ກິນອາຫານແບບລະອຽດຫຍ້ຳຊ້າໆ ມີປະໂຫຍດຕໍ່ສຸຂະພາບແນວໃດ?
ເຖິງແມ່ນວ່າຫຼາຍຄົນຈະລື້ງເຄີຍກັບການກິນແບບອັດຕະໂນມັດ, ມືຕັກອາຫານໃສ່ປາກໃນຂະນະທີ່ສາຍຕາກໍ່ຈັບຈ້ອງທີ່ຈໍໂທລະທັດ ຫຼື ໂທລະສັບມືຖືໄປນຳ, ເຮັດໃຫ້ອາຫານຖືກກືນລົງທ້ອງຢ່າງວ່ອງໄວຈົນໝົດຈານໄປໂດຍບໍ່ຮູ້ຕົວ. ແຕ່ກໍ່ມີໜ້ອຍຄົນທີ່ຈະຮູ້ວ່າ ຫາກປັບປ່ຽນພຶດຕິກຳມາກິນອາຫານໃຫ້ຊ້າລົງໂດຍຄ່ອຍໆ ຫຍ້ຳຢ່າງມີສະຕິ ກັບຈະສົ່ງຜົນດີຕໍ່ສຸຂະພາບຢ່າງມະຫາສານ. ຈັງຫວະການຫຍ້ຳກືນຄຳເຂົ້າ ມີອິດທິພົນຕໍ່ການດຳລົງຊີວິດ ແລະ ຄຸນນະພາບຊີວິດຂອງພວກເຮົາຢ່າງຄາດບໍ່ເຖິງ, ຕັ້ງແຕ່ເລື່ອງປະສິດທິພາບຂອງການຍ່ອຍ ແລະ ການເຮັດວຽກຂອງລະບົບທາງເດີນອາຫານ, ການເກີດຄວາມຮູ້ສຶກອິ່ມ ແລະ ພໍໃຈໃນມື້ອາຫານ, ໄປຈົນເຖິງການຄວບຄຸມນ້ຳໜັກ ແລະ ການດູແລສຸຂະພາບໂດຍລວມ. ຫຍ້ຳຊ້າໆ ຊ່ວຍຍ່ອຍອາຫານໄດ້ດີຂຶ້ນ ລິເວຍ ຮາເຊກາວະ ນັກໂພຊະນາການຊຶ່ງສຳເລັດການສຶກສາຈາກມະຫາວິທະຍາໄລເຊົາເປົາໂລຂອງບຣາຊິວ ອະທິບາຍເຖິງເລື່ອງນີ້ວ່າ “ການຫຍ້ຳອາຫານໃນປາກຢ່າງຊ້າໆ ຊ່ວຍເຮັດໃຫ້ອາຫານຂະໜາດໃຫຍ່ມີຂະໜາດນ້ອຍລົງ ຊຶ່ງກໍ່ຈະສົ່ງຜົນໃຫ້ຍ່ອຍງ່າຍຂຶ້ນຕາມໄປດ້ວຍ. ຂ້ອຍມັກຈະເວົ້າເຕືອນຄົນເຈັບຊຶ່ງມາບຳບັດທີ່ຄລີນິກຂອງຕົວເອງ ດ້ວຍການປຽບທຽບໃຫ້ພວກເຂົາເຫັນພາບຢ່າງງ່າຍໆ ວ່າ ກະເພາະອາຫານນັ້ນບໍ່ມີແຂ້ວ. ຫາກເຮົາກືນອາຫານຄຳໃຫຍ່ລົງໄປ ຂະບວນການຍ່ອຍກໍ່ຈະຊ້າລົງ ແລະ ມີປະສິດທິພາບຫຼຸດລົງ.” ຮາເຊກາວະຍັງກ່າວເສີມວ່າ “ນອກຈາກນີ້ ການຫຍ້ຳເຂົ້າຫຼາຍຄັ້ງຍັງຊ່ວຍກະຕຸ້ນການຜະລິດເອນໄຊມ໌ຊ່ວຍຍ່ອຍໃນນ້ຳລາຍ ຊຶ່ງກໍ່ຈະສົ່ງຜົນໃຫ້ການດູດຊຶມສານອາຫານຂອງຮ່າງກາຍດີຂຶ້ນ.” ຫາກອາຫານຖືກກືນລົງທ້ອງໄປທັງທີ່ຍັງບໍ່ໄດ້ຫຍ້ຳໃຫ້ລະອຽດພໍ ກະເພາະອາຫານຈະຕ້ອງເຮັດວຽກໜັກຂຶ້ນ ຈົນເກີດອາການທ້ອງອືດ ແລະ […]
ຈັບອະດີດເຈົ້າໜ້າທີ່ຈີນລະດັບສູງ ເພາະເປັນຜູ້ຕ້ອງສົງໄສຮັບສິນບົນ
ສຳນັກຂ່າວຊິນຫົວລາຍງານວ່າ ທາງການຈີນໄດ້ຈັບກຸມ ‘ຫຼີ ກັງ’ ອະດີດເຈົ້າໜ້າທີ່ລະດັບສູງຜູ້ເຄີຍເຮັດໜ້າທີ່ໃນການປາບປາມການສໍ້ລາດຫຼວງ ເພາະຕ້ອງສົງໄສວ່າຮັບສິນບົນ, ທ່າມກາງກະແສກວາດລ້າງການທຸຈະລິດທີ່ຍັງຄົງດຳເນີນຕໍ່ໄປພາຍໃຕ້ການນຳຂອງປະທານາທິບໍດີສີ ຈິ້ນຜິງ. ຫຼີ ກັງ ເຄີຍດຳລົງຕຳແໜ່ງຫົວໜ້າທີມກວດສອບວິໄນ ແລະ ກຳກັບດູແລພາຍໃນ ກົມອົງກອນຂອງພັກຄອມມູນິດຈີນ, ເຊິ່ງເຮັດໜ້າທີ່ຄ້າຍຄືກັບຝ່າຍຊັບພະຍາກອນມະນຸດຂອງພັກ, ມີບົດບາດໃນການແຕ່ງຕັ້ງ ແລະ ໂຍກຍ້າຍຕຳແໜ່ງສະມາຊິກພັກທົ່ວປະເທດ. ການຈັບກຸມຄັ້ງນີ້ເກີດຂຶ້ນໃນບໍລິບົດຂອງການສອບສວນບຸກຄົນລະດັບສູງຫຼາຍລາຍເມື່ອປີທີ່ຜ່ານມາ, ລວມເຖິງຮອງຜູ້ວ່າການທະນາຄານກາງຈີນ, ນາຍພົນລະດັບສູງຂອງກອງທັບ ແລະ ອະດີດປະທານບໍລິສັດນ້ຳມັນ ແລະ ແກັສລາຍໃຫຍ່ທີ່ສຸດຂອງປະເທດ. ປະທານາທິບໍດີສີ ຈິ້ນຜິງ ເຄີຍກ່າວໃນການປະຊຸມກັບໜ່ວຍງານຕໍ່ຕ້ານການທຸຈະລິດຂອງປະເທດເມື່ອຕົ້ນປີນີ້ວ່າ “ການສໍ້ລາດບັງຫຼວງຄືໄພຂົ່ມຂູ່ທີ່ໃຫຍ່ທີ່ສຸດຕໍ່ພັກຄອມມູນິດຈີນ, ເຊິ່ງບັນຫານີ້ຍັງຄົງແຜ່ຫຼາຍ ແລະ ທະວີຄວາມຮຸນແຮງຂຶ້ນໃນປະເທດຈີນອີກດ້ວຍ”.
ນັກວິໄຈຈາກສະຫະລັດອາເມລິກາ ຄິດຄົ້ນໃຊ້ຄື້ນ Wi-Fi ຈັບພາບຄົນອອກມາເປັນພາບ 3 ມິຕິ
ເບິ່ງເລົາເຕີ Wi-Fi ຄືເກົ່າບໍ່ໄດ້ອີກຕໍ່ໄປ, ລ່າສຸດນັກວິໄຈຈາກມະຫາວິທະຍາໄລໃນສະຫະລັດອາເມລິກາ ພັດທະນາເຕັກໂນໂລຢີກວດຈັບຄົນແບບ 3 ມິຕິໃໝ່ລ່າສຸດ ໂດຍໃຊ້ພຽງແຕ່ສັນຍານ Wi-Fi ທີ່ມີຢູ່ທຸກຄົວເຮືອນ, ເຮັດວຽກໃນບ່ອນມືດໄດ້ສະບາຍໆ. ສຳລັບງານວິໄຈໃໝ່ນີ້ມີຊື່ວ່າ ‘DensePose from WiFi’ ພັດທະນາຂຶ້ນໂດຍທີມວິໄຈຈາກມະຫາວິທະຍາໄລ Carnegie Mellon University (CMU) ໃນສະຫະລັດຯ. ໂດຍເຕັກໂນໂລຢີນີ້ຈະສາມາດກວດຈັບຄົນທັງຮູບຮ່າງ ແລະ ທ່າທາງຂອງມະນຸດແບບ 3 ມິຕິໄດ້, ບໍ່ຈຳເປັນຕ້ອງໃຊ້ກ້ອງ ຫຼື ອຸປະກອນພິເສດໃດໆ ໃນການກວດຈັບ ແຕ່ໃຊ້ສັນຍານ Wi-Fi ທີ່ໄດ້ມາຈາກເລົາເຕີທີ່ມີຕິດຕັ້ງຢູ່ທົ່ວໄປ. ຂໍ້ດີຂອງການໃຊ້ສັນຍານ Wi-Fi ຄືສາມາດເຮັດວຽກໃນບ່ອນມືດໄດ້ ແລະ ຍັງສາມາດກວດຈັບມະນຸດທະລຸກຳແພງໄດ້ອີກດ້ວຍ. ການມາຂອງງານວິໄຈນີ້ກໍ່ອາດນຳໄປສ້າງນະວັດຕະກຳໃໝ່ໆ ເຊັ່ນ: ການດູແລສຸຂະພາບ: ກວດຈັບການຫາຍໃຈ, ການລົ້ມ ຫຼື ທ່າທາງການຍ່າງຜິດປົກກະຕິຂອງຜູ້ສູງອາຍຸທີ່ຮັກສາຕົວ ແຕ່ຕ້ອງການຄວາມເປັນສ່ວນຕົວ ຮັກສາຄວາມປອດໄພ: ກວດຈັບຜູ້ບຸກລຸກທີ່ອາດລັກລອບເຂົ້າມາໃນຕົວເຮືອນ ໃນເວລາກາງຄືນ ຫຼື […]
ອາຍຸ 14 ແຕ່ປອດເສຍຫາຍ! ຈາກຢາສູບໄຟຟ້າ ຈຸດເລີ່ມຕົ້ນຂອງພະຍາດ EVALI ອັນຮ້າຍແຮງ
ວັນທີ 22 ເມສາ 2025 ແພດຍິງ ສຸຈິຕຣາ ເອກຕາແສງ ແພດຈາກໂຮງໝໍສິລິລາດປິຍະມະຫາຣາດການຸນ ປະເທດໄທ ໄດ້ໂພສຂໍ້ຄວາມຜ່ານເຟສບຸກສ່ວນຕົວ ຫຼັງຈາກພົບຄົນເຈັບເດັກຍິງອາຍຸ 14 ປີ ເຂົ້າຮັບການປິ່ນປົວດ້ວຍອາການຫອບເມື່ອຍ ຫາຍໃຈລຳບາກຢ່າງຮຸນແຮງ. ການກວດພົບວ່າເປັນພາວະ EVALI (E-cigarette or Vaping product use-Associated Lung Injury) ຫຼື ພະຍາດປອດອັກເສບຈາກຢາສູບໄຟຟ້າ ເຊິ່ງຖືເປັນເຄສທຳອິດໃນພື້ນທີ່. ເດັກຍິງລາຍນີ້ເລີ່ມໃຊ້ຢາສູບໄຟຟ້າຕັ້ງແຕ່ອາຍຸ 13 ປີ ໂດຍໃຊ້ແບບ “ຫ້ອຍຄໍ” ເຮັດໃຫ້ສາມາດຈັບສູບໄດ້ທຸກເມື່ອທີ່ຕ້ອງການ. ລາວໃຊ້ສະເລ່ຍເດືອນລະໜຶ່ງອັນ ຫຼື ປະມານ 9,000 ສູບຕໍ່ເດືອນ. ເຖິງແມ່ນວ່າລາວຈະຢຸດໃຊ້ມາແລ້ວກວ່າ 2 ເດືອນ ເພາະຮ້ານປະຈຳຢຸດຂາຍ ແຕ່ອາການຂອງລາວກໍ່ຍັງບໍ່ດີຂຶ້ນ ແລະ ຕ້ອງເຂົ້າຮັບການປິ່ນປົວຢ່າງຮີບດ່ວນ. EVALI ປອດບອກວ່າບໍ່ໄຫວ EVALI ຄືພາວະປອດອັກເສບຮຸນແຮງທີ່ເກີດຈາກການສູດສານເຄມີໃນຢາສູບໄຟຟ້າ […]
ຂອງດີໃນຕອນເຊົ້າ! ເຄື່ອງດື່ມທີ່ຊ່ວຍ “ຈັບ” ໄຂມັນຮ້າຍ ບໍ່ໃຫ້ເຂົ້າສູ່ກະແສເລືອດ ແລະ ດີຕໍ່ຫົວໃຈນຳ
“ໂອ໊ດມິວຄ໌ ຫຼື ນົມເຂົ້້າໂອ໊ດ” ເຄື່ອງດື່ມຂອງດີໃນຕອນເຊົ້າ ດັກຈັບຄໍເລສເຕີຣໍກ່ອນເຂົ້າສູ່ເລືອດ ພ້ອມດີຕໍ່ຫົວໃຈ ແລະ ສິ່ງແວດລ້ອມ ໂອ໊ດມິວຄ໌ ຖືເປັນທາງເລືອກທີ່ດີຕໍ່ສຸຂະພາບ ຫຼາຍຄົນສາມາດເລືອກດື່ມແທນນົມງົວ ເພາະອຸດົມດ້ວຍ ເບຕ້າກລູແຄນ (Beta-glucan) ເຊິ່ງເປັນໃຍອາຫານຊະນິດລະລາຍນ້ຳໄດ້. ໂດຍໃຍອາຫານຊະນິດນີ້ຈະສ້າງເນື້ອເຈວໃນລະບົບຍ່ອຍອາຫານ, ຊ່ວຍຈັບຄໍເລສເຕີຣໍ ແລະ ປ້ອງກັນບໍ່ໃຫ້ດູດຊຶມເຂົ້າສູ່ກະແສເລືອດໂດຍກົງ. ຜົນວິໄຈຫຼ້າສຸດຢືນຢັນປະສິດທິພາບໂອ໊ດມິວຄ໌ ວ່າເຄື່ອງດື່ມຊະນິດໜຶ່ງທີ່ພົບໄດ້ເລື້ອຍໃນຕອນເຊົ້າຢ່າງ “ໂອ໊ດມິວຄ໌” ຫຼື “ນົມເຂົ້າໂອ໊ດ” ອາດເປັນຕົວຊ່ວຍສຳຄັນໃນການຫຼຸດລະດັບຄໍເລສເຕີຣໍໃນຮ່າງກາຍ, ໂດຍສະເພາະຄໍເລສເຕີຣໍຊະນິດບໍ່ດີ (LDL) ທີ່ເປັນປັດໄຈສ່ຽງຕໍ່ພະຍາດຫົວໃຈ. ໂດຍການສຶກສາໃນຜູ້ຊາຍ 66 ຄົນທີ່ມີພາວະຄໍເລສເຕີຣໍສູງ ພົບວ່າການດື່ມໂອ໊ດມິວຄ໌ວັນລະ 3 ຈອກ (ປະມານ 750 ມລ.) ຕິດຕໍ່ກັນ 5 ອາທິດ ເຮັດໃຫ້ລະດັບຄໍເລສເຕີຣໍລວມຫຼຸດລົງ 3% ແລະ LDL ຫຼຸດລົງ 5%. ນອກຈາກນີ້, ຍັງມີການທົບທວນງານວິໄຈ 58 […]
ເກົາຫຼີໃຕ້ເລັ່ງກຳຈັດສິນຄ້າຕ່າງປະເທດສວມປ້າຍ Made in Korea ຫວັງຫຼີກລ່ຽງພາສີທຣຳ
ເກົາຫຼີໃຕ້ເລັ່ງປາບປາມການປອມແປງສິນຄ້າຕ່າງປະເທດ ສວມປ້າຍເປັນສິນຄ້າຜະລິດຈາກເກົາຫຼີ ເພື່ອຫຼີກລ່ຽງພາສີຂອງສະຫະລັດ ໂດຍສ່ວນໃຫຍ່ເປັນສິນຄ້າທີ່ມາຈາກຈີນ ໜ່ວຍງານພາສີອາກອນເກົາຫຼີໃຕ້ ເປີດເຜີຍເມື່ອວັນຈັນທີ 21 ເມສາ ວ່າຈາກການສືບສວນພິເສດໄດ້ກວດພົບການລະເມີດແຫຼ່ງກຳເນີດສິນຄ້າມູນຄ່າລວມ 29.5 ພັນລ້ານວອນ. ໃນໄຕມາດທຳອິດຂອງປີນີ້ ໂດຍ 97% ຂອງການລະເມີດດັ່ງກ່າວກ່ຽວຂ້ອງກັບການສົ່ງອອກສິນຄ້າໄປຍັງສະຫະລັດ ໂດຍເມື່ອປຽບທຽບກັບທັງປີ 2024 ທີ່ຜ່ານມານັ້ນ ມີມູນຄ່າການລະເມີດລວມຢູ່ທີ່ 34.8 ພັນລ້ານວອນ, ຊຶ່ງໃນຈຳນວນນີ້ 62% ເປັນສິນຄ້າທີ່ສົ່ງອອກໄປຍັງສະຫະລັດຯ ເຈົ້າໜ້າທີ່ເກົາຫຼີໃຕ້ລະບຸວ່າ ອາດມີຄວາມພະຍາຍາມເພີ່ມຂຶ້ນຈາກບໍລິສັດຕ່າງຊາດໂດຍສະເພາະຈາກຈີນ ທີ່ພະຍາຍາມໃຊ້ເກົາຫຼີໃຕ້ ຊຶ່ງເປັນພັນທະມິດສຳຄັນຂອງສະຫະລັດຯ ແລະ ມີຂໍ້ຕົກລົງການຄ້າເສລີກັບສະຫະລັດຯ ເພື່ອເປັນຊ່ອງທາງລຽບພາສີ ແລະ ຂໍ້ຈຳກັດຕ່າງໆ ຫຼັງຈາກທີ່ທຣຳໄດ້ເລີ່ມກຳນົດອັດຕາພາສີສູງກັບສິນຄ້າຫຼາຍປະເພດ ແລະ ປະເທດຕ່າງໆ ຊຶ່ງເລີ່ມມີຜົນບັງຄັບໃຊ້ໃນເດືອນມີນາ ໂດຍໃນເດືອນນີ້ ທຣຳໄດ້ກຳນົດພາສີ 25% ກັບເກົາຫຼີໃຕ້ ກ່ອນຈະລະງັບໄວ້ກ່ອນເປັນເວລາ 3 ເດືອນ ຂະນະດຽວກັນສະຫະລັດຯ ໄດ້ຂຶ້ນພາສີກັບຈີນສູງເຖິງ 145% ຈາກການຕອບໂຕ້ກັນໄປມາລະຫວ່າງສອງປະເທດ ຊຶ່ງນັກເສດຖະສາດຊີ້ວ່າການຕອບໂຕ້ດັ່ງກ່າວໄດ້ກະທົບຄວາມສຳພັນທາງການຄ້າລະຫວ່າງ 2 ປະເທດທີ່ເສດຖະກິດໃຫຍ່ທີ່ສຸດໃນໂລກຢ່າງຮຸນແຮງ […]
ຈະນອນກໍຕ້ອງມູ “ສີຜ້າປູ” ສຳຄັນຕໍ່ເຮົາແນວໃດ?
ກ່ອນຈະນອນກໍຕ້ອງມູ ເລື່ອງຜ້າປູເປັນສຳຄັນ ເຊັກສີຜ້າປູທີ່ນອນຕາມວັນເກີດ ຢາກເຮັງຢາກປັງລອງນຳໄປເຮັດເບິ່ງ ສີຜ້າປູທີ່ນອນຄົນເກີດວັນອາທິດ ໃຈໃຫຍ່ພານຳໄຊໃຫ້ຮຸ່ງເຮືອງ ຜ້າປູສີ: ຂຽວ, ຂາວ, ຊົມພູ ສີຜ້າປູທີ່ນອນຄົນເກີດວັນຈັນ ວາຈາດີມີວາທະດຶງໂຊກເຂົ້າມາໃຫ້ຮຸ່ງເຮືອງ ຜ້າປູສີ: ຂຽວ, ມ່ວງເຂັ້ມ, ມ່ວງອ່ອນ ສີຜ້າປູທີ່ນອນຄົນເກີດວັນອັງຄານ ໃຈສູ້ບໍ່ເຄີຍທໍ້ ລໍຖ້າຄວາມຮຸ່ງເຮືອງໄດ້ແບບອົດທົນຫຼາຍ ຜ້າປູສີ: ສົ້ມ, ສີແດງ, ສີມ່ວງ ສີຜ້າປູທີ່ນອນຄົນເກີດວັນພຸດ ຄິດການໄກໄຫວພິບດີ ຜ້າປູສີ: ຂຽວທຸກໂທນ, ສີເຫຼືອງອ່ອນ, ສີເຫຼືອງແກ່ ສີຜ້າປູທີ່ນອນຄົນເກີດວັນພະຫັດ ເລິກລັບນັກແຕ່ໜັກແໜ້ນ ບຸນໜູນຮັກໃຫ້ຮຸ່ງເຮືອງ ຜ້າປູສີ: ຂຽວ, ແດງ, ຟ້າ, ນ້ຳເງິນ ສີຜ້າປູທີ່ນອນຄົນເກີດວັນສຸກ ເສນ່ຫ໌ລ້ຳນຳເງິນ ຜ້າປູສີ: ເຫຼືອງ, ບົວ, ສົ້ມ […]
ກ້ອນກຳລັງ “ສວນສະໜາມກອງທັບປະຊາຊົນລາວ” ເດີນທາງຮອດນະຄອນໂຮ່ຈີມິນ ສສ ຫວຽດນາມ
ວັນທີ 19 ເມສາ 2025 ກ້ອນກໍາລັງສວນສະໜາມກອງທັບປະຊາຊົນລາວໄດ້ເດີນທາງມາຮອດດ່ານສາກົນລາວບາວ ສສ ຫວຽດນາມ ເພື່ອເຂົ້າຮ່ວມພິທີສະເຫຼີມສະຫຼອງ ວັນປົດປ່ອຍພາກໃຕ້ຫວຽດນາມ ຄົບຮອບ 50 ປີ ຢູ່ນະຄອນໂຮ່ຈີມິນ ສສ ຫວຽດນາມ ໃນ ວັນທີ 30 ເມສາ 2025 ທີ່ຈະມາເຖີງນີ້; ຝ່າຍລາວນຳໂດຍ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11 ພ້ອມຄະນະ, ຝ່າຍຫວຽດນາມນຳໂດຍ ສະຫາຍ ພັນເອກ ຟານຮູ້ຍ ຕຽບ ຮອງຫົວໜ້າກົມທະຫານຊາຍແດນຫວຽດນາມ, ໂອກາດນີ້ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11 ພ້ອມຄະນະ ກໍໄດ້ສະແດງຄວາມຂອບອົກຂອບໃຈ ສະຫາຍ ຟານຮູ້ຍ ຕຽບ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມໃຫ້ຄໍາໝັ້ນສັນຍາວ່າ ຈະທຸ້ມເທ່ທຸກເຫື່ອແຮງ ນໍາພາ-ຊີ້ນໍາກ້ອນກໍາລັງສວນສະໜາມກອງທັບປະຊາຊົນລາວທີ່ຈະເຂົ້າຮ່ວມເດີນຂະບວນສວນສະໜາມໃນພິທີສະເຫຼີມສະຫຼອງວັນປົດປ່ອຍພາກໃຕ້ຫວຽດນາມຄົບຮອບ 50 ປີ […]
ຈີນຂູ່ ຕອບໂຕ້ກັບທຸກປະເທດ ຫາກຮ່ວມມືກັບທຣຳ ກະທົບຜົນປະໂຫຍດຈີນ
ສຳນັກຂ່າວຕ່າງປະເທດ ລາຍງານອ້າງອີງການຖະແຫຼງຂອງກະຊວງພາຍຊິດຈີນໃນມື້ນີ້ (21 ເມສາ 2025) ລະບຸວ່າ ລັດຖະບານປັກກິ່ງໄດ້ອອກມາເຕືອນປະເທດຕ່າງໆ ວ່າທາງການຈີນຈະຄັດຄ້ານຢ່າງເຕັມທີ່ຫາກມີຝ່າຍໃດ ຫຼື ປະເທດໃດກໍຕາມເຮັດຂໍ້ຕົກລົງທີ່ເຮັດໃຫ້ຈີນເສຍປະໂຫຍດ ແລະ ຫາກສິ່ງນີ້ເກີດຂຶ້ນ ຈີນຈະບໍ່ຍອມຮັບ ແລະ ຈະໃຊ້ມາດຕະການຕອບໂຕ້ທີ່ເດັດຂາດ ແລະ ເທົ່າທຽມ ທາງກະຊວງຢ້ຳວ່າ ລັດຖະບານຈີນມຸ້ງໝັ້ນ ແລະ ມີສັກຍະພາບພຽງພໍທີ່ຈະປົກປ້ອງສິດ ແລະ ຜົນປະໂຫຍດຂອງຈີນ ແລະ ຍິນດີຈະກະຊັບຄວາມຮ່ວມມືກັບທຸກໆຝ່າຍ ຂະນະທີ່ໂຄສົກກະຊວງພາຍຊິດຈີນລະບຸວ່າ ສະຫະລັດໃຊ້ພາສີ-ອາກອນເປັນເຄື່ອງມືກົດດັນຄູ່ຄ້າທຸກປະເທດ ໂດຍອ້າງສິ່ງທີ່ພວກເຂົາເອີ້ນວ່າເທົ່າທຽມ ແຕ່ໃນຂະນະດຽວກັນກໍບີບໃຫ້ທຸກປະເທດຕ້ອງຍອມເຈລະຈານຳ ທັງນີ້ຄຳຖະແຫຼງຂອງກະຊວງການຄ້າ ຈີນເປັນການຕອບໂຕ້ ຫຼັງຈາກມີຂ່າວວ່າລັດຖະບານປະທານາທິບໍດີ ໂດນັລດ໌ ທຣຳ ກຳລັງກຽມກົດດັນໃຫ້ຊາດຕ່າງໆ ລົດມູນຄ່າການຄ້າກັບຈີນລົງ ເພື່ອແລກກັບການທີ່ສະຫະລັດຯ ຈະລົດ ຫຼື ຍົກເວັ້ນພາສີ-ອາກອນໃຫ້ ແລະ ວໍຊິງຕັນອາດນຳມາດຕະການຄວ່ຳບາດທາງການເງິນມາໃຊ້ຮ່ວມດ້ວຍ. ຊຶ່ງກ່ອນໜ້ານີ້ປະທານາທິບໍດີທຣຳ ປະກາດຊະລໍການຂຶ້ນພາສີຕອບໂຕ້ໄປຍັງປະເທດຄູ່ຄ້າຫຼາຍສິບປະເທດທົ່ວໂລກທີ່ປະກາດໄປເມື່ອວັນທີ 2 ເມສາ 2025 ເປັນເວລາ 90 ວັນ […]
ຢູ່ເມືອງຮ້ອນ = ແກ່ໄວ? ນັກວິໄຈຊີ້ຄວາມຮ້ອນເລັ່ງອາຍຸຊີວະພາບ ເຮັດໃຫ້ຮ່າງກາຍເສື່ອມໄວບໍ່ຕ່າງຈາກສູບຢາ
ງານວິໄຈໃໝ່ຈາກ USC Leonard Davis School of Gerontology ຊີ້ໃຫ້ເຫັນວ່າ ການອາໄສຢູ່ໃນພື້ນທີ່ທີ່ມີອາກາດຮ້ອນ ແລະ ຊຸ່ມເຊັ່ນ: ເມືອງຟີນິກຊ໌ ສະຫະລັດອາເມລິກາ ອາດເຮັດໃຫ້ຮ່າງກາຍແກ່ໄວຂຶ້ນໃນລະດັບເຊລ ເຖິງແມ່ນວ່າຈະຄວບຄຸມປັດໄຈອື່ນໆ ເຊັ່ນ: ການສູບຢາ ການດື່ມເຫຼົ້າ ຫຼື ລາຍໄດ້ແລ້ວກໍຕາມ ດຣ. Eunyoung Choi ຫົວໜ້າຄະນະວິໄຈລະບຸວ່າ “ພຽງແຕ່ອາໄສຢູ່ໃນພື້ນທີ່ ທີ່ມີມື້ທີ່ອາກາດຮ້ອນຫຼາຍ ຮ່າງກາຍຂອງເຮົາກໍຈະແກ່ໄວຂຶ້ນໃນເຊີງຊີວະພາບ” ໂດຍຜົນກະທົບຈາກຄວາມຮ້ອນນັ້ນທຽບໄດ້ກັບຜົນຂອງການສູບຢາ ຫຼື ດື່ມໜັກ ທີມນັກວິໄຈເກັບຕົວຢ່າງເລືອດຈາກຜູ້ສູງອາຍຸຈຳນວນກວ່າ 3,600 ຄົນທີ່ມີອາຍຸຕັ້ງແຕ່ 56 ປີຂຶ້ນໄປ ແລ້ວນຳໄປວິເຄາະດ້ວຍເຄື່ອງມືທີ່ເອີ້ນວ່າ “epigenetic clock” ເພື່ອວັດອາຍຸຊີວະພາບຂອງຮ່າງກາຍ ຊຶ່ງໝາຍເຖິງສະພາບທີ່ແທ້ຈິງຂອງຮ່າງກາຍ ບໍ່ແມ່ນພຽງແຕ່ອາຍຸປະຕິທິນ. ຜົນການສຶກສາພົບວ່າ ຜູ້ທີ່ອາໄສໃນພື້ນທີ່ທີ່ມີອາກາດຮ້ອນຊຸ່ມ ມີສັນຍານຂອງຄວາມແກ່ໃນລະດັບໂມເລກຸນຫຼາຍກວ່າກຸ່ມອື່ນ ໂດຍສະເພາະຜູ້ທີ່ໄດ້ຮັບຜົນກະທົບຈາກຄວາມຮ້ອນເປັນໄລຍະເວລາດົນ ເຊັ່ນ: ຫຼາຍເດືອນ ຫຼື ຫຼາຍປີ ບໍ່ແມ່ນພຽງແຕ່ຊ່ວງຄື້ນຄວາມຮ້ອນຊົ່ວຄາວ. ໃນປີທີ່ຜ່ານມາ […]