343740372_765088138492667_6593646190167824858_n
ໜ່ວຍປະສານງານ ຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດຄຳມ່ວນ-ນະຄອນພະນົມປະຊຸມຮ່ວມຄັ້ງທີ 2
ຮຽບຮຽງໂດຍ:ວຽງຈັນໂພສຕ໌
ເຜີຍແຜ່: 30 ເດືອນເມສາ, 2023

ການຢູ່ຮ່ວມກັນ ບົນຜືນດິນຕໍ່ແຜ່ນຄວາມສາມັກຄີຮ່ວມມືກັນ ແມ່ນມີຄວາມສຳຄັນ ແລະຈຳເປັນທີ່ສຸດ ເພື່ອເປັນເຈົ້າການເຝົ້າລະວັງຕໍ່ກຸ່ມຄົນບໍ່ຫວັງດີທີ່ກໍ່ຄວາມບໍສະຫງົບຕາມແນວຊາຍແດນໃຫ້ສະຫງົບປອດໄພ.

ກອງປະຊຸມພົບປະແລກປ່ຽນສະພາບ ຄັ້ງທີ II ປະຈຳປີ 2023 ລະຫວ່າງຄະນະຜູ້ແທນ ໜ່ວຍປະສານງານ ຕ້ານ, ສະກັດກັ້ນ ແລະ ແກ້ໄຂບັນຫາຢາເສບຕິດ ແຂວງຄຳມ່ວນ ສປປ ລາວ ກັບ ຈັງຫວັດນະຄອນພະນົມ (ຣາຊາອານາຈັກໄທ) ໄດ້ຈັດຂຶ້ນໃນວັນທີ 26 ເມສາ 2023 ທີ່ຜ່ານມາ, ເຊິ່ງແຂວງຄຳມ່ວນເປັນເຈົ້າພາບ, ຝ່າຍລາວ ມີ ທ່ານ ພັອ. ບຸນເລີດ ບຸບຜາວັນ ຫົວໜ້າການທະຫານ ກອງບັນຊາການທະຫານແຂວງຄຳມ່ວນ ພ້ອມດ້ວຍຄະນະພັກ, ຄະນະບັນຊາ ກຳລັງປ້ອງກັນຊາດ – ປ້ອງກັນຄວາມສະຫງົບແຂວງ, ຝ່າຍໄທ ມີທ່ານ ພັອ. ວໍລະວຸດ ສຳລານ ຜູ້ບັງຄັບການ ກອງບັງຄັບການຄວບຄຸມທີ I ກອງກຳລັງສຸລະສັກມົນຕີ ( ກົມທະຫານຮາບທີ 3 ) ພ້ອມດ້ວຍຄະນະ, ມີພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ.

ກອງປະຊຸມຄັ້ງນີ້ ຄະນະຜູ້ແທນທັງສອງຝ່າຍ ຕ່າງກໍ່ໄດ້ຜັດປ່ຽນກັນ ຂຶ້ນລາຍງານສະພາບການເຄື່ອນໄຫວ ແລະ ການຈັດຕັ້ງປະຕິບັດວຽກງານໃນໄລຍະຜ່ານມາ ແລະ ທິດທາງແຜນການໃນຕໍ່ໜ້າ ໂດຍໄດ້ປຶກສາຫາລືຮ່ວມກັນ, ອະທິບາຍຊີ້ແຈ້ງບາງເຫດການທີ່ເກີດຂຶ້ນລຽບຕາມບໍລິເວນຊາຍແດນ ໃຫ້ຄະນະໜ່ວຍປະສານງານປະຈໍາພື້ນທີ່ຊາຍແດນ ລາວ – ໄທ,ໄທ – ລາວ ເພື່ອຮັບຮູ້ ແລະ ຄົ້ນຄວ້າຫາວິທີແກ້ໄຂຮ່ວມກັນ ເພື່ອເຮັດໃຫ້ຊາຍແດນມີຄວາມສະຫງົບ, ມີຄວາມເປັນລະບຽບຮຽບຮ້ອຍ ຢູ່ລຽບຕາມບໍລິເວນຊາຍແດນ ແຂວງຄຳມ່ວນ ແລະ ຈັງຫວັດນະຄອນພະນົມ ເວົ້າລວມ, ເວົ້າສະເພາະ ແມ່ນເພື່ອເປັນການຄວບຄຸມ, ສະກັດກັ້ນ, ປາບປາມ ແລະ ແກ້ໄຂບັນຫາຢາເສບຕິດລຽບຕາມພື້ນທີ່ຊາຍແດນໃຫ້ມີຄວາມສະຫງົບປອດໄພ.

ຈຸດປະສົງຂອງການຈັດກອງປະຊຸມຄັ້ງນີ້ ເພື່ອສ້າງຄວາມເຂົ້າໃຈ ແລະ ແນວທາງການຮ່ວມມື ແລະ ກໍານົດການປະຕິບັດໜ້າທີ່ຕ່າງໆ ໃຫ້ມີຄວາມສອດຄ່ອງເຊິ່ງກັນ ແລະ ກັນ ໄປສູ່ການຮ່ວມມືໃນການແກ້ໄຂບັນຫາຢາເສບຕິດ ຕາມຊາຍແດນລາວ – ໄທ ໃຫ້ເກີດມີປະສິດຕິພາບໃນຂອບເຂດດັ່ງກ່າວ, ແນໃສ່ເຮັດໃຫ້ຊາຍແດນທັງສອງປະເທດມີສະຖຽນລະພາບ, ມີຄວາມສະຫງົບ, ມີຄວາມເປັນລະບຽບຮຽບຮ້ອຍ.

ກອງປະຊຸມທັງສອງຝ່າຍຍັງໄດ້ລົງນາມເຊັນບົດບັນທຶກຮ່ວມກັນ ໃນການປະຕິບັດງານ ປີ 2023 ໃຫ້ມີການພົບປະປຶກສາຫາລືຮ່ວມກັນຢ່າງເປັນທາງການ ລະຫວ່າງໜ່ວຍປະສານງານປະຈໍາພື້ນທີ່ຊາຍແດນລາວ – ໄທ, ໄທ – ລາວ ໂດຍຜັດປ່ຽນກັນເປັນເຈົ້າພາບ ທັງສອງຝ່າຍເຫັນດີເປັນເອກະພາບດຳເນີນການລາດຕະເວນຮ່ວມກັນ, ເຫັນດີເປັນເອກະພາບຈັດກອງປະຊຸມພົບປະແລກປ່ຽນສະພາບ ແລະ ຖອດຖອນບົດຮຽນຮ່ວມກັນ, ສືບຕໍ່ເປັນເຈົ້າການປະສານງານຮ່ວມມືແລກປ່ຽນຂໍ້ມູນຂ່າວສານ ບັນດາເປົ້າໝາຍການຄ້າຂາຍທີ່ຜິດຕໍ່ລະບຽບກົດໝາຍ ແລະ ບັນຫາອື່ນໆອີກຈໍານວນໜຶ່ງ. ໃນໂອກາດດັ່ງກ່າວ ຄະນະຜູ້ແທນທັງສອງຝ່າຍ ກໍ່ໄດ້ແລກປ່ຽນກັນມອບຂອງຂວັນເພື່ອເປັນທີ່ລະນຶກຮ່ວມກັນຕື່ມອີກ.

ຂ່າວຈາກ: ແຂວງຄຳມ່ວນ

ສະແດງຄຳຄິດເຫັນ

ຂ່າວມາໃໝ່ 
1
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
2
ຈີນ​ພັດ​ທະ​ນາ​​ແຫຼ່ງ​ພະ​ລັງ​ງານ​ສະ​ອາດ ແລະ ພະ​ລັງ​ງານ​ທົດ​ແທນ​ໃນ​ລາວ ພ້ອມ​ທັງສົ່ງ​ໄປຕ່າງ​ປະ​ເທດ​ຢ່າງ​​ຫຼາກຫຼາຍ​​ 
2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
2
ກົມທີ່ດິນ ບໍ່ອະນຸຍາດອອກໃບຕາດິນໃໝ່ໃຫ້ຜູ້ຊື້ສິດນຳໃຊ້ທີ່ດິນຈາກການຈັດສັນທີ່ດິນແບ່ງຂາຍເປັນຕອນ
2
ກະຊວງ ອຸດສາຫະກຳ ແລະ ການຄ້າ ແຈ້ງປັບຂຶ້ນລາຄານ້ຳມັນເຊື້ອໄຟທຸກປະເພດ ເລີ່ມປະຕິບັດ 06:00 ໂມງຂອງມື້ນີ້
2
ປີນີ້ແຂວງວຽງຈັນຈະແກ້ໄຂຄອບຄົວທຸກຍາກ ໃຫ້ໄດ້ 1.600 ຄອບຄົວ
2
ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມ ກອງປະຊຸມ ເວທີປຶກສາຫາລືອະນາຄົດ ອາຊຽນ
2
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ
2
ໄທ ກວດພົບຜູ້ຕິດເຊື້ອພະຍາດໂຄວິດ-19ເພີ່ມຂຶ້ນຢ່າງຫລວງຫລາຍຫລັງບຸນສົງການ
2
ສະຫລົດ! ມີຜູ້ເສຍຊີວິດ 33 ຄົນຈາກອຸບັດເຫດ ໃນໄລຍະບຸນປີໃໝ່ລາວ
ຢ່າລື່ມກົດຕິດຕາມ