍງານວ່າ: ລະບົບລົດໄຟຟ້າໃຕ້ດິນໃນນະຄອນຊານຕີອາໂກ ທີ່ຂົນສົ່ງຜູ້ໂດຍສານວັນລະຫຼາຍລ້ານຄົນໄດ້ຮັບຜົນກະທົບ, ພ້ອມກັບໄຟຟ້າຕາມຖະໜົນ ແລະ ຍັງສົ່ງຜົນຕໍ່ເຫຼັງທອງແດງຫຼາຍແຫ່ງ ໂດຍສະເພາະໃນພາກເໜືອ. ບໍລິສັດສາຍສົ່ງໄຟຟ້າກຳລັງຮີບສືບສວນສາເຫດທີ່ເຮັດໃຫ້ໄຟດັບທົ່ວປະເທດ ແລະ ຮີບແກ້ໄຂ. ດ້ວຍດ້ານນີ້, ລັດຖະມົນຕີກະຊວງພາຍໃນຊິລີໄດ້ຊີ້ແຈງວ່າ: ສາເຫດໄຟດັບແມ່ນມາຈາກບັນຫາສາຍສົ່ງໄຟຟ້າພາກເໜືອຂັດຂ້ອງ, ບໍ່ແມ່ນການໂຈມຕີຊີເບີ ແລະ ຄາດວ່າໄຟຈະກັບມາປົກກະຕິໃນໄວໆນີ້.
ສະຫະລັດບໍ່ໃຫ້ເອີຣົບເຂົ້າຮ່ວມການເຈລະສັນຕິພາບຢູເຄຣນ
ທູດພິເສດສະຫະລັດດ້ານຢູເຄຣນແລະລັດເຊຍໄດ້ເປີດເຜີຍວ່າ ເອີຣົບຈະບໍ່ໄດ້ຮັບການເຊີນເຂົ້າຮ່ວມການເຈລະສັນຕິພາບຢູເຄຣນ. ດ້ານຜູ້ນຳເອີຣົບໄດ້ປະກາດວ່າຈະບໍ່ຍອມຮັບເລື່ອງນີ້, ໃນຂະນະທີ່ຜູ້ນຳຢູເຄຣນໄດ້ຂໍໃຫ້ຈັດຕັ້ງກອງທັບເອີຣົບ. ພົນຕີໂຈເຊັບ ຄີດ ເຄລລັອກ ຈູນຽວ, ນາຍທະຫານອະນຸບານອາຍຸ 80 ປີ, ຜູ້ທີ່ໄດ້ຮັບການແຕ່ງຕັ້ງຈາກປະທານາທິບໍດີດອນອັລດ ທຣຳພ໌ ໃຫ້ເປັນທູດພິເສດສະຫະລັດດ້ານຢູເຄຣນແລະລັດເຊຍ, ໄດ້ກ່າວໃນກອງປະຊຸມຄວາມປອດໄພມິວນິຄຄັ້ງທີ 61 ທີ່ເມືອງມິວນິຄຂອງເຢຍລະມັນໃນວັນເສົາຕາມເວລາທ້ອງຖິ່ນວ່າ ສະຫະລັດຈະເຮັດຫນ້າທີ່ເປັນຄົນກາງໃນການເຈລະສັນຕິພາບ, ໂດຍມີຢູເຄຣນແລະລັດເຊຍເປັນຜູ້ເຈລະສັນຕິພາບຫລັກ. ພ້ອມກັນນີ້, ທ່ານໄດ້ຕອບຄຳຖາມໂດຍຢືນຢັນວ່າ ເອີຣົບຈະບໍ່ໄດ້ເຂົ້າຮ່ວມການເຈລະສັນຕິພາບ. ທ່ານເຄລລັອກໄດ້ຊີ້ແຈງໃນການແຈ້ງຂ່າວຫລັງຈາກນັ້ນວ່າ ເຖິງແມ່ນວ່າເອີຣົບຈະບໍ່ໄດ້ເຂົ້າຮ່ວມການເຈລະສັນຕິພາບ, ແຕ່ບໍ່ໄດ້ຫມາຍຄວາມວ່າຈະບໍ່ມີການພິຈາລະນາຫລືຄຳນຶງເຖິງຜົນປະໂຫຍດຂອງເອີຣົບ. ດ້ານປະທານາທິບໍດີອາເລັກຊານເດີ ສະຕັອບຂອງຟິນແລນໄດ້ກ່າວກັບສື່ມວນຊົນໃນກອງປະຊຸມດຽວກັນວ່າ ມັນບໍ່ເປັນໄປໄດ້ທີ່ຈະມີການສົນທະນາຫລືຕໍ່ລອງເລື່ອງຢູເຄຣນ, ອະນາຄົດຂອງຢູເຄຣນຫລືໂຄງສ້າງຄວາມປອດໄພຂອງເອີຣົບ ໂດຍບໍ່ມີເອີຣົບເຂົ້າຮ່ວມ. ດັ່ງນັ້ນ, ເອີຣົບຈະຕ້ອງດຳເນີນການຮ່ວມກັນໂດຍການເວົ້າໜ້ອຍແຕ່ເຮັດໃຫ້ຫລາຍຂຶ້ນ. ປະທານາທິບໍດີທຣຳພ໌ໄດ້ສ້າງຄວາມຕົກໃຈໃຫ້ແກ່ພັນທະມິດໃນເອີຣົບ ຈາກການທີ່ໄດ້ໂທລະສັບຫາປະທານາທິບໍດີວລາດິເມຍ ປູຕິນຂອງລັດເຊຍໃນວັນທີ 12 ກຸມພາທີ່ຜ່ານມາໂດຍບໍ່ປຶກສາຫາລືກັບເອີຣົບຫລືຢູເຄຣນ, ແລະປະກາດວ່າຈະເລີ່ມການເຈລະສັນຕິພາບລັດເຊຍ-ຢູເຄຣນໂດຍທັນທີ. ແຫຼ່ງຂ່າວໃນເອີຣົບໄດ້ເປີດເຜີຍໃນມື້ວານນີ້ວ່າ ສະຫະລັດໄດ້ສົ່ງແບບສອບຖາມໃຫ້ລັດຖະບານໃນເອີຣົບຕອບວ່າ ຈະສາມາດຈັດສັນອາວຸດ, ທະຫານຮັກສາສັນຕິພາບ, ແລະການຈັດການດ້ານຄວາມປອດໄພໃຫ້ແກ່ຢູເຄຣນໄດ້ແນວໃດ. ໃນຂະນະທີ່ພະນັກງານໃນລັດຖະບານທຣຳພ໌ໄດ້ສະແດງຄວາມຄາດຫວັງວ່າ ພັນທະມິດໃນນາໂຕ່ຈະເປັນຜູ້ຮັບຜິດຊອບຫລັກໃນເອີຣົບ, ເນື່ອງຈາກສະຫະລັດມີເລື່ອງອື່ນທີ່ຕ້ອງໃຫ້ຄວາມສຳຄັນ, ເຊັ່ນ ຄວາມປອດໄພຊາຍແດນ, ການຕ້ານຈີນ. ດ້ານປະທານາທິບໍດີໂວໂລະດີເມຍ ເຊລນສະກີຂອງຢູເຄຣນໄດ້ຮຽກຮ້ອງໃນກອງປະຊຸມຄວາມປອດໄພມິວນິຄໃນວັນເສົາທີ່ຜ່ານມາ […]
ບຽດກັນຈົນເສຍຊີວິດທີ່ສະຖານີລົດໄຟອິນເດຍ
ເກີດເຫດການຝູງຊົນຍູ້ດັນກັນຈົນເສຍຊີວິດ ແລະ ບາດເຈັບ ໃນຂະນະທີ່ພະຍາຍາມຍາດກັນຂຶ້ນລົດໄຟຜູ້ໂດຍສານທີ່ສະຖານີລົດໄຟໃນນະຄອນນິວເດລີຂອງອິນເດຍໃນຄືນວັນເສົາຕາມເວລາທ້ອງຖິ່ນ. ສະຖານີໂທລະທັດ NDTV ລາຍງານອ້າງອີງຈາກພະນັກງານທ້ອງຖິ່ນວ່າ, ເຫດການເກີດຂຶ້ນເມື່ອເວລາ 20.00 ນ. ວັນເສົາຕາມເວລາທ້ອງຖິ່ນ, ຊື່ງຕົງກັບເວລາ 21.30 ນ. ວັນເສົາຕາມເວລາປະເທດລາວ. ມີຜູ້ເສຍຊີວິດຢ່າງໜ້ອຍ 15 ຄົນ, ໃນນັ້ນມີຜູ້ຍິງ 10 ຄົນ ແລະ ເດັກນ້ອຍ 3 ຄົນ, ແລະ ຍັງມີຜູ້ບາດເຈັບ 15 ຄົນ. ເຫດການສຸດເສຍໃຈດັ່ງກ່າວເກີດຂຶ້ນທີ່ຊານຊາລາ 2 ຂອງສະຖານີລົດໄຟໃນນະຄອນນິວເດລີ, ໃນຂະນະທີ່ຜູ້ໂດຍສານຈຳນວນຫຼວງຫຼາຍຍາດກັນຂຶ້ນລົດໄຟ 2 ຂະບວນທີ່ມາຮອດຊ້າ, ເພື່ອໄປຮ່ວມງານບຸນມະຫາກຸມເພລາ, ເຊິ່ງເປັນພິທີອາບນ້ຳສັກສິດຂອງຊາວຮິນດູທີ່ເມືອງປະຍາຄຣາຊ, ລັດອຸດຕະປຣະເທດ, ທີ່ເລີ່ມຕັ້ງແຕ່ວັນທີ 13 ມັງກອນ ຈົນເຖິງວັນທີ 26 ກຸມພາ. ກ່ອນໜ້ານີ້ໃນວັນທີ 29 ມັງກອນ, ຊຶ່ງເປັນວັນສັກສິດທີ່ສຸດຂອງງານບຸນ, ເກີດເຫດຜູ້ສະແຫວງບຸນຊຸກດັນກັນຈົນເສຍຊີວິດຢ່າງໜ້ອຍ 30 ຄົນ.
ສະຫະລັດອ້າງວ່າການເຝິກຊ້ອມຮ່ວມກັບຟີລິບປີນເພື່ອການປ້ອງກັນປະເທດເທົ່ານັ້ນ
ໂຄສົກກະຊວງການຕ່າງປະເທດສະຫະລັດກ່າວເຖິງເລື່ອງນີ້ຜ່ານອີເມວຫຼັງຈາກຖືກຂໍໃຫ້ສະແດງຄວາມເຫັນໃນກໍລະນີທີ່ກະຊວງປ້ອງກັນປະເທດຈີນຮຽກຮ້ອງໃຫ້ລັດຖະບານຟິລິບປິນຍົກເລີກການຕິດຕັ້ງລະບົບຂີປະນາວຸດໄທຟອນ (Typhon) ຂອງສະຫະລັດໃນປະເທດ. ລະບົບຂີປະນາວຸດໄທຟອນແມ່ນສ່ວນໜຶ່ງຂອງຄວາມພະຍາຍາມຂອງສະຫະລັດໃນການເພີ່ມຄັງອາວຸດຕ້ານເຮືອຮົບໃນອາຊີ. ໄທຟອນສາມາດຍິງຂີບນາວຸດຫຼາຍປະເພດທີ່ມີລະດັບໄລຍະທາງຫຼາຍພັນກິໂລແມັດ. ໂຄສົກກະຊວງການຕ່າງປະເທດສະຫະລັດຍັງກ່າວວ່າ, ການສົ່ງຂີປະນາວຸດມາປະຈຳການຊົ່ວຄາວໃນຟິລິບປິນແມ່ນການຕອບໂຕ້ເພື່ອຮັບມືກັບອັນຕະລາຍທີ່ເພີ່ມຂຶ້ນ ແລະມີຈຸດປະສົງໃນການຮັກສາຄວາມພ້ອມຂອງກຳລັງທະຫານ ແລະເພື່ອຮັກສາຄວາມປອດໄພ ແລະຄວາມໝັ້ນຄົງຂອງພາກພື້ນສຳລັບທຸກຝ່າຍ. ລະບົບຂີປະນາວຸດຂອງສະຫະລັດຖືກອອກແບບມາເພື່ອຕິດຕັ້ງອາວຸດຕາມຮູບແບບ ແລະບໍ່ໄດ້ຖືກອອກແບບມາເພື່ອຕິດຕັ້ງຫົວລະເບີດນິວເຄຼຍເລີຍ. ກ່ອນໜ້ານີ້, ກະຊວງປ້ອງກັນປະເທດຈີນກ່າວຫາຟິລິບປິນວ່າຜິດຄຳສັນຍາໂດຍການປະຈຳການລະບົບຂີປະນາວຸດດັ່ງກ່າວ, ເຊິ່ງຈີນເອີ້ນວ່າເປັນອາວຸດທາງຍຸດທະສາດທີ່ມີລັກສະນະຮຸກຮານ. ໃນຂະນະທີ່ຟິລິບປິນກ່າວວ່າ, ລະບົບຂີປະນາວຸດໄທຟອນມີເປົ້າໝາຍໃນການປ້ອງກັນຕົວເອງ ແລະຟິລິບປິນບໍ່ເຄີຍສັນຍາວ່າຈະຍົກເລີກການຕິດຕັ້ງຂີບນາວຸດນີ້.
ຮາມາສປ່ອຍຕົວປະກັນອີສາຣາເອວອີກ 3 ຄົນໃນດິນແດນກາຊ່າ
ພາບທີ່ຖ່າຍທອດສົດທາງໂທລະທັດສະແດງໃຫ້ເຫັນຕົວປະກັນຊາວອິສຣາເອທັງ 3 ຄົນຖືກນຳຂຶ້ນເວທີໂດຍມີກຸ່ມຮາມາສທີ່ຖືອາວຸດປືນຄົບມືຢືນຢູ່ຂ້າງໆ ໃນສະຖານທີ່ປ່ອຍຕົວປະກັນທີ່ເມືອງຂ່ານ ຢູນິສ ໃນດິນແດນກາຊາ ຮາມາສປ່ອຍຕົວປະກັນຄັ້ງນີ້ເພື່ອແລກກັບນັກໂທດແລະຊາວປາເລສຕາຍທີ່ຖືກຄວບຄຸມໄວ້ 369 ຄົນ ໂດຍການແລກຕົວດັ່ງກ່າວເກີດຂຶ້ນໄດ້ໃນທີ່ສຸດ ເຮັດໃຫ້ຫຼຸດຄວາມກັງວົນທີ່ວ່າ ຂໍ້ຕົກລົງຢຸດຍິງຈະລົ້ມໄປກ່ອນທີ່ຈະຄົບກຳນົດການຢຸດຍິງເປັນເວລາ 42 ວັນຕາມຂໍ້ຕົກລົງນີ້ ທີ່ຈັດຕຸລາສໃນນະຄອນເທລາວິວ ຂອງອິສຣາເອທີ່ຖືກເອີ້ນວ່າ ຈັດຕຸລາສຕົວປະກັນ ຊາວອິສຣາເອມາລວມຕົວກັນເພື່ອຊົມການຖ່າຍທອດສົດເຫດການປ່ອຍຕົວປະກັນຊາວອິສຣາເອວ ແລະ ຕ່າງຮ້ອງໄຫ້ເມື່ອໄດ້ຍິນວ່າ ກາຊາດສາກົນກຳລັງນຳຕົວຊາວອິສຣາເອວ 3 ຄົນນີ້ ສົ່ງມອບໃຫ້ກອງກຳລັງຂອງອິສຣາເອວໃນດິນແດນກາຊາ ຊາວອິສຣາເອວຮູ້ສຶກສະບາຍໃຈທີ່ເຫັນຜູ້ທີ່ໄດ້ຮັບການປ່ອຍຕົວຄັ້ງນີ້ມີສະພາບຮ່າງກາຍດີກວ່າຕົວປະກັນ 3 ຄົນກ່ອນໜ້ານີ້ທີ່ມີການປ່ອຍຕົວເມື່ອອາທິດທີ່ຜ່ານມາ ທີ່ທັງໝົດມີສະພາບທີ່ອ່ອນແອຫລາຍ ກ່ອນໜ້ານີ້ ຮາມາສຂູ່ຈະບໍ່ປ່ອຍຕົວປະກັນເພີ່ມເຕີມອີກໂດຍກ່າວຫາອິສຣາເອວວ່າລະເມີດເງື່ອນໄຂຂອງຂໍ້ຕົກລົງຢຸດຍິງໂດຍການປິດກັ້ນຄວາມຊ່ວຍເຫຼືອບໍ່ໃຫ້ເຂົ້າໄປໃນພື້ນທີ່ດິນແດນກາຊາ ເຮັດໃຫ້ອິສຣາເອວເລີ່ມການໃຊ້ອາວຸດໂຈມຕີ ແລະ ມີການເອີ້ນກຳລັງສຳຮອງມາເຕີມພຽງສຳລັບການສູ້ຮົບ
ຊາວຍີ່ປຸ່ນຜູ້ເປັນເຫຍື່ອຖືກຫລອກລວງຈາກກຸ່ມຄໍເຊັນເຕີໄດ້ຮັບການປ່ອຍຕົວ
ສື່ຍີ່ປຸ່ນ ລາຍງານວ່າ ຕຳຫຼວດໄທ ອຳເພີແມ່ສອດ ຈັງຫວັດຕາກ ໄດ້ໃຫ້ການດູແລໄວລຸ້ນຊາຍຊາວຍີ່ປຸ່ນອາຍຸ 16 ປີ ທີ່ຖືກຊ່ວຍໄດ້ອອກຈາກກຸ່ມຄໍເຊັນເຕີທີ່ຖືກຫຼອກລວງໃນຝັ່ງມຽນມາໃນເດືອນນີ້ ຄາດວ່າໄວລຸ້ນຄົນດັ່ງກ່າວຖືກກຸ່ມຄໍເຊັນເຕີໃນມຽນມາບັງຄັບໃຫ້ເຮັດວຽກ ການຊ່ວຍໄວລຸ້ນຄົນນີ້ໄດ້ຮັບການຮ້ອງຂໍຈາກລັດຖະບານຍີ່ປຸ່ນ ເຮັດໃຫ້ເຈົ້າຫນ້າທີ່ຕຳຫຼວດອອກປະຕິບັດການຄົ້ນຫາຈົນສາມາດຊ່ວຍໄດ້ໃນທີ່ສຸດ ແລະຄາດວ່າລາວອາດຈະເປັນຜູ້ເຄາະຮ້າຍຈາກການຄ້າມະນຸດ ກ່ອນໜ້ານີ້ໃນເດືອນຜ່ານມາ ລັດຖະບານໄທຍ໌ກໍ່ໄດ້ໃຫ້ການຊ່ວຍເຫຼືອນັກຮຽນມັດທະຍົມຊາວຍີ່ປຸ່ນອາຍຸ 17 ປີອີກຄົນໜຶ່ງ ຕຳຫຼວດເຊື່ອວ່ານັກຮຽນຄົນດັ່ງກ່າວຖືກບັງຄັບໃຫ້ເຮັດວຽກໃນກຸ່ມຄໍເຊັນເຕີໃນມຽນມາເຊັ່ນດຽວກັນ ຂະນະທີ່ເວັບໄຊຂອງຫນັງສືພິມຍູມິອູຣິ ລາຍງານວ່າ ລັດຖະບານໄທຍ໌ໄດ້ສົ່ງຕົວເດັກຊາຍອາຍຸ 16 ປີ ໃຫ້ແກ່ສະຖານທູດຍີ່ປຸ່ນແລ້ວ ໃນວັນທີ 13 ກຸມພາ ແຕ່ລາຍລະອຽດກ່ຽວກັບວັນທີແລະວິທີການທີ່ເຮັດໃຫ້ລາວຖືກເຄາະຮ້າຍຈາກການຄ້າມະນຸດນັ້ນຍັງບໍ່ມີຄວາມຊັດເຈນ ແລະໃນວັນດຽວກັນ ຕຳຫຼວດໄທຍ໌ຍັງຈັບຕົວຊາຍຊາວຍີ່ປຸ່ນອາຍຸ 29 ປີ ທີ່ຖືກສົງໃສວ່າເປັນຜູ້ບັງຄັບໃຫ້ນັກຮຽນອາຍຸ 17 ປີ ໄປເຮັດວຽກໃຫ້ກຸ່ມຄໍເຊັນເຕີ ຕຳຫຼວດຍັງແຈ້ງວ່າ ໄດ້ຄວບຄຸມຕົວຊາຍຊາວຍີ່ປຸ່ນອີກ 4 ຄົນ ໂດຍຕຳຫຼວດເຊື່ອວ່າທັງ 4 ຄົນນີ້ ມີສ່ວນຮ່ວມກັບການປະຕິບັດງານຂອງກຸ່ມຄໍເຊັນເຕີໃນມຽນມາ.