ຂ່າວ-Tou-Vientianepost (6)
ຈັດພິທີເຊັນສັນຍາ ການຈັດຊື້ນໍ້າມັນເຊື້ອໄຟຮັບໃຊ້ກອງທັບ ປະຈໍາປີ 2023
ຮຽບຮຽງໂດຍ:Staff
ເຜີຍແຜ່: 2 ເດືອນພຶດສະພາ, 2023

ຂປລ. ເມື່ອບໍ່ດົນມນີ້, ກົມໃຫຍ່ພະລາທິການກອງທັບ ຈັດພິທີເຊັນສັນຍາການຈັດຊື້, ຈັດຈ້າງນໍ້າມັນເຊື້ອໄຟກອງທັບ ລະຫວ່າງ ກົມນໍ້າມັນເຊື້ອໄຟກົມໃຫຍ່ພະລາທິການກອງທັບ ກັບ ບໍລິສັດລັດ ວິສະຫະກິດນໍ້າເຊື້ອໄຟວຽງຈັນ ໂດຍອີງຕາມ ຂໍ້ຕົກລົງຂອງລັດຖະມົນກະຊວງປ້ອງກັນປະເທດ ສະບັບເລກທີ 2343/ກປທ, ລົງວັນທີ 10 ເມສາ 2023 ວ່າດ້ວຍການມອບສິດໃຫ້ ບໍລິສັດລັດວິສາຫະກິດ

ນໍ້າມັນເຊື້ອໄຟວຽງຈັນ, ຈັດຊື້ນໍ້າມັນເຊື້ອໄຟໃຫ້ກອງທັບປະຈໍາປີ 2023, ເພື່ອປະຕິບັດຕາມໜ້າທີ່, ພາລະບົດບາດຂອງຄະນະຈັດຊື້, ຈັດຈ້າງ ແລະ ຄວາມສໍາເລັດໃນໜ້າທີ່ການເມືອງໃນໄລຍະໃໝ່
ຈຸດປະສົງຂອງສັນຍາ, ຊະນິດນໍ້າມັນ ຈໍານວນ, ລາຄາ ແລະ ມູນຄ່າ, ຝ່າຍຂາຍ ແລະ ຝ່າຍຊື້ ໄດ້ຕົກລົງເຫັນດີ, ຊື້ນໍ້າມັນເຊື້ອໄຟ ເພື່ອຮັບໃຊ້ວຽກງານປ້ອງກັນຊາດ, ເຊິ່ງການເຊັນສັນຍາຮ່ວມກັນ

ລະຫວ່າງ ກົມນໍ້າມັນເຊື້ອໄຟກົມໃຫຍ່ພະລາທິການກອງທັບ ກັບ ບໍລິສັດລັດວິສາຫະກິດນໍ້າມັນເຊື້ອໄຟວຽງຈັນໃນຄັ້ງນີ້ ໂດຍປະຕິບັດຕາມແຜນແບ່ງປັນງົບປະມານຈັດຊື້, ຈັດຈ້າງປະຈຳປີ 2023 ແລະ ລາຍລະອຽດຂອງສັນຍາທັງສອງຝ່າຍໄດ້ພ້ອມກັນສ້າງຂຶ້ນດ້ວຍຄວາມເປັນເອກະພາບກັນຊື້-ຂາຍນໍ້າມັນເຊື້ອໄຟຮ່ວມກັນ ພາຍໃຕ້ບັນດາຂໍ້ກໍານົດ ແລະ ເງື່ອນໄຂຕ່າງໆ, ບົນພື້ນຖານຕ່າງຝ່າຍຕ່າງມີຜົນ

ປະໂຫຍດ ເພື່ອເຮັດໃຫ້ການຈັດຕັ້ງປະຕິບັດ ແລະ ຮັບປະກັນໃຫ້ແກ່ການຈັດຊື້, ຈັດຈ້າງນໍ້າມັນເຊື້ອໄຟຂອງກອງທັບ ປີ 2023 ໃຫ້ສໍາເລັດຕາມແຜນການທີ່ວາງໄວ້.

ໂອກາດນີ້, ສະຫາຍ ພົນຈັດຕະວາ ຈັນດີ ສຸລິວົງສັກ ຮອງຫົວໜ້າກົມໃຫຍ່ພະລາທິການກອງທັບ, ຫົວໜ້າຄະນະຊີ້ນໍາລວມວຽກງານຈັດຊື້, ຈັດຈ້າງຂອງກົມໃຫຍ່ພະລາທິການ ໄດ້ເນັ້ນໃຫ້ທັງສອງຝ່າຍທີ່ເຊັນສັນຍາຮ່ວມກັນໃນຄັ້ງນີ້, ຈົ່ງເອົາໃຈໃສ່ເປັນເຈົ້າການຍົກສູງຄວາມຮັບຜິດຊອບຂອງຕົນເອງ ເຂົ້າໃນໜ້າທີ່ວຽກງານວິຊາສະເພາະນໍ້າມັນເຊື້ອໄຟຂອງກອງທັບ ກໍຄື ຂອດການຈັດຕັ້ງປະຕິບັດໃນການ

ນໍາເຂົ້ານໍ້າມັນເຊື້ອໄຟແຕ່ລະຊະນິດທຸກຄັ້ງ, ຄະນະພັກ-ຄະນະບັນຊາທຸກຂັ້ນ ຫລື ວິຊາການຜູ້ຮັບຜິດຊອບວຽກງານນໍ້າມັນເຊື້ອໄຟ ຕ້ອງໄດ້ເອົາໃຈໃສ່ຕິດຕາມ, ກວດ ກາຢ່າງເຂັ້ມງວດ ໂດຍສະເພາະການຮັບ ແລະ ເບີກຈ່າຍນໍ້າມັນຕ້ອງໄດ້ມີການປະສານສົບກັບຂັ້ນເທິງ ເພື່ອສະຫລຸບບັນຊີລາຍງານຢ່າງເປັນປົກກະຕິ, ເປັນເຈົ້າການຕ້ານປະກົດການຫຍໍ້ທໍ້ຕ່າງໆທີ່ຈະເກີດຕົວຈິງຂອງກົມກອງ, ປະສານ

ສົມທົບກັນແໜ້ນກັບພາກສ່ວນທີ່ກ່ຽວຂ້ອງ ເພື່ອພ້ອມກັນຈັດຕັ້ງປະຕິບັດຕາມລະບຽບກົດໝາຍ, ຕາມສັນຍາທີ່ລະບຸໄວ້ແຕ່ລະມາດຕາຢ່າງເຂັ້ມງວດ, ຖືກຕ້ອງ ແລະ ທັນເວລາ ເຮັດໃຫ້ງົບປະມານຈັດຊື້ນໍ້າມັນເຊື້ອໄຟກອງທັບປະຈໍາປີ 2023 ໃນຄັ້ງນີ້, ໃຫ້ຄົບຖ້ວນດ້ານຈໍານວນ, ມີຄຸນນະພາບຕາມມາດຖານຂອງ ສປປ ລາວ.

ຂ່າວ: ສຸກສະຫວັດ
ຂໍ້ມູນ: ຄໍາປະສົງ ລາດຊະວົງ.

ສະແດງຄຳຄິດເຫັນ

ຂ່າວມາໃໝ່ 
1
ຍັງຄົ້ນພົບພຣະພຸດທະຮູບ ຫຼາຍຮູບ ຢູ່ແຂວງບໍ່ແກ້ວ
2
ຈີນ​ພັດ​ທະ​ນາ​​ແຫຼ່ງ​ພະ​ລັງ​ງານ​ສະ​ອາດ ແລະ ພະ​ລັງ​ງານ​ທົດ​ແທນ​ໃນ​ລາວ ພ້ອມ​ທັງສົ່ງ​ໄປຕ່າງ​ປະ​ເທດ​ຢ່າງ​​ຫຼາກຫຼາຍ​​ 
2
ມຊ ຄອງເຈົ້າຫຼຽນຄຳ ກິລາກະຕໍ້ ງານມະຫະກຳກິລາມະຫາວິທະຍາໄລລາວ ເກມ ຄັ້ງທີ 2
2
ກົມທີ່ດິນ ບໍ່ອະນຸຍາດອອກໃບຕາດິນໃໝ່ໃຫ້ຜູ້ຊື້ສິດນຳໃຊ້ທີ່ດິນຈາກການຈັດສັນທີ່ດິນແບ່ງຂາຍເປັນຕອນ
2
ກະຊວງ ອຸດສາຫະກຳ ແລະ ການຄ້າ ແຈ້ງປັບຂຶ້ນລາຄານ້ຳມັນເຊື້ອໄຟທຸກປະເພດ ເລີ່ມປະຕິບັດ 06:00 ໂມງຂອງມື້ນີ້
2
ປີນີ້ແຂວງວຽງຈັນຈະແກ້ໄຂຄອບຄົວທຸກຍາກ ໃຫ້ໄດ້ 1.600 ຄອບຄົວ
2
ນາຍົກລັດຖະມົນຕີ ແຫ່ງ ສປປ ລາວ ເຂົ້າຮ່ວມ ກອງປະຊຸມ ເວທີປຶກສາຫາລືອະນາຄົດ ອາຊຽນ
2
ປະທານປະເທດ ແຫ່ງ ສປປ ລາວ ພົບປະກັບ ປະທານສະພາແຫ່ງຊາດ ແຫ່ງ ຣາຊະອານາຈັກກຳປູເຈຍ
2
ໄທ ກວດພົບຜູ້ຕິດເຊື້ອພະຍາດໂຄວິດ-19ເພີ່ມຂຶ້ນຢ່າງຫລວງຫລາຍຫລັງບຸນສົງການ
2
ສະຫລົດ! ມີຜູ້ເສຍຊີວິດ 33 ຄົນຈາກອຸບັດເຫດ ໃນໄລຍະບຸນປີໃໝ່ລາວ
ຢ່າລື່ມກົດຕິດຕາມ