ໃນວັນທີ 3 ພຶດສະພາ 2023 ຜ່ານມາ, ເຈົ້າໜ້າທີ່ພະແນກສືບສວນ-ສອບສວນ ແລະ ປາບປາມການລັກລອບໜີພາສີ (ພສປ) ປະຈໍາການຢູ່ຈຸດປະສານງານນາເລົ່າ ແຂວງບໍລິຄໍາໄຊ, ໄດ້ຮັບແຫຼ່ງຂ່າວຈາກພົນລະເມືອງດີວ່າມີການຂົນລົດຈັກ ຈຳນວນ 02 ຄັນ ໃສ່ລົດເມໂດຍສານ (ພາຍໃນ) ປາຍທາງແມ່ນນະຄອນຫຼວງວຽງຈັນ.

ໂດຍຜ່ານການຕິດຕາມກວດກາສາມາດຢຶດລົດຈັກຍີຫຍໍ້ HONDA GPX ຈໍານວນ 02 ຄັນ, ຜ່ານການ ສືບສວນ-ສອບສວນເບື້ອງຕົ້ນລົດດັ່ງກ່າວແມ່ນບໍ່ມີເອກະສານຖືກຕ້ອງ. ດັ່ງນັ້ນ, ຈຶ່ງໄດ້ມອບລົດທັງ 2 ຄັນໃຫ້ພາສີປະຈໍາແຂວງ ບໍລິຄຳໄຊ, ດຳເນີນການຂັ້ນຕອນຂອງກົດໝາຍ ແລະ ລະບຽບການຕໍ່ໄປ.

ທີ່ມາ: ກະຊວງການເງິນ

ສະແດງຄຳຄິດເຫັນ