ວັນທີ 25 ເມສາ 2023 ຜ່ານມາ, ຫົວໜ້າພະແນກອຸດສາຫະກໍາ ແລະ ການຄ້າ ແຂວງຈຳປາສັກ (ເຈົ້າໜ້າທີ່ທະບຽນວິສາຫະກິດ) ໄດ້ອອກແຈ້ງການເລກທີ 754/ພອຄ.ຈສ ເພື່ອແຈ້ງມາຍັງພາກສ່ວນຕ່າງໆທັງພາກລັດ ແລະ ເອກະຊົນ ໃນຂອບເຂດທົ່ວແຂວງ ຈໍາປາສັກ ແລະ ວິສາຫະກິດທີ່ຖືກຖອນໃບອະນຸຍາດດໍາເນີນທຸລະກິດ

ແລກປ່ຽນເງິນຕາຊາບ ວ່າ: ໃຫ້ໂຈະການເຄື່ອນໄຫວທຸລະກິດຕໍ່ວິສາຫະກິດທີ່ຖືກຖອນໃບອະນຸຍາດດໍາເນີນທຸລະກິດແລກປ່ຽນເງິນຕາ ຈໍານວນ 26 ຫົວໜ່ວຍ ຕາມສະໂນດນໍາສົ່ງຈາກ ສາຂາທະນາຄານແຫ່ງ ສປປ ລາວ ພາກໃຕ້ ແຂວງ ຈໍາປາສັກຄື:

ຮ້ານ ນາງເຢັນລີ ແລກປ່ຽນເງິນຕາ , ຮ້ານ ນາງ ບົວວັນ ແລກປ່ຽນເງິນຕາ , ຮ້ານ ນາງ ເກດສະໜາ ແລກປ່ຽນເງິນຕາ , ຮ້ານ ຈະເລີນຊັບ ແລກປ່ຽນເງິນຕາ
ຮ້ານ ມະໄລທອງ ແລກປ່ຽນເງິນຕາ , ຮ້ານ ສະນັ່ນ ແລກປ່ຽນເງິນຕາ , ຮ້ານ ປີຍະນຸດ ແລກປ່ຽນເງິນຕາ , ຮ້ານ ສົມໄມ ແລກປ່ຽນເງິນຕາ , ຮ້ານ ອາລິຕາ ແລກປ່ຽນເງິນຕາ

ຮ້ານ ຄໍາໝັ້ນ ແລກປ່ຽນເງິນຕາ , ຮ້ານ ນາງ ສີຟອງ ແລກປ່ຽນເງິນຕາ , ຮ້ານ ກັນທະນູສິນ ແລກປ່ຽນເງິນຕາ , ຮ້ານ ວິນັດ ແລກປ່ຽນເງິນຕາ , ຮ້ານ ທອນພູ ແລກປ່ຽນເງິນຕາ , ຮ້ານ ຄໍາວິເສດ ແລກປ່ຽນເງິນຕາ , ຮ້ານ ຄໍາປານ ແລກປ່ຽນເງິນ , ຮ້ານ ມະຫານະຄອນ ແລກປ່ຽນເງິນຕາ , ຮ້ານ ຂັນແກ້ວ ແລກປ່ຽນເງິນຕາ

ຮ້ານ ທອງສະໝຸດ ແລກປ່ຽນເງິນຕາ , ຮ້ານ ມະນີຄອນ ແລກປ່ຽນເງິນຕາ , ຮ້ານ ບາຣະມີ ແລກປ່ຽນເງິນຕາ , ຮ້ານ ພູຊຽງທອງ ແລກປ່ຽນເງິນຕາ , ຮ້ານ ສີໄລວົງ ແລກປ່ຽນເງິນຕາ , ຮ້ານ ຄໍາສີ ແລກປ່ຽນເງິນຕາ , ຮ້ານ ນາງແຜດ ແລກປ່ຽນເງິນຕາ , ຮ້ານ ຄຸນທະວີ ໄຊຊະນະ ແລກປ່ຽນເງິນຕາ.

ພ້ອມນີ້, ກໍຫ້າມໃຫ້ວິສາຫະກິດທີ່ຖືກໂຈະການເຄື່ອນໄຫວທຸລະກິດ ລວມທັງບຸກຄົນ, ນິຕິບຸກຄົນ ແລະ ການຈັດຕັ້ງນໍາເອົາໃບທະບຽນວິສາຫະກິດດັ່ງກ່າວໄປເຄື່ອນໄຫວທຸລະກິດຢ່າງເດັດຂາດ, ໃນກໍລະນີ ລະເມີດຈະຖືກປະຕິບັດຕາມມາດຕະການຕາມກົດໝາຍວ່າດ້ວຍວິສາຫະກິດ ແລະ ປະມວນກົດ ໝາຍອາຍາຢ່າງເຂັ້ມງວດ; ໃຫ້ວິສາຫະກິດທີ່ຖືກ

ໂຈະການເຄື່ອນໄຫວທຸລະກິດເຂົ້າມາພົວພັນກັບເຈົ້າໜ້າທີ່ທະບຽນວິສາຫະກິດ ບ່ອນທີ່ອອກໃບທະບຽນວິສາຫະກິດ ເພື່ອສະເໜີຍຸບເລິກວິສາຫະກິດ ຫລື ສະເໜີປ່ຽນແປງເນື້ອໃນທະບຽນວິສາຫະກິດ ຕາມຂັ້ນຕອນທີ່ໄດ້ກໍານົດໄວ້ໃນກົດໝາຍວ່າດ້ວຍວິສາຫະກິດ ພາຍໃນ ເວລາ 60 ວັນ, ວັນລັດຖະການ ນັບແຕ່ມື້ລົງລາຍເຊັນເປັນຕົ້ນໄປ;  ພາຍຫລັງ

ສິ້ນສຸດກໍານົດເວລາຕາມທີ່ກໍານົດໄວ້ຂ້າງເທິງນີ້,​ ຫາກວິສາຫະກິດບໍ່ເຂົ້າມາດໍາເນີນຕາມຂັ້ນຕອນໃດໜຶ່ງຂອງຂໍ້ດັ່ງກ່າວ, ເຈົ້າໜ້າທີ່ທະບຽນວິສາຫະກິດກ່ຽວຂ້ອງ ຈະຍ້າຍຂໍ້ມູນວິສາຫະກິດດັ່ງກ່າວໄປຢູ່ບັນຊີວິສາຫະກິດທີ່ບໍ່ເຄື່ອນໄຫວທຸລະກິດ. ວິສາຫະກິດທີ່ຖືກຍ້າຍຂໍ້ມູນນັ້ນຍັງມີພັນທະ ແລະ ຄວາມຮັບຜິດຊອບຕໍ່ໜີ້ສິນທັງໝົດດທີ່ເກີດຂຶ້ນ. ດັ່ງນັ້ນ, ຈຶ່ງແຈ້ງເພື່ອມາຊາບ ແລະ ປະຕິບັດຢ່າງເຂັ້ມງວດ.

ທີ່ມາ ໜັງສືພິມຈຳປາໃໝ່ 𝐂𝐡𝐚𝐦𝐩𝐚𝐦𝐚𝐢 𝐍𝐞𝐰𝐬𝐩𝐚𝐩𝐞𝐫

ສະແດງຄຳຄິດເຫັນ