ມາດຣິດ ເອົາໄຊຊະນະມາຢອກກາ ຕໍ່ໂອກາດລຸ້ນແຊ້ມລາ ລີກາ ອອກໄປອີກ
ເຣອານ ມາດຣິດ ເຈາະເອົາໄຊຊະນະມາຢອກກາ ຕໍ່ໂອກາດລຸ້ນແຊ້ມລາ ລີກາ ອອກໄປອີກ ເຣອານ ມາດຣິດ ຍັງບໍ່ຍອມຖອດໃຈໃນເສັ້ນທາງລຸ້ນແຊ້ມລາ ລີກາ ລະດູການນີ້ ແມັດຫຼ້າສຸດຍິງປະຕູຊັຍຊ່ວງທົດເຈັບແຊງຊະນະມາຢອກກາ ເຮັດໃຫ້ຕໍ່ໂອກາດອອກໄປອີກ ການແຂ່ງຂັນຟຸດບານລາ ລີກາ ສະເປນ ເມື່ອວັນທີ 14 ພຶດສະພາ “ຣາຊັນຊຸດຂາວ” ເຣອານ ມາດຣິດ ເປີດສະໜາມເອສຕາດິໂອ ຊານຕິອາໂກ ເບິນາເບວ ຮັບການມາຢ້ຽມຢາມຂອງ “ຊາວເກາະ” ມາຢອກກາ ເກມນີ້ມາຢອກການຳກ່ອນຈາກ ມາຕິນ ວັນເຢັນທ໌ ນາທີ 11 ແຕ່ມາດຣິດຍິງແຊງຈາກ ຄີລິຢັນ ແອມບັບເປ ນາທີ 68, ຮາໂກໂບ ຣາມອນ ນາທີ 90+5 ເຮັດໃຫ້ “ຣາຊັນຊຸດຂາວ” ເຈາະຊະນະ 2-1 ຕໍ່ໂອກາດລຸ້ນແຊ້ມລະດູການນີ້ອອກໄປອີກ ຜ່ານໄປ 36 ນັດ ມາດຣິດເກັບເພີ່ມເປັນ 78 ຄະແນນ ຍຶດຮອງຈ່າຝູງເຊັ່ນເດີມ ຕາມຫຼັງຈ່າຝູງບາເຊໂລນາ […]
ສິ້ນສຸດການລໍຖ້າ 51 ປີ ໂບໂລນຢາຊະນະເອຊີ ມິລານ ຜະງາດແຊມປ໌ໂກປປາ ອິຕາເລຍ
ໂບໂລນຢາສິ້ນສຸດການລໍຖ້າມາຍາວນານກວ່າເຄິ່ງສັດຕະວັດ ຫຼັງຈາກເປັນຝ່າຍເຊືອດເອຊີ ມິລານ ໃນຮອບຊິງຊະນະເລີດໂກປປາ ອິຕາເລຍ ຜະງາດຄວ້າແຊມປ໌ທຳອິດຂອງສະໂມສອນໃນຮອບ 51 ປີ ການແຂ່ງຂັນຟຸດບອນໂກປປາ ອິຕາເລຍ ອິຕາລີ ນັດຊິງຊະນະເລີດ ທີ່ສະໜາມສະຕາດິໂອ ໂອລິມປິໂກ ກຸງໂຣມ ເມື່ອວັນທີ 14 ພຶດສະພາ ເປັນແມັດລະຫວ່າງ 2 ທີມຈາກເຊເຣຍ ອາ “ປີສາດແດງດຳ” ເອຊີ ມິລານ ພົບກັບ “ຣອສໂຊບລູ” ໂບໂລນຢາ ເກມນີ້ມີພຽງປະຕູດຽວເກີດຂຶ້ນໃນນາທີ 53 ຣິກຄາໂດ ອໍໂຊລິນີ ຫຼຸດເຂົ້າເຂດໂທດແລ້ວຖືກກອງຫຼັງມິລານສະກັດບອນໄວ້, ລູກໄຫຼມາເຂົ້າເທົ້າ ແດນ ເອັນດອຍ ແຕ່ງຫາຊ່ອງແລ້ວຊັດຕຸງຕາຂ່າຍ ໂບໂລນຢາຊະນະໄປ 1-0 ຄວ້າແຊມປ໌ລາຍການນີ້ເປັນສະໄໝທີ 3 ນອກຈາກນີ້, ໂບໂລນຢາຍັງຄວ້າແຊມປ໌ທົວນາເມັນເມເຈີຄັ້ງທຳອິດໃນຮອບ 51 ປີ ນັບຕັ້ງແຕ່ຄັ້ງສຸດທ້າຍທີ່ເຄີຍໄດ້ແຊມປ໌ລາຍການນີ້ເມື່ອລະດູການ 1973-74 ພ້ອມການັນຕີໂຄວຕ້າໄປເຕະຢູຟ່າ ຢູໂຣປາ ລີກ ລະດູການໜ້າອີກດ້ວຍ
ເກີດຫຍັງຂຶ້ນ! ອັລ-ອາຫ໌ລີ ຕັດສິນໃຈປ່ອຍຕົວ “ເຟີມີໂນ” ທັງທີ່ຫາກໍ່ສ້າງປະຫວັດສາດຄວ້າແຊມ ACL
ຈົບສິ້ນການຜະຈົນໄພໃນລີກຊາອຸຯ! ອັລ-ອາຫ໌ລີ ຍືນຍັນແຍກທາງກັບ ໂຣແບັດໂຕ ເຟີມີໂນ ຫຼັງຈົບລະດູການນີ້ ເຖິງແມ່ນວ່າລາວຫາກໍ່ມີສ່ວນສຳຄັນໃນການຄວ້າແຊມລະດັບທະວີບກໍຕາມ ວັນທີ 14 ພຶດສະພາ 68 ລາຍງານຈາກ ysscores ເປີດເຜີຍວ່າ ອັລ ອາຫ໌ລີ ສະໂມສອນຊື່ດັງແຫ່ງລີກຊາອຸດີອາຣະເບຍ ໄດ້ບັນລຸຂໍ້ຕົກລົງກັບ ໂຣແບັດໂຕ ເຟີມີໂນ ກອງໜ້າຊາວບຣາຊິລຽນອາຍຸ 33 ປີ ໃນການຍຸດຕິສັນຍາຂອງລາວຫຼັງສິ້ນສຸດລະດູການປັດຈຸບັນນີ້ເປັນທີ່ຮຽບຮ້ອຍແລ້ວ ການຕັດສິນໃຈຄັ້ງນີ້ເກີດຂຶ້ນພຽງບໍ່ດົນ ຫຼັງຈາກທີ່ ເຟີມີໂນ ຫາກໍ່ມີສ່ວນສຳຄັນໃນການນຳທັບ “ອັລ ອາຫ໌ລີ” ສ້າງປະຫວັດສາດ ຄວ້າແຊມ ACL Elite ຊຶ່ງເປັນແຊມລະດັບທະວີບຄັ້ງທຳອິດຂອງສະໂມສອນໄດ້ສຳເລັດ ເຖິງຢ່າງໃດກໍຕາມ ກ່ອນໜ້ານີ້ລາວຖືກຕັດຊື່ອອກຈາກທີມຊຸດລຸຍສຶກຊາອຸດິ ໂປຣລີກ ເຫຼືອພຽງແຕ່ລາຍການບອນຖ້ວຍເອເຊຍໃຫ້ລົງຫຼິ້ນເທົ່ານັ້ນ ຄາລິດ ອັລ ກັມດີ ປະທານສະໂມສອນ ອັລ ອາຫ໌ລີ ໄດ້ອອກມາຢືນຢັນເຖິງເລື່ອງນີ້ດ້ວຍຕົວເອງ ໂດຍລະບຸວ່າ: “ສະໂມສອນໄດ້ບັນລຸຂໍ້ຕົກລົງຂັ້ນສຸດທ້າຍກັບ ໂຣແບັດໂຕ ເຟີມີໂນ ກອງໜ້າຊາວບຣາຊິນແລ້ວ ໂດຍຈະຍຸດຕິສັນຍາຂອງລາວກັບທີມຫຼັງສິ້ນສຸດລະດູການປັດຈຸບັນນີ້ ຫຼັງຈາກບັນລຸຂໍ້ຕົກລົງໃນການຈ່າຍຄ່າຊົດເຊີຍໃນທີ່ສຸດ” ອັລ ກັມດີ […]
ຄຸນສົມບັດໃໝ່ຂອງ Google ເປີດໃຊ້ໂໝດ AI ຊ່ວຍຄົ້ນຫາຄຳຕອບໄດ້ໄວຂຶ້ນ
Google ກຳລັງອັບເດດຄຸນສົມບັດໃໝ່ໃຫ້ “AI Mode” ໃນ Google Search ໂດຍເພີ່ມຄວາມສາມາດແບບຫຼາຍໂໝດ ທີ່ຊ່ວຍໃຫ້ລະບົບສາມາດ “ເຫັນ” ຮູບພາບທີ່ຜູ້ໃຊ້ອັບໂຫຼດເຂົ້າມາ ເພື່ອໃຫ້ຕອບຄຳຖາມໄດ້ຢ່າງມີປະສິດທິພາບຫຼາຍຂຶ້ນ. AI Mode ເປີດຕົວແບບພຣີວິວໃນວົງຈຳກັດເມື່ອເດືອນທີ່ຜ່ານມາ ສຳລັບຜູ້ສະໝັກສະມາຊິກ Google One AI Premium ໂດຍເປັນຄຸນສົມບັດທົດລອງໃນ Google Search ທີ່ໃຊ້ປັນຍາປະດິດເຊີງສ້າງສັນ (Generative AI) ຊ່ວຍໃຫ້ຜູ້ໃຊ້ສາມາດຕັ້ງຄຳຖາມຫຼາຍສ່ວນທີ່ຊັບຊ້ອນ ແລະ ຕິດຕາມຄຳຖາມຕໍ່ເນື່ອງເພື່ອເຈາະເລິກໃນຫົວຂໍ້ສະເພາະໄດ້. ຈາກການອັບເດດໃນມື້ນີ້, ຜູ້ໃຊ້ທີ່ສາມາດເຂົ້າເຖິງ AI Mode ຈະສາມາດອັບໂຫຼດຮູບພາບ ແລະ ຕັ້ງຄຳຖາມກ່ຽວກັບສິ່ງທີ່ລະບົບເຫັນໄດ້. ໂດຍ Google ເປີດເຜີຍໃນບລັອກໂພສຕ໌ວ່າ ຄຸນສົມບັດນີ້ຍັງເລີ່ມທະຍອຍເປີດໃຫ້ໃຊ້ງານກັບຜູ້ໃຊ້ນັບລ້ານຄົນທີ່ລົງທະບຽນໃນໂປຣແກຣມ Labs ເພື່ອທົດລອງໃຊ້ແອັບພລິເຄຊັນໃໝ່ກ່ອນໃຜ. Google ລະບຸວ່າ ຄວາມສາມາດໃນການວິເຄາະຮູບພາບຂອງ AI Mode ຂັບເຄື່ອນດ້ວຍເຕັກໂນໂລຢີການຄົ້ນຫາແບບຫຼາຍໂໝດຈາກ Google Lens ຊຶ່ງເປັນແອັບໃນສະມາດໂຟນທີ່ໃຫ້ຜູ້ໃຊ້ສາມາດຖ່າຍຮູບແລ້ວຄົ້ນຫາພາຍໃນ Google Search ໄດ້. ຂໍ້ມູນຈາກ […]
ຂໍ້ແຕກຕ່າງລະຫວ່າງ Windows ຂອງແທ້ ແລະ Windows ຂອງປອມ
ການເລືອກໃຊ້ Windows ຂອງແທ້ ຫຼື Windows ຂອງປອມ ບໍ່ພຽງແຕ່ເປັນເລື່ອງຂອງລາຄາ ແລະ ການລະເມີດລິຂະສິດເທົ່ານັ້ນ ແຕ່ຍັງສົ່ງຜົນກະທົບໂດຍກົງຕໍ່ຄວາມປອດໄພ, ຄວາມໜ້າເຊື່ອຖື, ແລະ ປະສິດທິພາບໃນການໃຊ້ງານຄອມພິວເຕີຂອງທ່ານ. ຄວາມປອດໄພ ແລະ ການອັບເດດ Windows ຂອງແທ້ ໄດ້ຮັບການອັບເດດຢ່າງສະໝໍ່າສະເໝີຈາກ Microsoft ທັງໃນເລື່ອງຂອງການປັບປຸງລະບົບປະຕິບັດການ (Feature Update) ແລະ ການແກ້ໄຂບັນຫາຊ່ອງໂຫວ່ດ້ານຄວາມປອດໄພ (Security Patch) ຫຼຸດຄວາມສ່ຽງຈາກໄວຣັສ, ມັລແວຣ໌, ແລະ ການໂຈມຕີທາງໄຊເບີ ເພາະການອັບເດດຊ່ວຍປິດຊ່ອງໂຫວ່ທີ່ອາດຖືກແຮັກເກີໃຊ້ໃນການໂຈມຕີ ມີການປ້ອງກັນໃນຕົວ ເຊັ່ນ Windows Defender ເຊິ່ງໄດ້ຮັບການພັດທະນາໃຫ້ສາມາດກວດຈັບໄພຄຸກຄາມໄດ້ຢ່າງມີປະສິດທິພາບ Windows ຂອງປອມ ບໍ່ຮອງຮັບການອັບເດດຈາກ Microsoft ໄດ້ ເຮັດໃຫ້ລະບົບຂາດການປ້ອງກັນຊ່ອງໂຫວ່ທີ່ເກີດຂຶ້ນ ສ່ຽງຕໍ່ການໂຈມຕີຈາກມັລແວຣ໌, ໄວຣັສ, ຫຼື ແຣນຊັມແວຣ໌ ເຊິ່ງອາດນໍາໄປສູ່ການສູນເສຍຂໍ້ມູນສໍາຄັນ ມັກມາພ້ອມກັບຊອຟແວຣ໌ແປກປອມທີ່ອາດເປັນໄພຕໍ່ລະບົບ ເຊັ່ນ Keylogger ຫຼື ໂປຣແກຣມດັກຂໍ້ມູນ ຕົວຢ່າງການສະໜັບສະໜູນຈາກ Microsoft […]
ຕົວແທນ ເດິ ບຣອຍນ໌ ແມນຊິຕີ້ ເລັງເປົ້າ ເວີດຊ໌ ຮ່ວມທີມ
ແມນຊິຕີ້ ເລັງເປົ້າ ເວີດຊ໌ ຮ່ວມທີມ ເປ໊ບ ຫວັງໄດ້ຕົວມາແທນ ເດິ ບຣອຍນ໌ ສື່ເຢຍລະມັນ ລາຍງານວ່າ ແມນຊິຕີ້ ໂດດເຂົ້າຮ່ວມວົງລ່າຕົວ ຟລໍເຣຍນ ເວີດຊ໌ ນັກເຕະຕົວສ້າງເກມຂອງ ໄບເອີ ເລເວີຄູເຊັນ ມາເປັນຕົວຕາຍຕົວແທນຂອງ ເຄວິນ ເດິ ບຣອຍນ໌ ທີ່ອຳລາທີມຫຼັງຈົບລະດູການນີ້ ເວີດຊ໌ ອາຍຸ 22 ປີ ຕົກເປັນເປົ້າໝາຍເບີ 1 ຂອງ ບາເຢີນ ມິວນິກ ທີ່ຢາກໄດ້ຕົວມາຄ້າແຂ້ງ ແຕ່ຫຼ້າສຸດ ສື່ເຢຍລະມັນ ຫຼາຍແຫ່ງລາຍງານຕົງກັນວ່າ ເປ໊ບ ກວາດິໂອລາ ກຸນຊືອ ເຮືອໃບສີຟ້າ ແມນເຊສເຕີ ຊິຕີ້ ທີ່ຕ້ອງການໄດ້ຕົວມາແທນທີ່ ດາວເຕະທີມຊາດເບລຢຽມ ເນື່ອງຈາກເລັງເຫັນເຖິງສັກກະຍາພາບທັງ ພອນສະຫວັນ, ຄວາມຄິດສ້າງສັນ ແລະ ທັດສະນະຄະຕິ ທີ່ຄ້າຍຄືກັນກັບ ເດິ ບຣອຍນ໌ ເມື່ອຄັ້ງຄວ້າຕົວມາຈາກໂວຟສ໌ບວກ ໃນປີ 2015 ເວີດຊ໌ […]
ອາໂມຣິມ ຕັດໜ້າ ເຊີຈິມ! ຈ່າຍເງິນເອງໃຫ້ທີມງານຂອງແມນເຊສເຕີຣ ຢູໄນເຕັດ ເພື່ອເຂົ້າຊົມນັດຊິງຊະນະເລີດຢູຟາ ຢູໂຣປາ ລີກ
ຣູເບນ ອາໂມຣິມ ຜູ້ຈັດການທີມ ແມນຢູ ສ້າງຄວາມປະທັບໃຈໃຫ້ແກ່ທີມງານພະນັກງານຂອງຕົນ 30 ຄົນ ແລະ ຄອບຄົວໄດ້ເດີນທາງໄປຊົມເກມຊິງຊະນະເລີດ ຢູໂຣປາ ລີກ ກົງກັນຂ້າມກັບນະໂຍບາຍຂອງສະໂມສອນທີ່ພະຍາຍາມປະຢັດລາຍຈ່າຍທຸກດ້ານ. ແມນຯ ຢູໄນເຕັດ ພາຍໃຕ້ການບໍລິຫານງານຂອງ ເຊີ ຈິມ ແຣັດຄລິຟ ມະຫາເສດຖີອັງກິດຖືກສື່ເປີດເຜີຍວ່າຍົກເລີກນະໂຍບາຍການມອບປີ້ຟຣີໃນເກມຊິງຊະນະເລີດໃຫ້ກັບພະນັກງານທຸກຄົນເພື່ອເກັບໄວ້ຂາຍຕໍ່ໃຫ້ແຟນບານເຊິ່ງເປັນມາດຕະການຮັດແອວຂອງລາວຂໍ້ໜຶ່ງ ຫຼັງຈາກເຄີຍປົດພະນັກງານໃນຕຳແໜ່ງທີ່ຊ້ຳຊ້ອນ ແລະ ບໍ່ມີຄວາມສຳຄັນມາແລ້ວສອງຮອບ ຈາກການຕັດສິນໃຈດັ່ງກ່າວຂອງ ເຊີ ແຣັດຄລິຟ, ແມນຯ ຢູໄນເຕັດ ຈະໃຊ້ວິທີການຈັດງານໃນເມືອງໂດຍແຈກເຄື່ອງດື່ມຟຣີໃຫ້ພະນັກງານສອງຈອກ, ແຕ່ໝູ່ທີ່ເຂົ້າມາຮ່ວມງານເຊຍ ປີສາດແດງ ປະທະກັບ ສະເປີສ ໃນວັນທີ 21 ພ.ຄ. ຈະຕ້ອງຊື້ເຄື່ອງດື່ມເອງ. ນອກຈາກນີ້, ຜູ້ບໍລິຫານຜີແດງ ປະກາດຫຼຸດການແຈກປີ້ຟຣີໃຫ້ກັບນັກເຕະເຫຼືອຄົນລະສອງໃບເທົ່ານັ້ນ ແລະ ກຳນົດໃຫ້ນັກເຕະຊື້ປີ້ແຈກຈ່າຍໃຫ້ກັບຄອບຄົວໄດ້ບໍ່ເກີນ 10 ໃບ, ພ້ອມລະບຸວ່າຈະບໍ່ມີການແຫ່ແຊມປ໌ຖ້າຫາກທີມເອົາຊະນະ ໄກ່ດຽວທອງ ໄດ້ ໂດຍຈະມີງານປາຕີ້ບາບີຄິວໃນສະໜາມຊ້ອມແທນ ເນື່ອງຈາກສະໂມສອນຕ້ອງບິນໄປເຕະນັດພິເສດທີ່ອາຊີສອງເກມເພື່ອຫາເງິນຫຼັງຈາກປິດລະດູການໄດ້ບໍ່ດົນ. ຈົນຮອດລ່າສຸດເມື່ອວັນທີ 13 ພ.ຄ., ອີເອສພີເອັນ ເປີດເຜີຍວ່າ ອາໂມຣິມ ແຈ້ງກັບສະໂມສອນແລ້ວວ່າຍິນດີຮັບຜິດຊອບຈ່າຍຄ່າປີ້ […]
ການໂຈມຕີແບບ DDoS ແມ່ນຫຍັງ? ແລະ ເປັນຫຍັງ SMEs ຕ້ອງລະວັງ
ໃນໂລກທຸລະກິດຍຸກດິຈິຕອນທີ່ທຸກລະບົບຕ່າງເຊື່ອມໂຍງກັນຜ່ານອິນເຕີເນັດ, ຄວາມຕໍ່ເນື່ອງໃນການໃຫ້ບໍລິການທາງອອນລາຍຖືເປັນເລື່ອງທີ່ມີຄວາມສຳຄັນຫຼາຍ. ການຢຸດຊະງັກຂອງລະບົບພຽງແຕ່ຊົ່ວຄູ່, ອາດໝາຍເຖິງໂອກາດທີ່ສູນເສຍໄປທັງດ້ານລາຍໄດ້, ຄວາມໜ້າເຊື່ອຖື, ແລະ ຄວາມພໍໃຈຂອງລູກຄ້າ. ໜຶ່ງໃນໄພງຽບທີ່ສາມາດເຮັດໃຫ້ລະບົບລົ່ມໂດຍບໍ່ຕ້ອງມີການແຮັກຂໍ້ມູນຫຼືເຈາະລະບົບໃດໆ ຄືການໂຈມຕີແບບ DDoS (Distributed Denial of Service). DDoS ຫຼື Distributed Denial of Service ແມ່ນຫຍັງ? DDoS ເປັນການໂຈມຕີທີ່ອາໄສການສົ່ງຄຳຂໍເຂົ້າໄປຍັງເວັບໄຊຫຼືເຊີເວີຈຳນວນຫຼາຍໃນເວລາດຽວກັນ, ໂດຍໃຊ້ເຄື່ອງຄອມພິວເຕີຈຳນວນຫຼາຍທີ່ຖືກຄວບຄຸມຈາກລະຍະໄກ, ຫຼື ທີ່ເອີ້ນວ່າ “Botnet”. ຈຸດມຸ່ງໝາຍຂອງການໂຈມຕີນີ້ບໍ່ແມ່ນເພື່ອການຂະໂມຍຂໍ້ມູນ, ແຕ່ເພື່ອເຮັດໃຫ້ລະບົບບໍ່ສາມາດໃຫ້ບໍລິການໄດ້ຕາມປົກກະຕິ, ໂດຍທີ່ຜູ້ໃຊ້ງານຈິງຈະບໍ່ສາມາດເຂົ້າເຖິງເວັບໄຊຫຼືແອັບພລິເຄຊັນໄດ້, ເນື່ອງຈາກລະບົບຕ້ອງຮັບພາລະໜັກເກີນກວ່າທີ່ຈະຮອງຮັບໄດ້. “Botnet” (ມາຈາກຄຳວ່າ robot + network) ໝາຍເຖິງກຸ່ມອຸປະກອນທີ່ຖືກຄວບຄຸມຈາກລະຍະໄກແລະເຮັດໃຫ້ຕິດມັນແວ, ເຊິ່ງອຸປະກອນສາມາດເປັນຫຍັງກໍໄດ້ທີ່ເຊື່ອມຕໍ່ກັບອິນເຕີເນັດໄດ້, ເຊັ່ນ: ຄອມພິວເຕີ, ເວັບແຄມ, ເຣົາເຕີ, ຫຼື ອຸປະກອນ IoT ອື່ນໆ. **Zombies ຄື Botnet ຫຼື ກຸ່ມອຸປະກອນທີ່ຖືກຄວບຄຸມຈາກລະຍະໄກແລະຖືກເຮັດໃຫ້ຕິດມັນແວ. ຈຸດປະສົງຂອງການໂຈມຕີດ້ວຍ DDoS ຜູ້ບໍ່ຫວັງດີເລືອກໃຊ້ການໂຈມຕີແບບ DDoS […]
ການດູແລເຊີບເວີໃຫ້ໃຊ້ງານໄດ້ປະສິດທິພາບ
ສໍາລັບທຸລະກິດທີ່ມີເຊີບເວີເປັນຫົວໃຈຫລັກຂອງການດໍາເນີນງານ, ການດູແລຮັກສາເຊີບເວີໃຫ້ຢູ່ໃນສະພາບດີເປັນສິ່ງທີ່ຈໍາເປັນ ເພື່ອໃຫ້ລະບົບເຮັດວຽກໄດ້ຢ່າງມີປະສິດທິພາບ ແລະ ຫລຸດຄວາມສ່ຽງຈາກບັນຫາອື່ນໆທີ່ອາດເກີດຂຶ້ນ. ໃນມື້ນີ້ພວກເຮົາຈະມາແນະນໍາວິທີການດູແລເຊີບເວີແບບງ່າຍໆ ທີ່ທຸລະກິດ SMEs ສາມາດເຮັດໄດ້. 1. ອັບເດດລະບົບປະຕິບັດການ ແລະ ຊອຟແວຢ່າງສະໝໍ່າສະເໝີ ການໃຊ້ລະບົບປະຕິບັດການຫຼືຊອຟແວທີ່ລ້າສະໄໝ ອາດເຮັດໃຫ້ເຊີບເວີສ່ຽງຕໍ່ຊ່ອງໂຫວ່ດ້ານຄວາມປອດໄພ ແລະ ເຮັດໃຫ້ມີປະສິດທິພາບຫລຸດລົງ. ວິທີການດູແລ ຕັ້ງຄ່າ Automatic Update ເພື່ອໃຫ້ອັບເດດອັດຕະໂນມັດ (ໃນກໍລະນີທີ່ລະບົບມີການຮອງຮັບ) ຄອຍກວດສອບ Patch ຄວາມປອດໄພ ຈາກເວັບໄຊຂອງຜູ້ໃຫ້ບໍລິການ ເຊັ່ນ Microsoft, Linux, ຫຼື ອື່ນໆ ອັບເດດໄດເວີ ແລະ ເຟີມແວຂອງຮາດແວ 2. ສໍາຮອງຂໍ້ມູນ (Backup) ເປັນປະຈໍາ ຂໍ້ມູນຄືສິ່ງທີ່ສໍາຄັນທີ່ສຸດຂອງທຸລະກິດ ຫາກເກີດຄວາມຜິດພາດ ເຊັ່ນ ໄຟລ໌ເສຍຫາຍ, ໄວຣັສໂຈມຕີ ຫຼື ຮາດແວພັງ, ການມີສໍາຮອງຂໍ້ມູນຊ່ວຍໃຫ້ສາມາດກູ້ຄືນລະບົບໄດ້ຢ່າງວ່ອງໄວ. ວິທີການດູແລ ໃຊ້ຫຼັກການ 3-2-1 Backup Rule 3 ສໍາເນົາຂອງຂໍ້ມູນ (Primary […]
Drive C ແລະ Drive D: ເປັນຫຍັງຕ້ອງເກັບຂໍ້ມູນແຍກກັນ?
ຄອມພິວເຕີທີ່ພວກເຮົາໃຊ້ທຸກມື້ນີ້ ມັກມີພື້ນທີ່ເກັບຂໍ້ມູນທີ່ເອີ້ນວ່າ Drive C ແລະ Drive D, ເຊິ່ງເບິ່ງຄືວ່າສາມາດໃຊ້ງານໄດ້ຄ້າຍຄືກັນ. ຫຼາຍຄົນຈຶ່ງສົງໄສວ່າ ໄດຣຟ໌ທັງສອງນີ້ມີຄວາມແຕກຕ່າງກັນແນວໃດ, ແຕ່ລະໄດຣຟ໌ມີໜ້າທີ່ສະເພາະຫຍັງ, ແລະ ຖ້າສາມາດເກັບຂໍ້ມູນປະເພດດຽວກັນໄດ້ ເປັນຫຍັງຈຶ່ງຕ້ອງແຍກອອກຈາກກັນ. Drive C ແມ່ນຫຍັງ? Drive C ຄື ໄດຣຟ໌ຫຼັກ (Primary Drive) ຂອງລະບົບຄອມພິວເຕີ ໜ້າທີ່ຫຼັກ: ເກັບລະບົບປະຕິບັດການ (OS) ເຊັ່ນ Windows, IOS ເປັນຕົ້ນ ເກັບໄຟລ໌ໂປຣແກຣມທີ່ຕິດຕັ້ງໃນເຄື່ອງ ໃຊ້ເປັນພື້ນທີ່ເຮັດວຽກສຳລັບໂປຣແກຣມຕ່າງໆ ແລະ ໄຟລ໌ຊົ່ວຄາວ (Temporary Files) ຂໍ້ຄວນລະວັງ: ບໍ່ຄວນເກັບໄຟລ໌ທີ່ບໍ່ຈຳເປັນໃນໄດຣຟ໌ນີ້ຫຼາຍເກີນໄປ ເພາະພື້ນທີ່ທີ່ຫຼຸດລົງອາດເຮັດໃຫ້ລະບົບເຮັດວຽກຊ້າລົງ Drive D ແມ່ນຫຍັງ? Drive D ມັກຖືກໃຊ້ເປັນ ໄດຣຟ໌ເສີມ (Secondary Drive) ໜ້າທີ່ຫຼັກ: ເກັບຂໍ້ມູນສ່ວນຕົວ ເຊັ່ນ ຮູບພາບ, ວິດີໂອ, ເອກະສານ […]