ສະພາແຫ່ງຊາດ ສະເໜີລັດຖະບານ ເພີ່ມທະວີ ຕິດຕາມວຽກງານແຮ່ທາດ ເພື່ອບໍ່ໃຫ້ລັດເສຍຜົນປະໂຫຍດ
ສະພາແຫ່ງຊາດ ສະເໜີລັດຖະບານ ເພີ່ມທະວີ ຕິດຕາມວຽກງານແຮ່ທາດ ເພື່ອບໍ່ໃຫ້ລັດເສຍຜົນປະໂຫຍດ ຂປລ. ການຄຸ້ມຄອງແຮ່ທາດໃນໄລຍະຜ່ານມາ ເຖິງວ່າ ລັດ ຖະບານ ໄດ້ມີຄວາມເອົາໃຈໃສ່ໃນຫລາຍດ້ານ ແຕ່ຍ້ອນ ຄວາມຮູ້ ແລະ ຄວາມສາມາດ ທາງດ້ານວິທະຍາສາດ, ວິຊາ ການ ກ່ຽວກັບແຮ່ທາດ ຂອງປະເທດເຮົາ ຍັງມີຂໍ້ຈໍາກັດ, ຍັງຂາດເຂີນເຄື່ອງຈັກ ແລະ ເຕັກໂນໂລຊີ ທີ່ທັນສະໄໝ, ສະນັ້ນ, ສະພາແຫ່ງຊາດ ຈຶ່ງໄດ້ມອບໃຫ້ ລັດຖະບານ ກໍຄື ຂະແໜງການທີ່ກ່ຽວຂ້ອງ ເພີ່ມທະວີຄວາມເອົາໃຈໃສ່ ໃນການຄຸ້ມຄອງ, ຕິດຕາມກວດກາ ວຽກງານແຮ່ທາດ ເພື່ອບໍ່ໃຫ້ລັດ ເສຍຜົນປະໂຫຍດ, ເພີ່ມທະວີ ເອົາໃຈໃສ່ພັດທະນາ ບຸກຄະລາກອນດ້ານແຮ່ທາດ ໃຫ້ຕອບສະໜອງກັບວຽກ ງານໄລຍະໃໝ່, ພ້ອມທັງ ຕິດຕາມການດໍາເນີນໂຄງການບໍ່ແຮ່ຕ່າງໆ ໃຫ້ມີຄວາມໂປ່ງໃສ່, ສອດຄ່ອງກັບກົດໝາຍ, ຮັບປະກັນດ້ານລາຍຮັບຂອງລັດ ໃຫ້ໄດ້ຫລາຍເທົ່າທີ່ຈະຫລາຍໄດ້. ພ້ອມກັນນັ້ນ, ກໍໃຫ້ເລັ່ງປັບປຸງລັດວິສາຫະກິດແຮ່ທາດລາວ ໃຫ້ມີຄວາມເຂັ້ມແຂງ ເພື່ອຮອງຮັບການພັດ ທະນາຂົງເຂດ ດັ່ງກ່າວ. ທ່ານ […]
ດວງລາຍວັນປະຈໍາວັນອັງຄານ ທີ 11 ກໍລະກົດ 2023
ຄົນເກີດວັນອາທິດ:ການງານທ່ານແກ້ບັນຫາສະເພາະໜ້າໄດ້ດີຈະສົ່ງຜົນດີໃນດ້ານການງານ ການເງິນມີໂຊກຈະໄດ້ຮັບຊັບສິນ ຮັບເງິນຈາກຜູ້ໃຫຍ່ ເພາະຜູ້ໃຫຍ່ຊ່ວຍອຸປະຖໍາ ຄວາມຮັກລະວັງເກີດຄວາມຫຶງຫວງໃນຄວາມສຳພັນ ເຄື່ອງມຸງຄຸນແຫວນຄໍາ ສີມຸງຄຸນສີເຫຼືອງ ເລກນຳໂຊກ2 ຄົນເກີດວັນຈັນ:ການງານ ໄດ້ສະແດງສີມືໂຊຜົນງານໂດດເດັ່ນເກີດຄວາມສຳເລັດ ການເງິນເກີດການປ່ຽນແປງດ້ານຖານະຄວາມຮັ່ງມີ ຄວາມຮັກເກີດຄວາມສຳພັນທີ່ດີມີຄວາມສຸກລະຫວ່າງທ່ານກັບຄົນຮັກ ເຄື່ອງມຸງຄຸນ ໄຂ່ມຸກ ສີມຸງຄຸນສີຂາວ ເລກນຳໂຊກ7 ຄົນເກີດວັນອັງຄານ:ການງານການເຈລະຈາທຸລະກິດເກີດຄວາມຊັກຊ້າ ຕ້ອງລະວັງເລື່ອງການງານ ການເງິນໄດ້ເງິນຈາກການເຮັດວຽກງານພິເສດຫາເງິນຫຼາຍໆຊ່ອງທາງຈະເຮັດໃຫ້ທ່ານມີເງິນເກັບ ຄວາມຮັກເກີດບັນຫາເລື່ອງຫຶງຫວງກັບຄົນຮັກ ເພາະເປັນໄລຍະທ່ານແລະຄົນຮັກມີບັນຫາກັນ ເຄື່ອງມຸງຄຸນ ເງິນ ສີມຸງຄຸນສີດໍາ ເລກນຳໂຊກ 4 ຄົນເກີດວັນພຸດ:ການງານອາດເກີດຄວາມຜິດພາດໃນການລົງທຶນ ການເງິນການໃຊ້ເງິນໃນການແກ້ໄຂບັນຫາຈະເຮັດໃຫ້ໄດ້ເງິນຂອງທ່ານອາດບໍ່ພໍໃຊ້ຈ່າຍ ຄວາມຮັກພົບຮັກກັບຄົນຜິວສອງສີແຕ່ຈະເປັນຄົນທີ່ຂີ້ອາຍ ເຄື່ອງມຸງຄຸນ ໄຂມຸກ ສີມຸງຄຸນສີດໍາ ເລກນຳໂຊກ2 ຄົນເກີດວັນພະຫັດ:ການງານຄວນເຮັດທຸລະກິດຈະການຄ້າແບບສາຍດ່ຽວຈະເຮັດໃຫ້ຮັ່ງມີ ການເງິນຈະມີຜູ້ຊ່ວຍອຸປະຖຳທາງດ້ານການເງິນເມື່ອທ່ານຕ້ອງການ ຄວາມຮັກຈະພົບເລື່ອງຄວາມສຳພັນບໍ່ຊັດເຈນ ຕ້ອງລະວັງຄົນຮັກໃຫ້ຫຼາຍ ເຄື່ອງມຸງຄຸນຫິນນໍາໂຊກສີແດງ ສີມຸງຄຸນສີຂຽວ ເລກນຳໂຊກ3 ຄົນເກີດວັນສຸກ:ການງານຈະໄດ້ຮັບຂ່າວດີໄດ້ເລີ່ມໂປຣເຈັກວຽກງານໃໝ່ ການເງິນພົບເລື່ອງເສຍເງິນແບບຄາດບໍ່ເຖິງ ອາດເປັນການຊື້ສິ່ງຂອງທີ່ບໍ່ຈຳເປັນ ຄວາມຮັກຖືວ່າເປັນໄລຍະເວລາທີ່ທ່ານກັບຄົນຮັກມີເວລາໃຫ້ກັນຫຼາຍວ່າປົກກະຕິ ເຄື່ອງມຸງຄຸນຄໍາຝຣັ່ງ ສີມຸງຄຸນສີຟ້າ ເລກນຳໂຊກ1 ຄົນເກີດວັນເສົາ:ການງານອາຊີບນັກຂຽນ ຫຼື ການໃຊ້ຄຳເວົ້າເຈລະຈາເກີດຄວາມສຳເລັດ ການເງິນຖານະການເງິນດີຂຶ້ນເຫັນໄດ້ແຈ້ງແຕ່ຕ້ອງລະວັງລາຍຈ່າຍ ຄວາມຮັກການເດິນທາງໄກມີໂອກາດໄດ້ພົບຮັກກັບຄົນຕ່າງຊາດ ເຄື່ອງມຸງຄຸນ ເງິນ ສີມຸງຄຸນສີແດງ ເລກນຳໂຊກ […]
ຫວຽດນາມ ກຽມລົງທຶນ 2 ພັນກວ່າລ້ານໂດລາ ພັດທະນາໂຄງການໂຮງໄຟຟ້າພະລັງງານລົມ ຢູ່ແຂວງສະຫວັນນະເຂດ
ລັດຖະບານລາວ ແລະ ບໍລິສັດ AMI Renewables Quảng Bình Investment ຈາກຫວຽດນາມ ເຊັນສັນຍາຮ່ວມກັນພັດທະນາໂຄງການໂຮງງານໄຟຟ້າພະລັງງານລົມ ທີ່ແຂວງສະຫວັນນະເຂດໃນພື້ນທີ່ ກວ່າ 2 ພັນເຮັກຕາ ແລະ ມູນຄ່າການລົງທຶນກວ່າ 2 ພັນລ້ານໂດລາ. ໂດຍພິທີເຊັນສັນຍາດັ່ງກ່າວຈັດຂື້ນເມື່ອບໍ່ດົນມານີ້, ຕາງໜ້າລັດຖະບານລາວລົງນາມໂດຍ ທ່ານ ປອ ສະຖາບັນດິດ ອິນຊີຊຽງໃໝ່ ຮອງລັດຖະມົນຕີ ກະຊວງແຜນການ ແລະ ການລົງທຶນ ແລະ ທ່ານ Nguyễn Nam Thắng ປະທານບໍສັດAMI Renewables Quảng Bình Investment . ໂຄງການພະລັງງານລົມໃນແຂວງສະຫວັນນະເຂດນີ້ ຈະສາມາດບັນຈຸໄຟຟ້າໄດ້ເຖິງ 1,220MW ເຊິ່ງເປັນອີກສ່ວນໜຶ່ງໃນໂຄງການຂອງລັດຖະບານລາວ ທີ່ຈະສົ່ງອອກພະລັງງານໄຟຟ້າໃຫ້ກັບຫວຽດນາມໃນປີ 2025. ເຊິ່ງໂຄງການດັ່ງກ່າວຍັງຖືເປັນໂຄງການທີ່ໃຫຍ່ທີ່ສຸດຂອງ ຫວຽດນາມທີ່ມາລົງທຶນຢູ່ລາວ. ໃນພິທີເຊັນສັນຍາ ທ່ານ ປອ ສະຖາບັນດິດ ອິນຊີຊຽງໃໝ່ ໄດ້ເນັ້ນຢໍ້າໃຫ້ ບໍລິສັດ ທີ່ມາລົງທຶນ […]
ແຂວງເຊກອງ ເລີກຮື້-ມ້າງຄະດີຢາເສບຕິດໄດ້ 100 ກວ່າເລື່ອງ
ແຫລ່ງຂ່າວຈາກ ແຂວງເຊກອງ ໃຫ້ຮູ້ວ່າ: ໃນໄລຍະກາງສະໄໝຜ່ານມາ ກອງບັນຊາການ ປ້ອງກັນຄວາມສະຫງົບແຂວງເຊກອງ ແລະ ເມືອງ ໄດ້ສຸມໃສ່ປະຕິບັດວາລະແຫ່ງຊາດ, ແກ້ໄຂບັນຫາຢາເສບຕິດຕາມ 3 ບາດກ້າວ ແລະ ຢຶດໝັ້ນ 3 ຫລັກການຄື: ເດັດຂາດ, ໂປ່ງໃສ ແລະ ເປັນມືອາຊີບ, ຊຶ່ງເຮັດໃຫ້ສາມາດເລີກຮື້ ແລະ ມ້າງລາຍຄະດີຢາເສບຕິດໄດ້ 115 ເລື່ອງ, ກັກຕົວຜູ້ຖືກຫາໄດ້ 117 ຄົນ, ຢຶດຂອງກາງຢາເສບຕິດໄດ້ 90.228 ເມັດ, ລົດໃຫຍ່ 1 ຄັນ, ລົດຈັກ 31 ຄັນ, ໂທລະສັບ 106 ໜ່ວຍ, ປືນແກັບ-ປືນດັດແປງ 4 ກະບອກ ແລະ ເງິນສົດຈໍານວນໜຶ່ງ. ທ່ານ ພັນເອກ ຄໍາບານ ພົມມະນີວົງ ຫົວໜ້າກອງບັນຊາການ ປກສ ແຂວງເຊກອງ ລາຍງານໃຫ້ຮູ້ເມື່ອບໍ່ດົນນີ້ວ່າ: ປກສ ແຂວງ […]
ອຸຕຸເຕືອນ ກຽມຮັບມືຝົນຕົກໜັກ ຟ້າຮ້ອງ ຟ້າເຫລື້ອມໃນທົ່ວທຸກພາກ 10-16 ກໍລະກົດ 2023
ກົມອຸຕຸນິຍົມ ແລະ ອຸທົກກະສາດລາຍງານວ່າ: ຄາດຄະເນສະພາບອາກາດ ໃນໄລຍະວັນທີ 10-16 ກໍລະກົດ 2023 ກົດດັນຕໍ່າຈະປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງອ່ອນ ຫາ ປານກາງ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫ່ຍ, ເຊິ່ງຈະເຮັດໃຫ້ອາກາດຮ້ອນ ມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍ ຫາ ປານກາງ ຢູ່ໃນແຕ່ລະພາກ ພ້ອມມີລົມພັດແຮງເປັນບາງໂອກາດຢູ່ ບາງທ້ອງຖິ່ນ. ຈາກນັ້ນ ວັນທີ 14-16 ກໍລະກົດ 2023 ຮ່ອງຄວາມກົດດັນອາກາດຕໍ່າຈະພາດຜ່ານພາກເໜືອຂອງປະ ເທດລາວ ສົມທົບກັບລົມມໍລະສຸມຕາເວັນຕົກສ່ຽງໃຕ້ພັດປົກຄຸມດ້ວຍກໍາລັງປານກາງ, ເຊິ່ງຈະເຮັດໃຫ້ມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍຫາປານກາງ ຢູ່ໃນແຕ່ລະພາກ ແລະ ຕົກໜັກ ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ. ພາກເໜືອດ້ານຕາເວັນອອກ: ຈະມີຝົນຕົກຟ້າຮ້ອງ ຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ພ້ອມມີລົມພັດແຮງຢູ່ບາງທ້ອງຖິ່ນ. ອຸນຫະພູມຕໍ່າສຸດ 22–24 ອົງສາ ແລະ ສູງສຸດ 30 – 32 ອົງສາ. ພາກເໜືອດ້ານຕາເວັນຕົກ: ອາກາດຮ້ອນ ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ທົ່ວໄປ ແລະ ຕົກປານກາງ ແລະ […]
ເກີດແຜ່ນດິນໄຫວ ຢູ່ເມືອງໄຊສະຖານ ແຂວງໄຊຍະບູລີ ແຮງສັ່ນສະເທືອນ 2,4 ຣິກເຕີ
ສູນຂໍ້ມູນຂ່າວສານແຜ່ນດິນໄຫວແຫ່ງຊາດລາວ ໄດ້ລາຍງານວ່າ ໃນວັນທີ 10 ກໍລະກົດ 2023 ເວລາ 06:21 ໂມງ ໄດ້ພົບສັນຍານການເກີດ ແຜ່ນດິນໄຫວພາຍໃນປະເທດລາວ 1 ຄັ້ງ ໃນບໍລິເວນແຂວງໄຊຍະບູລີ ຈຸດສູນກາງເສັ້ນຂະໜານທີ 19.543 ອົງສາເໜືອ ແລະ ເສັ້ນແວງທີ 101.334 ອົງສາຕາເວັນອອກ ຄວາມແຮງສັ່ນສະເທືອນວັດແທກໄດ້ 2.4 ຣິກເຕີ ເຊິ່ງມີຄວາມເລິກຈາກເທິງໜ້າດິນປະມານ 3 ກິໂລແມັດ ຈຸດສູນ ກາງເກີດແຜ່ນດິນໄຫວຢູ່ທີ່ບໍລິເວນບ້ານເສົາດຽວ ເມືອງໄຊສະຖານ ແຂວງໄຊຍະບູລີ ຫ່າງຈາກເທດສະບານເມືອງ ປະມານ 14 ກິໂລແມັດ. ເຫດການແຜ່ນດິນໄຫວຍັງບໍ່ມີລາຍງານຜົນເສຍຫາຍ.
ເຫດລົດ 10 ລໍ້ເສຍຫລັກປີ້ນລົງໂຄ້ງ ຢູ່ເຂດເມືອງນອງ ເສຍຊີວິດຄາທີ່ 1 ຄົນ
ເກີດເຫດລົດໃຫຍ່ 10 ລໍ້ປິ້ນ ຢູ່ເສັ້ນທາງໂຮ່ຈີ່ມິນ ໂຄ້ງພູຫ້ວຍພໍ່ ບ້ານນາລົງໃໝ່ ເມືອງນອງ ແຂວງສະຫວັນນະເຂດ ເຮັດໃຫ້ມີຜູ້ເສຍຊີວິດຄາທີ່ 1 ຄົນ.ທ່ານ ຮ້ອຍເອກ ລຳພອນ ສຸດລະຄົມ ຮອງພະແນກຕຳຫລວດ ຊີ້ນຳວຽກງານ ຈາລະຈອນແຂວງ ສະຫວັນນະເຂດ ໃຫ້ຮູ້ວ່າ: ວັນທີ 5 ກໍລະກົດ 2023 ເວລາ 6: 30 ໂມງ, ໄດ້ຮັບແຈ້ງການຈາກພົນລະເມືອງດີ ພົບເຫັນມີລົດກາມັດ 10 ລໍ້ , ບັນທຸກເຄື່ອງ ໝາຍເລກທະບຽນ (ບກ 0638 ສະຫວັນນະເຂດ) ເກີດບັດຕິເຫດທີ່ເສັ້ນທາງໂຮຈີມິນ, ໂຄ້ງພູຫ້ວຍພໍ່ ລົງຄ້ອຍ ບ້ານນາລົງໃໝ່ ເມືອງນອງ ແຂວງສະຫວັນະເຂດ. ຜູ້ກ່ຽວບັນທຸກເຄື່ອງຈະເດີນທາງໄປເມືອງນອງ ພໍມາຮອດຈຸດດັ່ງກ່າວ ເປັນທາງໂຄ້ງຍາວ ແລະຄ້ອຍຊັນ ບໍ່ສາມາດຄວບຄຸມລົດໄດ້ ຈຶ່ງພາໃຫ້ລົດແລ່ນອອກຈາກທາງປີ້ນລົງໂຄ້ງຂ້າງທາງ ຢູ່ໃນລົດບັນທຸກມີຜູ້ຂັບ 1 ຄົນ, ເຊິ່ງ ເສຍຊີວິດຄາທີ່. ຈາກການຄົ້ນພົບ […]
ດວງລາຍວັນປະຈໍາວັນຈັນ ທີ 10 ກໍລະກົດ 2023
ຄົນເກີດວັນອາທິດ:ການງານລະວັງຄວາມຜິດພາດ ເພາະຄວາມໃຈຮ້ອນ ໃນເລື່ອງຂອງການວຽກງານຢ່າດ່ວນສະຫຼຸບ ຫຼືເລັ່ງຕັດສິນໃຈຢ່າງວ່ອງໄວເກີນໄປ ຄວນເຮັດໃຫ້ຮອບຄອບເອົາໄວ້ຈະດີທີ່ສຸດ ການເງິນມີລາຍຈ່າຍທີ່ບໍ່ຄ່ອຍສົມດຸນກັບລາຍຮັບປານໃດ ຄວນວາງແຜນການໃຊ້ເງິນ ຫຼືເຮັດບັນຊີລາຍຮັບລາຍຈ່າຍເພື່ອໃຫ້ເຫັນຄ່າໃຊ້ຈ່າຍທີ່ຈຳເປັນແທ້ໆ ຄວາມຮັກຕ້ອງໃຊ້ຄວາມໃຈເຢັນ ຢ່າໃຊ້ຄວາມໃຈຮ້ອນ ເພື່ອເປັນການຖືຮັກສາຄວາມສຳພັນດ້ານຄວາມຮັກໃຫ້ດຳເນີນຕໍ່ໄປໄດ້ໄລຍະນີ້ ເຄື່ອງມຸງຄຸນ ໄຂ່ມຸກ ສີມຸງຄຸນ ສີແດງ ເລກນຳໂຊກ3 ຄົນເກີດວັນຈັນ:ການງານການຕິດຕໍ່ເກີດຄວາມສຳເລັດ ມີຄວາມກ້າວໜ້າ ຈະໄດ້ຮັບຄວາມຊັດເຈນຈາກຂ່າວສານຂໍ້ມູນທຸລະກິດການງານທີ່ຈະໄດ້ຮັບການຕອບຮັບທີ່ດີ ການເງິນຫາເຂົ້າມາໄດ້ຫຼາຍກໍຕ້ອງໃຊ້ອອກໄປຫຼາຍ ມີພາລະການໃຊ້ຈ່າຍຄ່ອນຂ້າງຫຼາຍ ແຕ່ກໍຍັງຫາເຂົ້າມາໄດ້ໝຸນວຽນສະຫຼັບກັນໄປໃນໄລຍະນີ້ ຄວາມຮັກຍັງຄົງບໍ່ມີເວລາທຸ້ມເທໃຫ້ເລື່ອງເຫຼົ່ານີ້ ຍັງມີຫຼາຍສິ່ງຫຼາຍຢ່າງທີ່ສຳຄັນກວ່າຕ້ອງຈັດການ ແລະບໍ່ໄດ້ຮັບຂ່າວສານທີ່ຊັດເຈນຈາກອີກຝ່າຍນັ້ນເອງ ເຄື່ອງມຸງຄຸນ ເງິນ ສີມຸງຄຸນສີມ້ວງ ເລກນຳໂຊກ4 ຄົນເກີດວັນອັງຄານ:ການງານຜູ້ທີ່ມີຕຳແໜ່ງຢູ່ມີໂອກາດໄດ້ເລື່ອນຂັ້ນ ເລື່ອນຕຳແໜ່ງກໍເປັນໄປໄດ້ ການງານມີຄວາມກ້າວໜ້າໄດ້ເຮັດວຽກທີ່ຖະໜັດ ຫຼືໄດ້ເຮັດວຽກທີ່ມັກ ການເງິນຫາເຂົ້າມາໄດ້ຢ່າງຕໍ່ເນື່ອງຢ່າງເປັນໂຊກ ການເງິນດີຂຶ້ນຫຼາຍກວ່າແຕ່ກ່ອນ ມີຄວາມຫມັ້ນຄົງ ມີເງິນເຂົ້າມາເລື້ອຍໆ ຄວາມຮັກທ່ານເປັນຜູ້ທີ່ມີສະເໜ່ ແຕ່ກໍຍັງບໍ່ລົງຕົວທາງດ້ານຄວາມສຳພັນດ້ານຄວາມຮັກ ເພາະໃນເລື່ອງຂອງໄລຍະທາງ ແລະການແບ່ງເວລາໃຫ້ກັນ ທັງຫມົດທັງການບໍ່ໄດ້ຮັບຄວາມຊັດເຈນຈາກອີກຝ່າຍນັ້ນເອງ ເຄື່ອງມຸງຄຸນ ຄໍາຝຣັ່ງ ສີມຸງຄຸນສີເຫຼືອງ ເລກນຳໂຊກ 1 ຄົນເກີດວັນພຸດ:ການງານຕ້ອງມີການວາງແຜນໃນການເຮັດວຽກງານ ໂດຍສະເພາະການຕິດຕໍ່ເຈລະຈາ ການປັບປ່ຽນແຜນງານບາງຢ່າງ ຊຶ່ງຈະກໍ່ໃຫ້ເກີດຜົນແຫ່ງຄວາມໂຊກດີ ການເງິນມີທັງຮັບທັງຈ່າຍສະຫຼັບປັບປ່ຽນກັນໄປໃນໄລຍະນີ້ ໃນເລື່ອງຂອງການເງິນຫາເຂົ້າມາໄດ້ຫຼາຍກໍຕ້ອງໃຊ້ອອກໄປຫຼາຍ ແຕ່ກໍຈະຫາເຂົ້າມາໄດ້ເພີ່ມເຕີມ ເພີ່ມຂຶ້ນກໍເປັນໄປໄດ້ ຄວາມຮັກຍັງບໍ່ລົງຕົວທາງດ້ານຄວາມສຳພັນດ້ານຄວາມຮັກ […]
ຫົວໜ້າພະແນກ ອຸດສາຫະກໍາ ແລະ ການຄ້າ ແຂວງຈໍາປາສັກ ລົງຕິດຕາມກວດກາ ການຊື້-ຂາຍ ຢູ່ຕະຫຼາດໃໝ່ປາກເຊ
ໃນວັນທີ 6 ກໍລະກົດ 2023 ທີ່ຜ່ານມາ, ທ່ານ ບຸນຍະເດດ ທອງສະຫວັນ ຫົວໜ້າພະແນກອຸດສາຫະກໍາ ແລະ ການຄ້າແຂວງຈໍາປາສັກ ສົມທົບກັບບໍລິສັດ ບໍລິການ ການຄ້າປາກເຊ ແລະ ໜ່ວຍງານຈັດສັນຕະຫລາດໃໝ່ປາກເຊ ລົງເຄື່ອນໄຫວຕິດຕາມກວດກາ ແລະ ຊຸກຍູ້ການບໍລິການຊື້-ຂາຍ ຕາມຈຸດຊື້-ຂາຍຕ່າງໆ ພາຍໃນຕະຫລາດໃໝ່ປາກເຊ ເພື່ອເຮັດໃຫ້ການຄຸ້ມຄອງການຊື້-ຂາຍ ໃຫ້ຖືກຕ້ອງຕາມລະບຽບການ ແນ່ໃສ່ປົກປ້ອງສິດຜົນປະໂຫຍດອັນຊອບທຳຂອງຜູ້ຊົມໃຊ້ ທັງເຮັດໃຫ້ສັງ ຄົມມີຄວາມຍຸຕິທຳ. ເຊິ່ງການຊື້-ການຂາຍໃນລະດູຝົນ ເຫັນວ່າຫລຸດລົງ ໂດຍສະເພາະແມ່ນການຂາຍສະບຽງອາຫານ, ຜູ້ຄ້າ-ຂາຍຈໍານວນໜຶ່ງ ອອກໄປຂາຍຢູ່ຕາມແຄມທາງ ແລະ ພື້ນທີ່ຂອງຕົນເອງ. ພ້ອມນີ້ ຍັງຍົກໃຫ້ເຫັນການຄຸ້ມຄອງການນໍາໃຊ້ຊິງຊັ່ງ ຂອງພໍ່ຄ້າ-ແມ່ຄ້າຈໍານວນໜຶ່ງ ເປັນຕົ້ນ ການຂາຍປາ ທີ່ນໍາໃຊ້ຊິງຊັ່ງບໍ່ໄດ້ຕາມມາດຕະຖານເຕັກນິກ ການນຳໃຊ້ ໃນການບໍລິການຊື້-ຂາຍ ພາຍໃນຕະຫລາດໃໝ່ປາກເຊ ເຊິ່ງໜ່ວຍງານທີ່ກ່ຽວຂ້ອງຂອງຕະຫລາດ ໄດ້ແນະນໍາຕັກເຕືອນ ແລະ ສຶກສາອົບຮົມ ຕໍ່ຜູ້ລະເມີດ ຖ້າເຮັດອີກ ກໍຈະໄດ້ດໍາເນີນ ຕາມລະບຽບການ. Cr.ໜັງສືພິມຈຳປາໃໝ່
ເຈົ້າໜ້າທີ່ໄທ ຄົ້ນຫາລົດທີ່ລັກລອບນຳສົ່ງມາລາວ ແຕ່ຖືກເຈົ້າໜ້າທີ່ກວດພົບເຮັດໃຫ້ມີລົດຕົກລົງໄປນ້ຳຂອງ
ເຈົ້າໜ້າທີ່ເຂດໜອງຄາຍ ປະເທດໄທ ຄົ້ນຫາລົດທີ່ຂະບວນລັກລອບນຳລົດສົ່ງມາລາວ ແຕ່ຖືກເຈົ້າໜ້າທີ່ກວດພົບເຮັດໃຫ້ມີລົດຕົກລົງໄປນ້ຳຂອງພົບແລ້ວ ເປັນລົດກະບະ, ເຊິ່ງກ່ອນໜ້ານີ້ທາງໄທກໍໄດ້ກວດຍຶດລົດທີ່ກຽມສົ່ງມາລາວໄດ້ 1 ຄັນ ຂະນະທີ່ຈອດຖ້າສົ່ງຂາຍມາລາວຢູ່ແຄມນ້ຳຂອງ. ໃນວັນທີ 6 ກໍລະກົດ 2023 ເຈົ້າໜ້າທີ່ໄທ ຮ່ວມກັບໜ່ວຍກູ້ໄພ ໄດ້ນຳເອົາ ລົດກະບະ 4 ປະຕູ ຍີ່ຫໍ່ໂຕໂຍຕ້າລີໂວ່ ຈຳນວນ 1 ຄັນ ທີ່ເຈົ້າໜ້າທີ່ດຳນ້ຳລົງຄົ້ນຫາໃນວັນທີ 3 ກໍລະກົດ ຈົນມາຮອດວັນທີ 5 ກໍລະກົດ ເຈົ້າໜ້າທີ່ກໍສາມາດເຫັນລົດຄັນດັ່ງກ່າວຈົມຢູ່ນ້ຳຂອງ ເຊິ່ງຂະບວນການນຳລົດສົ່ງຂາຍມາລາວ ກຽມນຳລົງແພ ແຕ່ຖືກເຈົ້າໜ້າທີ່ກວດເຫັນ ເຮັດໃຫ້ລົດຕົກລົງນ້ຳຂອງ ຢູ່ເຂດບ້ານຕາດເສີມ ຕຳບົນບ້ານມ່ວງ ອຳເພີສັງຄົມ ຈັງຫວັດໜອງຄາຍ. ທາງເຈົ້າໜ້າທີ່ໄດ້ລາຍງານຕື່ມວ່າ: ໃນຂະນະທີ່ກວດພົບເຫັນກຸ່ມຂະບວນລັກລອບສົ່ງລົດ ເມື່ອພວກກ່ຽວກໍເຫັນວ່າແມ່ນຕຳຫຼວດມາຈຶ່ງໄດ້ພາກັນໂດດລົງນ້ຳແລ້ວໜີ ສ່ວນຄົນທີ່ຢູ່ທາງບົກກໍພາກັນແລ່ນໜີຢ່າງຊຳນານ ແຕ່ເຈົ້າໜ້າທີ່ສາມາດຈັບຜູ້ຖືກສົງໄສ 1 ຄົນເປັນອະດີດຕຳຫຼວດ ແລະ ສາມາດຍຶດລົດທີ່ກຳລັງເອົາລົງແພໄດ້ 1 ຄັນ ອີກ 1 ຄັນແມ່ນຈົມນ້ຳ. ແຫຼ່ງຂ່າວໜອງຄາຍ