ປະທານສະພາ “ລຸກຂຶ້ນຢືນເທິງບັນລັງ” ແລ້ວເປັນຫຍັງການຢືນກາງສະພາຈຶ່ງຢຸດຄວາມວຸ້ນວາຍ
ຫຼັງຈາກການປະທ້ວງຮຸນແຮງກາງສະພາໄທ ໃນມື້ທີ່ຜ່ານມາ (24 ມີນາ), ສົ່ງຜົນໃຫ້ “ທ່ານ ພະຣາດອນ ປະຣິສະນານັນທະກຸນ” ປະທານສະພາ ລຸກຂຶ້ນຢືນເທິງບັນລັງ. ການຢືນຂຶ້ນໝາຍເຖິງຫຍັງ ແລະ ເພື່ອສົ່ງສັນຍານຫຍັງ? ການອະພິປາຍບໍ່ໄວ້ວາງໃຈ ນ.ສ.ແພທອງທາ ຊິນວັດ ໂດຍພາບລວມການອະພິປາຍບໍ່ໄວ້ວາງໃຈໃນມື້ທຳອິດ (24 ມີນາ) ມີການອະພິປາຍໃນຫຼາຍປະເດັນເຊັ່ນ: ກໍລະນີຂອງຄຳວ່າ “ກີ້ກີ້” ທີ່ເລີ່ມຕັ້ງແຕ່ທ່ານວິໂຣດ ລັກຂະນາອະດິສອນ ສສ.ບັນຊີລາຍຊື່ ພັກປະຊາຊົນ ແລະ ເປັນຄຳທີ່ຖືກເວົ້າເຖິງຕະຫຼອດໝົດມື້ ຈົນເຮັດໃຫ້ເກີດຄວາມວຸ້ນວາຍຂຶ້ນໃນສະພາເມື່ອກາງດຶກລະຫວ່າງການຕອບໂຕ້ປະເດັນຜູ້ລີ້ໄພຊາວອຸຍກູຣ໌ໂດຍ ທ່ານພູມິທຳ ເວດຊະຍະໄຊ ຮອງນາຍົກລັດຖະມົນຕີ ແລະ ລມວ.ກະຊວງກະລາໂຫມ ໄດ້ມີບາງຊ່ວງທີ່ສວນກັບຝ່າຍຄ້ານວ່າ ຈະພະຍາຍາມຢ່າງດີທີ່ສຸດ ເພາະຕົນເອງກໍບໍ່ເຄີຍໃຊ້ຄຳວ່າ “ກີ້ກີ້” ແທນນາໃຫ້ສຸພາບສະຕີ. ຢ່າງທີ່ຝ່າຍຄ້ານໄດ້ເວົ້າ ຊຶ່ງເປັນຄຳທີ່ຫຍາບຄາຍ ສົກກະປົກ ຈົນເຮັດໃຫ້ມີການປະທ້ວງ ໂຕ້ຕອບກັນໄປມາ ລະຫວ່າງຝ່າຍລັດຖະບານ ແລະ ຝ່າຍຄ້ານ ໂດຍ ທ່ານພະຣາດອນ ປະຣິສະນານັນທະກຸນ ຮອງປະທານສະພາຜູ້ແທນລາສະດອນ […]
ໄຟປ່າເກົາຫຼີໃຕ້ຍັງຮຸນແຮງ ແປວໄຟລາມໄປ 6 ເມືອງ ຍອດເສຍຊີວິດເພີ່ມເປັນ 18 ຄົນ
ວັນທີ 26 ມີນາ 2025ທາງການເກົາຫຼີໃຕ້ເປີດເຜີຍວ່າ ສະຖານະການໄຟປ່າຄັ້ງໃຫຍ່ໃນພາກຕາເວັນອອກສ່ຽງໃຕ້ຍັງຮຸນແຮງ ຈຳນວນຜູ້ເສຍຊີວິດເພີ່ມຂຶ້ນເປັນ 18 ຄົນແລ້ວ, ມີຜູ້ທີ່ບາດເຈັບອີກ 16ຄົນ, ບາດເຈັບສາຫັດ 8 ຄົນ ແລະ ຍັງມີຜູ້ສູນຫາຍ 1 ຄົນ ທ່າມກາງຄວາມພະຍາຍາມຢ່າງໜັກຂອງເຈົ້າໜ້າທີ່ດັບເພີງໃນການຄວບຄຸມແປວໄຟທີ່ລຸກລາມຢ່າງວ່ອງໄວ ເຈົ້າໜ້າທີ່ກຽມການຮັບມືໄຟປ່າ ທີ່ໝູ່ບ້ານຮາເຮວ ໃນແຂວງຄຍອງຊັງເໜືອ ທາງຕາເວັນອອກຂອງເກົາຫຼີໃຕ້ ເຈົ້າໜ້າທີ່ລະບຸວ່າ ໄຟປ່າທີ່ເລີ່ມຕົ້ນຂຶ້ນໃນເຂດຊັນຊອງ ແຂວງຄຍອງຊັງເໜືອ ເມື່ອວັນສຸກທີ່ຜ່ານມາ ໄດ້ລຸກລາມໄປຍັງເມືອງໃກ້ຄຽງຢ່າງ ອຶຍຊອງ ແລະ ກຳລັງລຸກລາມໄປຍັງເມືອງອື່ນໆ ຢ່າງເມືອງອັນດົງ ຊອງຊອງ ຍອງຍາງ ແລະ ຍອງດ໋ອກ ຊຶ່ງເປັນຜົນມາຈາກກະແສລົມແຮງ ແລະ ອາກາດແຫ້ງ ຂະນະທີ່ເຈົ້າໜ້າທີ່ດັບເພີງຫຼາຍພັນນາຍ ພ້ອມດ້ວຍເຮລິຄອບເຕີ ແລະ ຍານພາຫະນະຫຼາຍສິບຄັນຖືກສົ່ງເຂົ້າປະຈຳການເພື່ອຕໍ່ສູ້ກັບໄຟປ່າ ຂະນະທີ່ສຳນັກງານບໍລິການມໍລະດົກເກົາຫຼີ ຊຶ່ງເປັນໜ່ວຍງານຂອງລັດຖະບານເກົາຫຼີໃຕ້ ທີ່ດູແລໂບຮານສະຖານແລະໂບຮານວັດຖຸໃນປະເທດ ເປີດເຜີຍວ່າ ໄຟປ່າຄັ້ງນີ້ເຜົາທຳລາຍວັດໂກອຶນຊາ ຊຶ່ງເປັນວັດທີ່ມີອາຍຸເກົ່າແກ່ຫຼາຍກວ່າ 1,000 ປີ […]
VOA ສົ່ງຕົງຈາກສະຫະລັດ: “ທຣຳ” ຟື້ນຟູອຸດສາຫະກຳການຕໍ່ເຮືອຂອງສະຫະລັດ
ສະຫະລັດ 16 ມີ.ຄ. – ເມື່ອອາທິດທີ່ຜ່ານມາ ປະທານາທິບໍດີໂດນັລ ທຣຳ ປະກາດຈັດຕັ້ງຄະນະເຮັດວຽກໃໝ່ຂອງທຳນຽບຂາວ ເພື່ອເຮັດໜ້າທີ່ຟື້ນຟູອຸດສາຫະກຳການຕໍ່ເຮືອຂອງສະຫະລັດ ທັງເຮືອທະຫານແລະເຮືອພານິດ ຊຶ່ງຖືເປັນສ່ວນສຳຄັນດ້ານຄວາມໝັ້ນຄົງແຫ່ງຊາດ ແລະ ສະຫະລັດຈະເລີ່ມການຕໍ່ເຮືອຢ່າງວ່ອງໄວ ທ່າມກາງການແຂ່ງຂັນເຊິງຍຸດທະສາດກັບຈີນ. ທ່ານຄົມສັນ ສີທະນະວິບຸນໄຊ ມີລາຍງານພິເສດຈາກວີໂອເອ ມານຳສະເໜີ.
ພູເຂົາໄຟກົວເຕມາລາລະເບີດ
ກົວເຕມາລາ ຊິຕີ້ 13 ມີ.ຄ. – ພູເຂົາໄຟຟູເອໂກ ທາງພາກຕາເວັນຕົກສ່ຽງໃຕ້ຂອງກົວເຕມາລາເກີດການລະເບີດຂຶ້ນເມື່ອວານນີ້ ພົ່ນເອົາຂີ້ເຖົ່າແລະລາວາໄຫລອອກມາຈາກປາກປ່ອງພູເຂົາໄຟ ເຈົ້າໜ້າທີ່ຕ້ອງສັ່ງອົບພະຍົບປະຊາຊົນທີ່ຢູ່ໃນບໍລິເວນໃກ້ຄຽງອອກໄປຢູ່ໃນທີ່ປອດໄພເນື່ອງຈາກມີຄວາມສ່ຽງວ່າພູເຂົາໄຟຈະລະເບີດຢ່າງຕໍ່ເນື່ອງ. ພູເຂົາໄຟຟູເອໂກເປັນໜຶ່ງໃນພູເຂົາໄຟທີ່ມີການເຄື່ອນໄຫວຮຸນແຮງທີ່ສຸດໃນພູມິພາກອາເມລິກາກາງ ແລະ ມີປະຫວັດການລະເບີດຫຼາຍຄັ້ງໃນຊ່ວງ 10 ປີທີ່ຜ່ານມາ, ໂດຍຄັ້ງຮຸນແຮງທີ່ສຸດເກີດຂຶ້ນເມື່ອປີ 2561 ຊຶ່ງເຮັດໃຫ້ມີຜູ້ເສຍຊີວິດໄປກວ່າ 190 ຄົນ.
ເຫດຈັບຜູ້ໂດຍສານລົດໄຟເປັນຕົວປະກັນໃນປາກີສະຖານຍັງບໍ່ຍຸຕິ
ອິສລາມາບັດ 12 ມີນາ – ເຫດກຸ່ມແບ່ງແຍກດິນແດນໃນປາກີສະຖານຈັບຜູ້ໂດຍສານບົນຂະບວນລົດໄຟເປັນຕົວປະກັນເພື່ອກົດດັນໃຫ້ປ່ອຍຕົວນັກໂທດຕັ້ງແຕ່ມື້ວານນີ້ ຈົນຮອດຂະນະນີ້ສະຖານະການຍັງບໍ່ຍຸຕິ ໂດຍສາມາດຊ່ວຍຕົວປະກັນໄດ້ແລ້ວ 155 ຄົນ ແລະມີຕົວປະກັນຖືກສັງຫານແລ້ວ 27 ຄົນ ກອງກໍາລັງປົດປ່ອຍບາລ໊ອດຫຼືບີແອລເອ (BLA) ເຊິ່ງເປັນກຸ່ມແບ່ງແຍກດິນແດນໃນປາກີສະຖານອ້າງຕົວວ່າ ເປັນຜູ້ລົງມືວາງລະເບີດລາງລົດໄຟ ແລະບຸກຍຶດຂະບວນລົດໄຟໂດຍສານພ້ອມກັບຈັບຜູ້ໂດຍສານເປັນຕົວປະກັນເມື່ອຊ່ວງບ່າຍວັນອັງຄານ, ເປັນຂະບວນລົດດ່ວນຈາຟຟາຫ໌ ເອັກສ໌ເພຼສທີ່ເດີນທາງຈາກເມືອງເກຕຕາເມືອງເອກຂອງແຂວງບາໂລຈິສຖານທາງພາກຕາເວັນຕົກເພື່ອໄປຍັງເມືອງເປຊາວາໃນແຂວງໄຄເບີປັກຕຸນຄວາ ທາງພາກຕາເວັນຕົກສ່ຽງເໜືອ. ກຸ່ມບີແອລເອຮຽກຮ້ອງໃຫ້ທາງການປ່ອຍຕົວນັກໂທດແລະນັກເຄື່ອນໄຫວຂອງທາງກຸ່ມທີ່ຖືກຄຸມຂັງຢູ່ໃນເຮືອນຈໍາພາຍໃນເວລາ 48 ຊົ່ວໂມງ ແລະຫ້າມທະຫານປະຕິບັດການຕອບໂຕ້ ບໍ່ດັ່ງນັ້ນຈະລົງມືສັງຫານຕົວປະກັນ ທະຫານປາກີສະຖານ ກຸ່ມບີແອລເອອ້າງວ່າ ຈັບຕົວປະກັນໄວ້ 214 ຄົນ ຂະນະທີ່ເຈົ້າໜ້າທີ່ທາງການເປີດເຜີຍວ່າ ມີຜູ້ໂດຍສານບົນລົດໄຟທັງໝົດ 425 ຄົນ, ຍັງບໍ່ຮູ້ຈໍານວນກຸ່ມຄົນຮ້າຍ ແລະມີຄົນຖືກສັງຫານແລ້ວ 27 ຄົນນັບຈົນຮອດມື້ນີ້. ຫຼ້າສຸດມີຕົວປະກັນໄດ້ຮັບການຊ່ວຍເຫຼືອແລ້ວ 155 ຄົນ ແລະທາງການຍັງຄົງຊອກຫາທາງຊ່ວຍຕົວປະກັນທີ່ເຫຼືອຕໍ່ໄປ.
ອະດີດຜູ້ນຳຟິລິບປິນ ດູແຕຣ໌ເຕ ຖືກຈັບກຸມຫຼັງສານອາຍາລະຫວ່າງປະເທດອອກໝາຍຈັບ
ຕຳຫຼວດຟິລິບປິນຈັບກຸມອະດີດປະທານາທິບໍດີໂຣດຣິໂກ ດູແຕຣ໌ເຕ ຫຼັງຈາກສານອາຍາລະຫວ່າງປະເທດ (International Criminal Court – ICC) ອອກໝາຍຈັບໃນຂໍ້ຫາກໍ່ອາຊະຍາກຳຕໍ່ມະນຸດຊາດ ຈາກ “ສົງຄາມປາບປາມຢາເສບຕິດ” ທີ່ເຮັດໃຫ້ມີຜູ້ເສຍຊີວິດຈຳນວນຫຼາຍ ດູແຕຣ໌ເຕຖືກຕຳຫຼວດຄວບຄຸມຕົວທີ່ທ່າສະໜາມບິນນານາຊາດໃນກຸງມະນິລາບໍ່ດົນຫຼັງຈາກເດີນທາງມາຈາກຮ່ອງກົງ. ປະຕິບັດການປາບປາມຢາເສບຕິດຢ່າງເຂັ້ມຂຸ້ນຂອງລາວໃນຊ່ວງທີ່ດຳລົງຕຳແໜ່ງປະທານາທິບໍດີຟິລິບປິນລະຫວ່າງປີ 2016 – 2022 ເຮັດໃຫ້ມີຜູ້ເສຍຊີວິດຫຼາຍພັນຄົນ. ຜູ້ນຳໄວ 79 ປີລາຍນີ້ເຄີຍກ່າວໄວ້ກ່ອນໜ້ານີ້ວ່າ ລາວພ້ອມຈະເຂົ້າເຮືອນຈຳ ຫຼັງມີລາຍງານກ່ຽວກັບຄວາມເປັນໄປໄດ້ໃນການຖືກຈັບກຸມ. ດ້ານທ່ານຊັລວາດໍ ພາເນໂລ ອະດີດໂຄສົກປະທານາທິບໍດີຂອງດູແຕຣ໌ເຕ ໄດ້ອອກມາໂຈມຕີການຈັບກຸມດັ່ງກ່າວວ່າເປັນການກະທຳທີ່ “ຜິດກົດໝາຍ” ໂດຍອ້າງວ່າຟິລິບປິນໄດ້ຖອນຕົວຈາກ ICC ແລ້ວ.
ເກົາຫຼີເໜືອທົດສອບຂີປະນາວຸດຫຼັງຈາກກ່າວໂຈມຕີການຝຶກຊ້ອມຮົບເກົາຫຼີໃຕ້-ສະຫະລັດ
ໂຊລ 10 ມີນາ – ເກົາຫຼີເໜືອທົດສອບຍິງຂີປະນາວຸດຫຼາຍລູກໃນມື້ນີ້ ຫຼັງຈາກທີ່ກ່ອນໜ້ານີ້ບໍ່ເທົ່າໃດຊົ່ວໂມງ ອອກຖະແຫຼງການປະນາມກອງທັບເກົາຫຼີໃຕ້ ແລະ ສະຫະລັດທີ່ເປີດສາກການຊ້ອມຮົບຮ່ວມທີ່ລັດຖະບານປຽງຢາງເອີ້ນວ່າເປັນ “ການກະທຳຍົວະຍຸທີ່ເປັນອັນຕະລາຍ” ຊຶ່ງ ສ່ຽງທີ່ຈະຈຸດຊະນວນໃຫ້ເກີດການປະເຊີນໜ້າໂດຍບໍ່ໄດ້ຕັ້ງໃຈ ກອງທັບເກົາຫຼີໃຕ້ກ່າວວ່າ ຂີປະນາວຸດຖືກຍິງອອກມາຈາກພູມິພາກທາງຕາເວັນຕົກຂອງເກົາຫຼີເໜືອໄປຍັງທະເລເຫຼືອງ. ການທົດສອບຍິງຂີປະນາວຸດຄັ້ງນີ້ຖືເປັນຄັ້ງທຳອິດທີ່ມີລາຍງານອອກມານັບຕັ້ງແຕ່ປະທານາທິບໍດີໂດນັລ ທຣຳ ຮັບຕຳແໜ່ງຜູ້ນຳສະຫະລັດເມື່ອເດືອນມັງກອນທີ່ຜ່ານມາ. ການຊ້ອມຮົບຮ່ວມປະຈຳປີລະຫວ່າງເກົາຫຼີໃຕ້ກັບສະຫະລັດໃນຊື່ລະຫັດ “ຟຣີດອມ ຊີລດ໌” (Freedom Shield) ຈະດຳເນີນໄປຮອດວັນທີ 20 ມີນາຄົມ. ການຝຶກຍິງດ້ວຍການໃຊ້ກະສຸນຈິງຖືກລະງັບໄປຫຼັງຈາກທີ່ເຄື່ອງບິນຂັບໄລ່ຂອງເກົາຫຼີໃຕ້ຖິ້ມລະເບີດຜິດເປົ້າໝາຍໄປຕົກໃນເມືອງທີ່ມີພົນລະເຮືອນອາໄສຢູ່ໃກ້ກັບບໍລິເວນຊາຍແດນຕິດກັບເກົາຫຼີເໜືອເມື່ອອາທິດທີ່ແລ້ວ ເຮັດໃຫ້ມີຜູ້ໄດ້ຮັບບາດເຈັບ 29 ຄົນ. ເກົາຫຼີເໜືອມັກຈະຮຽກຮ້ອງໃຫ້ຍົກເລີກການຊ້ອມຮົບຮ່ວມລະຫວ່າງເກົາຫຼີໃຕ້ກັບສະຫະລັດ ໂດຍລະບຸວ່າເປັນການກຽມການສຳລັບການບຸກລຸກເກົາຫຼີເໜືອ. ໃນຂະນະທີ່ກອງທັບເກົາຫຼີໃຕ້ກ່າວວ່າ ການຊ້ອມຮົບມີເປົ້າໝາຍໃນການກຽມຄວາມພ້ອມຮ່ວມກັບພັນທະມິດເພື່ອຮັບມືໄພຂົ່ມຂູ່ ເຊັ່ນເກົາຫຼີເໜືອ.
ຍີ່ປຸ່ນຂາດແຄນພະນັກງານປະຈຳຄັ້ງໃຫຍ່
ໂຕກຽວ 9 ມີ.ຄ.- ຜົນສຳຫຼວດພາກເອກະຊົນພົບວ່າ ບໍລິສັດຍີ່ປຸ່ນກຳລັງຂາດແຄນພະນັກງານປະຈຳຄັ້ງຮ້າຍແຮງທີ່ສຸດໃນຮອບເກືອບ 5 ປີ ເວັບໄຊສຳນັກຂ່າວເກຍໂດຂອງຍີ່ປຸ່ນລາຍງານຜົນການສຳຫຼວດຂອງບໍລິສັດເທໂກກຸ ດາຕ້າແບັງວ່າ ໃນບັນດາ 11,000 ບໍລິສັດທີ່ຕອບແບບສອບຖາມເມື່ອເດືອນມັງກອນ 2568 ມີບໍລິສັດຮ້ອຍລະ 53.4 ຕອບວ່າກຳລັງຕ້ອງການພະນັກງານປະຈຳເພີ່ມຂຶ້ນ ຖືເປັນຕົວເລກທີ່ສູງສຸດນັບຈາກເດືອນເມສາ 2563 ແລະ ໃກ້ແຕະສະຖິຕິສູງສຸດທີ່ຮ້ອຍລະ 53.9 ໃນການສຳຫຼວດເມື່ອເດືອນພະຈິກ 2561 ທຸລະກິດທີ່ຕ້ອງການພະນັກງານປະຈຳຫຼາຍທີ່ສຸດ ຄື ທຸລະກິດບໍລິການຂ່າວສານທີ່ຂາດແຄນວິສະວະກອນລະບົບ ຕາມດ້ວຍທຸລະກິດກໍ່ສ້າງ ຂະນະທີ່ບໍລິສັດຮ້ອຍລະ 30.6 ເປີດເຜີຍວ່າ ຂາດແຄນພະນັກງານພາທໄທມ໌ ໂດຍພົບວ່າທຸລະກິດຈັດຫາຄົນເຮັດວຽກຂາດແຄນພະນັກງານພາທໄທມ໌ຫຼາຍທີ່ສຸດ ແລະ ຫຼາຍກວ່າທຸລະກິດຮ້ານອາຫານ ບໍລິສັດຮ້ອຍລະ 68.1 ທີ່ປະສົບບັນຫາຂາດແຄນຄົນເຮັດວຽກເປີດເຜີຍວ່າ ມີແຜນຈະຂຶ້ນເງິນເດືອນພະນັກງານປະຈຳໃນປີການເງິນ 2568 ທີ່ຈະເລີ່ມຕັ້ງແຕ່ເດືອນເມສາ ຫວັງຈູງໃຈພະນັກງານທີ່ມີຢູ່ໃຫ້ເຮັດວຽກກັບບໍລິສັດຕໍ່ໄປ.
ອົດສະຕຣາລີປະສົບກັບນ້ຳຖ້ວມໃນຂະນະທີ່ພາຍຸກຳລັງຈະຂຶ້ນຝັ່ງ
ບຣິສເບນ 8 ມີ.ຄ. – ພື້ນທີ່ທາງຕາເວັນອອກສຽງໃຕ້ຂອງອົດສະຕຣາລີປະເຊີນກັບສະຖານະການນ້ຳຖ້ວມຈາກອິດທິພົນຂອງພາຍຸໄຊໂຄລນອັລເຟຣດ (Alfred) ເຊິ່ງຫຼ້າສຸດອ່ອນກຳລັງລົງເປັນພາຍຸໂຊນຮ້ອນ ແລະ ກຳລັງຈະພັດຂຶ້ນຝັ່ງໃນມື້ນີ້ ພາບດາວທຽມເຫັນພາຍຸອ່ອນກຳລັງລົງ ເຄຣດິດຮູບ: CSU/CIRA & JMA/JAXA ເດີມຄາດກັນວ່າ ອັລເຟຣດຈະເປັນພາຍຸໄຊໂຄລນລູກທຳອິດນັບຕັ້ງແຕ່ປີ 2517 ທີ່ພັດເຂົ້າມາຊາຍຝັ່ງຕາເວັນອອກຂອງອົດສະຕຣາລີໃກ້ເມືອງບຣິສເບນ ເມືອງເອກຂອງລັດຄວີນສ໌ແລນດ໌ ແຕ່ພາຍຸໄດ້ອ່ອນກຳລັງລົງໃນເຊົ້າມື້ນີ້ ກາຍເປັນພາຍຸໂຊນຮ້ອນທີ່ມີຄວາມໄວລົມສູງສຸດໃກ້ສູນກາງບໍ່ເຖິງ 63 ກິໂລແມັດຕໍ່ຊົ່ວໂມງ ແລະ ໄດ້ເຮັດໃຫ້ນ້ຳຖ້ວມເມືອງລິສມອຣ໌ ໃນລັດນິວເຊົາເວລສ໌ ຂະນະທີ່ພັດຜ່ານບໍລິເວນໝູ່ເກາະນອກຊາຍຝັ່ງລັດຄວີນສ໌ແລນດ໌ເມື່ອຊ່ວງຂ້າມຄືນທີ່ຜ່ານມາ ຄາດວ່າພາຍຸຈະພັດຂຶ້ນຝັ່ງແຜ່ນດິນໃຫຍ່ໃນອີກບໍ່ເທົ່າໃດຊົ່ວໂມງຂ້າງໜ້າ ເຖິງຢ່າງໃດກໍຕາມ ກະແສລົມແຮງໄດ້ເຮັດໃຫ້ຕົ້ນໄມ້ຫັກໂຄ່ນ ແລະ ເສົາໄຟຟ້າໂຄ່ນຈຳນວນຫຼາຍ ສົ່ງຜົນໃຫ້ປະຊາຊົນປະມານ 250,000 ຄົນບໍ່ມີໄຟຟ້າໃຊ້ ຂະນະທີ່ຫຼາຍພັນຄົນຕ້ອງອົບພະຍົບ ທາງການມີຄຳເຕືອນໃຫ້ປະຊາຊົນຢູ່ກັບບ້ານໃນຊ່ວງນີ້ ຄາດວ່າສະຖານະການຈະຮ້າຍແຮງລົງອີກເມື່ອພາຍຸພັດຂຶ້ນຝັ່ງເຊິ່ງຈະສົ່ງຜົນກະທົບຮຸນແຮງຕະຫຼອດຊ່ວງທ້າຍສັບປະດານີ້ ຫຼື ອາດຈະຫຼາຍມື້ຫຼັງຈາກນີ້ທັງໃນລັດຄວີນສ໌ແລນດ໌ ແລະ ລັດນິວເຊົາເວລສ໌ ຂະນະທີ່ສະໜາມບິນບຣິສເບນຍັງຄົງປິດການ ໂຮງຮຽນເກືອບ 1,300 ແຫ່ງ ໃນລັດຄວີນສ໌ແລນດ໌ ແລະ ນິວເຊົາເວລສ໌ຕ້ອງປິດຮຽນ ເຖິງຢ່າງໃດກໍຕາມ ຂະນະນີ້ຍັງບໍ່ມີລາຍງານຜູ້ເສຍຊີວິດ
ສານເກົາຫຼີໃຕ້ສັ່ງປ່ອຍຕົວປະທານາທິບໍດີ
ທີ່ໂຊ, 7 ມີນາ – ສານເກົາຫຼີໃຕ້ໄດ້ສັ່ງໃຫ້ປ່ອຍຕົວປະທານາທິບໍດີຢຸນ ຊອກ ຍອນ ຜູ້ທີ່ຖືກສະພາລົງມະຕິຖອດຖອນຈາກຕຳແໜ່ງ ຈາກສະຖານທີ່ຄວບຄຸມຕົວໃນມື້ນີ້ ຫຼັງຈາກສານຍອມຮັບຄຳຂໍຂອງເພິ່ນໃຫ້ຍົກເລີກການຈັບກຸມຈາກການທີ່ເພິ່ນປະກາດກົດໄອຍະການເປັນໄລຍະເວລາສັ້ນໆ ທ່ານຢຸນ ຖືກຄຸມຕົວໄວ້ທີ່ສູນກັກກັນຕົວໃນເມືອງອຶຍວັງ (Uiwang) ທາງໃຕ້ຂອງນະຄອນຫຼວງໂຊ ຕັ້ງແຕ່ເຈົ້າໜ້າທີ່ສືບສວນນຳເພິ່ນໄປກັກຂັງໄວ້ທີ່ສູນແຫ່ງນີ້ເມື່ອວັນທີ 15 ມັງກອນ ໃນຂໍ້ຫາຍຸຍົງໃຫ້ເກີດການກະບົດຈາກການທີ່ເພິ່ນປະກາດກົດໄອຍະການເມື່ອວັນທີ 3 ທັນວາປີທີ່ແລ້ວ ສານແຂວງກາງນະຄອນຫຼວງໂຊ ກ່າວວ່າ ໄດ້ອະນຸມັດຕາມຄຳຂໍຂອງທ່ານຢຸນ ເມື່ອເດືອນກຸມພາ ທີ່ໃຫ້ຍົກເລີກການຈັບກຸມແລະໃຫ້ປ່ອຍຕົວເພິ່ນເປັນອິດສະຫຼະ ຫຼັງຈາກວິນິດໄສແລ້ວເຫັນວ່າການຕັ້ງຂໍ້ຫາກໍ່ກະບົດ ເມື່ອວັນທີ 26 ມັງກອນ ທີ່ອະນຸຍາດໃຫ້ຂະຫຍາຍການຄວບຄຸມຕົວເພິ່ນ ເກີດຂຶ້ນຫຼັງຈາກທີ່ຊ່ວງເວລາໃນການຄວບຄຸມຕົວເພິ່ນໝົດອາຍຸໄປຮຽບຮ້ອຍແລ້ວຫຼາຍຊົ່ວໂມງ ສານຍັງເຫັນພ້ອງຕາມທ່ານຢຸນ ທີ່ຕັ້ງຄຳຖາມກ່ຽວກັບຄວາມຂອບດ້ວຍກົດໝາຍໃນການສືບສວນເພິ່ນໂດຍສຳນັກງານກວດສອບການທຸຈະລິດຂອງເຈົ້າໜ້າທີ່ລະດັບສູງ ໃນຂໍ້ກ່າວຫາເລື່ອງກໍ່ກະບົດ ຊຶ່ງຢູ່ນອກເໜືອຂອບເຂດການສືບສວນຂອງໜ່ວຍງານແຫ່ງນີ້ ຫາກໄດ້ຮັບການປ່ອຍຕົວ ທ່ານຢຸນຈະມາຂຶ້ນສານໄດ້ໂດຍບໍ່ຕ້ອງມີການຄວບຄຸມຕົວເພິ່ນ ທະນາຍຄວາມຂອງທ່ານຢຸນກ່າວວ່າ ທ່ານຢຸນອາດຈະຍັງບໍ່ໄດ້ປ່ອຍຕົວໃນທັນທີ ເນື່ອງຈາກໄອຍະການສາມາດອຸທອນຄຳສັ່ງຂອງສານໄດ້ ສານລັດຖະທຳມະນູນຄາດວ່າຈະຕັດສິນວ່າຈະຖອດຖອນເພິ່ນຈາກຕຳແໜ່ງຫຼືບໍ່ໃນໄວໆນີ້