ການຄ້ານະຄອນຫຼວງວຽງຈັນ ອອກແຈ້ງການໃຫ້ເອົາໃສໃນການຊື້-ຂາຍ ຜ່ານທາງອອນລາຍ
ການຄ້ານະຄອນຫຼວງວຽງຈັນ ອອກແຈ້ງການໃຫ້ເອົາໃສໃນການຊື້-ຂາຍ ແລະ ຊົມໃຊ້ການບໍລິການຜ່ານທາງອອນລາຍ ໃຫ້ມີຄວາມຮັບປະກັນຜົນປະໂຫຍດທັງຜູ່ຊື້ ແລະ ຜູ່ຂາຍ.
ພະແນກອຸດສາຫະກໍາແລະການຄ້າ ນະຄອນຫຼວງວຽງຈັນ ອອກແຈ້ງການວັນທີ 12 ເມສາ 2023 ເຖິງບຸກຄົນ, ນິຕິບຸກຄົນ ຫຼື ການຈັດຕັ້ງ ທີ່ດຳເນີນການຄ້າຂາຍ ຫຼື ຊື້, ຊົມໃຊ້ ສິນຄ້າ ຫຼື ການບໍລິການຜ່ານທາງເອເລັກໂຕຣນິກ ໃນທົ່ວນະຄອນຫຼວງວຽງຈັນ, ເລື່ອງໃຫ້ເອົາໃຈໃສ່ໃນການຊື້-ຂາຍ ແລະ ຊົມໃຊ້ການບໍລິການຜ່ານທາງເອເລັກໂຕຣນິກ ໃຫ້ມີຄວາມຮັບປະກັນຜົນປະໂຫຍດທັງຜູ່ຊື້ ແລະ ຜູ່ຂາຍ.
ອີງຕາມ ກົດໝາຍວ່າດ້ວຍ ການປົກປ້ອງຜູ້ຊົມໃຊ້ ສະບັບເລກທີ 02 / ສພຊ, ລົງວັນທີ 30 ມີຖຸນາ 2010. ອີງຕາມ ດຳລັດວ່າດ້ວຍ ການຄ້າທາງເອເລັກໂຕຣນິກ ສະບັບເລກທີ 296 / ລບ, ລົງວັນທີ 12 ເມສາ 2021.
ອີງຕາມ ຂໍ້ຕົກລົງວ່າດ້ວຍ ການປະຕິບັດວຽກງານກວດກາການຄ້າ ສະບັບເລກທີ 1499/ອຄ.ກຄພນ, ລົງວັນທີ08 ກັນຍາ 2017 ແລະ ອີງຕາມ ໜັງສືທາງລັດຖະການ ຂອງຫ້ອງວ່າການນະຄອນຫຼວງວຽງຈັນ ສະບັບເລກທີ 397 / ຫວນວ. ລົງວັນທີ 2 ມີນາ 2023.
ການຊື້-ຂາຍ ແລະ ການຊົມໃຊ້ການບໍລິການຜ່ານທາງເອເລັກໂຕຣນິກ ໄດ້ມີບົດບາດເຂົ້າມາໃນລະບົບການຄ້າ-ຂາຍຢ່າງກວ້າງຂວາງ ແລະ ໄວວາ ຢູ່ໃນນະຄອນຫຼວງວຽງຈັນ, ຊຶ່ງເປັນພາກສ່ວນການບໍລິການໜຶ່ງທີ່ສຳຄັນໃນການພັດທະນາເສດຖະກິດ-ສັງຄົມ ເຮັດໃຫ້ເສດຖະກິດມີການຂະຫຍາຍຕົວ, ພ້ອມກັນນັ້ນກໍເປັນເງື່ອນໄຂສະດວກໃຫ້ແກ່ຜູ່ຊື້
ແລະ ຜູ່ຂາຍ ໄດ້ພົບກັນໃນຊ່ອງທາງເອເລັກໂທຣນິກ, ຄຽງຄູ່ກັນນັ້ນ ການບໍລິການຜ່ານຊ່ອງທາງດັ່ງກ່າວ ເນື່ອງຈາກບໍ່ໄດ້ພົບປະຊ່ອງໜ້າກັນ ແລະ ເບີ່ງສິນຄ້າຕົວຈິງ ເຮັດໃຫ້ເກີດມີສະພາບການສະເໜີຜ່ານສາຍດ່ວນ 1510 ເພີ່ມຂຶ້ນ ເຊັ່ນ: ສິນຄ້າບໍ່ມີຄຸນນະພາບ, ບໍ່ຕົງກັບການໂຄສະນາ, ຊື້-ຂາຍກັນແລ້ວ ມີບັນຫາເກີດຂຶ້ນກໍບໍ່ສາມາດພົວພັນໄດ້, ຈຶ່ງມີຄວາມຈຳເປັນໃນການແກ້ໄຂ ແລະ ຮ່ວມມືກັນ ເພື່ອໃຫ້ໄດ້ຮັບຜົນປະໂຫຍດທັງຜູ່ຊື້-ຜູ່ຂາຍ.
