ຍານ “ສະຕຣາຊິບ” ຂອງສະເປດເອັກຊ໌ ລະເບີດຄາແທ່ນປ່ອຍຂະນະທີ່ກຳລັງກຽມທົດສອບ
ຍານສະຕຣາຊິບຂອງສະເປດເອັກຊ໌ລະເບີດຄາແທ່ນປ່ອຍ ຂະນະກະກຽມການທົດສອບຄັ້ງທີ 10 ຫຼັງຈາກການທົດສອບປ່ອຍຈະລວດ 3 ຄັ້ງກ່ອນໜ້ານີ້ລົ້ມເຫຼວທັງໝົດ ສຳນັກຂ່າວຕ່າງປະເທດລາຍງານວ່າ ຍານອະວະກາດ “ສະຕາຊິບ” ຂອງບໍລິສັດ ສະເປດເອັກຊ໌ ລະເບີດຄາແທ່ນປ່ອຍຈລວດເມື່ອຄືນວັນພຸດທີ 18 ມິຖຸນາ 2025 ທີ່ຜ່ານມາ ທີ່ລັດເທັກຊັສ ຂະນະເຈົ້າໜ້າທີ່ກຳລັງກະກຽມການທົດສອບປ່ອຍຈະລວດຄັ້ງທີ 3 ຊຶ່ງຍັງດີທີ່ບໍ່ມີລາຍງານວ່າພົບຜູ້ບາດເຈັບ ຫຼື ເສຍຊີວິດ ຕະຫຼອດປີ 2025 ຍານສະຕຣາຊິບປະສົບຄວາມລົ້ມເຫຼວຫຼາຍຄັ້ງ ແລະ ແຕກເປັນສະແຈກກະຈາຍ ໃນການທົດສອບປ່ອຍຈະລວດ 3 ຄັ້ງຫຼ້າສຸດ ຢ່າງໃດກໍຕາມ ອີລອນ ມັສກ໌ ມະຫາເສດຖີລະດັບທັອບຂອງໂລກ ແລະ ຊີອີໂອຂອງສະເປດເອັກຊ໌ ໂພດຂໍ້ຄວາມຜ່ານ X ໂດຍລະບຸວ່າການລະເບີດຄັ້ງຫຼ້າສຸດເປັນພຽງ “ແຄ່ຮອຍຂີດຂ່ວນ” ແຕ່ບໍລິສັດ ສະເປດເອັກຊ໌ ລະບຸວ່າເຫດລະເບີດທີ່ເກີດຂຶ້ນເປັນຄວາມຜິດປົກກະຕິຄັ້ງໃຫຍ່ ສ່ວນທາງການທ້ອງຖິ່ນຂອງສະຫະລັດ ກໍອອກມາບອກວ່າ ນີ້ເປັນຄວາມລົ້ມເຫຼວຢ່າງຮ້າຍແຮງ ລະຫວ່າງການທົດສອບປ່ອຍຈະລວດຕາມກຳນົດການ ຫຼັງຈາກຄວາມລົ້ມເຫຼວເມື່ອເດືອນພຶດສະພາ ທ່ານ ແດນ ຮູໂອດ […]
ຟຣີ ວີຊາ”ຈີນ” ຄົນຕ່າງປະເທດພາກັນມາທ່ອງທ່ຽວສູງເຖິງ 132 ລ້ານຄົນ ການໃຊ້ຈ່າຍສູງຂຶ້ນ 94,200 ລ້ານໂດລາ
ປະເທດຈີນກຳລັງປະສົບຜົນສຳເລັດໃນການດຶງດູດນັກທ່ອງທ່ຽວຕ່າງຊາດເຂົ້າສູ່ປະເທດ ດ້ວຍກະແສຕອບຮັບທີ່ດີ ແລະ ຄົນຫລັ່ງໄຫລເຂົ້າມາຫຼາຍຂຶ້ນ ໂດຍຂໍ້ມູນຫຼ້າສຸດ ຈາກກະຊວງວັດທະນະທຳ ແລະ ການທ່ອງທ່ຽວຂອງຈີນ ທີ່ໄດ້ເປີດເຜີຍ ໃນລາຍການ China Economic Roundtable ຂອງສຳນັກຂ່າວຊິນຫົວເມື່ອບໍ່ດົນມານີ້ລະບຸວ່າ ປີທີ່ຜ່ານມາ (ປີ 2024) ມີນັກທ່ອງທ່ຽວຂາເຂົ້າສູ່ຈີນໃນປີ 2024 ຫຼາຍເຖິງ 132 ລ້ານຄົນ ແລະ ຍັງມີການໃຊ້ຈ່າຍສູງເຖິງ 94,200 ລ້ານໂດລາສະຫະລັດ ເພີ່ມຂຶ້ນເຖິງ 97.2% ຈາກປີກ່ອນ ສ່ວນປີນີ້ກໍຍັງຮ້ອນແຮງຕໍ່ເນື່ອງ ເພາະມີຕົວເລກນັກທ່ອງທ່ຽວຂາເຂົ້າສູ່ຈີນໃນໄຕມາດທຳອິດ (ມັງກອນ-ມີນາ) ຂອງປີນີ້ຢູ່ທີ່ 35.02 ລ້ານຄົນ ເພີ່ມຂຶ້ນ 19.6% ເມື່ອທຽບປີຕໍ່ປີ ຕົວເລກການໃຊ້ຈ່າຍໃນຈີນ ກາລັນຕີໄດ້ຊັດເຈນຈາກຍອດການໃຊ້ຈ່າຍໃນການເດີນທາງເຂົ້າປະເທດ ເຊັ່ນ: ຜູ້ໃຫ້ບໍລິການຊຳລະເງິນຜ່ານໂທລະສັບມືຖືລາຍໃຫຍ່ຢ່າງ Alipay ຂອງຈີນອອກລາຍງານວ່າການໃຊ້ຈ່າຍຂອງນັກທ່ອງທ່ຽວຂາເຂົ້າເພີ່ມຂຶ້ນ 180% ຕັ້ງແຕ່ວັນທີ 1 ເຖິງ 3 ພຶດສະພາຂອງປີນີ້ ເມື່ອທຽບກັບຊ່ວງເວລາດຽວກັນຂອງປີກ່ອນ (ປີ […]
ແຈ້ງການມອດໄຟເພີມເຕີມ ວັນທີ 20,22 ມິຖຸນາ 2025
ແຈ້ງການມອດໄຟເພີມເຕີມ ວັນທີ 20,22 ມິຖຸນາ 2025 ລາຍລະອຽດມີຄືດັ່ງລຸ່ມນີ້: ທີ່ມາ: ລັດວິສາຫະກິດໄຟຟ້າລາວ ສາຂານະຄອນຫຼວງ1
ຍີ່ປຸ່ນປະທ້ວງ ຈີນຊ້ອມຮົບທາງທະເລໃກ້ນ່ານນ້ຳ ພ້ອມທັງເຜີຍແພ່ເສັ້ນທາງເຮືອບັນທຸກເຮືອບິນຈີນ
ການຊ້ອມຮົບທາງທະເລຂອງຈີນໃກ້ກັບປະເທດຍີ່ປຸ່ນໄດ້ສ້າງຄວາມກັງວົນໃຫ້ກັບລັດຖະບານຍີ່ປຸ່ນ ຊຶ່ງໄດ້ຍື່ນປະທ້ວງຕໍ່ລັດຖະບານຈີນ ແລະ ຕັດສິນໃຈເປີດເຜີຍຄວາມເຄື່ອນໄຫວຂອງເຮືອຮົບຂອງຈີນຕໍ່ສາທາລະນະ ຊຶ່ງເປັນສິ່ງທີ່ບໍ່ຄ່ອຍເຄີຍເກີດຂຶ້ນ ໃນຊ່ວງບໍ່ເທົ່າໃດອາທິດທີ່ຜ່ານມາ ເຮືອບັນທຸກເຮືອບິນສອງລຳຂອງຈີນ ຄື: ຊານຕົງ ແລະ ຫຼຽວຫນິງ ໄດ້ຊ້ອມຮົບພ້ອມກັນໃນມະຫາສະໝຸດແປຊິຟິກ ຊຶ່ງຖືເປັນການເຄື່ອນໄຫວທີ່ບໍ່ເຄີຍເກີດຂຶ້ນມາກ່ອນ ເຮືອບິນຂັບໄລ່ຂອງຈີນໄດ້ເຮັດການຂຶ້ນ ແລະ ລົງຈາກເຮືອບັນທຸກເຮືອບິນຫຼາຍຮ້ອຍຄັ້ງ ແລະ ບາງລຳເຂົ້າໃກ້ເຮືອບິນກວດການຂອງຍີ່ປຸ່ນ ເຮັດໃຫ້ຍີ່ປຸ່ນຕ້ອງແຈ້ງເຖິງ “ຄວາມກັງວົນຢ່າງຈິງຈັງ” ຕໍ່ທາງການຈີນ ແນວໃດກໍຕາມ ຈີນກ່າວວ່າກິດຈະກຳຂອງຕົນ ສອດຄ້ອງກັບກົດໝາຍລະຫວ່າງປະເທດ ແລະ ກ່າວຫາວ່າຍີ່ປຸ່ນດຳເນີນການ “ຢ່າງອັນຕະລາຍ” ເມື່ອວັນອັງຄານ (17 ມິຖຸນາ) ກະຊວງພາຍໃນ ຂອງຍີ່ປຸ່ນໄດ້ເຜີຍແພ່ແຜນທີ່ຊຶ່ງຕິດຕາມຕຳແໜ່ງປະຈຳວັນຂອງເຮືອບັນທຸກເຮືອບິນຂອງຈີນ ຕັ້ງແຕ່ວັນທີ່ 25 ພຶດສະພາ ທັງທີ່ໂດຍປົກກະຕິແລ້ວ ຍີ່ປຸ່ນຈະບໍ່ເປີດເຜີຍລາຍລະອຽດຄວາມເຄື່ອນໄຫວຂອງກອງທັບຕ່າງຊາດ ແຜນທີ່ດັ່ງກ່າວສະແດງໃຫ້ເຫັນວ່າເຮືອບັນທຸກເຮືອບິນທັງສອງລຳເຂົ້າໃກ້ໝູ່ເກາະຂອງຍີ່ປຸ່ນ ແລະ ບາງຄັ້ງກໍແລ່ນຜ່ານເຂດເສດຖະກິດຈຳເພາະຂອງຍີ່ປຸ່ນ ທັງນີ້ ເຂດເສດຖະກິດພິເສດຄືພື້ນທີ່ນອກເໜືອນ່ານນ້ຳອານາເຂດຂອງປະເທດ ຊຶ່ງປະເທດນັ້ນໆ ມີສິດພິເສດໃນການສຳຫຼວດ ແລະ ສະແຫວງຫາປະໂຫຍດຈາກຊັບພະຍາກອນທາງທະເລ ແຕ່ປະເທດອື່ນໆ ໄດ້ຮັບອະນຸຍາດໃຫ້ເດີນເຮືອຜ່ານເຂດດັ່ງກ່າວໄດ້ຢ່າງອິດສະຫຼະ ຕາມລາຍງານຂອງສຳນັກຂ່າວຍີ່ປຸ່ນ […]
ເກົາຫຼີເໜືອກຽມສົ່ງທະຫານຫຼາຍພັນຄົນໄປຣັດເຊຍ ອ້າງວ່າເປັນຫານຊ່ວຍຟື້ນຟູແຄວ້ນຄູສຄ໌
ເກົາຫຼີເໜືອກຽມສົ່ງທະຫານຫຼາຍພັນຄົນໄປຣັດເຊຍ ອ້າງວ່າເພື່ອຊ່ວຍເຫຼືອໃນການຟື້ນຟູແຄວ້ນຄູສຄ໌ທີ່ໄດ້ຮັບຄວາມເສຍຫາຍຈາກການຕໍ່ສູ້ກັບຢູເຄຣນ ສຳນັກຂ່າວຕ່າງປະເທດລາຍງານວ່າ ທ່ານ ເຊີເກ ຊອຍກູ ເລຂາທິການສະພາຄວາມໝັ້ນຄົງແຫ່ງຣັດເຊຍ ເປີດເຜີຍໃນວັນພຸດທີ່ 18 ມິຖຸນາ 2025 ວ່າ ເກົາຫຼີເໜືອຈະສົ່ງທະຫານຈຳນວນຫຼາຍພັນຄົນມາຊ່ວຍຣັດເຊຍຟື້ນຟູແຄວ້ນຄູສຄ໌ ຊຶ່ງໄດ້ຮັບຄວາມເສຍຫາຍຈາກການເຮັດສົງຄາມລະຫວ່າງຣັດເຊຍກັບຢູເຄຣນ ທ່ານຊອຍກູ ເດີນທາງຢ້ຽມກຸງ ປຍງຢາງ ແລະ ໄດ້ສົນທະນາກັບ ທ່ານ ຄິມ ຈອງ-ອຶນ ຜູ້ນຳສູງສຸດຂອງເກົາຫຼີເໜືອເມື່ອວັນອັງຄານທີ່ຜ່ານມາ ໂດຍລາວລະບຸວ່າ ປຍງຢາງຈະສົ່ງກອງທັບສະໜັບສະໜູນການກໍ່ສ້າງກັບທະຫານອີກ 2 ກອງທັບ ຈຳນວນລວມ 5,000 ຄົນ ກັບເຈົ້າໜ້າທີ່ເກັບກູ້ລະເບີດອີກ 1,000 ຄົນ ມາຣັດເຊຍ “ນີ້ເປັນການຊ່ວຍເຫຼືອມິດຕະພາບຈາກຄົນເກົາຫຼີເໜືອ ແລະ ຜູ້ນຳຄິມ ຈອງ-ອຶນ ຕໍ່ປະເທດຂອງເຮົາ” ທ່ານຊອຍກູກ່າວ ຂະນະທີ່ສຳນັກຂ່າວຂອງເກົາຫຼີເໜືອບອກດ້ວຍວ່າ ທ່ານຄິມກັບທ່ານຊອຍກູຍັງປຶກສາຫາລືກັນເລື່ອງແຜນການລະຍະຍາວອື່ນໆ ດ້ວຍ ດ້ານປະເທດເພື່ອນບ້ານຂອງເກົາຫຼີເໜືອຢ່າງເກົາຫຼີໃຕ້ ແລະ ຍີ່ປຸ່ນ ອອກມາປະນາມແຜນການດັ່ງກ່າວທັນທີ ໂດຍລັດຖະບານກຸງໂຊລລະບຸວ່າ ແຜນການນີ້ລະເມີດການຄວ່ຳບາດຂອງສະຫະປະຊາຊາດທີ່ບັງຄັບໃຊ້ກັບເກົາຫຼີເໜືອ ທ່າມກາງຄວາມກັງວົນເລື່ອງຄວາມສຳພັນທາງທະຫານທີ່ລຶກລ້ຳຂຶ້ນລະຫວ່າງປຽງຢາງກັບມອສໂກ […]
“ໝີ່ສຳເລັດຮູບ” ບໍ່ແມ່ນອາຫານອັນຕະລາຍ ໝໍແນະນຳ 4 ວິທີ ກິນແບບບໍ່ທຳລາຍສຸຂະພາບ
“ໝີ່ສຳເລັດຮູບ” ບໍ່ແມ່ນອາຫານອັນຕະລາຍ! ແພດຜູ້ຊ່ຽວຊານແນະນຳ 4 ວິທີ ກິນແບບບໍ່ທຳລາຍສຸຂະພາບ ມີ 4 ປັດໄຈທີ່ເຮັດໃຫ້ໝີ່ສຳເລັດຮູບກາຍເປັນອາຫານທີ່ບໍ່ດີຕໍ່ສຸຂະພາບ ຊຶ່ງຜູ້ຊ່ຽວຊານໄດ້ແນະນຳວິທີກິນໝີ່ສຳເລັດຮູບຢ່າງປອດໄພ ໂດຍບໍ່ຈຳເປັນຕ້ອງຫຼີກຫຼ່ຽງອາຫານຊະນິດນີ້ ໝີ່ສຳເລັດຮູບຫຼາຍຄົນອາດຄິດວ່າເປັນ “ອາຫານອັນຕະລາຍ” ເພາະໃຫ້ພະລັງງານສູງ ແລະ ມີສານປຸງແຕ່ງຫຼາຍຊະນິດທີ່ອາດເປັນອັນຕະລາຍຕໍ່ຮ່າງກາຍ ໃນໂພສໃນເຟສບຸກຂອງ “ໝໍເສີນ ເຈ່ຽເຫວິນ” ແພດຜູ້ຊ່ຽວຊານດ້ານເມຕາບໍລິຊຶມຈາກຈີນ ລະບຸວ່າ ໝີ່ສຳເລັດຮູບເກືອບຈະກາຍເປັນສ່ວນໜຶ່ງໃນຊີວິດຂອງຄົນຍຸກໃໝ່ ເຖິງແມ່ນທຸກຄົນຈະຮູ້ວ່າບໍ່ດີຕໍ່ສຸຂະພາບ ໂດຍລາວເປີດເຜີຍວ່າໝີ່ສຳເລັດຮູບມີ 4 ປັດໄຈຫຼັກທີ່ເປັນອັນຕະລາຍ ໄດ້ແກ່: • ໂຊດ້ຽມສູງ: ປະລິມານໂຊດ້ຽມໃນໝີ່ໜຶ່ງຊອງອາດສູງເຖິງ 1,500–2,000 ມິນລິກຣາມ ຫຼື ຫຼາຍກວ່າ ຫາກຮັບປະທານໂຊດ້ຽມໃນປະລິມານຫຼາຍເປັນເວລານານ ອາດເພີ່ມຄວາມສ່ຽງຕໍ່ຄວາມດັນໂລຫິດສູງ ໂລກຫົວໃຈ ແລະ ໂລກໄຕ • ນ້ຳມັນພືດທີ່ໃຊ້ທອດເສັ້ນ: ການທອດເສັ້ນດ້ວຍອຸນຫະພູມສູງເຮັດໃຫ້ເກີດໄຂມັນທີ່ຖືກອອກຊິໄດຊ໌ ແລະ ໄຂມັນທຣານສ໌ໃນບາງສ່ວນ ຊຶ່ງຫາກສະສົມຫຼາຍອາດເຮັດໃຫ້ເກີດການອັກເສບຊ້ຳເຮື້ອ ແລະ ບັນຫາກ່ຽວກັບໄຂມັນໃນເລືອດ […]
ຈີນເດີນໜ້າຜັກດັນ “ຢວນດິຈິທັລ” ໃຊ້ແທນໂດລາ ແນໃສ່ການສ້າງລະບົບການເງິນໂລກແບບຫຼາຍຂັ້ວ
“ພານ ກົງເຊີ່ງ” ຜູ້ວ່າການທະນາຄານກາງຈີນ ລະບຸວ່າ ກຽມຈະສະໜັບສະໜູນການໃຊ້ເງິນຢວນດິຈິທັລໃນລະດັບສາກົນ ໂດຍຈີນຈະຈັດຕັ້ງສູນປະຕິບັດການລະຫວ່າງປະເທດສຳລັບເງິນຫຍວນດິຈິທັລໃນນະຄອນຊຽງໄຮ້ ລາວກ່າວເລື່ອງນີ້ໃນງານ “ລູ່ເຈຍຊຸຍ ຟອລັມ” (Lujiazui Forum) ຊຶ່ງເປັນການລວມຕົວຂອງຜູ້ບໍລິຫານລະດັບສູງ ແລະ ຫນ່ວຍງານກຳກັບດູແລອຸດສາຫະກໍາ ການເງິນທັງໃນປະເທດ ແລະ ຕ່າງປະເທດ ຫຼັງຈາກຄວາມຕ້ອງການເງິນຢວນດິຈິທັລທົ່ວໂລກກັບມາຄຶກຄັກອີກຄັ້ງ ເນື່ອງຈາກຄວາມຕຶງຄຽດດ້ານການຄ້າຈາກນະໂຍບາຍກຳແພງພາສີຂອງສະຫະລັດ ເຮັດໃຫ້ຜູ້ລົງທຶນຊອກຫາທາງເລືອກອື່ນແທນໂດລາ ຂະນະດຽວກັນ ຈີນກຳລັງເລັ່ງພັດທະນາລະບົບການເງິນທີ່ເປັນອິດສະຫຼະຈາກຕະວັນຕົກ ຊຶ່ງການເຄື່ອນໄຫວດັ່ງກ່າວໄດ້ຮັບແຮງຜັກດັນຈາກຮູບແບບການຄ້າທີ່ປ່ຽນໄປ ປະກອບກັບການປັບໂຄງສ້າງທາງການຈັດຕັ້ງທາງການເມືອງແລະເສດຖະກິດໃນລະດັບໂລກ ຜູ້ວ່າການທະນາຄານກາງຈີນຍັງໄດ້ຮຽກຮ້ອງໃຫ້ພັດທະນາລະບົບສະກຸນເງິນໂລກແບບຫຼາຍຂັ້ວ (multi-polar) ໂດຍລະບຸວ່າ ການພັດທະນາລະບົບການເງິນລະຫວ່າງປະເທດແບບຫຼາຍຂັ້ວຈະຊ່ວຍຫຼຸດຈຳກັດເລື່ອງສະກຸນເງິນ ເພີ່ມຄວາມຍືດຫຍຸ່ນ ແລະ ປົກປ້ອງສະຖຽນລະພາບທາງການເງິນໄດ້ຫຼາຍຂຶ້ນ ລະບົບການເງິນແບບຫຼາຍຂັ້ວດັ່ງກ່າວຈະຊ່ວຍເປີດທາງໃຫ້ບາງສະກຸນເງິນມີອຳນາດໃນທ້ອງຖິ່ນ ແລະ ຫຼຸດການພຶ່ງພາໂດລາສະຫະລັດ ສະກຸນເງິນຕ່າງໆ ຈະແຂ່ງຂັນກັນໂດຍມີການກວດສອບ ແລະ ການດຸ່ງດ່ຽງ ທັງນີ້ ມາດຕະການກຳແພງພາສີທີ່ເຂັ້ມງວດຂອງສະຫະລັດ ໄດ້ສັ່ນສະເທື່ອນເຖິງຄວາມເຊື່ອມັ່ນຕໍ່ສະກຸນເງິນໂດລາສະຫະລັດ ແລະ ສິນຊັບອື່ນໆ ຂອງສະຫະລັດ ສົ່ງຜົນໃຫ້ນັກລົງທຶນສະເລ່ຍການໃຊ້ໂດລາສະຫະລັດ ຫັນໄປໃຊ້ເອີຣົບ ແລະ ສະກຸນເງິນອື່ນໆ ເອເຊຍແທນ […]
ແຈ້ງປັບລາຄານ້ຳມັນ ເລີ່ມປະຕິບັດ 06:00 ໂມງຂອງວັນທີ 19 ມິຖຸນາ 2025
ແຈ້ງປັບລາຄານ້ຳມັນ ເລິ່ມປະຕິບັດ 06:00 ໂມງຂອງວັນທີ 19/06/2025 ຕາມແຈ້ງການຈາກ ກຊ ອຸດສະຫະກຳແລະການຄ້າ ເລກທີ 0665/ກຄພນ ລົງວັນທີ 18 ມິຖຸນາ 2025 ທີ່ມາ: LAO STATE FUEL COMPANY
ແຈ້ງການມອດໄຟ ວັນທີ 19, 20 ແລະ 22 ມິຖຸນາ 2025 ບາງເຂດ ເມືອງນາຊາຍທອງ ແລະ ເມືອງຫາດຊາຍຟອງ
ແຈ້ງການມອດໄຟ ວັນທີ 19, 20 ແລະ 22 ມິຖຸນາ 2025 ບາງເຂດ ເມືອງນາຊາຍທອງ ແລະ ເມືອງຫາດຊາຍຟອງ ລາຍລະອຽດດັ່ງລຸ່ມນີ້: ທີ່ມາ: ລັດວິສາຫະກິດໄຟຟ້າລາວ ສາຂານະຄອນຫລວງ2
ອີຣ່ານຍົກລະດັບການຈັບກຸມເຄືອຂ່າຍສາຍລັບອິສຣາເອລ ປະຫານຊີວິດໄປແລ້ວ 1 ຄົນ
ອີຣ່ານຍົກລະດັບການຈັບກຸມຜູ້ທີ່ເຂົາເຈົ້າກ່າວຫາວ່າເປັນສາຍລັບອິສຣາເອລໃນຊ່ວງບໍ່ເທົ່າໃດມື້ ທີ່ຜ່ານມາ ຫຼັງການຕໍ່ສູ້ລະຫວ່າງທັງສອງປະເທດເກີດຂຶ້ນເມື່ອອາທິດກ່ອນ ເມື່ອ 18 ມິຖຸນາ 2025 “Mehr” ສຳນັກຂ່າວງທາງການຂອງອີຣ່ານລາຍງານວ່າ ທ່ານອາຫມັດ ເຣຊາ ຣາດານ ຜູ້ບັນຊາການຕຳຫຼວດອີຣ່ານ ເປີດເຜີຍວ່າຕຳຫຼວດໄດ້ສ້າງຄວາມເສຍຫາຍຢ່າງໜັກໜ່ວງ ໃຫ້ແກ່ເຄືອຂ່າຍສາຍລັບອິສຣາເອລທີ່ແຝງຕົວຢູ່ພາຍໃນປະເທດຂອງເຂົາເຈົ້າ ທ່ານ ຣາດານລະບຸວ່າ ຜູ້ຕ້ອງສົງໄສຄົນໜຶ່ງຊຶ່ງເປັນສະມາຊິກຂອງ “ມອສຊາດ” ຫນ່ວຍຂ່າວກອງຂອງອິສຣາເອລ ຖືກຈັບກຸມໃນຈັງຫວັດເຄີເດສຖານ ທາງຕະວັນຕົກຂອງປະເທດ ທັງນີ້ ອີຣ່ານອ້າງວ່າ ເຂົາເຈົ້າຍົກລະດັບການຈັບກຸມຜູ້ຕ້ອງສົງໄສມີສ່ວນກ່ຽວຂ້ອງກັບອິສຣາເອລໃນຊ່ວງບໍ່ເທົ່າໃດມື້ທີ່ຜ່ານມາ ໂດຍການຈັບກຸມເກີດຂຶ້ນໃນຫຼາຍແຂວງລວມທັງ ກຸງເຕຫະຣານ, ເມືອງອິສຟາຮານ ແລະ ເມືອງມາກາຊີ ເມື່ອວັນອັງຄານທີ່ຜ່ານມາ ສຳນັກຂ່າວຂອງອີຣ່ານລາຍງານວ່າ ຕຳຫຼວດຈັບກຸມຄົນຕ່າງປະເທດ ທີ່ຖືກກ່າວຫາວ່າແອບລັກວິດີໂອໂຮງງານນິວເຄລຍ “ບູເຊີຮ໌” (Bushehr) ໃຫ້ກັບຫນ່ວຍຂ່າວກອງອິສຣາເອລ ແຕ່ບໍ່ມີການເປີດເຜີຍວ່າ ຜູ້ຖືກຈັບກຸມເປັນຄົນປະເທດຫຍັງ ເມື່ອວັນອາທິດທີ່ຜ່ານມາ (15 ມິຖຸນາ) ສຳນັກງານໄອຍະການສູງສຸດຂອງອີຣ່ານອອກມາເຕືອນວ່າ ໃຜກໍຕາມທີ່ຖືກພົບວ່າຮ່ວມມືກັບອິສຣາເອລ ຈະຕ້ອງພົບກັບບົດລົງໂທດຢ່າງໜັກຕາມກົດຫມາຍຂອງອີຣ່ານ ຕໍ່ມາໃນວັນຈັນ ມີຊາຍຄົນໜຶ່ງທີ່ຖືກກ່າວຫາວ່າເປັນສາຍລັບມອສຊາດ ຖືກອີຣ່ານປະຫານຊີວິດ