ວັນທີ 19 ເມສາ 2025 ກ້ອນກໍາລັງສວນສະໜາມກອງທັບປະຊາຊົນລາວໄດ້ເດີນທາງມາຮອດດ່ານສາກົນລາວບາວ ສສ ຫວຽດນາມ ເພື່ອເຂົ້າຮ່ວມພິທີສະເຫຼີມສະຫຼອງ ວັນປົດປ່ອຍພາກໃຕ້ຫວຽດນາມ ຄົບຮອບ 50 ປີ ຢູ່ນະຄອນໂຮ່ຈີມິນ ສສ ຫວຽດນາມ ໃນ ວັນທີ 30 ເມສາ 2025 ທີ່ຈະມາເຖີງນີ້;

 

ຝ່າຍລາວນຳໂດຍ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11 ພ້ອມຄະນະ, ຝ່າຍຫວຽດນາມນຳໂດຍ ສະຫາຍ ພັນເອກ ຟານຮູ້ຍ ຕຽບ ຮອງຫົວໜ້າກົມທະຫານຊາຍແດນຫວຽດນາມ,

 

ໂອກາດນີ້ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11 ພ້ອມຄະນະ ກໍໄດ້ສະແດງຄວາມຂອບອົກຂອບໃຈ ສະຫາຍ ຟານຮູ້ຍ ຕຽບ ທີ່ໃຫ້ການຕ້ອນຮັບຢ່າງອົບອຸ່ນ ພ້ອມໃຫ້ຄໍາໝັ້ນສັນຍາວ່າ ຈະທຸ້ມເທ່ທຸກເຫື່ອແຮງ ນໍາພາ-ຊີ້ນໍາກ້ອນກໍາລັງສວນສະໜາມກອງທັບປະຊາຊົນລາວທີ່ຈະເຂົ້າຮ່ວມເດີນຂະບວນສວນສະໜາມໃນພິທີສະເຫຼີມສະຫຼອງວັນປົດປ່ອຍພາກໃຕ້ຫວຽດນາມຄົບຮອບ 50 ປີ ໃຫ້ສຳເລັດຕາມການຈັດຕັ້ງຂັ້ນເທິງມອບໝາຍໃຫ້ໄດ້ຮັບໝາກຜົນສູງ.

 

ໃນເວລາຕໍ່ມາຄະນະກ້ອນກຳລັງສວນສະໜາມກອງທັບປະຊາຊົນລາວ ກໍໄດ້ເດີນທາງມາຮອດນະຄອນໂຮ່ຈີມິນ ສສ ຫວຽດນາມ ໂດຍການຕ້ອນຮັບຂອງສະຫາຍ ພັນເອກ ດິ້ງ ຈ້ອງ ເກີ ຮອງຫົວໜ້າກອງບັນຊາການທະຫານແຂວງ ບິງ ເຊື່ອງ ຕື່ມອີກ.

 

 

 

 

 

 

 

 

 

 

ສະແດງຄຳຄິດເຫັນ